教育王國
標題: 對著個升F4男生真係無話可說嗎? [打印本頁]
作者: Ahling2004 時間: 12-8-18 12:21 標題: 對著個升F4男生真係無話可說嗎?
勉強的升上F4, 總懶懶閒. 整整2個月暑假, 大部分都係度打機. 好, 就由佢放縱下. 8月尾都來緊, 暑假功課都沒做完. 問下進展, 嫌你煩好追佢做功課, 又話要做好快, 大把同學都沒做完. 有關學業的問題一於聽唔入耳, 總要立刻關話題,總要比FACE 你睇. 成日以為自已已好大過咁, 態度隨心而表達. 真係拿佢無辨法, 令我好唔想同佢傾計.
講真, 如果你係女仔, 我都可以話唔好太緊張, 你係男仔, 以前的擔子重得行, 再加上334, 完成F6才17歲. 難道17歲就要出來社會做事? 可唔可能打到一份工都難啦. 你有無諗過呀?
作者: like_travel 時間: 12-8-18 13:04
本帖最後由 like_travel 於 12-8-18 13:12 編輯
Ahling2004 發表於 12-8-18 12:21 
勉強的升上F4, 總懶懶閒. 整整2個月暑假, 大部分都係度打機. 好, 就由佢放縱下. 8月尾都來緊, 暑假功課都 ...
您不如叫囝 囝參加D 紀律性活動，sea cadet / air cadet /civil aid services /scouts boy /香港紅十字會(青年團 /St. John Cadet）太多太多。。可ＰＭ我
作者: like_travel 時間: 12-8-18 13:15
以上紀律性的訓練，為香港青少年提供有益身心的課餘活動，建立其自信心、培育其責任感、並且發揮其潛能，使他們成為優良的領袖及愛港公民。
我囡而家very enjoy her training and activities... it helps her to build up confidence, expand her friendship network and sense of responsibility.
Better then stay at home to watch TV, surfing facebook 
作者: smallfoothk 時間: 12-8-18 13:41
( 總懶懶閒. 整整2個月暑假, 大部分都係度打機. 好, 就由佢放縱下. 8月尾都來緊)same,現好勤力,,,,,,打電話借功課抄,將來都吾知佢點算
作者: Batgirl 時間: 12-8-18 18:08
提示: 作者被禁止或刪除 內容自動屏蔽
作者: ALAL 時間: 12-8-19 16:49
作者: like_travel 時間: 12-8-19 20:42
本帖最後由 like_travel 於 12-8-19 20:42 編輯
as i received too many PM... so i am going to post here {:1_1:}
**********************************************
Dear all,
Please do not give up, you may insist your son to join the following discipline team, then your son will be more proactive and positive :
u can select anyone from below :
Air cadet / sea cadet / St.John ambulance cadet / civil aid services cadet
u can search the website by Sea cadet / air cadet / civil aid services cadet to get the entry form {:1_1:}
here is the one for St. John cadet.
http://www.stjohn.org.hk/b5/ser_bri04.shtml
Participant : 12 years old or above.
作者: Ahling2004 時間: 12-8-20 09:26
依家的細路真係身在福中不知福, 懶懶閒, 無目標, 得過且過, 最好捉哂去軍式訓練.
作者: like_travel 時間: 12-8-20 10:32
本帖最後由 like_travel 於 12-8-20 10:36 編輯
Ahling2004 發表於 12-8-20 09:26 
依家的細路真係身在福中不知福, 懶懶閒, 無目標, 得過且過, 最好捉哂去軍式訓練. ...
Dear Ahling2004,
我諗您係太仁慈 , daddy 會唔會惡d, 可以比d 壓力佢, 要佢參加呢d 健康既紀律隊伍, 其實香港既紀律少年團有好些訓練都幾嚴, 無必要去到黃埔軍校咁tough. 亞Sir / Leader 對男隊員既要求特嚴, 我第一次接女時見佢地步操, 亞Sir 對男隊員大聲呼喊, 同佢地講紀律既時候同真正警隊訓練無咩分別, (madam 對女仔相對nice 好多) 見到都代佢地辛苦. (但又有種感覺好像有個正氣ah sir 幫您教仔) . 
亞囡入camp training 後, 回到家竟說 : " 呢個家真係太舒服了, 好溫暖 ! " (以前未聽佢講過 
)
快d 叫佢去參加香港少年領袖團(少年團), 參加後包你仔成個正氣晒, 思想正面及積極面對人生, 係父母最想見到既 (感恩).:loveliness:
香港少年領袖團(少年團) website :
http://www.hkac.org/0902_history.html
http://www.hkac.org/index.html
如果囝唔肯去, 叫佢做吓義工去體驗吓都係好既, 最緊要唔好比佢hea 在家, 浪費時間. 
