教育王國
標題: 請大家評評理 [打印本頁]
作者: gifthoney 時間: 12-8-17 22:50 標題: 請大家評評理
小女九月升小一了, 正上暑期班. 剛發現她上星期六的功課還未做, 明天要交了, 但她已睡了. 我打算明天一早讓她趕做. 我老公居然埋怨我整個星期也沒有提女兒做這功課 (其實我也忘記了), 還說怕女兒明天不夠時間做, 不如我現在幫她做! 有冇攪錯? 做功課不是小朋友自己的責任嗎? 為什麼要倚賴我提她? 還要我幫她做?
作者: A-Mum 時間: 12-8-17 23:20
讚成早啲叫佢起身做，仲要教埋佢多謝媽咪，早咗叫佢起身，等佢有機會趕功課。真係做唔晒都照交，醜怪一次，以後就會記得！
作者: Daniel-Florence 時間: 12-8-17 23:40
本帖最後由 Daniel-Florence 於 12-8-17 23:50 編輯
其實, 如果真系有必要, 我會出手幫小朋友做功課.
我覺得小朋友細細個已經要學好多嘢, 好多嘢對他們來說好難應付.
有時要出手減輕小朋友壓力. 小朋友怕做功課仲難攪.
我由細到大, 覺得做功課是浪費時間. 可能有人會覺得我有問題...
請大家想想...您們應付考試, 是不停用筆做(功課), 還是用思考, 記性溫習?
做小D功課, 多D時間思考, 運用才是學習!
作者: talknwrite 時間: 12-8-18 00:02
如果覺得小朋友辛苦而幫小朋友做功課, 不如直接寫信給學校申請豁免功課好了.
作者: maybo224 時間: 12-8-18 06:22
"幫小朋友做功課？" 豈不是教孩子不用付責任。這不是幫孩子，而是教壞他呢！
作者: SY_Joanne 時間: 12-8-18 07:57 標題: 回覆：請大家評評理
我都唔贊成幫佢做！以免令佢覺得做功課不是佢嘅責任！養成依賴習慣！再者如被老師發現咪仲死！
作者: gifthoney 時間: 12-8-18 08:07
多謝大家意見. 其實份功課好簡單, 只係填顏色, 十分鐘應該做完 (佢而家做緊). 我覺得奇怪係我老公既想法, 可能港孩就係佢呢種人教出黎!
多謝你地支持我!
作者: Meikin 時間: 12-8-18 10:03
我會叫佢早些起身做, 做唔晒, 尤得佢欠交, 佢試過欠交俾老師責怪, 就會上心, 會記得處理自己的功課.
我認為始終做功課是孩子責任, 大人幫得佢一時幫唔到佢一世, 我們只能從旁提點, 要忍忍手, 並教導他們從失敗中汲取教訓, 下次不要再犯同樣的錯就可以了.
作者: yokomo139 時間: 12-8-18 10:59
Meikin 發表於 12-8-18 10:03 
我會叫佢早些起身做, 做唔晒, 尤得佢欠交, 佢試過欠交俾老師責怪, 就會上心, 會記得處理自己的功課.
我認 ...
沒有功課交是他自己的責任, 若真的需要責罰, 我們便要乘機解釋比小朋友聽.
當然我地身為家長有責任提醒小朋友.
