教育王國
標題: 20/8通知派到S位..但(我放棄了) [打印本頁]
作者: methy 時間: 12-8-20 17:10 標題: 20/8通知派到S位..但(我放棄了)
本帖最後由 methy 於 12-9-4 16:57 編輯
1516呀，因為諗住無S位，已經安排9月返普通幼兒園+E位。幼兒園又話阿仔暫託ok,認知無問題，係未行得穩，但又越來越進步，佢地照顧到，不過佢小肌都係差d,講野都慢但有句子，表達到自己基本需要。
so 1516中，唔想做錯決定，始終由1／2011開始排呢個S位。
作者: HopeLJ 時間: 12-8-20 19:01 標題: 回覆：到我喇！今日通知派到S位..但
咁⋯你想s位幫到囝囝邊方面？幼兒+E位做唔做到你想的？
作者: HopeLJ 時間: 12-8-20 19:16 標題: 回覆：到我喇！今日通知派到S位..但
應該有得參觀，睇咗先，同個間 s位老師和社工傾下阿仔情況，有什麼訓練比佢，再決定。 同好似有咗s 位就要放棄e 位，你現在 e位多唔多堂？導師好嗎？
作者: methy 時間: 12-8-21 13:03
回復 HopeLJ 的帖子
其實上午幼兒園＋下午E位都做到既，，只係社工叫我唔好ｓｉｄｅ個S位．因為放棄容易．要排返就難。
新派既ｓ位．主任話就算我同阿仔既參觀（其實我自己參觀過）．佢地望一望都好難比到ｄ咩意見，阿仔適合定唔適合。
作者: prettydora 時間: 12-8-21 17:50
提示: 作者被禁止或刪除 內容自動屏蔽
作者: HopeLJ 時間: 12-8-22 09:34 標題: 回覆：到我喇！今日通知派到S位..但
咁你囝囝已有一定理解力同言語表達，只差體能的話，是不是學同普通小朋友一樣程度的嘢，加e位個別訓練多d家居練習，好似效果好d? S位的個別未必有e位咁多，e位放咗一樣難求嫁。但如各方面都未追上，咁s位又適合d。最緊要幫你仔進步，唔好諗徙唔徙。十五十六唔肯定，試咗s位先，唔得未去返之前包容你的幼兒園，最多自己出錢私家訓練。
作者: methy 時間: 12-8-23 14:03
本帖最後由 methy 於 12-8-23 14:04 編輯
參觀左,決定放棄個S位。
所派既S位,個案嚴重好多,幾條吊奶,好幾個未識企.好幾個未識吞嚥.人手雖然跟足.但因為個案要既照顧真係好多,我留意到叻既一班好似無咩人照顧，唔知係能力定咩,開小組.個個排排坐,無反應無互動,老師照顧唔到咁。
平時阿仔上pg &返普通幼兒園係跟到同齡(除左大肌).我都幾concern 佢地既認知&社交滿唔滿足到阿仔。我再同普通幼兒園老師傾,確認阿仔係跟到.佢地又有半個老師專責跟阿仔,係完全應付到。
其實真係有d錯配,阿仔暫託(第一志願) 既s位其實好適合佢,o個間s位既小朋友能力比較高，認知係叻到可以學主流課程，同阿仔有互動,阿仔返得好開心，又受物理治療師&職業治療師既訓練,可惜派唔到。
呢個s位都係留比更需要既,阿仔照原先安排.返普通幼兒園 +下午E位。多謝呢度媽媽既意見。
作者: overcomer 時間: 12-8-23 14:32
各位仲排緊位的媽媽，請未排到前就去參觀。如果其他中心不合，可只排一間，以免派位後就冇得改中心
作者: methy 時間: 12-8-23 14:40
回復 overcomer 的帖子
無錯...我地都好後悔...點解選兩間...不過個時參觀兩間都OK..當然我比得阿仔去其中一間暫託.就理所當然地想阿仔派O個一間,,不過又諗..只選一間....又有排等。
作者: apple~y 時間: 12-8-23 14:50
回復 methy 的帖子
想問0下吊奶係咩意思??
