教育王國
標題: 迷途學琴路 [打印本頁]
作者: 可樂~ 時間: 12-8-20 23:46 標題: 迷途學琴路
小兒7歲,學了琴約3年,平時肯學懶練,不會自發練琴,因此每次上堂也彈得不好,想被老師責備。問他有冇興趣就話有,話鍾意學,我跟他說若冇興趣學就不要浪費大家時間,但他仍舊說要學,他說他冇心機練的原因是雙手很攰。因他懶練琴,故進度很慢,現在仍維持在大約一級程度。年初時參加校際音樂節,勤力過少許時間,拿了85分回來,算是不錯,但我真係唔知點培養到他真正興趣,並且自發練琴哩?。大家請指教。

作者: marcuscyrus 時間: 12-8-20 23:55
可樂~ 發表於 12-8-20 23:46 
小兒7歲,學了琴約3年,平時肯學懶練,不會自發練琴,因此每次上堂也彈得不好,想被老師責備。問他有冇興趣 ...
並非每個孩子都能夠做到自發練琴,開初伴練是難避免的,可以多請教老師有甚麼有趣的練習方法,也可以用些小獎勵,我兒剛學時,我樣他每練習一次便畫一個哈哈笑面,他覺得很有趣。雙手很攰,如果他不是推三推四,也有可能是姿勢問題,膊頭太緊之類,有時又可能是精神狀態不好,例如說放學後又要學幾樣野,到最後才練琴,那一定累了。
作者: 可樂~ 時間: 12-8-21 00:03 標題: 回覆:迷途學琴路
另小兒很怪,連老師也這樣說。他喜愛追求各樣知識上的學習,樂於做練習,他對學樂理及做樂理練習熱誠很多,老師說他學樂理的級數跑得快過學琴很多,三級樂理一級琴技。真是頭痛!

作者: 可樂~ 時間: 12-8-21 00:11 標題: 引用:Quote:可樂~+發表於+12-8-20+23:46+小兒7歲
原帖由 marcuscyrus 於 12-08-20 發表
並非每個孩子都能夠做到自發練琴,開初伴練是難避免的,可以多請教老師有甚麼有趣的練習方法,也可以用些小 ...
老師偏向多教年紀大些的小孩,通常10歲以上,及大人。難免沒有幼師那麼有針對教導幼兒之方法,小兒常遭責備,相信總有點影響。

作者: marcuscyrus 時間: 12-8-21 00:24
可樂~ 發表於 12-8-21 00:03 
另小兒很怪,連老師也這樣說。他喜愛追求各樣知識上的學習,樂於做練習,他對學樂理及做樂理練習熱誠很多, ...
哈,好過8級琴技,0級樂理,樂理知識好,對樂曲理解也有幫助
作者: lillymarie 時間: 12-8-21 07:54
可樂~ 發表於 12-8-20 23:46 
小兒7歲,學了琴約3年,平時肯學懶練,不會自發練琴,因此每次上堂也彈得不好,想被老師責備。問他有冇興趣 ...
十個小朋友,九個都唔會自發練琴的。既然他有興趣學琴,何不定個時間,每天練琴15分鐘?彈琴點會唔攰,雙臂在做運動呀!但15分鐘相信不難吧?耐力是要鍛鍊回來的。
作者: ming2 時間: 12-8-21 12:12
提示: 作者被禁止或刪除 內容自動屏蔽
作者: bebebe12345 時間: 12-8-21 14:30
本帖最後由 bebebe12345 於 12-8-21 14:33 編輯
如何推孩子一把,令練琴成為習慣是對家長的一項少少挑戰!
更大的挑戰是如何令孩子有滿足感!事半功倍。
作者: FrancesGraceCon 時間: 12-8-21 15:03 標題: 回覆:可樂~ 的帖子
我諗同老師夾唔夾好緊要,我個仔仔自從轉了新老師後,每日7:45am返學前都自己先去練琴15分鐘,又去錄練琴實况(每天30min)俾老師聽。佢今年7歲,我好感動,完全自動波。佢老師其他學生都係咁聽話,可能老師同學生好夾,有方法教有關啦。

