教育王國
標題: 剛收到醫院新症排期要一年 [打印本頁]
作者: 信媽 時間: 12-8-12 11:43 標題: 剛收到醫院新症排期要一年
本帖最後由 信媽 於 12-8-12 11:44 編輯
在學童保健檢查時, 醫生都懷疑我個仔係A仔, 我再在博思會兒童心理學家証實是, 學童保健醫生幫我轉介去聯合精神科排期, 醫院說排期等期都好多人, 再等了2個月, 醫院才比到期我是明年暑假, 究竟我是快期還是普通, 我值得慶幸嗎? 在這未來一年, 我又能做什麼?
作者: babycat9001 時間: 12-8-12 14:15
你等得一年都算是快,不過要睇你小朋友有幾大,你排期時填份問卷調查亦好有關...我5月去聯合精神科排期,排到13年8月,姐係等一年3個月...等得黎都差唔多入埋S位啦!我現在等梗既時間,比個仔返主流+OT+PST...其實我都知全部都唔會令小兒有進步,只係度浪費梗時間(主力等梗S位)
作者: 信媽 時間: 12-8-12 16:43
本帖最後由 信媽 於 12-8-12 16:44 編輯
Oh~ 原來真的要等這麼久, 問卷調查.....我因為很忙, 只劃了幾個剔, 便交了, 我是7月頭去聯合精神科排期, 排到明年6月.
小兒13歲, 中一, 中小學也讀主流, 大家也要加油!
作者: fandd 時間: 12-8-12 23:10
回復 信媽 的帖子
點解13歲才去做評估？囝囝幼兒時無病徵嗎？
作者: 信媽 時間: 12-8-12 23:42
本帖最後由 信媽 於 12-8-12 23:44 編輯
fandd 發表於 12-8-12 23:10 
回復 信媽 的帖子
點解13歲才去做評估？囝囝幼兒時無病徵嗎？
有病徵....但.....我從不發覺有問題, 只是比較頑皮, 因為我也是今年才知自己也是自閉, 都是我的錯. 悔恨不識字我的父母也從不知"自閉"這兩個字, 只是話我唔啋人的.
作者: AnsonWong2009 時間: 12-8-13 07:07
回復 信媽 的帖子
信媽,好多嘢想問你,但係唔識點問,好冇默水多的爸爸媽媽幫幫手?
你話囝囝返小學時老師常電話投訴?會係D咩事?有冇欺凌或被欺凌?佢社交方面有冇朋友仔?同人相處OK嗎？佢學D規舉係咪講几百次先識定係自己自動識?佢語言方面?同人溝通?表達OK嗎？唔開心嘅時候佢會點做?唔好意思問咁多問題....
作者: BKVIP 時間: 12-8-13 08:15 標題: 回覆：剛收到醫院新症排期要一年
請問如何才可得知小朋友是高智能自閉？自行找外間的智能評估嗎？多大才可做？
作者: Capricorn2521 時間: 12-8-13 11:46
本帖最後由 Capricorn2521 於 12-8-13 11:54 編輯
回復 BKVIP 的帖子
我個仔2歲係CAC評估時，醫生都係話佢高功能自閉症，報告上寫上自閉傾向。因為我個仔當時2歲砌到2歲半嘅PUZZLE。仲話佢係可以讀主流小學。不過，佢腦只有大量資料，而不懂表達，等如有入冇出，令佢產生很多情緒及行為問題。醫生叫我快D train 佢，train得早又好，連s位都吾洗入。
作者: apple~y 時間: 12-8-13 11:55
回復 Capricorn2521 的帖子
高功能都好主力處理社交,情緒
唔係高功能樣樣都要train,去追都真係好累
你小朋友係咪番i位??