作者: methy 時間: 12-8-23 15:03
回復 apple~y 的帖子
有小朋友食唔到野(e.g.吞嚥困難 OR無吞嚥能力),要由鼻孔插條"喉"直落胃部(通常固定插住)
吊奶 =每日幾餐都要護士用奶壺連接條喉將營養奶送到入胃部。
作者: chloe_karina 時間: 12-8-23 15:03 標題: 回覆：到我喇！今日通知派到S位..但(我放棄了)
死啦！到我好驚！我個社工叫我選區，依家派果間都唔知乜情況
作者: methy 時間: 12-8-23 15:13
回復 chloe_karina 的帖子
真係要參觀...o個叫我排,都係是旦排最近既,..之後參觀完改排位,但都出現"錯配"。
不過有時好難講.,1年8個月前排.1歲既阿仔坐又未得,食野又差.一舊飯咁，如果而家都係咁.我會接受所派既 s位。
不過佢進步左..要求唔同左.同樣s位..我都同主任傾,佢都唔明點解佢o個一間收既cases 相對"要高度照顧"d既小朋友，
我終於明白點解佢既排位表郁得咁慢.其中一個原因係d cases真係幾嚴重...好小case可以出返主流。
作者: apple~y 時間: 12-8-23 15:19
本帖最後由 apple~y 於 12-8-23 15:23 編輯
多謝你解答呀
我仔仔都係番s位,分4個課室
其中有一個課室,主要係支身體唔靈活小朋友,
午飯時間老師,治療師都會幫手,入去餵飯
作者: methy 時間: 12-8-23 15:20
回復 apple~y 的帖子
係呀.餵食時間就係一比一人手例..如果間中心多呢d cases..老師/治療師相對地辛苦。
作者: apple~y 時間: 12-8-23 15:23
回復 chloe_karina 的帖子
又唔使0甘擔心s位,其實都係按小朋友能力分班
作者: apple~y 時間: 12-8-23 15:27
回復 methy 的帖子
我諗仔仔間s位唔算多,都係一個課室
作者: why-me 時間: 12-8-23 15:54
overcomer 發表於 12-8-23 14:32 
各位仲排緊位的媽媽，請未排到前就去參觀。如果其他中心不合，可只排一間，以免派位後就冇得改中心 ...
冇錯, 只選一間最心儀都唔好勉強選三間, 當初我社工就係有提醒我.
作者: why-me 時間: 12-8-23 15:57
methy 發表於 12-8-23 15:13
回復 chloe_karina 的帖子
真係要參觀...o個叫我排,都係是旦排最近既,..之後參觀完改排位,但都出現"錯配" ...
S位學校冇得選擇學生, 派到就一定要收, 所以每間都一定有個護士當值, 用以照顧有特殊須要小朋友, 好似吊奶/放尿...等等.
作者: chloe_karina 時間: 12-8-23 16:21 標題: 回覆：到我喇！20/8通知派到S位..但(我放棄了)
其實我都明白讀得s位既都係有特別需要既小朋友，有輕有重，希望學校資源分配可以好d,個衰仔係屋企教乜都ok,但做assessment 時唔多合作，呢樣真係令我擔心佢高不成低不就，大肌超差，但認知只要教佢多幾次就學識，bb話都多左，古惑野就唔教都識。唉！我都唔知佢乜level
作者: methy 時間: 12-8-23 16:25
回復 why-me 的帖子
係.間間s位既專業人仕 &人手比例都一樣，不過我呢區,兩間分別真係好大,好似一間集中收高度照顧cases 多d。而阿仔暫託既一間.呢d cases少一半都唔止..你以為返緊主流學校..氣氛天與地既分別。一間職員做到隻手帶哂野,無表情,但睇得出好鍚d仔..另一間個個笑住同d仔&父母傾計。
你個社工真係幾好..我個社工除左官腔機械式答野外,,佢唔似有接觸過s位既經驗,一d實際意見比到我。
作者: methy 時間: 12-8-23 16:33
本帖最後由 methy 於 12-8-23 16:34 編輯
回復 chloe_karina 的帖子
有無返普通playgroup & 主流暫託?
我阿仔返s位暫託,主流暫託 &普通 playgroup,一拍埋就知道佢既程度...半年前 s位暫託好arm 佢..普通playgroup 跟唔到咁.慢慢睇住佢進步..s位暫託話佢已經叻過同組..普通playgroup越來越enjoy.再試主流幼兒園暫託又得喎..認知講野與同齡差不多，不過當然未係完全=其他小朋友.但至少佢開心,情緒穩定,老師照顧到，派唔到想入既s位，都仲可以有e位幫下。
作者: overcomer 時間: 12-8-23 17:56
咁佢專注力如何？會唔會好易遊魂？在大班容易遊魂，要老師俾佢坐前些，提佢專心，否則學唔到嘢。
作者: methy 時間: 12-8-23 18:30
回復 overcomer 的帖子
專注無問題呀,大班一齊都跟人玩.留心老師講野,比反應,聽指令，不過係腳仔差.安排坐老師隔離,等老師扶起身.轉班易d。
主任一句: 唔想你阿仔只係坐.雖然都可以接收老師教既野.不過都想佢郁多d.會安排多半個老師入班,磅住阿仔，so 先敢比佢讀主流
作者: chloe_karina 時間: 12-8-23 19:07 標題: 回覆：methy 的帖子
最影響佢既係未能企及行normal school 唔會收佢
作者: methy 時間: 12-8-23 19:46 標題: 回覆：chloe_karina 的帖子
呢個最重要，剛好我阿仔趕到開學前企到&放手行到幾步,如果唔係咩都唔使講。
作者: Capricorn2521 時間: 12-8-24 10:18
有時好難講.......
