教育王國
標題: 請賜教，該捨近圖遠，還是就近上學？ [打印本頁]
作者: ckwok1 時間: 12-8-9 22:59 標題: 請賜教，該捨近圖遠，還是就近上學？
小女在沙田網升小六。 我們一直都以沙田學校為目標， 因沙田有不少好的Band1 中學供選擇。 老師郤建議用一個自行位向區外學校試試， 老師認為區內名校的成績固然好， 但區外傳統學校所稟承下來的校風會是讀書以外的得著。 老師提議暑假期間搜集中學資料，好作準備。 提及的有伊利沙伯中學， 瑪利諾修院， 庇理羅士。
我們原本目標是就近上學，心儀呂明才，曾肇添， 能入其中已好好， 再者培英也不錯， 從沒想過區外學校。 經老師一提， 又有點掙扎。
請教過來人，其實在自行階段該找一間穩操勝券的，還是博高一線？
而該捨近圖遠求更上一層， 還是安穩地就近上學？
伊利沙伯中學比曾肇添， 又是否值得長途拔涉？
作者: 杰杰媽媽 時間: 12-8-9 23:24
如果去到庇理羅士就真係太遠啦.
我仔今年都係自行考左入沙田一間你地本區唔會揀做第一既英中,一擊即中,但我唔係為左搵高一線,我只係想搵間岩我仔既好學校,幾遠都去.一定有人話近D都會有好學校,但唔太熟既我唔會去博,我唔想用個仔既人生黎博.
PS: 家住將軍澳
作者: cellon 時間: 12-8-9 23:34
本帖最後由 cellon 於 12-8-10 19:34 編輯
ckwok1 發表於 12-8-9 22:59 
小女在沙田網升小六。我們一直都以沙田學校為目標，因沙田有不少好的Band1 中學供選擇。老師郤建議用一個自行位向區外學校試試，老師認為區內名校的成績固然好，但區外傳統學校所稟承下來的校風會是讀書以外的得著。老師提議暑假期間搜集中學資料，好作準備。提及的有伊利沙伯中學，瑪利諾修院，庇理羅士。
...
伊利沙伯中學比曾肇添，又是否值得長途拔涉？
伊利沙伯中學和曾肇添哪一間較好，實屬見仁見智；但是，由沙田到旺角東站，坐東鐵只需11分鐘，算是「長途拔涉」嗎？請問你住近沙田的哪一區呢？
作者: HappyEE 時間: 12-8-10 00:28
可能人人把尺唔同, 係我心目中曾肇添好過伊利沙伯中學
作者: starfishting 時間: 12-8-10 00:36
如果你女兒讀書是自動自覺的,曾記會適合
作者: Meikin 時間: 12-8-10 01:25
小學我主張就近入學, 但到中學, 小朋友已長大, 即使跨區返學也可以自己應付, 所以選間合適的中學較為重要, 畢道第時讀大學及返工都未必能在區內架啦.
作者: elbar 時間: 12-8-10 08:33 標題: 引用：小女在沙田網升小六。 我們一直都以沙田學
原帖由 ckwok1 於 12-08-09 發表
小女在沙田網升小六。 我們一直都以沙田學校為目標， 因沙田有不少好的Band1 中學供選擇。 老師郤建議用 ...
作者: orangebb 時間: 12-8-10 08:34 標題: ckwok1 的帖子
最重要係合適, 如是, 一小時以內的車程完全可以接受。
樓主可能唔係住近火車站, 不過都無所謂, 小朋友大得好快, 會應付到架。
作者: starfishting 時間: 12-8-10 08:57
其實，女校和男女校已是一個分別。另外，沙田去九龍塘也很方便，怎算是遠！
作者: like_travel 時間: 12-8-10 10:48
本帖最後由 like_travel 於 12-8-10 10:56 編輯
如果我係您, 我會先填曾記 (因為沙田係您本區), 2nd choice 填 MCS, 到時如果曾記唔收就睇下MCS 收唔收您囡囉 !
論校園 MCS 係勝曾記好多倍, 可以享咁靚既校園讀書係一種福份 !
作者: chiu0128mama 時間: 12-8-10 10:49
回復 杰杰媽媽 的帖子
Hi, 杰杰媽,假如798條線啱的話,入沙田好快啊,我都住將軍澳,9月仔仔上F1要到九龍塘上學.:loveliness:
作者: elbar 時間: 12-8-10 11:41 標題: 引用：+本帖最後由+like_travel+於+12-8-10+10:56
原帖由 like_travel 於 12-08-10 發表
本帖最後由 like_travel 於 12-8-10 10:56 編輯
如果我係您, 我會先填曾記 (因為沙田係您本區), 2nd ch ...