作者: 拾仔 時間: 12-8-21 15:12
我個個學左5個月...日日捉佢練有約15分鐘總算OK......又係佢話要學我先比佢學....不過我發覺佢地係鍾意學.....一彈錯又唔開心....晚晚我都好忙
作者: mama667 時間: 12-8-21 16:01
回復 可樂~ 的帖子
每晚指定時間要佢練習, 15分鐘也好! 熟能生巧呀! 唔練又點會彈得好呀!
我個仔6歲幾, 每晚佢沖完涼, 都會樂意練琴, 有時彈下又鼓勵下!
又或者係咪有其他喜歡既嗜好?
作者: 可樂~ 時間: 12-8-21 20:04 標題: 引用:Quote:可樂~+發表於+12-8-20+23:46+小兒7歲
原帖由 ming2 於 12-08-21 發表
有時,要等小朋友開"hill"...試過有學生頭三年都係停番係初級至一級階段...我用盡坊間唔少初級書,佢練佢睇譜 ...
係,你既分享好好,謝謝!小兒就是有挫敗感,上堂就頭 dup dup,這個老師要求的確高,原先諗住嚴師出高徒,點知有反效果。其實他跟此老師學習只有約一年,因升小一後地點不便改了在家附近學,頭兩年是在音樂中心學的,老師大多是幼師出身較有耐性及辦法,那時雖不至於熱衷練琴,但也不至於這年的樣子。

作者: 可樂~ 時間: 12-8-21 20:13 標題: 引用:回復+可樂~+的帖子
每晚指定時間要佢練習,
原帖由 mama667 於 12-08-21 發表
回復 可樂~ 的帖子
每晚指定時間要佢練習, 15分鐘也好! 熟能生巧呀! 唔練又點會彈得好呀! 我個仔6歲幾, 每 ...
我有要求他每晩練約半小時,但他表現得好慘咁,我告訴他若不認真練不如唔好學,但他又要學,我唯有迫他練,結果影響了每次的半小時關係,不用心練當然彈不好。

作者: lillymarie 時間: 12-8-21 20:55
練琴的問題都幾複雜。我大囝學琴頭兩年,我都日日和他為了練琴的事鬧得很不愉快。問清楚是因為他覺得好困難,所以怕咗練琴。我地當時做咗兩樣事,第一,和他約法三章,每日練完琴就給一個印,一星期有六個印就可以繼續學琴,不然就退學。第二,替他轉了另一位老師。這位老師對大囝的要求比之前的老師高,但很有耐性。大囝上課時做不對,老師會捉住他的手,教他彈。從不罵他,但亦絕不降低要求。可能上課時老師已教過他怎樣彈,所以練琴時困難亦少很多。
既然你囝囝已有定時練琴,或許要考慮找位適合他的老師。
作者: filicity 時間: 12-8-21 21:06
回復 可樂~ 的帖子
其實有邊個小朋友鐘意練琴呀?唔好逼佢,好似我個女咁,學咗四年幾,係直至呢幾個月要考咗五級琴.,先至每日練半個鐘.之前都係十五分鐘,老師好好人,因為佢由加拿大回流香港,佢以前係香港D老師都係咁逼佢,佢差D就唔彈琴,跟住移民去咗加拿大遇到個鬼婆,先至明白到彈琴既樂趣,所以佢就用咗呢個老師既方法去教我個女.就係唔逼,唔話......好鼓勵.所以我阿女好鐘意彈琴,不過就真係唔可以同其他練好多既小朋友相比.
作者: ming2 時間: 12-8-21 21:18
提示: 作者被禁止或刪除 內容自動屏蔽
作者: tinyuichan 時間: 12-8-22 00:18
回復 可樂~ 的帖子
抱歉在先! 言語間若有得罪, 只是直話直說!
家長問吓自己吖! 可以隨心所欲咁彈自己鍾意嘅音樂, 簡直係美夢! 所以您問仔女鍾唔鍾意彈琴, 呢個世界點會有人唔鍾意呢!?
但係練琴同彈琴就梗係兩回事啦!
呢個世界邊有"正常人"會真心鍾意練琴嫁?
任何一個彈琴嘅人, 都一定有"幻想"過: 唔駛練又可以彈得GOOD就好極囉!! 李雲迪都會啦!
您估莫札特細個又鍾唔鍾意練琴吖嗱? 冇佢老豆打到佢飛起佢會練琴!?!?
現今世代仲要年年考琴, 咁即係一年練死3隻歌同幾十個SCALE!
您話有人鍾意練歌我都可以勉強接受, SCALE喎! 您唔好話練嗰個嘞, 本人作為聽嗰個都想死啦!
所以首先, 鍾意彈琴而唔鍾意練琴, 係正常不過的!
至於方法, 以上各熟朋友已講咗好多, 各適其適!
作者: tinyuichan 時間: 12-8-22 00:26
回復 可樂~ 的帖子
AND 有關樂理,
一D都唔怪!
樂理, 明一次就可明一世
琴技, 為一次就要練一世
作者: FrancesGraceCon 時間: 12-8-22 08:27 標題: 回覆:迷途學琴路
有關考試歌和Scales,我見我個仔真係好enjoy去練,佢老師每首歌都同佢講故事,啓發佢啲想像力咁,令佢明白奌解練琴。佢仲覚得彈Scales好有趣,佢老師教佢彈得好有音樂感。我估老師有方法,佢係演藝同皇家音樂學院畢業嗰啲。

作者: 可樂~ 時間: 12-8-22 08:50 標題: 引用:回復+可樂~+的帖子
抱歉在先!+言語間若有
原帖由 tinyuichan 於 12-08-22 發表
回復 可樂~ 的帖子
抱歉在先! 言語間若有得罪, 只是直話直說!
唔好客氣,大家分享下。我當然明啦,練琴真係冇咩邊個小朋友喜歡,重覆又重覆咁,但只學不練又會令到家長紮紥跳!