我仔在S位讀了2年，第一年D校友叻D，有3組上幼稚園課程，肢體問題的只有2個。
第2年有2組上幼稚園課程，肢體問題的卻有7個......成1組。
作者: kelvin_hmlau 時間: 12-8-24 10:38
既然學校肯幫手解決問題，放心讀啦，祝開學順利。
作者: apple~y 時間: 12-8-24 10:42
回復 Capricorn2521 的帖子
你都幾清楚仔仔間s位,小朋友分班情況
我間s位主要有4個大課室,課室內約有3組小朋友
課室1係最叻,自理無問題跟幼稚園課程
課室2全部都係自閉症小朋友能力比較差,有0的未有語言,情緒比較大,用結構化教學
課室3小朋友程度就係之前2間課室之間,小朋友之間有互動,都係跟幼稚園課程
課室4就係支體唔靈活須要多些協助小朋友
作者: apple~y 時間: 12-8-24 11:13
回復 Capricorn2521 的帖子
其實我初初都唔多清楚
有時問0下中心社工,老師點將小朋友分組
聽中心社工講今年好多I位轉過來讀,
作者: chaimum 時間: 12-8-24 11:24
請問可以點樣參觀s位學校?
我剛選了近家的s位，聽完你地講都想參觀下先。
謝謝!
作者: methy 時間: 12-8-24 11:29 標題: 回覆：chaimum 的帖子
打電話去間S位話想參觀。
作者: chaimum 時間: 12-8-24 11:35
methy 發表於 12-8-24 11:29
打電話去間S位話想參觀。
Thanks, methy.
我會打去問下
作者: BKVIP 時間: 12-8-24 11:49
選S位前一定要參觀左先，唔係到派到時先發覺唔岩就無左個chance，之後再要返就要從新排。仲有唔好大包圍，真係心儀先好選呀。
我之所以排左2年先派到S，就係因為只選了一間S我覺得適合我仔。學校環境、人手比例、職員是否有愛心、分班情況及學習內容一定要問清楚。
作者: chaimum 時間: 12-8-24 13:51
Thanks, methy & BKVIP.
我明啦
作者: HopeLJ 時間: 12-8-25 02:33 標題: 回覆：到我喇！20/8通知派到S位..但(我放棄了)
Methy happy you make up your mind. Your baby will prosper. Add oil!
作者: 波蘿包1 時間: 12-8-28 23:54
回復 methy 的帖子
hi 你e位 一星期上幾多堂 ?? 9月阿仔都去e位做評估再安排訓練都有報左n班 但未有位 如有家長退學先有得讀 反而有s位我都好大機會放棄
因我覺得s位人手真係好欠缺 同埋阿仔都未去到咁嚴重 留反俾更需要小朋友好d,
e位可以教家長做家居訓練 當上堂
作者: methy 時間: 12-8-29 19:04 標題: 回覆：波蘿包1 的帖子
下個月入學，今個月已經做左D評估，
-每星期一節幼兒導師堂
-每兩星期一節物理治療堂
-職業治療&言語治療就要下個月先做評估。
作者: HopeLJ 時間: 12-8-29 21:15 標題: 回覆：到我喇！20/8通知派到S位..但(我放棄了)
我friend e 位一星期有4堂 wor. 要爭取多d呀！
作者: methy 時間: 12-8-29 23:24 標題: 回覆：HopeLJ 的帖子
阿仔需要物理治療多d,但治療師一星期只有3日係中心，一個月有兩節已經係最多，但暫時未知職業治療，言語治療，有哂就一星期3、4節，返足3-4日，我唔希望咁多。
9月開始、上午返幼兒園，下午E位，走兩達地方，希望頂得住
作者: HopeLJ 時間: 12-8-29 23:48 標題: 回覆：到我喇！20/8通知派到S位..但(我放棄了)
得嘅，開始會辛苦d，適應咗會覺得好充實。對仔仔同自己有信心！
作者: BKVIP 時間: 12-8-30 13:21
methy 發表於 12-8-29 23:24
阿仔需要物理治療多d,但治療師一星期只有3日係中心，一個月有兩節已經係最多，但暫時未知職業治療，言語治 ...
加油！ 小朋友同你都會辛苦，走過後就會見到陽光。
作者: chaimum 時間: 12-8-30 14:04
請問上下午都有堂上，小朋友唔需要午睡嗎?
作者: methy 時間: 12-8-30 14:10 標題: 回覆：chaimum 的帖子
E位好好就阿仔上午要返幼兒園，安排4pm治療堂，中間可以nap一陣。
作者: chaimum 時間: 12-8-30 14:55
回復 methy 的帖子
oic, thanks.
作者: pinkdoll 時間: 12-8-31 22:57
你哋係s位既治療時間大約有多少?
我個仔9月份出咗個時間表
st 一個月二次 (隔week) 半小時
pt 一個月一次 半小時
ot 一個月一次 半小時
好似好少咁既? 又冇提pst 我r晒頭?????