作者: longandhong 時間: 12-8-18 11:33
幫小朋友做功課，免得佢哋辛苦？不如代佢哋返學喇！
作者: marcuscyrus 時間: 12-8-18 17:14
絕對冇可能幫佢做，佢有責任自己記得要做，一次幫得佢補鑊，佢就會再次唔記得，因為原來唔記得左都冇乜野，阿媽會幫我做。有時d細路係要撞過板才會學好
作者: Mymaggie 時間: 12-8-18 17:23 標題: 回覆：A-Mum 的帖子
真是有智慧的家長
作者: Mymaggie 時間: 12-8-18 17:31 標題: 回覆：請大家評評理
我都十分反對幫孩子做功課，有些家長話最無聊做copy book，話浪費時間，有些話讀書報告多餘，所以要幫孩子做咗去，試問學校的老師或校長是如此的無智慧嗎？莫非只有這些家長很聰明？這樣做，自己害緊孩子也不自知。可悲！
作者: sukitelfold 時間: 12-8-18 18:44 標題: 引用：小女九月升小一了,+正上暑期班.++剛發現她
原帖由 gifthoney 於 12-08-17 發表
小女九月升小一了, 正上暑期班. 剛發現她上星期六的功課還未做, 明天要交了, 但她已睡了. 我打算明天一早 ...
作者: 杰杰媽媽 時間: 12-8-18 19:51 標題: 回覆：請大家評評理
呢個post令我諗起，以前既一單新聞----某大學生要溫書，所以叫左作父母寫論文。
我成日覺得唔想做功課就唔好讀書啦！冇錯好多功課係好無聊，但亦多個機會俾我對下本書。
作者: karenlyk 時間: 12-8-19 13:04
我唔贊成幫小朋友做功課,呢啲係佢嘅責任.
俾佢欠交一次,下次佢就會著緊自己的事
作者: bbchoi 時間: 12-8-19 16:34
支持樓主做法。
我個囡都試過類似情況，我叫佢好好記住，老師叫佢做咩功課，要帶啲咩，因為係佢返學，唔係我!
要清楚比佢知道，佢自己嘅責任。
作者: Daniel-Florence 時間: 12-8-19 16:49
本帖最後由 Daniel-Florence 於 12-8-19 16:58 編輯
我記得我讀小學5年班時, 校長展開了"小老師計劃"
我是其中一個小老師, 放學要幫個小學4年班同學補習. 每天要約7:00-8:00pm才放學!
我見佢做功課好慢好慢, 基本上應付唔到, 唔識做.
等佢做完功課都天黑, 無時間幫佢溫習. 最終入了死胡同, 成績永遠唔會有改善!!!
唯有幫佢做! 我都知比校長知道會死緊...但這樣做我先會有時間幫佢溫習, 等佢先了解/吸收...
最終比校長知道, 問我點解幫佢做功課? 我照直講! 校長沒有責怪我, 問我升小六時可唔可以繼續幫這個小學4年班同學補習?
最後, 我做了2年小老師, 我讀了Band 1中學, 而這個小學4年班同學只是Band 2. 佢同我幾friend 
校長比在2 個優點, 2包維他奶給我 
作者: Yakult1124 時間: 12-8-19 17:50
我都覺得有時候有些功課是相當無聊。最緊要睇下份功課是否有質數。現時讀書太忙，興趣又多，考試默書又緊張，真是生活太緊迫，功課又複雜，又要上網、又要剪貼，又要填顏色，跟本都不是這小小年紀可以承擔的工作。連基本休息的時間都不足，那有精力去學習。有時候我都會＂協助＂做不須用腦部份的功課，以換取較有質量的生活
作者: Daniel-Florence 時間: 12-8-20 14:48
本帖最後由 Daniel-Florence 於 12-8-20 15:06 編輯
開始見到有父母知輕重...
我當時身為小老師: 最緊要的意義/責任是令個小學4年班同學的成績有所改善.
做功課只是一種工具幫助改善其成績. 這工具明顯對這個小學4年班同學不太有用. 水能載舟, 亦能覆舟!
至於個小學4年班同學:
他的學習目標/責任是什麼? 完成功課? 或是成績有所改善?
成績有所改善方是其更重大義意/責任!!!
這世界只是非黑即白嗎?
我小五都知輕重, 當時校長都無complaint.
30年後的今日, 居然有咁多家長, 不是以小孩為依歸?
只是迫小孩接受不做功課 = 唔負責任?