作者: FennieMan 時間: 12-8-22 09:32 標題: 回覆:迷途學琴路
我個女咪又係甘
練得少,老師話佢懶,練多啲,彈好啲,老師又話一般。撹到個女跌曬watt.其實我唔需要小女急於考試,但個老師一啲鼓勵都冇,攪到小女越彈越差,我諗要換老師

作者: FennieMan 時間: 12-8-22 09:32 標題: 回覆:迷途學琴路
我個女咪又係甘
練得少,老師話佢懶,練多啲,彈好啲,老師又話一般。撹到個女跌曬watt.其實我唔需要小女急於考試,但個老師一啲鼓勵都冇,攪到小女越彈越差,我諗要換老師

作者: 可樂~ 時間: 12-8-22 09:40 標題: 引用:有關考試歌和Scales,我見我個仔真係好enjo
原帖由 FrancesGraceCon 於 12-08-22 發表
有關考試歌和Scales,我見我個仔真係好enjoy去練,佢老師每首歌都同佢講故事,啓發佢啲想像力咁,令佢明白 ...
我仔都很喜歡彈scales,舊老師知他喜歡就教他很多。

作者: FrancesGraceCon 時間: 12-8-22 09:45 標題: 回覆:可樂~ 的帖子
咁就好啦,Scales好,手指技巧就會好,第日彈歌就易上手。good luck to you and your son, 有希望㗎,慢慢嚟啦。大家努力

作者: 四隻貓 時間: 12-8-22 10:27
我女學了快一年了, 初期佢係唔喜歡練琴的, 但我每晚都會定時陪佢練, 現在練琴已經成了習慣, 就像刷牙洗面一樣.
在面對一些新技巧或者難一點的樂曲, 孩子會有挫折感. 家長唯有儘力鼓勵孩子挑戰困難. 每次勝過了困難, 孩子便會很有成功感, 嘗試到辛勞練習後的甜頭, 孩子之後便更有興趣和信心去彈, 也更有恆心去練習.
其實不止練琴, 無論在學術上, 運動上, 更至做人處事, 都是要先養成好習慣, 遇上挫折, 經過鼓勵, 再讓孩子嘗試到辛勞之後的甜頭, 慢慢孩子便會明白練習的好處.
作者: bebebe12345 時間: 12-8-22 10:45
先成習慣.....再到追求
順理成章。
家長的倍伴.....似乎不可缺。
作者: mama667 時間: 12-8-22 14:42
回復 可樂~ 的帖子
不如你試下唔好用 "強迫" 既態度, 彈琴係嗜好, 應該開開心心的
你不妨想下, 上堂又比老師鬧, 平時又比你迫練琴
試問學琴對於佢黎講一定係 “苦事” 不如改變一下你既態度, 唔好鬧, 多d讚佢, 即使佢彈得唔夠好!
唔好set死佢要練30mins,
初頭10-15mins都好啦
作者: 可樂~ 時間: 12-8-22 21:43 標題: 回覆:迷途學琴路
多謝大家既意見,收到晒!
大家不妨再交流交流!

作者: lillymarie 時間: 12-8-23 10:35
家長隨了替小朋友建立練琴的習慣之外, 還可以考慮陪小朋友一起上課,和小朋友一起聽聽老師的要求,就算大學生上課,最多都只能明白和記到8成,所以家長可以回家幫手提下小朋友。有時,小朋友遇到困難,亦可以和他一起想辦法去克服。
例如我大囝有一首歌學咗幾個星期,老師都覺得唔滿意。老師同我講佢唔明點解大囝做唔到。我返屋企問大囝,究竟老師話佢邊度彈得唔好? 原來係某一處拍子唔啱。那處有兩粒32分音符大囝掌握得唔準確, 其實老師一早已教佢要好慢好慢,用拍子機32分音符打一下咁練。但小朋友心急係唔鍾意呢D練琴方法的。我“鼓勵”佢一定要慢練,唔准快。跟住就過關了。
作者: jjhung 時間: 12-8-28 15:56
阿仔學琴都搞到我好苦惱
一個月後便要考試, 上課時老師仍是不著急的態度, 阿仔彈了第一,二首歌之後,她就說要多聽別人的彈奏, 隨即播放CD給阿仔聽, 但聽了一陣她便跟其他家長閒談起來,
請問阿仔仍可清楚聽到那些音樂嗎? 