作者: methy 時間: 12-8-31 23:13 標題: 回覆：pinkdoll 的帖子
嘩！仲小過我阿仔E位服務
作者: pinkdoll 時間: 12-8-31 23:25
methy 發表於 12-8-31 23:13
嘩！仲小過我阿仔E位服務
陰公 都唔知點解會咁 我仔識跳及叉义腳上落樓梯(要拖住) 中心係咪就當ok?? 所以安排大肌個別治療一個月先得一次? 真r頭
作者: pinkdoll 時間: 12-9-1 13:24
本帖最後由 pinkdoll 於 12-9-1 13:26 編輯
Capricorn2521 我個仔上年PT 3個月先一次..... 發表於 3 小時前
Capricorn2521 PST 吾係個個月都一次咩? 係吾係你小朋友叻咗，所以少咗OT同PT ? 發表於 3 小時前
你個仔三個月先一次pt 係咪因為大肌已經發展得好好?
我個仔8月剛入學咋.........真係小得可憐
mouth:" />mouth:" />
作者: Capricorn2521 時間: 12-9-1 18:09
本帖最後由 Capricorn2521 於 12-9-1 18:14 編輯
回復 pinkdoll 的帖子
我剛剛睇返2年前剛入學的”個別”時間表，ST 2周一次 30 mins，OT 一個月一次30 mins，PST一個月一次 30 mins，小組冇寫，應該同你一樣。PT 第一年只係2個月先一次 30 mins。第2年PT走了，要外借，一年內只見了2次PT。我仔大肌主要係平衡力弱。
我仔吾係肢體有問題，所以我覺得PT吾係咁重要。上學年老師會同外借PT溝通，了解孩子歲數要做到什麼動作，目標係乜，老師就會在平日課堂做，或個別時做，又會同我講返，我係屋企又做。今年5月第2次見外借PT時，佢話我仔D動作/體能比上年11月第一次見我時好咗好多，我相信除了以上原因外，我上學年比我個仔在外面參加了幼兒體能班(當興趣班上)有幫助。
所以，我覺得如果你仔吾係肢體有問題，大肌訓練係可以問完PT自己返屋企做。老師在中心一帶6個小朋友又會同佢地做好多體能活動。一個月一次個別好夠，成日上堂都比吾到咁多新功課。
作者: pinkdoll 時間: 12-9-1 23:56
本帖最後由 pinkdoll 於 12-9-2 00:09 編輯
Capricorn2521 發表於 12-9-1 18:09
回復 pinkdoll 的帖子
我剛剛睇返2年前剛入學的”個別”時間表，ST 2周一次 30 mins，OT 一個月一次30 min ...
我只是好奇, 其實你個仔二年前得咁少治療, 即可能你仔仔很多方面的發展都不錯, 為何你不讓仔仔入i位? 反正和i位service差不多 而且i位pst訓練重多啲
坦白說, 我真係覺得安排給我仔仔的治療太少 只不過多i位service少少 比起e位sevice還要少 當然我還未完全瞭解到中心除了個別訓練外 平時會有什麼活動安排給小朋友
入s位前 我很努力地盡量操fit我仔啲自理, 大肌/小肌(我仔就嚟四歲 大肌小肌現在還未達到同齡發展 只有二歲九個月至三歲左右), 就是因為想小朋友入s位後 不用各方面從頭慢慢學起 希望加快訓練小朋友的速度 沒想到中心可能見小朋友自理及大肌小肌勉強算ok 就減少給小朋友的治療 或者等家長自費出外治療?! 那麼我入s位為了什麼? 我本是為了有intensive training才入的, 我之前係e院的pt 及 ot都多過現在, 真奇怪.
我其實有個大仔讀緊i位, sevice是很少, 但因為他只是發展慢了點, i位的ot及pt都只寫建議給我, 然後我在家每天努力點勤力點和大仔做各樣訓練, 他就可以進步了. 但我細仔不同嘛, 他各方面都未能達標(除了自理真是不錯外) 其他真的需要intensive training 才可以進步.
或者, 原來我一直誤會了政府s位的目的.
以上只是我有感而發, 我會打電話給中心, 瞭解清楚先, 再和他們相量一下.
作者: pinkdoll 時間: 12-9-2 00:28
本帖最後由 pinkdoll 於 12-9-2 00:29 編輯
ababymami 我當時亦不太清楚S位的訓練，以為很intensive.但實際三師的訓練很少，主要靠班主任的做嘢，所以班主任很重要，以及班上同學的能力亦是重要。 發表於 11 分鐘前
所以, s位這樣, 真是很r頭.........