好好想一想吧!
作者: mummy0910 時間: 12-8-20 16:17
Daniel-Florence 發表於 12-8-20 14:48
開始見到有父母知輕重...
我當時身為小老師: 最緊要的意義/責任是令個小學4年班同學的成績有所改善.
但係學校比得既功課唔係小朋友既責任,唔通係d家長問題.
其實做功課好多時係比佢地重溫上課時既野,
再者放學後有咁多時間去做,點有可能做唔晒?
除非d學生要用好多時間去學其他唔同既野就會無時間......
作者: miffy 時間: 12-8-20 16:29
提示: 作者被禁止或刪除 內容自動屏蔽
作者: Daniel-Florence 時間: 12-8-20 16:38
本帖最後由 Daniel-Florence 於 12-8-20 16:40 編輯
1. 學校比功課, 我相信只當一個工具比小朋友學習.
家長最了解小朋友, 這個工具是否適合小朋友? 是否太多? 是否個個小朋友頂得住? 家長知道吧.
2. 如果小朋友唔明上課時既野, 點做功課.
3. 時間多小, 不是重要. 重要是小朋友能吸收多少?
我覺得您未了解我所說的....really no offence!
作者: tiffanylmc 時間: 12-8-20 17:13
唔怪得現今既青年人會叫埋阿爸阿媽陪去見工.
作者: mummy0910 時間: 12-8-20 17:22
Daniel-Florence 發表於 12-8-20 16:38
1. 學校比功課, 我相信只當一個工具比小朋友學習.
家長最了解小朋友, 這個工具是否適合小朋友? 是否太多? ...
我想問點樣會知道小朋友唔明上課時既野?
作者: yokomo139 時間: 12-8-20 17:26
Daniel-Florence 發表於 12-8-20 16:38
1. 學校比功課, 我相信只當一個工具比小朋友學習.
家長最了解小朋友, 這個工具是否適合小朋友? 是否太多? ...
作者: yokomo139 時間: 12-8-20 17:30
mummy0910 發表於 12-8-20 17:22
我想問點樣會知道小朋友唔明上課時既野?
作者: mummy0910 時間: 12-8-20 17:46 標題: 引用：Quote:mummy0910+發表於+12-8-20+17:22+我
原帖由 yokomo139 於 12-08-20 發表
基本上如果佢對住D功課唔識做既時候, 已經代表左佢對課堂有唔明既地方.
作者: yokomo139 時間: 12-8-20 19:52
mummy0910 發表於 12-8-20 17:46
所以唔做功課咁點知佢唔明呢？
作者: himmamme 時間: 12-8-20 19:53
幼稚園升小一要交暑期功課???咩學校?
作者: silvia_ng 時間: 12-8-20 19:58 標題: 回覆：請大家評評理
no way,點都唔會幫小朋友做功課。罰就罰佢啦，要做功課係佢既責任。你先生既思維真真要不得！！！
作者: marcuscyrus 時間: 12-8-20 20:03
現在更加唔同以前，入小一，家長同學校應該係互相了解先入讀，如果發現讀落唔對路，應該另覓出路，而非替孩子找折衷，如果只以"成績"為先，而忽略其本身責任，我覺得這才不是為孩子的利益為依歸，我不想我的孩子將來為了"目的"就本末倒置。不喜勿插
作者: Daniel-Florence 時間: 12-8-20 23:01
本帖最後由 Daniel-Florence 於 12-8-20 23:06 編輯
我講一個故事比大家聽...
以前有一個富有智者, 有2個兒子(兒子A, 兒子B), 這個智者知道自己不久於人世, 想將自己的所有家產送給其中一個最有智慧的兒子.
有一日, 他和2個兒子說, 山後有一間屋, 邊個能最先打開門入屋, 入面所有家產歸佢. 智者各給2個兒子一模一樣的鎖匙.
