教育王國

標題: 我個仔成日都有笑料俾我 [打印本頁]

作者: BKVIP 時間: 12-8-13 15:56 標題: 我個仔成日都有笑料俾我

分享下同A仔相處時的快樂事︰

情景一︰在日本餐廳內
阿仔指住爸爸D 胡SO 問︰咩黎架？係咪胡SO 黎架？
爸爸︰係呀

阿仔指住好認真的樣子︰1...2...3...4....
爸爸︰睇你數到几時
阿仔︰4條胡SO

情景2︰在西餐廳內
爸爸之前因一些事鬧阿仔，到食完飯，爸爸叫︰自己拎紙巾抺咀啦。
阿仔抺完咀仔，用同一張紙巾抺爸爸後面既頭髮
爸爸好嬲問︰你做咩呀？
阿仔︰幫爸爸抺汗呀！
爸爸︰我無汗呀，唔駛抺啦
我即場忍唔住爆笑

作者: Olympian 時間: 12-8-13 17:11

搞笑仔

作者: bbqiu 時間: 12-8-13 21:49

又幾多笑位播!得閒再post多d上黎

作者: HopeLJ 時間: 12-8-14 08:56 標題: 回覆：我個仔成日都有笑料俾我

作者: BKVIP 時間: 12-8-14 10:07

呢排6點就會播封神榜片尾曲。琴日我行入房，阿仔無啦啦在我旁邊哼起來，雖然佢唔識D歌詞，但男聲唱佢會扮男聲啍，到女聲唱，佢高8度扮女聲啍，最後個句佢識歌詞，好大聲咁唱︰永在心~~~~~~~~~~~~

沖涼佢首飲歌係"洗白白"，必定一邊沖一邊高聲唱，唱到調轉晒D歌詞︰污糟既細蚊仔，人人都鐘意，倒開盆水囉，洗白白......乾淨既細蚊仔，無人鐘意佢架，洗白白......... 被佢激C

作者: yauman76 時間: 12-8-14 10:48

作者: BKVIP 時間: 12-8-15 21:18 標題: 回覆：我個仔成日都有笑料俾我

雖然佢係a,但佢依然係我心目中的小天使，帶給我歡樂

作者: HopeLJ 時間: 12-8-16 00:50 標題: 回覆：我個仔成日都有笑料俾我

之前問阿仔一d嘢，佢識答但只會無focus 咁講「冇」。最近佢會攤大手望住你扮大人講「冇wor~」。好好笑，普通媽咪唔覺得特別，但我開心得很，得閒回想就笑。

作者: HopeLJ 時間: 12-8-16 01:02 標題: 回覆：我個仔成日都有笑料俾我

早排教阿仔分類，食物係「好好味」幫佢入腦。跟住有日中午落街，見到看更叔叔食緊飯盒，指住再大聲講「好好味～」，大堂兩三個住客包括看更係到一齊笑。

作者: chowqv 時間: 12-8-19 00:11

我個仔都有類似笑料：

話說我都係一個潮潮地既阿媽，都會打下機。

有一次我開個game打，輸左。

個仔話：媽媽，你又輸左？

我：係囉，輸左。

仔：aiya，你唔可以咁輕易放棄既，快d再打；打到贏為止！唔使怕，我會支持你。

我：

阿仔我打機之嘛，輸左唔使拼命呀。

p.s.阿仔今年4歲。

作者: anan3388 時間: 12-8-20 10:34

本帖最後由 anan3388 於 12-8-20 10:35 編輯

教左仔褲叫做 pants, 有日佢無拿拿指住條校服褲講: west pants ---- 即係西褲

作者: BKVIP 時間: 12-8-30 10:09

本帖最後由 BKVIP 於 12-9-12 11:52 編輯

琴日我又被我仔笑C，佢地D小朋友講嘢真係好天真好可愛

事件一︰
出發去食飯，到樓下大堂，通常佢要我提先同人講"HELLO" 唔會叫叔叔EE

今次佢竟然一出LIFT 就對住個保安EE揮晒手講︰HELLO! 我地去荃灣廣場食飯呀，88。

我同阿仔講︰人地都無問你去邊

====================================================
事件二︰
跟住去到某酒樓食晚飯，個度有個超巨型大電視，食食下我見到有"造王者" 預告，我就醒起話︰哎呀，趕唔切返屋企睇造王者TIM，唔記得錄影呀