作者: Capricorn2521 時間: 12-9-3 12:05
本帖最後由 Capricorn2521 於 12-9-6 15:28 編輯
回復 pinkdoll 的帖子
原來如此！唉.....真係一家吾知一家事。原來你一直都有E院PT & OT服務了！
我都吾知係好彩定係吾好彩，我個仔入S位前係完全冇其他政府服務，只有一次ST咁多，而果次仲要比個冇耐性嘅ST話我個仔吾聽話做吾倒訓練，彈我返去見醫生。我地又冇上過其他密集式訓練，所以我無從比較。只知道求人不如求己，我一直嘅想法就係要自學自教。
好好彩，入咗S位後，遇倒個好老師，佢好有heart，好有經驗，食得住我個仔，又教咗我好多野。所以，現在回想，我會睇阿仔的整體進展及從傾談中了解老師嘅功力，放幾多心機比我個仔，教我幾多野。OT/ST/PT 幾多訓練....同組個個同學都係差吾多。我想如果每個星期都比OT/ST/PT半小時，而個老師跟得吾好，係咪真係有用呢? 中心嘅3T要睇60個S位+60個E位，老師1對6，你話邊個對小朋友重要D呢?
你問我點解之前吾讀I位，其實果時2間N班老師都叫我排I位，話我個仔I位都得，但問PST/OT/e生就話S位適合D，加上我要返工，在百般掙扎及最後衡量下，選了S位，考慮原因如下：
1) CAC及精神科醫生話我個仔坐吾定，S位人手比例好D，I 位大部份時間同大班上堂，
冇乜分別。
2) CAC醫生話S位課室設計用視覺策略，樣樣野都好清楚貼在課室內，地下有線提示排隊。
我仔睇野叻過聽野好多。
3) 我仔讀私立半日N班，大部份時間只係安靜地玩玩具，吾肯跟大隊活動。
勉強要佢跟從，只會換來大發雷霆。
4) 後來轉到I位嘅普通位，佢吾肯食茶點同食飯，老師都冇辦法。(佢吾肯食野，我好心痛！)
(相反S位老師有辦法令佢開金口，仲第一個食完舉手要tim 飯)
N班時，乜都學吾到。但返咗S位後，老師打開咗佢嘅溝通之門，令佢嘅內在學習能力得以發揮。2個月內己學識咗日期，星期，月份，天氣，之後的學習情況更加有如開咗Turbo。
到了S位第2年，換了一個冇經驗嘅老師，我問佢上課情況，佢成日都話冇問題。我自已知自己個仔事，點會完全冇問題呢！講來講去果2句：好聰明，鐘意引人注意，喜歡挑戰成人底線。 果時先知自己上年好好彩。我相信無論I位，S位或一般幼稚園，老師真係好重要，只有隨緣，可遇不可求。
以上只係我個人經歷，希望你都能找到最合適嘅治療方法。
作者: pinkdoll 時間: 12-9-3 18:37
本帖最後由 pinkdoll 於 12-9-3 18:41 編輯
Capricorn2521 發表於 12-9-3 12:05
回復 pinkdoll 的帖子
原來如此！唉.....真係一家吾知一家事。原來你一直都有E院PT & OT服務了
身為家長, 向中心反映下心裏的疑問, 或者向中心提出一些建議, 對相方溝通某程度都有好處, 未必一定是壞事, ANYWAY, 多謝你回覆.
作者: apple~y 時間: 12-9-5 14:25
本帖最後由 apple~y 於 12-9-5 14:33 編輯
當然個別訓練係重要,但唔好太著重係個別訓練次數
組老師經驗同教導是十分重要,可以幫手處理仔仔唔同問題
個仔仔上堂情況,什麼問題組老師當然比治療師仲清楚
我覺得選擇s位,主要係睇小朋友跟唔跟到大班上堂
我0地0的仔主要有兩類,一係坐唔定,唔聽老師指領,打人有情緒問題
影響到其他小朋友上堂,呢類小朋友一定比學校叮走
另一類係比較靜態,可以坐定定,不過勁遊魂,
唔影響其他小朋友上堂,都可以留低老師安排坐埋一邊玩手玩眼0甘又hea一日
如果可以跟到大班上堂,學校又包容
0甘e位都係唔錯選擇
作者: prettydora 時間: 12-9-5 17:24
提示: 作者被禁止或刪除 內容自動屏蔽
作者: Chichatmima 時間: 12-9-5 19:15 標題: 回覆：20/8通知派到S位..但(我放棄了)
但係其實既然CAC都評估得話你吖仔要S位，仔仔嘅能力可能真係弱的。而且你吖仔唔係體弱仔，又點會排他地一齊上呢？
為左吖仔，你要從你仔仔嘅能力考慮，而唔係因為別人而放棄自己仔仔嘅需要！
作者: kingbbsam 時間: 12-9-5 22:03
本帖最後由 kingbbsam 於 12-9-5 22:03 編輯
謝謝你們的分享,資料都很有用
作者: overcomer 時間: 12-9-7 12:22