兒子A快一點到達山後的屋, 馬上用鎖匙開門, 但試了幾次都開唔到門鎖; 心想:<爸爸比我的鎖匙一定開到門>, 再試了幾次, 都開唔到.
兒子B於於到達了, 同樣用鎖匙開門, 都是開唔到! 兒子B沒有再試, 停下來思考. 他最後放棄了用鎖匙, 系地上拿起一塊石頭, 打向門鎖, 門終於開了.
智者便將所有財產給兒子B了.
這故事是告訴大家知道, 要"思考" 和 "變通"
鎖匙不但開唔到門, 反而令兒子A失去財產. 因兒子沒有好好思考.
我們學習須要思考, 增加智慧.
功課正如鎖匙 , 與其死做, 不如學兒子B, 停下來思考.
作者: talent2000 時間: 12-8-20 23:42
提示: 作者被禁止或刪除 內容自動屏蔽
作者: 仔仔錫錫你 時間: 12-8-20 23:43
地上拿起一塊石頭, 打 向門鎖, 門終於開了. 兒子B拿著石頭並指嚇老爸， 智者便將所有財產給兒子B了.
作者: Geni 時間: 12-8-20 23:59
小朋友自己做哂老師俾O既功課係最基本O既責任，如果做唔到，原因只兩個：能力有限或唔想做。如果係因為能力問題（包括多到做唔哂），咁應該想想辦法幫佢用自己能力去完成可完成O既部份，再同老師討論一下小朋友O既情況，加以調息。咁係就算做唔哂都有責任O既表現。
如果係唔想做O既，就要知道因乜唔想做，係冇時間做？懶？D功課太無聊？呢D都唔係值得父母幫佢做O既理由。我覺得只有一個原因係非要幫佢做不可， 就係“父母不嬲都有幫佢做功課”！！ 佢一句“你上次夠幫我做！”，乜你仲有任何理由“推”番呢個“責任”俾佢咩？
作者: SCKnight 時間: 12-8-21 00:22
教小朋友乖乖認錯，總好過俾個錯覺佢，功課唔係佢嘅責任，日後做錯任何事都可以叫父母代為承擔！
作者: dollycamcam 時間: 12-8-21 03:56 標題: 引用：地上拿起一塊石頭,+打+向門鎖,+門終於開了.
原帖由 仔仔錫錫你 於 12-08-20 發表
地上拿起一塊石頭, 打 向門鎖, 門終於開了. 兒子B拿著石頭並指嚇老爸， 智者便將所有財產給兒子B了. ...
hahahaha 好好既故事比喻呀~!! 明白了大人做大事既手法和方針，他日智者既細佬必成大器!!!
作者: maybo224 時間: 12-8-21 04:50
每個人都要面對自己的責任，從小就教孩子只選擇自已覺得對自己有利有用的事才做，孩孑長大成人後會變成怎樣？？逃避取巧走捷徑不是成功之道。
作者: torunpoland 時間: 12-8-21 05:19
Daniel-Florence說: 如果真系有必要, 我會出手幫小朋友做功課.
其必要程度, 只有父母在實際情況下才知道. 當年, Daniel-Florenc面對的情況是"幫學弟學妹改善成績", 所以功課顯得無聊.
但其他大部分家長都針對樓主的情況而言: 幫小朋友做功課, 等於鼓勵孩子不負責任.
大家根本談的是不一樣的情況. 何來"知輕重之分"呢?
況且, Daniel-Florence也說水能載舟, 亦能覆舟, 視乎情況吧!
我認為, 不能幫小朋友完成功課, 此乃其責, 後果如何, 請他自理. 若因資質有限, 未能完成或感困難, 吾為其母, 必助, 責無旁貸也.
作者: 點算好 時間: 12-8-21 08:36
torunpoland 發表於 12-8-21 05:19
Daniel-Florence說: 如果真系有必要, 我會出手幫小朋友做功課.