作者: Ahling2004 時間: 12-8-21 09:52
我個仔唔同別人的仔. 佢唔受壓, 唔受嚴, 又唔受氹. 獨行獨斷, 有自已一套. 由細自大, 課外活動的老師邊個對佢嚴的, 佢就唔想上佢的堂. 就算我地作為家長都係, 佢唔會記我地關心及錫佢之處, 只會記我地如何管教佢, 令佢唔開心. 至今時今日, 佢都懷恨在心, 有時會無意中透露出佢的怨氣及對我地質疑. 令我地聽入耳好難受. 邊個細路仔做錯事唔會比父母話,佢就係唔明此點. 有時真係覺的亞仔心理有問題,令大家好難去溝通. 有時我真係好想放棄, 任由佢自由發揮, 不過有時真係睇唔過眼才會出聲勸下佢. 真係唔知要用咩態度及方式對著佢. 唔理又怕佢學壞,更加唔放我地係眼內; 理佢, 佢又將我地當耳邊風及煩人, 也令我無耐, 苦無對策 ..............
作者: like_travel 時間: 12-8-21 10:02
本帖最後由 like_travel 於 12-8-21 10:02 編輯
Ahling2004 發表於 12-8-21 09:52
我個仔唔同別人的仔. 佢唔受壓, 唔受嚴, 又唔受氹. 獨行獨斷, 有自已一套. 由細自大, 課外活動的老師邊個 ...
請問呢個問題發生左幾耐 ? 囝囝幾歲開始係咁 ? 可唔可以搵學校社工幫手做您地既中間人 ?
有時呢d 情況中間人可以幫助舒緩那僵化的關係. 希望幫到您 
作者: Kiufyma 時間: 12-8-21 10:45
回復 Ahling2004 的帖子
其實你的情況好像發生了很久，感覺到你，囝囝及你老公都有很大壓力，學校社工因為資源短缺，在事情剛發生時接觸比較容易處理，像傷風感冒找普通科醫生都ok,但以你們現在的狀況就可能要找專科（家庭個別輔導服務）更適合，其實本港很多機構都有此類服務提供，當然免費的輪候時間比較長一點，如果你有需要我可pm資料給你。希望你們一家能修復彼此間和諧的關係。God bless you all!
作者: Ahling2004 時間: 12-8-22 13:07
回復 Ahling2004 的帖子
係呀, 係呀, 一樣. 有時真係好想好好教訓佢一次.令佢知醒.
作者: Ahling2004 時間: 12-8-22 13:21
由F2中期開始才是咁. 依家佢心情好都會同我地傾計或講笑. 就算佢係間房, 原來佢對耳都係時時偷聽我同老公係廳講的野, 有時會無中中回應及表達佢的睇法. 社工有跟進, 但社工話係正常, 只不過係青春期, 佢唔係壞那種. 叫我地好好同佢傾. 佢同朋友及同學,公公都相處好好, 就係同我搞對抗. 我地都已避重就輕叫佢比心機讀書, 快快做完功課,唔好拖. 佢係都要拖, 又話自已好忙, 唔想做. 成日比籍口自已. 當佢需要錢買書時, 又懂的笑面迎人叫我拿. 我真係唔識分辨佢的真假一面.
唉, 真係有需要睇專科嗎? 真係無藥可救嗎?
作者: xp 時間: 12-8-24 12:36
我個升中三仔都係未做晒啲暑期作業
作者: tinetinew 時間: 12-8-24 13:28 標題: 回覆：對著個升F4男生真係無話可說嗎?
我仔係中二都係咁，可以考試時溫四十五分鐘就話溫完要relax，當時鬧又鬧過，冇佢辦法，搵補習俾佢又懶懶閑冇心機上堂，好激氣！係學校社工又見過，老師又見過，好灰，成績又.......
我最終問佢你其實想唔想升大學？如果你想咁你想中四揀咩科？你間學校以成績選科，以你這成績你自己認為可揀咩科？？我同佢講你唔想補習我唔迫你，我唔想side錢，你自己諗清楚想點，中六讀唔成就要出嚟做嘢，我唔會俾錢去讀什麼課程side時間side錢！果年我cut咗大部份補習，要佢自己諗清楚選擇自己條路！
佢話要升大學，我話你面對現實啦，咁嘅成績有冇大學收？？我果年已冇氣再鬧，只係係佢身邊提佢，反而佢好似識諗咗，溫書時間多咗小小，成績都好咗 ，佢話佢溫咗書，我就信佢，雖然我冇見到，但都忍住唔話佢。係中三我同亞仔關係好咗，佢成績好咗，佢亦對我信任多咗，所以一有時間，我就同佢講吓道理，等佢自己諗吓！
首先搞好d關係，唔太過份就支持吓佢，一家人一有時間就多d出外，行街睇戲食反，等佢唔好成日屈係屋企打機！
呢d就對我仔work架，希望你都唔好放棄
作者: Ahling2004 時間: 12-8-24 14:00
其實我最擔心係佢情緒有問題. 讀書的事我已唔講啦, 佢曾經話過唔想讀書, 我斬由佢講. 佢肯出街, 我地隨時奉陪. 佢想去邊, 我都一定陪佢去. 佢話買書要我支助, 只要本書係正當的讀物, 我都一定支持. 佢肯想上咩課外活動, 我都支持. 但佢就係當父母平時的說教及道理係威脅佢, 唔信任我地,成日挑戰我.