咁你要計埋S位有3T小組, 而E位的3T主要係個別, S位有個別3T又有小組3T。而PST通常每星期都有(S位), 不過冇寫落手冊, 時間不定, 遷就老師時間。而老師比例1:6 至 8, 照顧得好些, (主流1:15), 呢D都要計埋, 唔係只計3T個別時間。
作者: Capricorn2521 時間: 12-9-7 15:01
本帖最後由 Capricorn2521 於 12-9-7 18:06 編輯
回復 kingbbsam 的帖子
原來都有人有興趣知道。
順帶一提，中心會同D機構傾D音樂治療比S位學生及按個別需要安排感統治療。以我個仔為例，感統治療第一年上學期11-12月係每周一次，下學期一個月一次，第2年3個月一次。所以，人人吾同，冇標準。
入吾入S位真係睇吓小朋友嘅需要，同自已嘅資源，包括時間同金錢。間間S位運作都吾同，同一間又年年未必一樣，因為收嘅小朋友吾同類型，佢地個計劃都會變。
作者: BKVIP 時間: 12-9-17 11:27
多謝咁多位分享。
其實我當初都以為S位有INTENSIVE TRAINING ，想主力改善小兒小肌及專注力，所以百般掙扎後選擇入S。開學了，好不容易收到ST 的訓練時間表，只有每月2次(30分鐘)的個別，小組每月1次(30分鐘)，至於大肌，係無 
我仔成日跑跑下PK，落樓梯仲未可以一步一級，係咪佢地已經覺得佢OK所以唔安排？學校回覆係因為比我兒有此項服務需要的小朋友大有人在，因為中心有60個小朋友，咁講我已經無得反駁
最近小兒又學了一些古怪行為，例如行行下扮勁癴、成日無啦啦突登尖叫，搞到細佬又學埋一份，如廁仲有倒退現象，竟然在褲子上疴大便都唔出聲
係返學後最近先係咁，以前從未失手，末知是否有什麼壓力? 
而現在得知可以分配的訓練仲少過E位，我真係要自費再出去上感統，所以在S留一年係極限。
作者: pinkdoll 時間: 12-9-17 12:19
本帖最後由 pinkdoll 於 12-9-18 18:04 編輯
BKVIP 發表於 12-9-17 11:27
多謝咁多位分享。
其實我當初都以為S位有INTENSIVE TRAINING ，想主力改善小兒小肌及專注力，所以百般掙扎 ...
你就好啦 個仔可以讀一年就走, 我個仔睇怕都要讀二年, 希望唔駛讀三年啦.
我聽之前啲jm咁講, 我都不知幾驚, 我真係接受唔到安排咁少training囉, 真係豁達唔到囉, 我個仔真係好多嘢發展都好弱, 好需要training囉.
我個仔係整體發展屬於比較弱既一群, 我同中心瞭解過, 原來我仔啲pst個別每星期有一次, st ot pt個別都係隔week一次(30mins), st ot pt小組每個星期都有一次(30mins). 我就真係好著重中心究竟安排多少training俾仔仔的, 知道這個安排後安心好多, 而且這是合理的可接受的, 我又不只要求天天ot st pt都要有個別training.
古怪行為都學到不少, 多咗好多大叫同古怪叫, 因為我仔有模仿, 所以個心一早預咗會咁, 個心都ok, 慢慢教. 去廁所都有倒退, 好似突然唔太識表達, 但我無第二條路走, 所以一定要留係到, 見步行步啦. 但我見到s位既職員都很有心的, 其實他們都頗為辛苦.
p.s. 我係好努力係屋企同個仔做家居訓練及感統, 暫時同s位班主任亦配合得好好, 佢都讚我好勤力.
作者: apple~y 時間: 12-9-18 11:07
本帖最後由 apple~y 於 12-9-18 11:09 編輯
回復 pinkdoll 的帖子
有得選擇,都無人想自己小朋友入s位
我小朋友都番過幼稚園,當中老師對我講的說話真係好大打擊,喊足幾日幾夜,完全唔想見人
老師都講到0甘,係無第2條路走,無奈入s位
仔仔條路點行都係他決定唔到我選擇,我只係從旁教導他
跟住他的發展而行
如果你小朋友能力可以就出番主流,大家加油呀
作者: pocoyo123 時間: 12-9-18 11:33
回想當年, I位時, 老師, ST都比好多說話我, 明示暗示小兒不能在主流讀書, 當年入S位, 也打定輸數, 亞仔一路讀特殊, 最初我曾經有兩個月唔同亞仔傾計, 唔同佢返學, 乜都唔理, 每日在公司好晚先返, 最後, 比C6開解我, 之後, 同自己講, 不論將來亞仔成龍成虫, 我都咁愛佢, 今日唔儘最大努力, 我知將來一定後悔.