作者: curryson 時間: 12-8-10 11:53
搵一間啱自己的學校係最好的.
識兩個沙田朋友,一個就放棄咗沙田,自行入咗聖保羅男女中學.
而另一個就留咗係沙田,而且佢唔揀曾記,去咗呂記,因為個仔雖然讀書叻,但不夠活躍.
作者: like_travel 時間: 12-8-10 12:19
elbar 發表於 12-8-10 11:41
好大機會浪費 2nd choice
我的strategy 係因為樓主本區係沙田區, 既然兩間學術一樣高 (可能曾記高一線), 1st choice 理應填曾記, 但世事無絕對, 曾記一旦唔收樓主個囡都尚可試 MCS 運氣.
作者: samuel89 時間: 12-8-10 12:21
ckwok1 發表於 12-8-9 22:59
小女在沙田網升小六。 我們一直都以沙田學校為目標， 因沙田有不少好的Band1 中學供選擇。 老師郤建議用 ...
p.s.長途拔涉都有好處...... 小朋友唔會長期群住屋村朋友仔........
作者: ohnono 時間: 12-8-10 12:30
like_travel 發表於 12-8-10 12:19
我的strategy 係因為樓主本區係沙田區, 既然兩間學術一樣高 (可能曾記高一線), 1st choice 理應填曾記, 但 ...
通常如果係成績好好的同學，最穩陣係自行時就攪掂，唔好等大抽獎，大抽獎信唔過。
第一志願填一間好喜歡的，第二志願就要險中求勝。所以我會選曾肇添/MCS第一，第二選伊中。
就算派左伊中，返轉頭叩曾記和MCS。
作者: ohnono 時間: 12-8-10 12:35
本帖最後由 ohnono 於 12-8-10 12:35 編輯
除了選地區之外，樓主都要考慮這些學校唔讀先得。
曾記和MCS水平較高，同學間的競爭大。相反，伊中較輕鬆。
作者: mandy304 時間: 12-8-10 12:40
知足常樂也. 我好想返工近d. 因搭車的時間真係好浪費, 加上工作完都好累.想盡快休息. 中學雖然大個仔, 但都不好選擇太遠, 仲要左轉右轉車....因為真係苦了孩子.
作者: 杰杰媽媽 時間: 12-8-10 13:21
一個鐘車程可以做到好多野
作者: samuel89 時間: 12-8-10 18:03
mandy304 發表於 12-8-10 12:40
知足常樂也. 我好想返工近d. 因搭車的時間真係好浪費, 加上工作完都好累.想盡快休息. 中學雖然大個仔, 但都不好選擇太遠, 仲要左轉右轉車....因為真係苦了孩子.
作者: toscr 時間: 12-8-10 18:16
其實老師提議試外面的名校,即是機會率都好高,可參考你女兒小學的過往派位資料,先比較兩間學校有那些方面適合你女兒，聽吓資訊會、你女兒的意願才作決定。
作者: toscr 時間: 12-8-10 18:20
現在我都煩緊是否搬屋就兒子返學，但當初選校時,我都同兒子講明若不搬屋,跨區返學會好辛苦,叫他想清楚,但他堅持跨區,所以我都順從他的意願。
作者: sumheima 時間: 12-8-10 18:29
ckwok1 發表於 12-8-9 22:59
小女在沙田網升小六。 我們一直都以沙田學校為目標， 因沙田有不少好的Band1 中學供選擇。 老師郤建議用 ...
沙田有咁多好學校,駛唔駛專登選九龍區返學呀.雖然沙田出九龍路程不算好遠,不過早上沙田幾條隧道塞車,時間難預算.
加上讀中學都幾忙幾多活動,慳番時間去做其他野好過.
而且曾記成績絕不遜於MCS/QE,分分鍾好過呢兩間'名校';雖然MCS/QC歷史悠久,一向受家長愛戴!
識幾個讀MCS女仔未又係讀書,補習咁生活,無mug話'出外見識'到什麼,學校亦沒有特別其他津校無的活動呀.可能DGS/SPCo.會有多些吧.
作者: samuel89 時間: 12-8-10 18:40
toscr 發表於 12-8-10 18:20
現在我都煩緊是否搬屋就兒子返學，但當初選校時,我都同兒子講明若不搬屋,跨區返學會好辛苦,叫他想清楚,但他堅持跨區,所以我都順從他的意願。
放心啦, 返完學後, 你就唔會再諗搬屋"就"阿仔架啦, 因為佢一定冇問題架啦(以我2個仔既經驗)
作者: toscr 時間: 12-8-10 18:44
回復 samuel89 的帖子
Thank you very much!
