教育王國

標題: 今日簡介會感覺如何? [打印本頁]

作者: karenpsleung 時間: 12-8-18 18:09 標題: 今日簡介會感覺如何?

大家聽完今日簡介會感覺覺得如何? 唔知係咪我領悟能力差或是太認真，我聽完頭一個鐘都掌握唔到重點! 點算好?

作者: huisylvia 時間: 12-8-19 01:26

本帖最後由 huisylvia 於 12-8-19 01:31 編輯

我既理解係校長想表態未來學校對是否及如何教"國民教育"呢個題目既方向,我諗係因為呢個TOPIC呢排咁多家長咁緊張,佢想解說學校諗法同意向囉
佢話會教,而且學校一向都有做,但會以自己既方法去選內容及方法去教,同埋強調一貫教學生以"正反評論,多角度分析"去睇每件事
我理解係咁上下

作者: karenpsleung 時間: 12-8-19 08:03 標題: huisylvia 的帖子

多謝你的summary，我比較少留意時事新聞，即使對國民教育的認識都很缺乏，睇黎我都要惡補下先得 !

作者: extra369 時間: 12-8-19 09:59 標題: 回覆：karenpsleung 的帖子

四年前我都聽過一次播道小一简介会，昨天第二次，校長除了今次頭45分鐘談他對國民教育科的意見，歷時兩個小時的talk show 似佢個人的简介会，仍是不断提佢教過的“聖保羅男女“，讀“荃官“，佢的三個女兒的特别；佢太太；佢四兄弟的名；仲有佢讀港大好叻中文的家姐....，反而好少講“播道“，所以聽了兩個小時，只知他的理念，仍未能知道多D學校，老師，學生的狀况？！！

作者: iphoneivan 時間: 12-8-19 20:39 標題: 回覆：extra369 的帖子

聽完只覺係校長個人表演show,完全不能加深對播道書院的了解，有啲失望。

作者: coco209 時間: 12-8-19 21:32 標題: 回覆：今日簡介會感覺如何

聽完之後只加深對校長的認識，知道原來佢教過st paul co-ed，知道佢有三個女，兩個喺播道讀，其中一個仲全級第一，但我想了解播道多啲囉

作者: 飛機師 時間: 12-8-20 00:29

回復 extra369 的帖子

Yes. It likes his "Talk Show"!

作者: 小玲 時間: 12-8-20 06:45 標題: 引用：四年前我都聽過一次播道小一简介会，昨天第

原帖由 extra369 於 12-08-19 發表
四年前我都聽過一次播道小一简介会，昨天第二次，校長除了今次頭45分鐘談他對國民教育科的意見，歷時兩個小 ...

原來都仲有人和我當年的感覺一樣。

作者: karenpsleung 時間: 12-8-20 08:58 標題: extra369 的帖子

me too

作者: karenpsleung 時間: 12-8-20 08:59 標題: iphoneivan 的帖子

me too

作者: karenpsleung 時間: 12-8-20 09:04 標題: 小玲的帖子

本帖最後由 karenpsleung 於 12-8-20 13:34 編輯

可否講講四年前簡介會包有括介紹播道乜野? 7月果次簡介會有無人聽過? 係咪校長講的內容大致同今次一樣? 希望有家長可以分享下！

作者: karenpsleung 時間: 12-8-20 09:24 標題: iphoneivan 的帖子

本帖最後由 karenpsleung 於 12-8-20 13:35 編輯

我聽完簡介會後都只係對潘道課程和面試要求加深左少少，我根本判斷唔到自己小朋友的性格是否適合讀播道，人地外間話佢係happy school和老師有愛心和有耐性是真的嗎? But anyway, 我都交左報名表了! 唯有這一切一切就交由神到安排！

作者: karenpsleung 時間: 12-8-20 09:32 標題: iphoneivan 的帖子

本帖最後由 karenpsleung 於 12-8-20 13:42 編輯

各位家長知唔知簡介會powerpoint去邊度download?

作者: mandy_lee 時間: 12-8-21 09:22

你地想知道物嘢啊我地ec 家長知都會答你地架.

作者: ruthy 時間: 12-8-21 13:08

我聽左7月果次簡介會比較精彩, 內容大致相同
想了解一下, 播道是英文小學, 小朋友會難掌握嗎?

作者: 程程媽咪 時間: 12-8-22 17:30

大家留意英華網頁：

☆如天文台於早上6時宣布幼稚園停課，當天的面試將改於9月15日同時間舉行。

我亞仔星期六ｉｎｔｅｒｖｉｅｗ希望如期舉行啦！

作者: ruthy 時間: 12-8-23 02:04

請問你係咪post錯野，lee樹講緊播道書院

作者: cmt1010 時間: 12-8-24 09:12 標題: 回覆：今日簡介會感覺如何?

我聽完後都幾認同他的理念，但最大問題是不知道這理念在播道落實成點，正如好多家長所講，簡介會中沒有觸及播道的情況。

作者: ruthy 時間: 12-8-24 13:24

mandy_lee 發表於 12-8-21 09:22
你地想知道物嘢啊我地ec 家長知都會答你地架.

好欣賞校長講的理念宗旨, 簡直令我耳目一新, 所以希望了解學校更多, 請問ec家長感覺學校能實踐理念出來嗎?

作者: kdpeter 時間: 12-8-24 14:56

本帖最後由 kdpeter 於 12-8-24 15:08 編輯

即使你有多好的理念，但沒有良好的執行力，一切也是空談！

我俾你講到識飛都無用！

想問下簡介會校長有無透露今年第一屆DSE的成績?