好似今日咁, 佢用開的電腦有問題, 上唔到去打機就同我講要出去綱吧打機, 我當然勸佢唔好去,我會好快幫佢維修部電腦, 叫佢不如趁機做功課. 佢都係發哂癩, 就話唔打機唔得, 一定要打. 學壞咪學壞. 總之我一定要上綱吧. 總要好似爛仔咁聲大夾惡咆哮我.
作者: like_travel 時間: 12-8-25 14:01
本帖最後由 like_travel 於 12-8-25 14:01 編輯
Ahling2004 發表於 12-8-24 14:00
其實我最擔心係佢情緒有問題. 讀書的事我已唔講啦, 佢曾經話過唔想讀書, 我斬由佢講. 佢肯出街, 我地隨時 ...
有沒有試過對住佢喊，叫佢生性！ 有時會好ＷＯＲＫ ！
作者: ALAL 時間: 12-8-26 01:58
回復 tinetinew 的帖子
你的分享好好
佢話佢溫咗書，我就信佢，雖然我冇見到，但都忍住唔話佢 - 我都有用厘招
另外中有一招,我仔有濕疹成日WHERE, 近月我自己就無食肉,(不過有食魚有飲肉湯),我同阿仔講前生我一定造了甚麼錯事,可能有D過火,但這樣造之後我自己安心好多,因已盡了力
作者: vincher 時間: 12-8-26 14:29
回復 like_travel 的帖子
你個係女，仲係乖巧個d，
你係0吾明白：我0地d 0吾長進男孩的苦況
作者: vincher 時間: 12-8-26 15:00
回復 Ahling2004 的帖子
我對付青春期的孩子：
1.交託 天父，祈禱，自小返教會…… (基督教家庭)
2.改變相處、溝通方式
你罵他，已不行了！
~ 從他角度去思考！ 例如： 如果我做錯事，我希望父母如何對待我！
~ 多讚賞/提供改善方法 例如：如果你可以……，我相信xx 會開心/效果會很好！
3.了解孩子的心理特點，順應特點，及時調整教育方法
資料來源：親子王國討論區各家長心得，節錄精采部分
成長期的孩子：父母適宜把他們當作最好的朋友, 少支配, 鼓勵他們表達,毋須爭論。
多給予自主機會, 做得不好也不批評指責, 反欣賞他們的努力
~ 亞仔唔講，一定一定記住唔好問。
佢想講就自然會講
- 要分輕重, 妳最想他做好邊一份呢? 就只提出一樣野. 唔好又話要讀好書, 又話要mud, mud, mud.
~管理叛逆期的孩子，家長不能太強硬。如不要馬上命令他關電腦，可以再給他半個鐘頭的時間，讓孩子把在看的電視看完，然後再做作業。可以用商量、協商的態度和孩子交流。
~作為家長，要了解孩子的心理特點，順應特點，及時調整教育方法。如：常用『駁咀』去表達內心的憤怒。「當孩子『駁咀』時，父母只留意到他們態度惡劣，聲音、姿態、面部表情不討好，但卻沒有注意孩子說話的內容。
惡劣關係(操控的愛)+管教=叛逆；
親密關係(接納的愛)+管教=順服
作者: vincher 時間: 12-8-26 18:59
Haha••••ANChan，
任你用，第3奌要註明資料來源便可!我都係儲存各bk家長心得而已
作者: orangebb 時間: 12-8-27 08:08 標題: vincher 的帖子
我好同意你講, 對青春期小朋友真係只有用愛, 耐性同要當佢係你好朋友。
對好朋友你唔會哦佢，通常好朋友有事都只會勸勸勸。要注意態度同時機。平日多同呢個好朋友做開心事。唔好要佢點點點, 反而先會坐低同佢傾目標。
達到今日已唔會用獎勵，只會用欣賞讚美同興祝。
好似我小朋友同佢爸爸成日水溝油, 就係爸爸仲用緊爸爸態度去同佢相處。夜咗想佢瞓就話"仲唔瞓，聽日要返學"。結果次次都鬧交收場。
相反我見夜想佢瞓我會話"仲唔瞓唔靚女架"
又或者我想佢人生有目標我就會有時有意無意叫佢睇下做粗活人幾辛苦等。雖然職業無分貴賤但係多個選擇都係好架馬。
作者: ZZdaphne 時間: 12-8-27 11:43
本帖最後由 ZZdaphne 於 12-8-27 11:44 編輯
orangebb 發表於 12-8-27 08:08
又或者我想佢人生有目標我就會有時有意無意叫佢睇下做粗活人幾辛苦等。雖然職業無分貴賤但係多個選擇都係好架馬。
呢招都幾有用, 等佢地知道讀書唔係為父母而讀, 係為了自己將來有多些選擇權,
如果佢地真係喜歡做7仔, 麥記,
我無所謂, 又唔係我做, 而且我尊重勤勞為生活的人,
不過叫佢睇清楚是否做得來,
是否希望自己將來生活是這樣,
讓他們思考, 不要再多說嘮叨.....