作者: samuel89 時間: 12-8-10 18:58
回復 toscr 的帖子
講真, 幫大仔面試完自行,我試過因為"遠"既問題, 諗住放棄(甚至email 學校唔好收佢, 學校回覆已經呈上教局,幫唔到我).......而家唔經唔覺大仔都升中四啦........
作者: elbar 時間: 12-8-10 19:11 標題: 引用：Quote:ckwok1+發表於+12-8-9+22:59+小女在
本帖最後由 elbar 於 12-8-10 19:20 編輯
原帖由 sumheima 於 12-08-10 發表
沙田有咁多好學校,駛唔駛專登選九龍區返學呀.雖然沙田出九龍路程不算好遠,不過早上沙田幾條隧道塞車,時間 ...
聖瑪利末代會考優良率 都勝過 沙田曾記 和 北角張記
MCS 這間九龍 (可能全港) 第一官津女校竟然被人看低 
作者: ohnono 時間: 12-8-10 22:51
elbar 發表於 12-8-10 19:11
聖瑪利末代會考優良率 都勝過 沙田曾記 和 北角張記
MCS 這間九龍 (可能全港) 第一官津女校竟然被人看低 ...
我諗有些家長都係傾向就近返學，免除舟車勞頓之苦。
不是聖瑪利唔好，不過自行得7、8個位，摶唔過！MCS值摶率就高d，但中學又用差不多一半自行學額收番自己小學的學生，外來生實得廿幾個。計計下反為留低係沙田好過。
作者: ckwok1 時間: 12-8-10 23:47
多謝各位意見。
我們最心儀是呂中。
若然要出區外，預了是博的，也預了不成功。 既然是博是否值得去盡如庇理羅士。而庇理羅士是否比曾記高
作者: toscr 時間: 12-8-10 23:53
你個range都好大,沙田、九龍塘、港島
作者: 杰杰媽媽 時間: 12-8-11 00:04
最後問一句: 你對這些學校清楚嗎?
作者: cellon 時間: 12-8-11 00:08
本帖最後由 cellon 於 12-8-11 13:20 編輯
ckwok1 發表於 12-8-10 23:47
多謝各位意見。
我們最心儀是呂中。
若然要出區外，預了是博的，也預了不成功。 既然是博是否值得去盡如庇理羅士。而庇理羅士是否比曾記高
唔識答。
本來你想在本區附近，咁沙田區都有好多好中學。你想近，可以就選擇最近的中學。
但你一時又覺得由沙田到旺角都算長途拔涉，另一時又想去港島東區的庇理羅士.......
其實你知唔知自己想點呢？
作者: toscr 時間: 12-8-11 00:11
可能樓主見還有時間諗
作者: 杰杰媽媽 時間: 12-8-11 00:36
時間好快就過晒GA啦!仲要留返D時間俾小朋友去了解target既學校去面試..........真係唔太清楚既,不如不要動.
作者: ohnono 時間: 12-8-11 00:58
樓主這種心態，好多人都會有。由初初唔瞭解，漸漸睇到野，聽到野多左，跟住上來EK蹓躂，越來越有欲望，跟住考慮搬屋租樓的都大有人在。
作者: 杰杰媽媽 時間: 12-8-11 01:05
不要只聽人地意見,要再自己親眼去驗證(歷時幾年,冇可能一次半次就清楚),
如果有熟人係個間讀就更加好.
