教育王國
標題: 每次早上就有情緒發生，點算！ [打印本頁]
作者: bbpigbb 時間: 12-8-13 10:35 標題: 每次早上就有情緒發生，點算！
我小孩己5歲了，每次早上起床或出門口返學前，久不久就閙起情緒令到我哋不知怎樣處理，有時罰和獎都不行，請問你們有沒有發生這情況，有什麼方法可改善小孩情緒問題呢！
作者: SKB 時間: 12-8-13 11:11
小兒剛升上K2，由K1開始都經常經遇到同樣的問題，但他只是針對我，有我在時他什麼都鈕或reject，如果只有工人姐姐幫他刷牙換衫等都非常合作，基本上15min可以出門口上學，而且不會鈕計選擇什麼交通公具上學，現在我通常趁他未起床便靜俏俏上班，不會跟他一起坐車上學上班，同時我好怕工人姐姐唔做，到時我都唔知點算好LU!
作者: LPYdad1 時間: 12-8-13 13:45
回復 SKB 的帖子
For SKB,
The reason seems very clear. He wants you to stay with him longer which is actually not a bad sign.
He just dont know how to express and u of course might not realised.
Solution need to asseess his ability and interest.
Saying like if he is clever enough, u might make him an offer what u could do when u are back home if he behave well in morning.
But ever never never bought him a snack or too materialistic reward.
I am 100% sure, the case will get worse later if u did it this way.
Choice could be a play in playground, go to Mac or even watch a video if he behave gd enough.
it should be an event, a function with some interaction at least.
One more crucial thing is that even he himself forgot what u promise, u should do whatever u said before at night, even reminded him. It is very important.
Other tactics could be written later if u want to know.
or u might write more details for each part if u want to know.
作者: YingMa_1 時間: 12-8-13 14:08
回復 LPYdad1 的帖子
My daughter (3 years old) has similar problems, because it is her father brings her to school. When she wakes up, she cannot see me because I go to work very earily in the morning. She will ask where is mother again and again even my husband told her she goes to work and will pick her up after school. She is not like that before and just happens from this week. She studies at this school for about one month and before didn't have problems. I just tell her at night that I would pick her up in the afternoon, She is not good at interpreting questions and only knew how to speak two to three components sentences. Would anyone share their experience? Thank you!
作者: bbpigbb 時間: 12-8-13 19:22 標題: 回覆：LPYdad1 的帖子
Hi LPYdad1
可否打中文，thanks!
作者: free_style 時間: 12-8-16 21:05
其實有無諗過幫小朋友戒口？我個女自戒口後，情緒及專注力好左好多。起碼試下幫佢戒小麥，奶及蛋。
作者: bbpigbb 時間: 12-8-17 00:14 標題: 回覆：free_style 的帖子
Hi free_style