作者: orangebb 時間: 12-8-27 16:24
回復 ZZdaphne 的帖子
哈......多謝你呀 !
作者: MonMonLam 時間: 12-8-31 18:14
orangebb 發表於 12-8-27 08:08
我好同意你講, 對青春期小朋友真係只有用愛, 耐性同要當佢係你好朋友。
對好朋友你唔會哦佢，通常好朋友有 ...
作者: MonMonLam 時間: 12-8-31 18:18
ZZdaphne 發表於 12-8-27 11:43
呢招都幾有用, 等佢地知道讀書唔係為父母而讀, 係為了自己將來有多些選擇權,
如果佢地真係喜歡做7仔, 麥 ...
叫佢辛苦呢 10 年, 之後幾拾年就唔駛甘辛苦... 佢都唔明我地過來人既苦心....
作者: orangebb 時間: 12-8-31 20:49 標題: MonMonLam 的帖子
十幾歲小朋友, 唔鬧得唔打得, 講多兩句又話你煩, 唔理佢又話你唔關心; 所以同佢地真係唔可以太直接架。 正如你話齊, 我都有暗示, 簡單數學, 十年辛苦換下半生可比較舒適生活。
有時我仲會將一齊見到嘅事同佢傾架, 好似有時餐廳侍應比無禮貌食客呼渴，或者超市收銀姐姐比無禮貌顧客駡手腳慢，我都會話姐姐做野真係辛苦.......
話說回頭, 首要都係平時關係良好先容易有計傾呀。
作者: Ahling2004 時間: 12-9-1 09:20
絕對係. 鬧又唔的, 話又唔得.
今日我叫佢跟我回公司做下FILING , 等佢知道下番工係咩滋味. 希望佢明白父母是如何賺錢的.
作者: wq 時間: 12-9-1 12:51
Ahling2004 發表於 12-9-1 09:20
絕對係. 鬧又唔的, 話又唔得.
今日我叫佢跟我回公司做下FILING , 等佢知道下番工係咩滋味. 希望佢明白 ...
我也有一個和妳一樣大的男孩，所以非常明白你內心的無奈和痛苦，因我深感同受。我兒雖乖，但是做人沒有目標，沒有學習的主動性和積極性，做家長的看在眼裏痛在心裏。因為我們知道，現今社會競爭大，如仔仔這樣懶散之人，必被社會所淘汰。明知如此，但自已又無法令他改變，那一份無奈是做父母最痛心的。
你讓他去你公司做小小工作，讓他體驗人生，實為一件好事。俗話說: 千金難買老來瘦，我認為:千金難買少年穷。現在少年沒受過任何苦難，怎懂珍惜? 所以造就了他們游手好閑，沒有人生規劃，把精神寄托放在打機上，尋求一時的刺激。如不能早點醒悟，誤了一生，做家長的真是痛心疾首啊。
我是較強勢的媽媽，所以以下二句很是受用，給我警愓。但說是容易，做起甚難。望我們互勉、加油吧。
惡劣關係(操控的愛)+管教=叛逆；
親密關係(接納的愛)+管教=順服
作者: pchui2046 時間: 12-9-1 15:58
無错，最重要就係要有偈傾，千祈唔好去到無偈傾，如果唔係佢做乜諗乜你都唔知咁就弊家伙。同呢D反叛青少年溝通千萬不要一開聲就说教，先要同佢地吹下水，睇下有乜話題佢地鍾意講(其實都离不開打机、上网之類)，顺其所好，搏取信任，因為你想改變佢，咁你就要改變一下自己先，真係唔容易架。你试想下点解亞仔同佢D friend 咁多野講，但同自己父母就無乜偈傾，因為佢D friend永遠唔會同佢say no。所以係呢幾年里面最緊要係保持有偈傾，到佢地大D，大概17/8歲佢地就會開始面對现實，肯用個腦去想下將來嘅問題。我有個親戚個仔今年升中四，舊年中三留班，讀Band 1A，只懂终日打机，父母同佢講你唔用功讀書，將來會做D点樣点樣嘅低下工作，点知佢話呢D工作始終都要有人做架喇，係咪俾佢激死呢!!