到今天, 每日見亞仔放學回家, 我就知道, 當日所做一切都係值得
作者: methy 時間: 12-9-19 10:56
回復 BKVIP 的帖子
以你所見，係咪中心既小朋友都比較差，而你小朋友能力相對地叻．所以無你期望既訓練節數？
睇左大家既留言，ｓ位既３T訓練都唔係太多，姑終一個T服務６０個小朋友，不過３T都會有
指示比特殊幼師．將佢放係其他上堂細節到，都係重要既訓練黎，呢點學校有無人提過？
作者: BKVIP 時間: 12-9-19 17:29 標題: 回覆：methy 的帖子
阿仔讀呢間係咪普遍能力較弱我唔肯定，我只知佢在最叻個班。而呢班嘅小朋友都係有潛力出返主流嘅。7個學生只有我仔係新生，就我觀察我仔在溝通上唔係最叻個個，佢地能力唔錯，有d係身體唔得要長期靠支架，但智力正常講嘢好叻，有每就弱視，但講嘢都叻。唔知佢地係咪同我仔訓練時間咁上下。
作者: kokoalex 時間: 12-9-21 14:42
我仔仔今年排唔到S位,去左讀PN,但下年很大機會入到S位,聽你地吟講我都好苦惱,這一年他進步了很多....我仔仔係E+S位吟排,如S有位最後都會入S的,,其實我可以問社工改排E/I嗎??要從頭排過嗎?
作者: apple~y 時間: 12-9-21 14:58
本帖最後由 apple~y 於 12-9-21 15:00 編輯
回復 BKVIP 的帖子
你0甘清楚其他同學仔能力,中心有安排你觀課??
我都唔係太清楚仔仔那班同學仔能力,因為仔仔今年番第2年
調0左另一班,老師話呢班小朋友各方面能力都比較好,會跟小小幼稚園課程上堂
所以仔仔今年跟另一位老師
識開家長知我仔仔今年轉班
都話係好事,因為大多數都無轉
但問題係近排同老師了解過仔仔上堂情況好似有倒退問題
真係好擔心,老師話開學無幾耐,都係適應中,會再觀察小朋友
作者: apple~y 時間: 12-9-21 15:03
回復 pocoyo123 的帖子
係就算幾氣餒,哭了多少次,
我的心都無放棄,
作者: HopeLJ 時間: 12-9-23 17:07 標題: 回覆：20/8通知派到S位..但(我放棄了)
Methy 我囝囝 I 位老師好好，開學三個星期我已經覺得我囝叻咗，非常感恩，相信因為新的環境令囝囝學到新的事情。希望你囝囝也繼續進步。
作者: HopeLJ 時間: 12-9-23 19:28 標題: 回覆：20/8通知派到S位..但(我放棄了)
Methy 我囝囝 I 位老師好好，開學三個星期我已經覺得我囝叻咗，非常感恩，相信因為新的環境令囝囝學到新的事情。希望你囝囝也繼續進步。
作者: methy 時間: 12-9-23 20:42 標題: 回覆：HopeLJ 的帖子
好開心聽到你小朋友有進步。
我阿仔N班開學左2星期，把口叻左好多，成首歌唱哂，講野已經係全部句子，多野講到呢
大肌好似人地剛學識行既細路咁，不過都進步緊，學校既大肌活動未必參與到，其他跟到哂，有i位老師既幼兒園始終包容d.
E位服務即係比期望少，質素唔太得
作者: apple~y 時間: 12-9-24 14:07
回復 methy 的帖子
"E位服務即係比期望少，質素唔太得"
你意思係咪治療師經驗唔夠,所以質素唔太得??
你小朋友可能情況唔太差,所以E位服務比較少,0甘諗係好事
你小朋友都幾叻,我見好多小朋友多數大小肌差,自然講0野口肌都差
作者: BKVIP 時間: 12-9-24 16:44
apple~y 發表於 12-9-21 14:58
回復 BKVIP 的帖子
你0甘清楚其他同學仔能力,中心有安排你觀課??
學校每日3樣家課其實都几多，仲要加埋家居訓練，有時真係好累 好在阿仔都唔抗拒做家居訓練，成日要我同佢做訓練，反而係我自己懶 
你仔仔上堂有倒退問題係邊方面呢？是否有新同學仔唔習慣？
作者: BKVIP 時間: 12-9-24 16:46
methy 發表於 12-9-23 20:42
好開心聽到你小朋友有進步。
我阿仔N班開學左2星期，把口叻左好多，成首歌唱哂，講野已經係全部句子，多野 ...
好消息呢。KEEP 住進步 
作者: methy 時間: 12-9-24 18:43
apple~y 發表於 12-9-24 14:07 
回復 methy 的帖子
"E位服務即係比期望少，質素唔太得"
９月E位得返１／４服務，自然落差好大．治療師年年轉．有新人．有舊人．PT係新人幾有熱誠，，但OT & PST就超有經驗．但亦都好求其，每堂完成佢要教既野就算．阿仔要執既野，一ｄ都唔提，明明阿仔用C頭兩隻手指去拎任何野，之前治療師會立即教返佢要用５隻手指拎，個PST上左兩堂都任得佢，我出聲叫阿仔用返５隻手指．個PST先醒一醒話：係ｗｏｒ．要用５隻手指。
總知整體係唔我期待既服務質素囉．叫做好過無治療堂。
作者: 波蘿包1 時間: 12-9-25 17:57 標題: 引用：多謝咁多位分享。其實我當初都以為S位有INT
原帖由 BKVIP 於 12-09-17 發表
多謝咁多位分享。
其實我當初都以為S位有INTENSIVE TRAINING ，想主力改善小兒小肌及專注力，所以百般掙扎 ...