作者: Capricorn2521 時間: 12-8-13 12:00
本帖最後由 Capricorn2521 於 12-8-13 12:15 編輯
回復 apple~y 的帖子
係呀，下個月返i位。
吾係架，高功能都好多野train，除了社交,情緒之外，自理，手腳協調/動作，言語理解及表達，感統....... 行為最要train。不過，學術/日常知識真係好快上手。
作者: BKVIP 時間: 12-8-13 15:49
其實點樣介定係咪高功能？高功能自閉症即係亞氏保加症？
作者: Capricorn2521 時間: 12-8-13 16:48
回復 BKVIP 的帖子
我都吾係好肯定..... 有人話兩者係一樣。但當我第一次見精神科時(當時仔3歲)，醫生嘅回覆係：
高功能 ------ 智能正常或以上，但言語發展遲緩
亞氏保加 --- 智能正常或以上，沒有言語發展遲緩
其實我想問當高功能言語發展追倒後，是不是變成亞氏保加呢? 但再想一想，其實什麼名稱都不緊要，都係統稱「自閉症」，便沒有再問了。
再者，我個仔嘅語言已經追得好貼，相信在6歲評估時，我吾問，醫生都會再話比我聽。
作者: abcpqr 時間: 12-8-13 18:46
我囡排兒童精神科要等足足2年,我上月尾去排,要2014年7月尾先有得睇
作者: 信媽 時間: 12-8-13 22:38
本帖最後由 信媽 於 12-8-13 22:42 編輯
AnsonWong2009 發表於 12-8-13 07:07
回復 信媽 的帖子
信媽,好多嘢想問你,但係唔識點問,好冇默水多的爸爸媽媽幫幫手?
老師投訴他不肯守規條, 因為他有自己一套原則, 不容易妥協的, 不至於欺凌, 但真的沒有朋友, 但有幾個同學仔很仰慕追隨他的, 因他敢反抗老師連訓導都唔比面咪話他好型.
佢言語表達很弱, 且不懂說自己情感, 例如, 他說" 我要食豬腸粉" 他指一指, 我才明" 我要食優之良品"
又例如, 他說" 今晚全家一齊做功課" 今次我估左好耐才明" 今晚要睇誰家灶頭無煙火"
其實, 真的最親最親媽媽才能和他溝通到的.
佢唔開心時會不停咬手指, 咬至十指流血.
但比佢玩最喜歡的" 爆旋鉈鏍" 他便會很安靜地專心看轉.
作者: 信媽 時間: 12-8-13 22:41
本帖最後由 信媽 於 12-8-13 22:42 編輯
BKVIP 發表於 12-8-13 08:15
請問如何才可得知小朋友是高智能自閉？自行找外間的智能評估嗎？多大才可做？
...
我在私人博思會做, $6000, 心理學家做完報告會講的, 我也是做韋氏測智商.
作者: 信媽 時間: 12-8-13 22:45
abcpqr 發表於 12-8-13 18:46
我囡排兒童精神科要等足足2年,我上月尾去排,要2014年7月尾先有得睇
你在那間醫院排? 我在聯合兒童精神科只是排一年, 況且我個仔咁大個, 已定型, 已是非緊急個案了.
作者: babycat9001 時間: 12-8-14 08:10
我想知信媽點知道自己有自閉症?覺得自己同平常人既生活有冇唔同?
作者: AnsonWong2009 時間: 12-8-14 12:19
回復 信媽 的帖子
我囝囝2012年8月約精神科2012年11月有位,佢都係高功能A,3歲.,可能佢細個相對咁快嘅
作者: BKVIP 時間: 12-8-14 13:23
AnsonWong2009 發表於 12-8-14 12:19
回復 信媽 的帖子
我囝囝2012年8月約精神科2012年11月有位,佢都係高功能A,3歲.,可能佢細個相對咁快嘅 ...
係咪精神科會評估架？
作者: AnsonWong2009 時間: 12-8-14 16:44
回復 BKVIP 的帖子
唔知呀,11月去先知
作者: 信媽 時間: 12-8-14 20:16
AnsonWong2009 發表於 12-8-14 12:19
回復 信媽 的帖子
我囝囝2012年8月約精神科2012年11月有位,佢都係高功能A,3歲.,可能佢細個相對咁快嘅 ...
嘩~~你真的很幸運只係排3個月!
