教育王國

標題: 請教有邊間直資/私立小學對 adhd 有支援? [打印本頁]

作者: a_for_apple 時間: 12-8-17 16:45 標題: 請教有邊間直資/私立小學對 adhd 有支援?

請教有邊間直資/私立小學對 adhd 有支援?
小朋友剛在 cac 見o左醫生, 臨床評估為輕微 adhd, 但又要搵小學, 怕傳統小學 d 功課多同太嚴謹, 想搵直資/私校. 請大家俾意見, thank you!!

作者: flhw03 時間: 12-9-13 12:07

九龍塘學校，啟基同九龍灣聖若瑟小學(男校)對ADHD學生都有支援。

作者: flhw03 時間: 12-9-13 12:09

以上三間學校的包容性大，而且老師好有愛心，亦會發掘學生的能力。

作者: a_for_apple 時間: 12-9-14 19:23

thank you very much flhw03!!

作者: JadeW 時間: 12-9-15 01:00 標題: 回覆：a_for_apple 的帖子

九龍灣果間聽講好嚴！

作者: a_for_apple 時間: 12-9-15 17:58

THX JadeW!
i believe so...........

作者: pocoyo123 時間: 12-9-15 20:07

九龍灣聖約瑟係傳統嚴謹的小學,入去要有心理準備.

啟基相對比較活動, 但對課程學術也有一定要求.

九龍塘小學唔知, 因無朋友讀過.

其他直資,

陸慶淘, 林文燦, 港大同學會, 嶺南大學同學會, 這幾間直接間接都有朋友讀過回覆, 如情況輕微可試, 不過佢地係直資, 學校不會有太大支援比你

作者: a_for_apple 時間: 12-9-16 16:47

thx pocoyo123!!
啟基, 林文燦, 嶺大我都有報, 不過間間都幾千人爭....
咁會唔會津校o既支援, 比私校直資o既好?包容性又如何呢??

作者: pocoyo123 時間: 12-9-16 17:22

咁你係邊一個綱? 睇下有無人比資料你

作者: a_for_apple 時間: 12-9-16 20:14

自行打算報九龍塘天主教華德學校, 如果唔得, 要大抽獎就係 45 網, 鑽石山.....我知都有幾間......聖文德, 聖博德....

作者: pocoyo123 時間: 12-9-16 21:56

45綱我真是不太清楚, 只識音小, 是活動教學, 功課比較輕鬆

作者: a_for_apple 時間: 12-9-17 09:08

音小唔收.......
但都多謝POCOYO123!!

作者: flhw03 時間: 12-9-18 01:05 標題: 回覆：請教有邊間直資/私立小學對 adhd 有支援

聖若瑟係英小，課程可能較其他學校深小小。但教育局會搵呢間學校做融合教育的分享！！而且學生都喜歡返學！！另外你可以試福德！

作者: a_for_apple 時間: 12-9-18 09:04

thank you flhw03!!
福德我見只開一班, 一來怕殺校, 二來怕難入.............

作者: tutik 時間: 12-9-18 10:04

回復 flhw03 的帖子

有途徑聽聽此分享的內容嗎?聖若瑟是我心水。

作者: pocoyo123 時間: 12-9-18 11:47

回復 flhw03 的帖子

聖約瑟有幾間, 你講融合係邊間, (你講是否彩石理那一間呢?), 因九龍灣聖約瑟是私校, 政府點會搵佢做融合? 融合是官立或津校先有, 直資同私校係無, 而且呢間學校的老師, 沒有一個受過特殊教育訓練, 學校是谷加嚴加多功課加大班教學, 完全沒有任何支援比SEN學生, 我有朋友讀緊, 佢話正常小朋友都好辛苦, 何況SEN學生

作者: tutik 時間: 12-9-18 14:05

, pocoyo123可否分享多些九龍灣聖約瑟?所講的嚴,合理嗎?會否影响小朋友自信心嗎? 融合表中有聖約瑟但不知是否九龍灣此間?
http://www.hkedcity.net/iclub_fi ... arty/sennetwork.htm

作者: pocoyo123 時間: 12-9-18 18:22

tutik:

你個綱址資料都好舊, 近幾年有些學校己分折為兩間, 有些己改名, 不如你上政府綱址, 裡面有列出每年融合教育&新資助模式的學校資料

NET46有兩間聖約瑟, 一間私校, 一間津貼, 你亦可上小學概覽2012有詳細說明, 另外灣仔都有一間, 所以要睇清楚.