其必要程度, 只有父母在實際情況下才知道. ...
作者: mummy0910 時間: 12-8-21 09:31
torunpoland 發表於 12-8-21 05:19
Daniel-Florence說: 如果真系有必要, 我會出手幫小朋友做功課.
其必要程度, 只有父母在實際情況下才知道. ...
我明白你的意思,但係幫助都只在於協助完成而不是幫他去完成,
若果習慣成自然,那麼小朋友養成有事所求必有人出手相助的習慣
那怕日後成長遇到問題也會用相同方法去求助!!!
作者: mummy0910 時間: 12-8-21 09:46
Daniel-Florence 發表於 12-8-20 23:01
我講一個故事比大家聽...
以前有一個富有智者, 有2個兒子(兒子A, 兒子B), 這個智者知道自己不久於人世, 想 ...
我覺得功課係門而唔係鎖匙...
鎖匙同石頭只係學生運用佢所學既野黎解決的方法
如果你的孩子是a, 你只會同他說等我幫你打開佢而不是教導他可利用其他的方法.
如果你的孩子是b,你也跟他說同一樣的說話嗎?
作者: LyNeC 時間: 12-8-21 11:16
我很喜歡拜讀大家的論據。能引發我深切思考。
雖然小女未到有功課的階段，但討論也令我感到兩難！
我看。。。很難一概而論。。。要視乎每次情況！
總之，幫與不幫、幫的形式、轉校與否、與老師硏究與否，實在有太多考慮。還有家庭背景、價值觀等等。老師質素–即是否求助對象。。。
希望每次個別情況衡量，大家不會給自己太大壓力，因為其實我們也是和小孩一起成長、學習。
作者: HaYi 時間: 12-8-21 20:53
Daniel-Florence 發表於 12-8-20 16:38
1. 學校比功課, 我相信只當一個工具比小朋友學習.
家長最了解小朋友, 這個工具是否適合小朋友? 是否太多? ...
作者: ah-ho 時間: 12-8-22 11:32
個仔唔識做功課，就幫佢做....最緊要佢識，做功課係浪費時間
個仔唔識考試，幫佢考...最緊要佢平時識，考試都係浪費時間
個仔搵工時唔識填自己屋企英文地址（最近報紙有報過），幫佢填...，最緊要佢識返屋企，唔識英文地址又有乜問題，填表都係浪費時間，電腦印出黎咪得囉
個仔唔識搵老婆，幫佢搵...舊時都係相睇架啦....使鬼拍拖...係浪費時間
個仔唔識生仔，幫佢生埋....科技進步，使乜花時間做愛....浪費時間
個仔唔識死，幫佢.......照顧兒女終老，係父母終生既責任...
唔合理既既搵理由合理化....very good monster parent.... LOL !!
作者: Daniel-Florence 時間: 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學補習. 升上中四, 學校一般會比好多功課, 測驗給學生應付會考, 或幫學校爭光!
這位同學被學校重點培訓, 參加好多比賽(如問答比賽), 取了全港冠軍.
成功的背後當然是更多功課, 操練.
有一日, 他自己一個人沒有目的行, 行到了碼頭, 座系碼頭到, 頭腦一片空白, 突然眼前一黑, (好似電腦突然斷電, 畫面黑矖), 跟住趺在落海....
妳們看完, 有什麼感想....?
Anyway, 當故事聽了就好了...
作者: mummy0910 時間: 12-8-22 13:09
Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...
你講咁多個故事其實都同小朋友有冇責任去完成功課毫無關係....
今次呢個故事同功課更加無關,個中學生之所以會有呢個事件發生,
只係學校本身對呢位中學同學既過份要求所至,而佢自己本身又唔識得同學校反映
更加唔清楚佢父母有冇協助佢或者因為要名利所以給與她更大壓力所至.....
作者: yokomo139 時間: 12-8-22 13:16
mummy0910 發表於 12-8-22 13:09
你講咁多個故事其實都同小朋友有冇責任去完成功課毫無關係....