究竟有無人知是什麼因素會影響人人排期都唔同的?
是大仔還是幼兒快d? 反正是新症, 醫院醫生又未見過小朋友. 又會唔會私家轉介會慢d?
作者: 信媽 時間: 12-8-14 20:25
babycat9001 發表於 12-8-14 08:10
我想知信媽點知道自己有自閉症?覺得自己同平常人既生活有冇唔同?
是見我個仔個心理學家講.
因有一part 是家長會講述家庭生活習慣來作背景.
我從來都無覺得自己不同, 因我獨來獨往, 樂在其中, 尤其有了仔仔後,
火星人多了一個伙, 兩母子感情深厚, 世界更精采, 因為他智商比我更高, 勁敵!
作者: AnsonWong2009 時間: 12-8-15 20:50
回復 信媽 的帖子
信媽,你好風趣呀
作者: 信媽 時間: 12-8-16 15:54
本帖最後由 信媽 於 12-8-16 17:25 編輯
AnsonWong2009 發表於 12-8-15 20:50
回復 信媽 的帖子
信媽,你好風趣呀
唉~~咪就係咁Law.......當我好認真轉個腦時, 朋友們都話我好攪笑.....
閒時我阿媽聽到我同個仔對答時, 佢都話佢聽唔明, 遲早趕我倆母子返上火星......
唉~~我阿媽成日話我教壞個仔同我一模一樣, 連我個仔都識答"應該是婆婆的基因有問題"
生活經驗告訴我, 出街時要扮地球人, 保持冷靜, 不要理閒事,
只要返到屋企, 就可以自自由由同個仔玩得好開心, 火星人的世界其實是很純潔很善良的.
只有...我同個仔爭玩具爭電腦玩時, 大家都無情講的.
作者: chowqv 時間: 12-8-17 02:44
abcpqr 發表於 12-8-13 18:46 
我囡排兒童精神科要等足足2年,我上月尾去排,要2014年7月尾先有得睇
你排邊到，我之前都係2014年，不過早幾日，姑娘打黎，話10月有個位俾我。我拿拿聲話好。
作者: chowqv 時間: 12-8-17 02:52
信媽 發表於 12-8-14 20:25
是見我個仔個心理學家講.
因有一part 是家長會講述家庭生活習慣來作背景.
原來我有伴。我細個都係咁。我只係記得讀小學，有衛生處既職員做黎學校做集體檢查，有事先要家長帶小朋友去中心再進一步check。我屋企幾姊妹，就單單係我要要去。我仲好記得我娘親拎住張紙話：aiya，過左日子，算囉。
我都係獨來獨往，可以幾日唔出聲，外出食飯，固定位子，固定菜式。上堂訓，但係我一定會pass。
家下都係同阿仔有時講火星話。我早一個月知阿仔係adhd，自閉。我喊到收唔到聲。因為我肯定唔識教，我知自己都係呢類人。
作者: BKVIP 時間: 12-8-17 09:16 標題: 回覆：剛收到醫院新症排期要一年
本帖最後由 BKVIP 於 12-8-17 15:13 編輯
DELETED........
作者: abcpqr 時間: 12-8-17 13:36
回復 chowqv 的帖子
我排那打素,你掛排那間?
作者: 信媽 時間: 12-8-17 14:26
chowqv 發表於 12-8-17 02:44
你排邊到，我之前都係2014年，不過早幾日，姑娘打黎，話10月有個位俾我。我拿拿聲話好。 ...
你排那間? 是不是今年10月? 小朋友幾大? 你真幸運咁快比到你.
作者: 信媽 時間: 12-8-17 15:30
chowqv 發表於 12-8-17 02:52
原來我有伴。我細個都係咁。我只係記得讀小學，有衛生處既職員做黎學校做集體檢查，有事先要家長帶小朋友 ...