TSA成績唔可以公開，校長就打鑼打鼓話俾人知！詳情見以下連結：
http://www.edu-kingdom.com/forum.php?mod=viewthread&tid=2251340&extra=page%3D4

現在DSE可以公開公佈成績，又唔見有公佈喎！

作者: mandy_lee 時間: 12-8-27 12:10

本帖最後由 mandy_lee 於 12-8-27 12:11 編輯

過去 6 年小學生活, 小朋友都慢慢地適應用英文課本上課, 當中以常識書用字最深, 所以呢幾年我都學識了不少生字. 最好笑阿女初頭寫bd card 比婆婆都用晒英文, 激死人.
Maths 用英文課本相對地較中文課本為淺.
中文我地用story book 教,partner 是中大佢地會跟進我地中文科目. 我地校由小學開始就自行編製文學齊欣賞, 到小五,小六已學下解單文"彥" 文.
至於課外活動 or 公開比賽好多時我地家長都係自行係出面報名, 學校較少參與.
另dse 成績學校無公佈到我地家長都好想知. ^.^

作者: ruthy 時間: 12-8-28 00:12

mandy_lee 發表於 12-8-27 12:10
過去 6 年小學生活, 小朋友都慢慢地適應用英文課本上課, 當中以常識書用字最深, 所以呢幾年我都學識了不少 ...

多謝你的分享，令我可了解播道更多。

作者: mandy_lee 時間: 12-8-28 09:57

本帖最後由 mandy_lee 於 12-8-28 10:07 編輯

講下學校生活我地基本上3年先轉一次班, 所以同學們和老師都建立了一定關係和友誼. 而我見阿女所識個d 同學仔個個都好有禮貌, 打電話來搵阿女都會叫下我auntie 唔該xxx. 而老師方面真係好有heart specially 6 年班某班班主任用了一年時間將自己化身為母親, 同學為她的兒女, 而同學之間又會以兄弟姐妹咁稱呼, 看得出佢地完全地投入一家人角色, 而最令我感動的是其中有一個同學因成績不太理想, 同班同學竟然會用各種方法去幫個位同學仔, 最後個位同學成績真的比上學期進步了, 就係呢種團隊精神令我十分感動. 而學期尾小學最後一天上堂,阿女回來跟我說同學和老師都抱頭痛哭, 個一刻我都被打動了

作者: ruthy 時間: 12-8-28 13:19

mandy_lee 發表於 12-8-28 09:57
講下學校生活我地基本上3年先轉一次班, 所以同學們和老師都建立了一定關係和友誼. 而我見阿女所識個d 同學 ...

這正正是我在簡介會所感受到校長的理念, 現今社會各人力爭上游, 不惜手段, 我不希望孩子變質。

作者: mariahung 時間: 12-8-29 14:24

回復 ruthy 的帖子

我兒今年升小二, 很深刻是校長曾說要學生成績好, 不是為自己的物質享受, 而是令他們將來可以幫人, 所以學校的責任首要是做好教與學, 這個我十分認同.
小兒多次提班中一位同學, 學年初某科不合格, 全班如何幫他, 鼓勵他, 至學年終那科大有九十幾分, 他說時表現十分雀躍, 像是自己的成就一樣! 還有考試前的study session, 小兒會和同學互相問生字, 老師又會教一些溫習的方法, EC都幾著重train學生自立自學.
我覺得唔buy EC 的教育理念, 收都唔好讀, 免得自己辛苦將來埋怨, 並製造負能量給學校!
但我覺得自己沒有選錯, 我老公還說會盡量出席學校的家長會, 緊貼學校的教育趨向, 並在家中一致實行, 孩子便會有更一致及清晰的價值觀.
讀得EC, 就預咗同EC一同改進, 一同成長!

作者: yinjoey 時間: 12-8-29 14:37

mariahung 發表於 12-8-29 14:24
回復 ruthy 的帖子

我兒今年升小二, 很深刻是校長曾說要學生成績好, 不是為自己的物質享受, 而是令他們將 ...

認同,好高興自己女兒有幸入到EC,EC的家長願意分享他們的經驗/睇法.... 這樣令我更肯定自己堅持比女兒讀EC的做法是正確的... 再者... 未報EC的朋友真的要認清EC的教學理念才好比小朋友考...

作者: karenpsleung 時間: 12-9-10 23:57 標題: 回覆：yinjoey 的帖子

其實我都主攻考播道，希望入到啦!

作者: karenpsleung 時間: 12-9-24 14:54 標題: 回覆：karenpsleung 的帖子

多謝各位分享，我個仔29/9面試啦! 希望一齊順利！

作者: mandy_lee 時間: 12-9-25 09:07

6年後今日我女有份幫手小一interview 啊. 大家要努力啊.

作者: tung0409 時間: 12-9-26 12:29

mandy_lee 發表於 12-9-25 09:07
6年後今日我女有份幫手小一interview 啊. 大家要努力啊.

你女女今年小六?

作者: mandy_lee 時間: 12-9-27 09:13

唔係啊剛升上了中一啦.

作者: karenpsleung 時間: 12-9-29 18:13 標題: 回覆：mandy_lee 的帖子

幫我唔該你女女

作者: karenpsleung 時間: 12-9-29 19:15 標題: 回覆：mandy_lee 的帖子

幫我唔該你女女

歡迎光臨教育王國 (/)