教育王國

標題: 覺得兼收位的言語治療訓練唔夠 [打印本頁]

作者: 小冬 時間: 12-8-11 00:59 標題: 覺得兼收位的言語治療訓練唔夠

有無家長覺得學校的訓練唔夠?我小朋友兩星期得一堂半小時的言語治療，想再操多一點，但私人又太貴，那裏會有一些訓練?

作者: bubufafa 時間: 12-8-14 12:41

第一，幾多先叫夠？
第二，妳有冇一齊上堂，學咗方法日日喺屋企同小朋友練習？
第三，上多一堂半堂真係分別咁大咩？

作者: 小冬 時間: 12-8-16 22:27

回復 bubufafa 的帖子

以前在協康會每星期一堂五十分鐘的言語治療，後來去左兼收位，學校方面叫我地唔駛浪費金錢在外面，在學校變隔兩個星期一堂每堂三十分鐘治療，邊度夠呢?後來我先知好多其他學校的家長仍然有參加出面的言語治療。
我只想知那裏有小組的言語治療?

作者: 小冬 時間: 12-8-16 22:32

回復小冬的帖子

每次我都有同小朋友在學校上堂的，日日都有温，老師同治療師話佢進步得好好，但我覺得係之前差得太厲害，其實真係有無小朋友追返實際年齡?

作者: 小冬 時間: 12-8-16 22:40

你試下唔上一堂唔同個小朋友重温，就知結果點，我只係問下個問題啫，你唔鍾意可以唔回應，你知唔知家有遲緩兒的感受架?真係奇怪!

作者: bubufafa 時間: 12-8-23 15:30

我之前唔知妳每次都有同小朋友上堂同日日温，非常欣賞妳的努力。但係既然老師同治療師話佢進步得好好，妳係咪覺得進步未夠呢？如果出面再揾，妳想佢練返平時教緊嗰啲定教新嘢？雖然言語治療係兩個星期一次，但係平時兼收老師有冇同小朋友練呢？我相信有小朋友追返實際年齡架，我冇唔鍾意，不過我覺得有時小朋友嘅日常生活環境同經歷可能比喺治療室上堂更重要啫。

作者: 小冬 時間: 12-8-28 22:48

唉~~言語治療師話佢追得好快，但當我給一些新的圖片叫小朋友解釋，佢又講得唔流暢，名詞動詞放錯晒位置，我就諗返起，有時言語治療師教果些圖片其實之前我曾經給了小朋友看，雖然咪好似講得好叻咁。

作者: 小冬 時間: 12-8-28 22:50

回復 bubufafa 的帖子

唔好意思，我語氣重左一點，原來一塲誤會。因為仲有一年佢就六歲，我好担心佢。

作者: crystal媽咪 時間: 12-8-29 18:48

從來兼收位的服務都唔多夠, st 已較好,  其他治療(ot /pt)仲更少.
隔兩星期一次, 即係一個月兩次, 已算不錯, 早兩年請不到st, i位的小朋友做了一次評估就未能排到下次上課的時間. 有d一個月只有一次. 少得可憐.

你學校用什麼機構的st服務隊 !?!?  因之前知道部份機構在星期六 / 日都有活動, 如: 你想參加的言語小組, 但要留意是小組跟大部份小朋友的進度, 唔夠針對性.  你問返st, 睇下有無 !?!?

除了st, 其他仲跟唔跟到?  如果係細仔, 會否考慮做多次評估, 申請讀多年至上小一 ???

作者: cat1028 時間: 12-9-7 18:03

今曰我去cac個言語治療師話學校個兼收老師會曰曰同小朋友練習。

作者: 小冬 時間: 12-9-11 23:45

唉!我仔學校的兼收老師年年都唔同，因為太辛苦，所以走左，同埋我知道佢地又要讀書，又要照顧家庭(有仔女的)，又要做野(做壁報、教兼收小朋友、有時仲要家訪.......N咁多野做)真係唔好旨意晒佢地。

作者: 小冬 時間: 12-9-11 23:49

st係一個後生女，好大可能啱啱畢業，又係唔可以旨意佢，佢聽唔到我個仔發唔到"S"音。

作者: bubufafa 時間: 12-9-12 23:10

回復小冬的帖子

兼收老師年年轉又係幾麻煩......但係又控制唔到。st都難請人，有啲直頭請唔到。後生女係經驗少啲，但係應該會好心機嘅，不過連s音錯都聽唔到就抵打，咁練習語言方面好唔好呀？如果真係覺得唔得都真係唯有試一試出面，睇吓有冇大分別啦。

作者: wilyun 時間: 12-9-28 14:18

我本來排左兼收位,現在聽協康會姑娘講好似排早期訓練會好一點,起碼一星期一,兩次訓練(小組/單對單),但就每次都要有大人陪囉!

作者: monkeydiary 時間: 13-6-22 03:24 標題: 回覆：wilyun 的帖子

我女女都搵左私人評估，結果發現有言語發展遲緩，但如果再見st又要等到10月(st建議), 而家我想再做d野幫下佢，可唔可以講下點排早期訓練呢?

作者: POCHACCO2011 時間: 14-4-11 10:02

提示: 作者被禁止或刪除內容自動屏蔽

作者: POCHACCO2011 時間: 14-4-11 10:11

提示: 作者被禁止或刪除內容自動屏蔽

作者: winwinwan1121 時間: 14-4-12 00:30 標題: 引用：回復+小冬+的帖子每次我都有同小朋友在學

原帖由小冬於 12-08-16 發表
回復小冬的帖子

每次我都有同小朋友在學校上堂的，日日都有温，老師同治療師話佢進步得好好，但我覺得係 ...

我仔仔都是遲緩，就來三歲，整体遲8个月，我都想知究竟有冇可能追上同齡，你小朋友而家5歲，情況大約係奌?

作者: wongvivian86 時間: 14-5-19 21:08 標題: 引用：Quote:原帖由+小冬+於+12-08-16+發表回復+

提示: 作者被禁止或刪除內容自動屏蔽

作者: cli2011 時間: 14-6-18 13:59

唔好意思, 阻住大家傾計。我係新手媽媽, 阿囡剛比醫生話佢語言遲緩, 要再做評估。想請教下咩係I位, E位, S位, ST/OT/PT 又係咩?
謝謝

作者: wongvivian86 時間: 14-6-18 15:08 標題: 引用：唔好意思,+阻住大家傾計。我係新手媽媽,+阿

提示: 作者被禁止或刪除內容自動屏蔽

歡迎光臨教育王國 (/)