聖約瑟英文小學, 係天主教, 又係男校, 一定係嚴, 嚴是否合理的, 總之, 有大量規則, 嚴格遵守, 本身學校亦注重學術, 課程亦比較深, 入得去小朋友要有返咁上下能力.無人停下腳步去遷就你, 係你要跟隨別人進度往前行, 得唔得就要家長自己去諗.

另一間佐敦谷聖約瑟係津校, 新校舍, 融合教育(有些學校是指融合是為一些新移民, 小數族裔為服務對象), 我不知這間融合做得如何, 只知去年有一個SEN家長, 去同學校傾過, 佢話學校態度不太好, 所以佢住附近都去左第二區返學, 不過., 今年唔知道有無改變, 你試下去睇睇

作者: tutik 時間: 12-9-19 18:26

回復 pocoyo123 的帖子

多謝妳咁詳細, 其實我係41綱只得8間學校簡, 囝囝活潑好動但暫時未算過動,喜歡試別人底線, 有時都攪到身邊人好麻煩, 我覺得佢需要規範, 學習自律, 至於學術我會跟他一同面對,我也對他有信心。

希望眞的沒為兒子決定錯, 也看囝囝面試表現, 就交托給主吧!

作者: 糖糖9 時間: 12-9-20 09:28 標題: 回覆：a_for_apple 的帖子

提示: 作者被禁止或刪除內容自動屏蔽

作者: flhw03 時間: 12-9-20 21:10

其實我以前都覺得聖若瑟英文小學的私校是好辛苦的，但因為我的朋友阿仔K3證實是ADHD仔，他最後決定入左呢度。呢間係私立英文小學，而且小一至小三係活動教學。另一方面由於是私小老師的文件工作較小，因此多左時間在教學的發展，加入不同的活動及職務，令小朋友愉快的學習。而且所有都是男子，所以學校的活動較為適合好動的小朋友。

作者: Anita0423 時間: 12-9-20 23:50

My Son (SEN but not adhd) is in KTS but my doctor recommended 'Wah Tak', Yiu Shan', and Christian College ' in Shatin. Sorry, my Chinese writing pen is not working ...

作者: flhw03 時間: 12-9-21 09:46 標題: 回覆：請教有邊間直資/私立小學對 adhd 有支援

其實要看下小朋友係邊方面要支援先唸學校！因為ADHD同讀寫就好唔同的學校策略，所以要看需要。希望幫到你啦!

作者: a_for_apple 時間: 12-9-24 15:38

多謝咁多位!!

聖若瑟我都會考, 收o左再諗.....
我揀新華德係因為兩個細o既係天主教徒, 有九龍城升中網, 選擇較多, 又有個妹跟尾, 可以益埋阿妹, 新華德好似全校活動教學, 校舍好新, 比較冇咁辛苦, 希望冇揀錯 (不過舊年 20 分都要抽)

作者: bbpigbb 時間: 12-9-29 17:59 標題: 回覆：a_for_apple 的帖子

請問華德是邊區？是政府或是私家？

作者: a_for_apple 時間: 12-9-30 14:47

華德有兩間, 一間係華德學校 (舊華德), 一間係九龍塘天主教華德學校 (新華德), 兩間都係 41 區津貼學校

作者: Patsy2009 時間: 12-10-3 16:41

我囝讀緊基華(九龍塘), 學校在3年級開始有補底班, 會將中英數成績較落後的分成小組教學, 約 10 鬆d人一組, 平時功課沒有調適, 只是測考加時約10分鐘. 另會有情緒管理小組, 家長工作坊 ... 等, 每學年不同.

華德下午校, 即延文禮士道新校, 功課比舊校少, 老師亦有愛心, 可以考慮.

東頭邨溥仁小學於小一會有兩位老師一齊授課, 對小朋友照顧較好.

福德小學老師有愛心, 包容性大.

作者: a_for_apple 時間: 12-10-6 20:10

thank you paysy2009!!
福德我都曾經考慮, 但怕佢俾人殺校....
最後都係揀o左新華德.........

歡迎光臨教育王國 (/)