教育王國

標題: 小兒眼睛一事，敬請各位幫忙！ [打印本頁]

作者: play141 時間: 12-8-13 04:14 標題: 小兒眼睛一事，敬請各位幫忙！

各位朋友：小兒今年4歲，自佢2，3歲我發覺佢其中一隻眼每當望嘢時唔係同另一隻眼同一方向，好似望左另外一邊，好似俗稱＂射呢眼＂咁，身邊朋友又無呢個情況同經驗，我倆夫婦視力正常並無需用眼鏡，但小兒嘅姑姐有此情況，佢現年差不多50歲，我擔心小兒對眼將來會好似她一樣，唔知會否同遺傳有關？請問我應該點做？我想同佢去眼科醫院check下但又怕政府醫院多見習醫生（怕他們經驗不足會延誤治療時間），如果私家醫生又唔知邊個醫生好（因為私家醫生收費貴所以想準確啲揾個幫到我個仔嘅醫生，唔想求其找一個，萬一唔好又要換過另一個）！好煩惱，請各位比啲意見，唔該曬，感激萬分，多謝幫忙！

作者: silvia_ng 時間: 12-8-16 13:00

我女今個月底都會做手術呀! 呢種手術係8歲前做就最好。之前我係盲人輔導會幫佢搵視光師檢查, 但之後都睇左私家。

醫生叫我預35000蚊做手術, 唔做既話大左可能會眼球定左係度的。想知多d可以上網search 間歇性外斜視。如果呀仔已經成日係咁, 就要快去睇啦! 我呀女都係間歇性架咋, 只係越黎越密囉。

作者: 高齡產婦 時間: 12-8-17 15:58

回復 play141 的帖子

雖然我囝囝的情況同你囝囝唔同, 但我囝囝都有視力問題要睇眼科醫生...
我囝囝在嘉賓大廈1003室嘉賓眼科專科睇DR KO CHUN YU TEL:２７４９　１３３１(在銅鑼灣都有中心)
醫生好NICE, 好細心, 專睇小朋友的!

作者: candytsy 時間: 12-9-7 11:31

本帖最後由 candytsy 於 12-9-7 11:33 編輯

小朋友外斜視唔係一下就好的,手術可以改善外觀冇咁覺眼,但之后唔做眼操都係會變返有斜視的,我女四歲時間歇性斜視做過一次手術,好返一年后又變返差,當時的手術醫生也是好出名的,幾好的醫生都有可能要做第二次或第三次,囡囡今年8歲斜視還有,但可以自已控制到,係因為在盲人輔導會一直有做視軸訓練,我女當時的手術費都係4萬左右,但之后的覆診費用每次成千大元,長期要覆診到8歲都唔好話唔甘,所以我覺得看完私家還是在政府掛單長期覆診比較化算.

歡迎光臨教育王國 (/)