其實我都有諗過幫小朋友戒口，我已經沒有比糖果、cookie餅、朱古力、汽水等等高能量食品比小兒食，至於戒小麥、奶、蛋等等食品十分難避免的。
例如：早餐有時食麥皮or麵包or蛋卷or魚肉燒賣等等，午餐在學校食也很難避，有時出街食小兒必食是肉將意粉，是小兒最愛一種，我所講的食物通通都會有小麥奶蛋成份。
我應該何處入手，請多多指教。
Many thanks!
作者: takdad 時間: 12-8-18 15:24
提示: 作者被禁止或刪除 內容自動屏蔽
作者: free_style 時間: 12-8-18 17:31
我覺得佢地發脾氣，部份或者係情緒，但好似抑鬱症咁，其實呢類病都可以有 biological aspect. ，有人喜歡做密集訓練，那很好。我選擇由 biological 方法入手，感覺上係從根源性解決問題。
我選擇跟醫生戒口，但其實若想自已試下效果先，我覺得亦唔壞，起碼是中肯的，自已試。但是這個「試」，要試得有質素。外國唔少例子顯示，gluten 是對部份小朋友專注力及情緒控制有明顯影響，就試下戒三個月，戒清佢，看看有無分別。我覺得咁係最好的測試。小朋友好左壞左，做父母的最貼心感受。
作者: free_style 時間: 12-8-18 17:35
問題係，你想要小朋友情緒好、專注力改善，就要放低「即食」、「方便」的心態。從根本處著手。戒小麥、奶及蛋，係我覺得最起碼的消費。
戒小麥：坊間的麵、麵包、蛋糕一概唔駛食。自已整 gluten and dairy free 的。又或者，去一田、city super 等大超市買。(呢在超市買的建議，係費事俾人誤會我係賣廣告的，當然，有專店買係最方便。另一個方法係搵朋友係外國帶返來，我三個方法都有用)。
戒奶：轉飲豆奶、米奶，百佳惠康亦有售
戒蛋：基本上同戒小麥的差唔多........自已多看標籤吧。
作者: free_style 時間: 12-8-18 17:38
本帖最後由 free_style 於 12-8-18 17:42 編輯
我個女有驗食物敏感，雞都係要戒，出面食的野，勁多有加雞粉，就連白粥都係。所以，我地平時食左好多唔知係乜的野。若你有敏感又唔知的話，點會唔出事。
我個女，自從戒左口之後，情緒好左好多。試過一次夜晚去完街返來，半瞓著，捉佢去沖涼，以前喊到死，而家都係喊兩聲。算接受到啦。
以前成日覺得佢曳，唔聽話，而家回想，其實佢都身不由己，戒左口後，佢變左個可愛小朋友，食少 D 都抵。所以我幫佢研究多些可吃的東西。
作者: free_style 時間: 12-8-18 17:41
其實我唔反對密集訓練、行為訓練，但人生流流長，你訓練得幾多? 今日教佢對住人講多謝，明天長大了，青春期，你點算? 社交、對答、交流，係要感受出來，訓練就如愚公移山，唔會唔得，但每一個治療法都要配合個人及家庭的文化及性格。我鐘意從根本著手處理一件事，行為治療一定有效果，訓練狗仔都得，點解訓練人唔得?! 只是，我對於靠外在修修補補的方法，打從心底裡有點保留，始終覺得唔夠扎實。
作者: free_style 時間: 12-8-18 17:49
戒口，說實的，其實一 D 都唔容易。但看你揀什麼囉。方便搵食緊要? 定佢情緒好、溝通好、識自已學同人溝通緊要?
我係因為有需要才試戒口，因為個女，言語發展遲左一年，同佢溝通，聽唔明指令，易發脾氣。咁我可以點呢。試過上行為治療、言語治療、針炙。都試左好多野，我當時的心態係，針炙我都夠膽俾佢試，點解戒口唔得? 係難，難得過插針? 戒口十個月了，咁多種方法，戒口係最有用。起碼每日返學無困難，著衫食早餐，無乜固執行為，姐姐都讚佢易湊左好多
作者: free_style 時間: 12-8-18 17:58
講完理念，講下實際操作。你說：
「例如：早餐有時食麥皮or麵包or蛋卷or魚肉燒賣等等，午餐在學校食也很難避，有時出街食小兒必食是肉將意粉，是小兒最愛一種，我所講的食物通通都會有小麥奶蛋成份。」
早餐我會整 gluten free 的通粉、螺絲粉、米粉(要註明 gfree, 我睇過，銀絲米粉係有溝小麥的)及粟米片之類的 cereal。自製的 gfree 麵包、蛋糕等等。
午餐：我女返全日制幼稚園，同學校講，全日由小吃到午餐，我全部自備。飯放在暖杯。
晚餐：易搞啦，只要工人姐姐知點做就 OK. (自家製肉丸呀，燒腩仔呀....全家人都食得健康左)
甜品：啫喱，自製的雪糕、慕絲、朱古力(gfree and dairy free)，還有很多很多，看媽媽們的創意。唔一定係貴野、唔一定係某家專門店買的野，其實好多天然材料，街市可買，只是看我們有沒有花心思去想如何炮製
作者: free_style 時間: 12-8-18 17:59
本帖最後由 free_style 於 12-8-18 18:00 編輯
就如肉醬意粉。可以自製呀，有 gfree 意粉及意粉醬的，豬肉街市有售。有得食喎，自備囉。咁你話無咁方便，那是事實。我會預先帶備，到時倒出來一齊食，感覺上好似一齊出徍食囉。
作者: bbpigbb 時間: 12-8-19 00:55 標題: 回覆：takdad 的帖子
Hi takdad。 可否分享下解決方法嗎！
作者: bbpigbb 時間: 12-8-19 01:11 標題: 回覆：free_style 的帖子
Hi free_style。 好多謝你的分享，many thanks!