作者: LeoRyan 時間: 12-9-1 19:33
睇到樓主的情況，令我都好擔心。小兒9月便升中，成績尚算ok,派到入band1中學，但操行就…小學每年都要見幾次家長，同樣喜歡打機，所以我都好擔心佢會有只打機，不讀書的情况出現。希望唔會啦！
不過，我想講係我都要我個仔做好多野，例如:義工，去教會，學樂器…結果當然樣樣都唔成事，都放棄，亦令到大家関係唔太好。
最近，我又叫個仔學野，佢終於同我講，你次次丢低我就走左，所以唔想去。
宜家我會揾一d可以一齊學同佢一齊，咁大家話題相同，感受相同，可能有用！
不過，
作者: vincher 時間: 12-9-2 01:06
本帖最後由 vincher 於 12-9-2 01:09 編輯
回復 orangebb 的帖子 (sorry click 錯，是給Ahling 的回覆)
不過, 唔通明知佢亂發脾氣或做左些唔啱的事或講些唔對的話都唔好問.---->
當你自己發脾氣，會否聽人講0ㄚ？
佢亂發脾氣，你更要平心靜氣，可說：我明白你現在的感受，不如你冷靜一下，待會再和你談……
待他冷靜後，問他為何發脾氣、如此做能否解決問題、怎樣做才是解決問題的方法
做左些唔啱的事或講些唔對的話----->
我會問，問他後果……如果給你多做一次，會怎樣處理？
但有時，孩子倔強係都0吾講，試下等他心情好些，才問！
如果依然0吾答，真係沒法逼！我只會拋下一句：媽媽真是為你好，你已長大，應有判斷力！下次，如果你能……，那就讓我知道你懂事了，我會為你開心！
作者: baoying 時間: 12-9-3 13:29
每次為個女
，個仔就話，你話係無用架，我係過來人，我D女同學話以前父母話就唔愿番屋企，到處識朋友架，你叫妹放學就要返屋企，零用錢要計準De，盡量唔好太多，穩學校最好穩近屋企的，唔好以為名校就好，最重要係 唔好比甘多時間係 出面識朋友，免得識左唔返學同年紀人，12-16歲，係最想做反架，17-19歲就開始識小小人性啦，20歲開始識得顧人感受，知道父母的辛苦啦，e+你要理性教，唔好一開口就無句好話。
作者: Ahling2004 時間: 12-9-5 13:56
回復 wq 的帖子
真是好無耐及心痛.
希望大家共勉及會記住你2句話來提醒自已.
作者: Ahling2004 時間: 12-9-5 14:01
多謝各位姊妹的意見, 真是好有用. 我會邊學邊教.
作者: Ahling2004 時間: 12-9-17 21:47
開學已第3個WEEKS了, 個仔都係日日放學回家上綱打機, 直至12:00. 問佢又話無功課做, 又話已打少左了, 籍口多到得佢知, 已分不出佢邊句係真心邊句是大話. 己好心平靜氣地一句起二句止了, 但越勸越變本加勵, 真係好累, 好累.........
作者: 142526 時間: 12-9-19 16:01
回復 Ahling2004 的帖子
Hi Ahing2004:
我有個朋友個仔由中一至中五都係好不滿讀書及家人,時時都口出怨言 , 又係成日打機 , 後來有個師兄(佢有去學武術), 次次見到佢都同佢練習及對打下 ,話要令佢自我形象好d,多番d自信, 經過了一段時間 , 大約有一年多了,他現在已完成中六,出來工作 , 在中六時他開始改變, 不再說要打機, 開始轉看小說,而且勤力讀書..又會主幫d 師兄弟,成個唔同晒,
妳搵下有無嘢比妳個仔學下,玩下,試下有沒有轉機啦.
作者: orangebb 時間: 12-9-19 19:48
回復 Ahling2004 的帖子
先不要氣餒 !
每個人成長都有反判期, 問題係發生時間, 長短, 過程..........
作者: redredcheung 時間: 12-9-20 08:10
回復 Ahling2004 的帖子
你可以在他幫你或家裡做了一點事(even是好小好小的事),你就可以好象自言自語一樣(但要讓他聽到)說:有個仔真好,有個仔真好...在你有意無意的這樣說話一段時間,那變化就會出現在他身上
作者: chiu0128mama 時間: 12-9-20 09:29
回復 tinetinew 的帖子
作者: chiu0128mama 時間: 12-9-20 09:34
回復 tinetinew 的帖子
Tinetinew,
好感觸, 睇到想喊, 每個媽媽都用儘方法想孩子好, 只要孩子聰話就多多困難都可橕過!