今次呢個故事同功課更加無關,個中學生之所 ...
作者: lestat 時間: 12-8-22 13:48
Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...
認同你既理念, 但絶不認同你既手法.
冇錯, 學生學習最重要係理解同訓練思考, 如果因為功課多到足以影響學習, 我寧願欠交功課但都唔會"幫"小朋友做功課, 最多同老師解釋, 學習固然重要, 但培養小朋友既責任心亦同樣咁重要.
另一點, 我個人認為小學, 中學同大學既教育重點係唔同, 小學係着重基礎訓練, 同中學,大學追求知識, 鍛鍊獨立思考同判斷能力係唔一樣, 根基要穩固先可更上一層樓, 要根基穩固, 重復既練習某程度上係須要.
作者: Daniel-Florence 時間: 12-8-22 14:32
唔緊要, 箇中道理不是人人明白.
唔同人有不同際遇, 會有不同想法.
或許, 有一日, 您們會感受到, 了解到故事中背後的寓意.
Anyway, 就當我是怪獸家長好了, 或許, think outside the box 好了
作者: w_y 時間: 12-8-22 16:34
如果認為功課幫唔到個小朋友學習, 解決之道是和校方老師商討, 甚至轉校. 總之作業寫的是小朋友名字, 完成與否, 小朋友的事情. 代為完成=說謊!
如果份功課有問題, 我寧願交"吉" 都唔會講大話.
作者: mummy0910 時間: 12-8-22 16:47
Daniel-Florence 發表於 12-8-22 14:32
唔緊要, 箇中道理不是人人明白.
唔同人有不同際遇, 會有不同想法.
或許, 有一日, 您們會感受到, 了解到故 ...
咁當時你又為咩要做功課同考試測驗呢?
如果你唔鐘意但又會做又為左咩原因呢?
作者: newbaba 時間: 12-8-22 18:02
Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...
第一個故事入面，個老豆見2個仔用鎖匙開唔到門，就立即幫佢地推開道門，跟本就冇俾時間 2個仔去思考.....
小朋友做功課，遇到困難時，家長應該了解小朋友唔明d乜，再點明佢地，呢d叫協助完成！
家長識做功課，但唔等如識教細路做，與其浪費時間又點唔明個細路，就要求助於人 — 補習！ 並不是要幫佢做....
作者: maybo224 時間: 12-8-22 18:45
w_y 說得對極了！遇到困難時，應用正確的方法去面對和解決;從小就教小孩子說謊，長大後會變成怎樣的人？用說謊作弊來追求學問？？？？？？究竟是什麼"歪理"呀！
作者: Geni 時間: 12-8-22 19:34 標題: 回覆：Daniel-Florence 的帖子
老實講，我諗真係好難明白“幫小朋友做功課係啱“嘅呢個道理.....
我又講個故事俾你聽下：有個小朋友，學校要求每人作篇文章參加比賽，小朋友嘅爸爸覺得個小朋友唔會作得好，又覺得浪費時間，但又唔想佢欠交，所以幫佢作。最後，“小朋友“篇文得咗獎，爸爸好開心，仲沾沾自喜，但小朋友就唔想去領獎....
參加作文比賽明顯唔係"對成績有幫助或可增進知識"吧，如用你嘅準則，爸爸代作應該冇問題啦！但點解小朋友會唔想領獎，你又明唔明白點解？
作者: Lingcheung 時間: 12-8-22 21:19 標題: 回覆：Daniel-Florence 的帖子
你想引用"think out of the box!"對嗎?
作者: chanwendy 時間: 12-8-23 11:16
趕得切朝早做咪朝早做囉, 趕唔切咪由得佢冇交囉, 等佢經歷一下欠交功課的後果都好呀. 但一定唔贊成幫佢做囉.