作者: methy 時間: 12-9-25 18:37 標題: 回覆：波蘿包1 的帖子
派到位喇！？要詳細考慮了。
作者: apple~y 時間: 12-9-26 14:30
本帖最後由 apple~y 於 12-9-26 14:36 編輯
回復 BKVIP 的帖子
我仔仔又被動0左,下下要老師叫先做0野
同學仔同我仔仔握手,打招呼,話我仔仔好似無咩反應,聽到都嚇死,
握手都無反應,點會0甘差,明明之前無0甘差,我真係接受唔到
唔知係咪停0左針炙
之前針0左差不多5個月約40次,反應快0左,同人互動明顯好0左,今年仲轉去另一班
但那時老師都提過上堂時情緒high 0左小小
我見仔仔都有進步,但又怕情緒high問題
所以7月停0左針,呢排又聽番老師講仔仔情況,又好0左0的
上音樂堂同同學仔一齊玩樂器,又會留意同學仔點玩
真係嚇鬼死,仲好擔心
作者: BKVIP 時間: 12-9-26 16:19
apple~y 發表於 12-9-26 14:30
回復 BKVIP 的帖子
我仔仔又被動0左,下下要老師叫先做0野
俾少少時間佢適應吧，因為都係岩岩先轉班，係咪你仔都係慢熱型？ 我仔成日都好HIGH，成日在家跳沙發，把口無時停，有時都懷疑佢會唔會有埋ADHD，唉~
琴晚好搞笑，細佬一個在房訓覺，聽到哥哥在廳把聲就喊啦，哥哥跑去開房門，我仲叫住佢唔好入阻住細佬訓，點知佢對住細佬講︰細佬，做咩喊呀？唔駛驚架，呢度好安全架，訓覺啦。跟住走返出黎。
笑死我，有時佢真係好哥哥款，但細佬一行埋去佢D玩具佢就推細佬、又MET 細佬，真係一時一樣
作者: apple~y 時間: 12-9-27 14:18
本帖最後由 apple~y 於 12-9-27 14:45 編輯
回復 BKVIP 的帖子
一星期針兩次,5個月就針0左40次
個個小朋友都怕針,不過醫師好快手,2至3分鐘落完針
好神奇落完針個個小朋友都好安靜,有0的會睡覺
昨天同ot治療師傾開仔仔情況
連佢都覺得仔仔明顯退進步0左,仲話奇怪今年年中進展唔錯,幾好的
我仔仔就係針到7月停0左唔知關唔關事
所以ot治療師拿拿聲為我仔仔特別加多一星期一堂個別比我仔仔
主要係做動作協調活動train醒覺度,專注力,安定情緒
我同daddy 傾過同仔仔做番針炙,希望幫到仔仔
作者: wongyld 時間: 12-9-27 23:02
methy 發表於 12-8-20 17:10
1516呀，因為諗住無S位，已經安排9月返普通幼兒園+E位。幼兒園又話阿仔暫託ok,認知無問題，係未行得穩，但 ...
我想請教methy及各家長, 我囝囝依家排緊S位, 依家返緊普通K1. 想問可否同時排S位及E位,另外想知道什麼叫"暫託"?
謝謝!
作者: HopeLJ 時間: 12-10-2 00:20 標題: 回覆：wongyld 的帖子
可以同時排 E+S。排到 e 開始訓練後再排到 s，可以唔要，繼續 e，(讀普通幼稚園),或要 s 就無咗e。簡單係你可以排兩條隊，但只可同時得一樣 service 不能兩樣。兩條隊都一年以上，排定私人 s 位吧，都最小等兩個月。
作者: 波蘿包1 時間: 12-10-2 23:06 標題: 回覆：methy 的帖子
都成個星期收到信 又無人打俾我，其實我都怕決定錯
作者: wilyun 時間: 12-10-3 11:53
但點解排左I位唔可以與E位同排0既??
作者: methy 時間: 12-10-3 13:17 標題: 引用：但點解排左I位唔可以與E位同排0既??
原帖由 wilyun 於 12-10-03 發表
但點解排左I位唔可以與E位同排0既??
I位最易亦最快排到，嗰時心理學家教排E+S先，因為係排最耐、無大問題轉排I就易好多。
作者: methy 時間: 12-10-3 13:18 標題: 回覆：波蘿包1 的帖子
邊個會打比你？唔明。
作者: wilyun 時間: 12-10-3 14:52
回復 methy 的帖子
但果個政府智力中心只話我個仔可以排I位,佢話唔使排S位,另外,佢話係要兩歲以下的小朋友先可以一次排兩個服務,所以唔比我排兩邊,另外佢話我個仔雖然現在未夠兩歲,但到排到SERVICE果陣己經過左兩歲,到時都係只有一個服務項目可以使用...
| 歡迎光臨 教育王國 (/) |
Powered by Discuz! X1.5 |