1）想請問只食蛋白得唔得？
2）出面書店有沒有這類形書籍教煮食呢！
作者: free_style 時間: 12-8-19 11:18
1。唔得。其實食左唔會死，但食左，咪即係無戒口。
2。有，page one, 多數係英文。或上網睇。
作者: takdad 時間: 12-8-19 15:13
提示: 作者被禁止或刪除 內容自動屏蔽
作者: takdad 時間: 12-8-19 15:42
提示: 作者被禁止或刪除 內容自動屏蔽
作者: free_style 時間: 12-8-19 17:22
其實A仔除了腸道敏感，最重要係因腸道問題，所攝入的東西，嚴重影響腦部發育，導致有自閉症徵狀。我唔敢話有方式可以完全醫好自閉症，亦無呢個capacity 去講呢樣野。不過，詳細研究佢地的理論，我覺得亦有其根據。
最重要，係作為用家，睇住朋友的A仔小朋友，問題改善了七成。到我個女中招，亦以破爷沉舟的心態去試，問題同樣改善了七成度啦。我的目標係，將佢變返去普通小朋友的程度範圍中。
就以叫佢起身為例，大家都係辛苦。不過你地花在每朝不時同佢搏鬥，我花在戒口及自然療法。我的感受係，叫佢起身無難度，早上返學運作暢順，我叫佢、姐姐叫或爸爸叫都基本上可以運作，咁先可以享受返正常的家庭生活。而且小朋友整體溝通能力持續性改善，整體的感覺係有出路、有盼望。
其實世上方法何其多，紅斑狼瘡，西醫話無得醫，中醫又真係有人睇好。唔知佢乜原理，若你係患者，睇完佢、好左七成、甚至好九成，這是最實際的。我對治療方式的態度開放，有用是最直接衡量的方法。
我看我還是說到這裡好了。作為用家，無必要捍衛任何一個療法，我自已受惠很多，所以見有類似問題，會分享下。但較少不斷說服人去試，畢竟每一個療法的成功，一個好重要因素，是患者本身堅決試行的心志，這是成功與否不可或缺的重要一環。
作者: apple~y 時間: 12-8-20 10:52
本帖最後由 apple~y 於 12-8-20 11:02 編輯
其實好難講無一樣治療百份百幫到小朋友,解決小朋友問題
密集s位訓練,st, ot ,pst, ABA, 針炙,健腦操,顱胝骨治療,音樂治療,生物治療
0甘多種治療都聽過唔同家長講邊樣治療幫到小朋友
所以我覺得只要幫到自己小朋友有突破性進步,有好大改善
那種治療就係對自己小朋友最有用,最好
作者: owl_2046 時間: 12-8-20 16:22
SKB 發表於 12-8-13 11:11 
小兒剛升上K2，由K1開始都經常經遇到同樣的問題，但他只是針對我，有我在時他什麼都鈕或reject，如果只有工 ...
同我CASE一模一樣.
個仔剩係蝦我, 我係度佢特別多事實, 好鬼煩.
我每朝都早D出門返工, 等工人招乎佢.
老公都話我放工回家前個仔好地地, 一見我返到屋企又開始奄奄尖尖.
唉!可能我由細縱慣佢.
作者: free_style 時間: 12-8-20 22:07
owl_2046 發表於 12-8-20 16:22 
同我CASE一模一樣.
個仔剩係蝦我, 我係度佢特別多事實, 好鬼煩.
我每朝都早D出門返工, 等工人招乎佢.
當然，一切都要付代價，我所有的私人時間都俾左佢咁滯......
作者: owl_2046 時間: 12-8-23 11:12
free_style 發表於 12-8-20 22:07
我掉返轉諗喎，若有呢個情況，應該爭取所有可能用的時間自已湊，湊到個細路對住媽咪時，唔會特別扭計。我記 ...
其實只要我大聲D喝佢, 佢一定唔敢再曳, 但我唔想, 因為已好少時間對住個仔.
佢確實比較爹我
作者: BKVIP 時間: 12-8-23 11:54
apple~y 發表於 12-8-20 10:52
其實好難講無一樣治療百份百幫到小朋友,解決小朋友問題
密集s位訓練,st, ot ,pst, ABA, 針炙,健腦操,顱胝骨 ...
同意，每個小朋友體質同特質都不同，同一種治療用於不同小朋友身上都有不同程度的效果，如果對身體無害一試無妨。
講開小朋友有情緒發生，我想就算正常小朋友都會有，只係自閉症的小朋友特別固執。以下係我對我仔有情緒時處理手法，唔係一定啱，但用在我仔身上就好WORK。
我從來都唔會就個仔，所以阿仔由小到大都不停接受不同的轉變。佢鐘意一成不變我就要佢成日面對轉變。試過佢有一次我放假接佢放學，佢無啦啦在街喊，我立即想起婆婆平時平時放學唔係行呢條路返家，但我由得佢喊，自己快步行左去頭也不回，掉底佢係街係好狠心，不過佢就會死死地氣跟返我，但我唔會拖佢，除非佢收聲。到第二次在不同環境我又走不同路，佢知我一定唔會理佢走左去，喊都無用，所以無再發生同樣既事。
有時可能父母太愛鍚子女，太保護佢地，一扭就就晒佢地，我在街見過小朋友瞓地扭買玩具，父母又抱又氹都搞唔掂。我仔有一期都想用呢招，我真係由佢瞓地同佢講88，佢咪CC地氣無再用呢招。
作者: Capricorn2521 時間: 12-8-23 12:31
本帖最後由 Capricorn2521 於 12-8-23 12:35 編輯
回復 BKVIP 的帖子
絕對同意你的理論.......我都係主張要小朋友改變去適應社會。小時候適應不來，大時很難改變。但要好小心自己小朋友的固執程度，太固執的，要多做一點點功夫，一步一步慢慢改變。
| 歡迎光臨 教育王國 (/) |
Powered by Discuz! X1.5 |