作者: longandhong 時間: 12-8-23 14:09
原來真係有市場 :
【on.cc 東方互動 專訊】 暑假快將結束，但不少學生的暑期作業仍隻字未動，便索性上網搵「槍手」代勞。而網上「槍手」充斥，部分「槍手」自稱是名校中學生或大學生，亦有在職人士。為爭生意部分割價搶客，低至每頁收費僅數角。《太陽報》直擊一名女槍手，以50元報酬代做一本升小六的暑期練習，她用5小時完成，平均時薪只有10元！教育界人士更指出，部分學校將暑期功課也列為計分項目，不少家長為了子女成績，竟主動代為「請槍」。
http://news.on.cc/cnt/news/20120 ... 0823_00822_001.html
作者: HTLT 時間: 12-8-23 14:59
longandhong 發表於 12-8-23 14:09
原來真係有市場 :
【on.cc 東方互動 專訊】 暑假快將結束，但不少學生的暑期作業仍隻字未動，便索性上網搵 ...
受害者最終是自己仔女.
作者: Meikin 時間: 12-8-23 15:50
回復 HTLT 的帖子
同意.
這些槍手, 真是誤人子弟, 俾多多錢我都唔會做.
作者: mummy0910 時間: 12-8-23 17:07
Meikin 發表於 12-8-23 15:50
回復 HTLT 的帖子
同意.
其實有槍手都要有market .......
怪都係怪d家長為左成績好就做呢d事
作者: JJDBB 時間: 12-8-23 17:23
如果是大人沒有提醒小朋友做功課，大人都唔岩，但我唔會幫佢做，因為責任在於佢到嘛，寧願比老師罰，都要佢附責任的！責任是從小陪養的！
作者: ah-ho 時間: 12-8-23 17:30
我小朋友7月未完就已經做晒暑期作業了。另外剩餘暑期活動記錄，因要過左大半暑假先有野寫，先拖到剛剛上周完成。
作者: 方方媽媽 時間: 12-8-27 16:46
我有朋友做Band3小學校長,數月前我問佢升小學要注意既事項,佢分享佢個仔(讀名校中的名校)既做功課方法:
1. 抄寫的功課:媽媽幫手做
2. 勞作:工人幫手做
3. Project:爸爸幫手做
4. 數學及其他思考題:學生自己做
佢話咁先至有時間達至"真正"的學習.
至於樓主既問題,如果做得切,咪叫個小朋友早少少起身做囉.
如果做唔切,而該份功課又係好重要的話,我會選擇叫醒個小朋友即刻做.
如果該份功課一D都唔重要,但好花時間做,我會選擇唔做,或由父母代做.
一切,睇情況而定.
作者: 潮日屋 時間: 12-8-27 18:26
提示: 作者被禁止或刪除 內容自動屏蔽
作者: Geni 時間: 12-8-27 20:26 標題: 回覆：方方媽媽 的帖子
咁阿校長公子大個一定要做老闆，請阿媽做秘書，工人做assistance,爸爸做project manager
作者: im_cyt 時間: 12-8-27 20:55 標題: 回覆：方方媽媽 的帖子
邊間名校？如果不認同功課量或類別，倒不如不讀此校，好過代勞功課，事事有人代勞及不用負自己責任的習慣及觀念不要得
作者: im_cyt 時間: 12-8-27 21:01 標題: 回覆：請大家評評理
還有，身為校長也這樣教兒子找槍手，我為他教那間小學的學生擔心
作者: cmmcsid 時間: 12-8-28 10:09 標題: 引用：+本帖最後由+Daniel-Florence+於+12-8-17+2
原帖由 Daniel-Florence 於 12-08-17 發表
本帖最後由 Daniel-Florence 於 12-8-17 23:50 編輯
其實, 如果真系有必要, 我會出手幫小朋友做功課.
| 歡迎光臨 教育王國 (/) |
Powered by Discuz! X1.5 |