仔︰我要睇"造王者"
我︰你睇架咩？你知套嘢講咩架咩？
仔好大聲︰知！
我︰咁有咩角色呀？
仔︰皇上
我︰咁你又係咩角色呀？
仔︰我係皇上
我︰

=====================================================
事件三︰
然後返到屋企樓下大堂，一開玻璃門佢向前跑20步左右去到保安EE 個枱前，望住個EE講︰我返黎啦！
保安EE問︰係呀，你返黎啦？你住邊架？
仔︰XXXXXXX (講屋苑名)
保安EE又問︰咁你叫咩名呀？
仔︰請小心LIFT門 (開始9唔搭8

) EE個頭打晒???
我︰EE問你叫咩名呀。
仔諗一諗，轉身拋下一句︰ xxxxxx Tse
我︰人地問你中文就答中文啦
串到丫 :;pppp:

作者: kc61282 時間: 12-8-30 13:03

回復 BKVIP 的帖子

十分支持這主題!

我地都有睇封神榜, 我仔比較鍾意唱"暴君"...

作者: Capricorn2521 時間: 12-8-31 16:12

本帖最後由 Capricorn2521 於 12-8-31 20:29 編輯

暑期班完了，我個仔依家晚晚食完飯就問我得吾得閒。要我同佢玩扮老師。佢扮老師，我扮學生，佢好似老師咁問我問題，我就要答佢。其實都係玩返暑期班d遊戲。如果我答錯咗，佢就叫Daddy同佢一齊指住我講：你錯咗啦！

依家佢仲好主動叫我同佢一齊玩襟棉胎，包剪揼，過3關(打井)，配對咭遊戲。

以前佢學咗D遊戲，都可以玩返出黎，不過係自已同自已玩，一人分飾幾角咁玩，依家就會叫我同工人姐姐同佢一齊玩。我話吾得閒，要去沖涼。佢會等我沖涼後再問我。

有時老公會叫我吾好曬錢，話D訓練活動好貴。依家見個仔學到野，(佢自己見到都笑)，我可以大聲同老公講：物有所值。

作者: BKVIP 時間: 12-9-11 16:43

Capricorn2521 發表於 12-8-31 16:12
暑期班完了，我個仔依家晚晚食完飯就問我得吾得閒。要我同佢玩扮老師。佢扮老師，我扮學生，佢好似老師咁問 ...

睇到呢句"佢就叫Daddy同佢一齊指住我講：你錯咗啦 " 忍唔住笑了

作者: BKVIP 時間: 12-9-11 16:48

前日我地一家又出去食飯，在餐廳撞到朋友一家四口，有個小女孩同我大仔同年，不過唔係好出聲，好靜的。

我行埋去聽佢地講咩，原來我仔竟然向個女仔作自我介紹

我仔指住細佬︰XXXX TSE (細老英文名)
跟住指住自己︰XXXX TSE (自己英文名)
跟住指住爸爸︰ Father TSE

聽到隔離枱既伯伯係度笑埋一份

作者: onmama1819 時間: 12-9-11 22:49

Good laugh, thank you.

作者: flhw03 時間: 12-9-14 12:54

Thanks for sharing.....So good ar!!!!!!!!!!!!

作者: xixi1218 時間: 12-9-14 23:01

曾經都有想過發起類似的主題，覺得其實我們的A仔A女很天真，有時很可愛。偶爾見到這個主題，確實令大家先放下一些痛苦無奈，享受一下孩子的另一面。吸收一些正能量。支持~！

歡迎光臨教育王國 (/)