我很興奮能在這裏找到同鄉
老實講, 心理學家話我兒是A仔時, 我真係哇一聲崩潰到唔識收聲的, 但佢話, 我都是時, 反而我平靜左, 原來我一直受到排斥是因為我是火星人, 不是我經常做錯事, 那麼, 我可以把我行過的路, 告訴兒子, 做他的領航燈, 他便不會是孤單一人了, 所以我很榮幸我也是火星人.
其實最能清楚我兒子喜愛什麼討厭什麼, 只有我, 那我又何需那些心理學家, 教育學家教我們如何去扮一個地球人, 如何討老師歡心, 做一個行行企企填鴨的孩子, 13歲才知"自閉"這個Label 又如何, 我們從來也是開開心心活過來的, 只要他就是我十月懷胎生下的, 我會以他的本相去接納他, 支持他, 全程愛他, 由他快樂地去探索生活.
到現時為此, 仔仔從未令我失望過, 在他能力的範疇下, 一次又一次破頂, I' m pound of him!!
母子同心, 他也知自己言語不正, 但經常為家人帶來歡樂趣事, 連佢自己都話笑到反肚!
其實, 無論是地球人或火星人, 只要大家互相體諒, 互相寬容, 也懶得理他什麼A仔, B仔, Band 1 或Band 3.......
作者: chowqv 時間: 12-8-18 23:43
本帖最後由 chowqv 於 12-8-18 23:43 編輯
abcpqr 發表於 12-8-17 13:36
回復 chowqv 的帖子
我排那打素,你掛排那間?
沙田做評估，果邊既醫生姑娘話佢地無野再可以做；跟住我去左油麻地兒童精神科排，初初俾果日期係：2014年2月！無錯，係2014年。我拎住張紙，4行眼淚問姑娘係我睇錯定佢打錯。姑娘答我：你無睇錯，我都無打錯，係2014年。
跟住同我講一輪，我唯有照排，但係上星期打俾黎，話今年既10月有一個位，問我要唔要，我緊係要啦。
作者: chowqv 時間: 12-8-18 23:52
信媽 發表於 12-8-17 15:30
我很興奮能在這裏找到同鄉
老實講, 心理學家話我兒是A仔時, 我真係哇一聲崩潰到唔識收聲的, 但 ...
可能我個仔真係我日夜祈禱期求，所得既奇跡禮物。我有生之年都會盡我所能去愛佢。
我當初（係上個月）知道，何嘗唔係喊到收唔到聲，覺得好對佢唔住。我一路都知自己係火星人，我都唔係好識做地球人，所以我擔心唔知點引導我個仔，火星血統下做地球人。
唯一我最自豪，我個仔絕對唔會懷疑我對佢既愛。
作者: 信媽 時間: 12-8-19 13:03
chowqv 發表於 12-8-18 23:52
可能我個仔真係我日夜祈禱期求，所得既奇跡禮物。我有生之年都會盡我所能去愛佢。
我當初（係上個月）知 ...
你好叻, 好堅強, 你仔仔會是開心發現自己的媽媽也是同伴, 他才不會孤單, 反而他害怕只有自己一個不同, 你倆母子的感情一定很好了! 因為你就是他唯一的依靠! 憑感覺我行一條自己舒服的路便是了! 你一定做得到的!
生活要求和規則是因人而異的, 只不過地球人是大比數, 成了話事權!
我仔仔很喜歡爆旋陀螺, 我就很喜歡髮型屋的轉燈, 天父所做的世界真的很美的! 每個人都有自己的天賦!
火星人是善良的一群, 有自己的要求和模式, 同樣喜歡同一個天空的!
作者: 信媽 時間: 12-8-19 13:05
2014年2月！
(雷擊中)
作者: chowqv 時間: 12-8-20 00:31
信媽 發表於 12-8-19 13:05
2014年2月！(雷擊中)
咁你明點解我會流下4行眼淚啦！
作者: 信媽 時間: 12-8-21 17:51
本帖最後由 信媽 於 12-8-21 17:52 編輯
我今日行過聯合, 便順手望一望個水牌.
兒童新症現排到2014年5月!!!!
| 歡迎光臨 教育王國 (/) |
Powered by Discuz! X1.5 |