要考四首歌, 還有兩首未聽, 就是這樣白白浪費了15分鐘, 便要下課. 阿仔彈不對了, 老師只會彈奏一次那首歌給他聽, 但却沒有讓他重複練習更正錯處機會. 回家便忘記啦!
還怎能掌握到感情.
她那樣教學的態度還值得跟她學習嗎? 有家長臨近考試付上過萬元補了15課, 值得嗎? 這是有錢人的玩意嗎? 孩子真的學會了音樂嗎?
作者: bebebe12345 時間: 12-8-28 17:21
似乎好大的不滿情緒!
先攪好囝囝考試,其他以後再說。
囝囝考那一個試,甚麼級數。
值得與否,因人而異。
未必是有錢人的玩意、但亦是一筆開銷。
作者: woodst 時間: 12-8-28 17:53
提示: 作者被禁止或刪除 內容自動屏蔽
作者: jjhung 時間: 12-8-28 21:56
抱歉呀,我只是一時間有點迷惘.
迷惘的是.....這樣還值得我去為她付上我們的時間,金錢和期望. 我該怎麼辦才是好?上課時,若她再播音樂給小兒聽,而她却跟别人傾談或是說别人的無聊事。如是這樣,我該怎樣做? 離考試不遠了,要放棄不考,還是值得繼續加堂給一個.......
作為一個家長 。無奈 . 真的迷途了
要更正的是,原來要考三首,其中一首有三個樂章.
作者: woodst 時間: 12-8-28 23:17
提示: 作者被禁止或刪除 內容自動屏蔽
作者: bebebe12345 時間: 12-8-29 10:47
jjhung 發表於 12-8-28 21:56 
抱歉呀,我只是一時間有點迷惘.
迷惘的是.....這樣還值得我去為她付上我們的時間,金錢和期望. 我該怎麼 ...
相信你己有基本的決定,才會出文。
你付出的是為了自己的孩子而已!上課等過程已不再重要,何必這麼辛苦又覺不值。
為孩子找一個新天地也不是太難的事,週圍學琴的朋友不少吧、找找資料。
考試、不考試已並不重要!
相信孩子考的不是太低級、還是一問甚麼級別。
作者: jjhung 時間: 12-8-29 13:43 標題: 回覆:bebebe12345 的帖子
Dear bebebe12345,
謝謝您的關注,您也是老師嗎? 希望您可多給意見,謝謝.
小兒將會考ATCL,還有一名女兒會考8級.

作者: miss321 時間: 12-8-29 15:50 標題: 回覆:jjhung 的帖子
其實去到AT level, 一堂只夠時間仔細執一首,我的學生都是輪住彈俾我听,需听cd,我會建議听那個,然後叫佢返去听住唱,下堂問下,就知有無做功課。
有些老前輩有名老師的確上課會做私人事,又上唔足60分鐘,唔會跟考試,但教得好,network 好,識人,有演出機會。好果你的老師唔係名師,又學唔到技巧, 實在無留低的必要。

作者: bebebe12345 時間: 12-8-29 16:25
jjhung 發表於 12-8-29 13:43 
Dear bebebe12345,
謝謝您的關注,您也是老師嗎? 希望您可多給意見,謝謝.
哈哈!我不是老 師.....標準家長一個而己。
考ATCL....不要緊,重新計劃!不要太失落、壞事未必是壞事、可能會變好事也說不定
相信孩子一定肯練琴,聽CD.....那用上課聽,已學了這麼多年、難怪上火,跟過其他老 師或看過其他老 師上課嗎?孩子背譜?整套曲目可以完整彈出嗎?
作者: henryho4h 時間: 13-5-30 23:51
提示: 作者被禁止或刪除 內容自動屏蔽
作者: henryho4h 時間: 13-5-30 23:53
提示: 作者被禁止或刪除 內容自動屏蔽
作者: yy0601 時間: 13-5-31 21:54 標題: 回覆:迷途學琴路
樓主不如換老師啦!我個女之前都有類似問題,雖然而家都唔係成日主動練琴,但至少彈得唔好唔會發晒脾氣。以前個老師較嚴,一做唔好就只叫佢努力,但阿女愈彈愈冇心機,愈來愈唔聽老師話,上堂也會發脾氣,又不喜歡練琴。
早幾個月因為搬屋,順便換咗老師。佢好鈡意呢個老師,因為佢教佢睇譜嘅新方法容易掌握,而且又常常鼓勵佢讚佢,上堂氣氛比較輕鬆。所以我認為搵啱老師真係好緊要!
歡迎光臨 教育王國 (/) |
Powered by Discuz! X1.5 |