作者: Ahling2004 時間: 12-9-20 10:04
佢想學野, 我係百分百支持及鼓勵佢, 但佢會冷冷答你一句: 無興趣參加. 呢個階段唔係我建譏叫佢學咩就會去. 在家中, 叫佢幫下忙, 佢又第1句: 唔得閒. 跟住入房,關門.
佢有好多歪理, 例如有蚊入左佢間房, 會話:最衰你地幫佢開window比的蚊入來, 以後唔好開呀. 份人又極之無禮貌, 我已好耐沒聽過佢自動係早上同我地講: 早晨了. 目中無人, 對老豆好似係仇人咁. 叫我地幫佢做野的態度是命令式的. 例如: 你幫我做左呢個數學題, 我打完機出來睇下, 睇下就知明唔明. 如果你唔係即時有反應話幫佢或唔理佢, 佢就會立即: 算了, 我問其他同學都得. 入左房又成晚唔出來. 又例如同你拿錢: 比住200元我先(總唔係正面望住你, 係望住電腦同你講) 再問佢: 你自已有儲零用錢架, 佢又答: 係有, 用哂都得添, 不過我唔想用, 當借住先啦. 又或者會無中中同你講: 我同你地思想, 立場及角度都唔同, 為了避免同你吵交, 我唯一係對著電腦; 唔開心對著電腦可以分散我注意力; 再唔係電腦壞左, 我就出街. 總之, 我唔想對住你們.
我依家個心好冷淡, 對佢都好平淡. 唔懂的教佢, 都唔知點同佢相處. 佢喜歡由早到晚關係佢間房打機,對身邊的人不聞不問都由佢. 佢拒絕同我地溝通, 都由的佢. 佢認為同父母傾計就是等於大家係度吵交, 都由佢. 人人都有反判期, 父母的忍讓,明白係一定要, 不過過份的挑引父母的底線, 係唔應該讓步的, 否則佢以為我地已怕左佢, 佢就更加目中無人.
作者: 142526 時間: 12-9-20 11:25
佢有無朋友架?有無同佢傾過要點先至大家開心d呢?就算當朋友都要互相尊重呀!
作者: Ahling2004 時間: 12-9-20 11:46
佢有同學, 佢對同學及學校的老師都好NICE. 就係對父母咁差.
傾過, 佢叫我地少煩佢就大家相方無事. 佢可以尊重其他人,除左父母. 只
只可講可能父母緣溥如紙.
作者: 142526 時間: 12-9-20 13:31
佢好玩嘢呀, 其實心內係無嘢,只係想激下父母,要你們為他心痛,以此為快,.
作者: Chau444 時間: 12-9-20 14:44
Ahling2004,
好想對你兒子有一個更全面的認識, 可否告知你兒子的長處及擅長? 每個人總有其優缺點, 可否讓自己停一停, 想一想他的好處.
如果你兒子不願先行出一步去參加大家建議的有益身心的活動, 不如你考慮吓找一些家長課程, 例如救世軍好像有個家長學堂, 又或者其他機構, 如明愛, 小童群益會等, 學習如何與青少年相處溝通. 雖然你現在處於消極無奈的心態, 但你的行動要積極, 這樣才可能找到一個出口, 緩和僵局.
你兒子說不想和你說話免得吵架, 可否換個溝通方式. 例如用文字方式, 媽媽寫吓一些個人感受, 不一定內容關於他, 可以是看到一齣好戲. 近日tvb晚上9:30劇集, 有個資深不紅不黑的演員, 主演"蘇基"(so gay)一角, 因演活了角色在網絡上引起一些迴響........目的只想他知道你在想甚麼, 引發他去關心留意打機以外的事情.
你兒子說避免同你吵架, 因此他唯有對著電腦. 可否嘗試君子協定, 晚餐後, 父母出外散步一小時, 給兒子私人空間, 但這一小時, 除打機外做做其他事情.
曾經看過一篇文章, 叫上司不要經常問下屬"why", 為什麼遲到, 為什麼不如期交報表等等..... 而是用"how", 怎樣才可以令你不遲到, 怎樣才可以幫你如期交報表.
以上一些"死橋", 可能流於紙上談兵, 不知合用與否, 但總希望你知道EK這裡有關心你們的朋友!!
作者: Meikin 時間: 12-9-20 15:14
本帖最後由 Meikin 於 12-9-20 15:21 編輯
回復 Ahling2004 的帖子
我估你個仔外表扮冷淡, 其實內心是渴望父母的認同和關愛.
佢話佢同你們的思想/處事的角度不同, 所以只好對住電腦, 免得吵架.
可能在以往你們的對話中, 多數是三言兩語後, 你們看不過他的態度/說話就開始責罵他, 你一言佢一話, 連大家原本想表達的關愛都沒有了. 我覺得阿仔做咁多你唔鍾意佢做的事情, 目的都是引起你注意, 激你, 令你心痛, 換一個方式懲罰你們.
等於有些太太好想老公疼惜自己多些陪自己多些, 可惜老公好忙/好cool/不解温柔, 覺得老婆咁大個人重邊洗氹, 因此太太會晚晚對著個電視, 日日去shopping, 又或者同老公三句唔埋兩句就吵架, 表面好以心灰意冷, 但其實重好想老公氹老公惜.
有時有D孩子的性格未必會直接以說話/行為去話你知佢想點, 而是暗示俾你知佢想點, 佢需要什麼.
你不妨嘗試從佢角度了解他的心情, 當然要有超人EQ, 即使你見到佢打機打到過份, 暫不要怪責他, 你可以試吓同佢一齊打機, 欣賞吓/讚賞吓佢打得咁叻.......總之以一個佢個age的朋友身份/角度去"埋佢堆". 持之以恆, 相信關係會有改善.
可能你關心佢的學業/前途, 但佢覺得你唔了解佢, 佢開唔開心你都唔知, 這些比佢的學業/前途來得更重要. 我估以你阿仔的性格, 你問佢要什麼, 想學什麼, 佢一定唔理你; 反而其實佢想你自己去了解, 去find out佢想要什麼/學什麼. 你要俾佢知道即使佢一事無成, 成績唔好, 佢點都係你個仔, 你最在意的是"他"本人.
你要咁諗 -- 至少你個仔對老師/同學/朋友唔係咁, 亦唔係個D成日出街過夜都唔返的問題青年, 佢成日在家打機, 你起碼都有機會同佢相處吓.
你的實際情況我並不了解, 冰封三尺, 非一日之寒. 身為母親, 我也想像到你的心痛和心急. 以上只是我的愚見, 希望可以幫到你啦. 要解開你們之間的心結, 也不是一朝一夕可以做到. 總之唔好灰心放棄, 試過這個方法唔得咪試吓第二個, 我相信你們和阿仔之間是有愛的, 只是不能表達出來而已.
作者: Ahling2004 時間: 12-9-21 09:14
謝謝個位的意見. 我真係好在意是 "他" 的本人.
作者: Meikin 時間: 12-9-21 09:26
回復 Ahling2004 的帖子
你在意"他", 也要俾佢feel 到你在意佢先得.
總之不要一開口就怪責, 佢一聲到你咁講/咁語氣就立刻起晒剌, 又或者close up自己.
不要灰心, 加油呀!
作者: LittleKidult 時間: 12-9-24 14:06
等下啦, 我由大仔13歲等到而家19歲, 先叫正常翻d..............
作者: Ahling2004 時間: 12-9-24 15:26
剛剛看到一本書, 有句說話好中我個心: 係父母心中,就係希望仔女有好成績; 成績唔好, 都要有好性格; 最差就係性格又壞, 又日日打機, 忠言迕耳, 你講A佢偏做B. 浪費青春, 不知自已方向的青少年.
作者: 142526 時間: 12-9-25 10:03
講真的,我以前都係甘,激到我家姐及我哥死死下.由13-19歲,有不同程度的衰野發生, 但好彩是夠"薯",不起眼,沒有感情問題,所以......好d,起碼煩少一樣(但當年我見朋友個個都有拖拍,我自已就....又係唔開心)
作者: 小林太太 時間: 12-9-25 23:04
只有係呢段反叛期, 話比自己聽唔好睇佢咁清, 唔好釘實佢。
小朋友, 自我, 對人嚴, 但對自己寛。
父母期望過高, 成日話, 成日鬧, 跟住又內疚, 不自覺又討好他
家長好多恐懼, 唔讀書, 怕一失足成千古恨, 現在唔做, 好似冇將來
家長要比空間, 手鬆啲, 隻眼懵啲, 唔好釘住
成長路上有好沙沙石石, 家長好驚小朋友有挫敗,
其實挫敗可以成長。
年青人知爸爸媽媽愛佢地, 但成日嘮嘮蘇蘇
已蓋過佢
不要重覆一百次講讀書, 不要百分百睇住個仔
要自己學開心, 要學笑,
保持良好關係, 互想尊重
以上是電台節目其中對白
作者: Chau444 時間: 12-9-28 15:31
Ahling2004,
在搜尋資料時看見以下的資料, 請看看是否合用.
<<解決青少年沉迷上網的資料及支援>>
mail.yottkp.edu.hk/~it/HP/cover/link.htm
作者: Ahling2004 時間: 12-9-28 17:31
唯有慢慢學習去相處及了解對方.
請問: 如果小朋友平時放左學, 沒問過家長就帶同學回家(之前我已同佢講: 帶之前要問過我先), 咁應該要點問佢? 因為想知對方叫咩名, 咩人, 上來做咩.
作者: Joe媽媽 時間: 12-10-3 12:00
Ahling2004 發表於 12-9-28 17:31
唯有慢慢學習去相處及了解對方.
請問: 如果小朋友平時放左學, 沒問過家長就帶同學回家(之前我已同佢講: 帶 ...
"和解"之做法係:
~ 點解亞媽成日話亞仔不停打機.
~ 點解亞仔又要成日打 又或者 亞仔話自已跟本"無成日"打機.
~ 在說話中, 會三人一起傾, 又會單對單同亞媽傾 及 單對單同亞仔傾...
~ 如果亞仔唔係心甘情願去, 一次就無得再約見, 通常約見5次就可找到問題所在, 但解決就要妳地自己去做.
~ 好過睇心理醫生.
~ 我跟亞仔舊年S1開始就有問題, 立即去睇心理醫生 及 見"和解"社工, 現在問題解決了, 大家知道應該如何相處.
~ 小學生要管, 管到12歲.
~ 中學生要"傾", 要商量, 溝通, 不可以只用小學生方法去管, 只管而不去"體諒/ 理解" 是不成的, 我們也做過小朋友, 當年之經濟/ 物質引誘跟現在大大不同, 所以父母之尺度亦要"與時並進", 不可以再"閉關自守", 我以前細個點點點, E+佢地又點點點, 講唔埋欄, 就無野好講, 鴻溝就會越來越大...
教妳同亞仔講:
~ 媽咪好唔開心, 好想同你好好相處, 改善關係. 但唔知應該點做, 我個朋友識得個 "哥哥", 哥哥接觸過好多青少年, 識得睇下媽咪有甚麼地方做得唔好, 甚麼可以改善地方, 亞仔你陪下媽咪一齊去聽下, 想下辦法好唔好? 如果你肯媽咪會好開心. 而且, 媽咪又"唔係好識路"點行去, 你可唔可以陪我一齊去, 睇下條路點行, 幫下手啦.... 用女人之強項攻陷佢... 就係眼淚+軟功,
~ 講掂亞仔之後才電話約社工, 扮講完電話先知原來要搵樣野去講, 講 mud 好呢? 不如就講下我地成日唔開心既"玩電腦"問題啦, 好唔好呀?
~ 一定要先取得亞仔肯, 亞仔唔肯的話, 即係無得"和解", 那社工哥哥是不跟妳約時間的.
~ 考慮下PM我, 真係好過見心理醫生. 心理醫生只係好表面及確認了亞仔/ 亞媽都唔係有心理/ 精神病, 只係溝通出問題.
~ 其實好多時候得出來之答案, 係大人之問題係大過小朋友...
作者: thom 時間: 12-10-4 11:13
青少年打機很普遍。為什麼喜歡打機，其實是由於無聊。你說兒子少出街，是不是興趣太少?現在香港青少年怕辛苦，甚至游水打波也怕流汗，於是就整天在家打機。
打機，可能是一種逃避，學校沒成功感，也沒什麼特別興趣，於是在打機尋找一點點的滿足。
如要讓青少年努力讀書，首先要讓他覺得讀書不是太沉悶的事，其次，是讓他覺得讀書有意義(入讀大學)。
我教書十多年，很多學生愛打機。然而，他們不開心，他們也親口說，打機很無聊。
還有一點，現在香港青少年要面子，怕輸。打機GAME OVER，可以再來，只有自己知。打波，家課做得不好，他們覺得醜。
作為教育工作者(家長也是教育工作者)，多鼓勵，當引導他們多嘗試不同的活動，慢慢培養他們的自信心，找到興趣，才是治本之道。
作者: nodameport 時間: 12-10-5 19:17
我個仔都係差唔多年紀, 初中的時候都比較反叛, 但係之後老師建議佢多d參加d課外活動。我諗一黎佢大個左, 二黎佢又識多左d唔同學校的朋友…我覺得佢睇野寬左, 可能同朋友有d良性競爭, 個人真係上進左~
其實真係有d"網癮" 個d問題, 真係可以搵社工幫手。之前我都有朋友個仔係咁, 青協有d部門可以幫到佢。如果你有需要可以pm我!!
作者: brjhome 時間: 13-3-5 14:36 標題: 引用：回復+Ahling2004+的帖子
你可以在他幫你或
原帖由 redredcheung 於 12-09-20 發表
回復 Ahling2004 的帖子
你可以在他幫你或家裡做了一點事(even是好小好小的事),你就可以好象自言自語一樣( ...
| 歡迎光臨 教育王國 (/) |
Powered by Discuz! X1.5 |