作者: coachcoach 時間: 12-8-11 10:54
最好鍾意那間就選那間，入到後才決定吧！為了子女大不了搬家！我都有幾個friend 都搬離沙田區！
作者: elbar 時間: 12-8-11 11:55 標題: 引用：多謝各位意見。 我們最心儀是呂中。 若然
本帖最後由 elbar 於 12-8-11 12:00 編輯
原帖由 ckwok1 於 12-08-10 發表
ckwok1 發表於 12-8-10 23:47
多謝各位意見。
我們最心儀是呂中。
若然要出區外，預了是博的，也預了不成功。 既然是博是否值得去盡如庇理羅士。而庇理羅士是否比曾記高
此兩校末代會考成績雖稍為不及 沙田曾記 和 北角張記，但亦不失為好學校
作者: ANChan59 時間: 12-8-11 12:12
撇除跨區，你對選校是否有其他條件? 例如宗教，男女校，英文為主........ 這些條件幾有代表性。你又試列出你所提及的學校優缺點，具體作比較，雖不中亦不遠。
小兒學校及校長好鼓勵成績及整體表現好的學生跨區，因為在區內部分中學未必是最理想，特別是男生，而且當校內的尖子跨區了，餘下的入到本區較佳的中學機會多些。當然我們是明白，所以跨區選的學校一定十分心儀的中學，包括直資及官津中學，如果收則一定去。
作者: ohnono 時間: 12-8-11 12:12
選同區的學校還好，若有興趣的是跨區的學校時，最快捷方便的就是靠口碑，那有可能花幾年時間去親身觀察環境。況且由幾年前開始，到幾年後結束，到時自己的小朋友又唔知可否達標。知否世事常變，試想，小朋友今天仍是band 1，誰不知考完呈分試跌落band 2；又或者原是band 2，最後又變band 1。直到你決定了，選好了，才驚覺變幻才是永恆！
倒不如最直接上來EK問一問其他家長，18區都有家長隨時候教。跟住睇埋Khmama的全港學校排名。你還可以上去學校網頁望望學校的概況，揭揭他們的學年報告。最後關頭還可跟老師作仔細的磋商，這樣就雖不中亦不遠矣！
作者: ohnono 時間: 12-8-11 12:28
ckwok1 發表於 12-8-10 23:47
多謝各位意見。
我們最心儀是呂中。
在地理環境上，曾記跟庇理羅士就係北轍南轅，到時可能真係要考慮搬屋。既然豁出去的話，何妨玩盡d，摶盡佢。
作者: BallBallMaMa 時間: 12-8-11 14:54 標題: 引用：Quote:ckwok1+發表於+12-8-10+23:47+多謝各
本帖最後由 BallBallMaMa 於 12-8-14 02:04 編輯
原帖由 ohnono 於 12-08-11 發表
在地理環境上，曾記跟庇理羅士就係北轍南轅，到時可能真係要考慮搬屋。既然豁出去的話，何妨玩盡d，摶盡佢 ...
BPS在天后站步行可到，其實一點也不怕遠。
***************************************************************************************************************
Re like_travel & B.B. Mother:
條斜路我都行過兩次, 可能我鍾意行路, 第一次在樓梯口望上去真係好震撼, 第二次已覺得習慣了,
而且後生女, 每天行下當運動啫,
我個女行完條斜路, 返落來的感想係: 唔怪之得D學生冇個肥啦!
作者: curryson 時間: 12-8-11 16:15
來緊十月之後應該各大學校都會有開放日,樓主還有時間,可以去里几間睇下,了解下,到時再做決定也不晚.
或依家得閒,先去踩下條路,睇下需花几多時間,是否阿女可以接受的.
作者: nganc9 時間: 12-8-12 13:21 標題: 回覆：請賜教，該捨近圖遠，還是就近上學？
我自己就鐘意就近上學，跨區都要揀一程車能直達的學校，因為如果要轉車，打風落雨就麻煩
作者: CrabPincers 時間: 12-8-13 11:44 標題: 回覆：請賜教，該捨近圖遠，還是就近上學？
我自己一定不會揀甘遠的學校，雖然有人話佢地大個，適應到，我住港島，試過沙田返工，係有巴士到呀，還好快Tim,符合晒你們講既1個鐘內到，但吾知你們有無計過等車塞車的時間呢？我試過等一個鐘先有車，塞車塞半個鐘，果幾年真係痛苦，我個女自己都願意甘遠學，一程車一個鐘，來回兩個鐘，未計行，等車時間，呢兩個鐘可以做到好多野
有人問我，點解我女甘早可以做完功課，d同學成6,7點先返到屋企，我女4點已經返到屋企，佢地點可能不做得夜
能力許可，我會搬，不得的話，會係沙田讀
ps 我女d同學就是住大埔，沙田，長洲都有
作者: 杰杰媽媽 時間: 12-8-13 13:27 標題: 引用：我自己一定不會揀甘遠的學校，雖然有人話佢
原帖由 CrabPincers 於 12-08-13 發表
我自己一定不會揀甘遠的學校，雖然有人話佢地大個，適應到，我住港島，試過沙田返工，係有巴士到呀，還好快 ...
作者: elbar 時間: 12-8-13 14:34 標題: 引用：Quote:原帖由+CrabPincers+於+12-08-13+發
本帖最後由 elbar 於 12-8-13 15:33 編輯
原帖由 杰杰媽媽 於 12-08-13 發表
所以我唔會搵mtr唔到既學校
所以 DGS，QC，SPCS，SMCC，BPS，林護 (鄰近葵興站)，DBS，QES 和 HTC 等都佔咗地理上優勢
作者: lingli 時間: 12-8-14 10:21
如果區內已經有那麼好而又適合的學校, 又何必辛辛苦苦去選可能只是好少少的學校. 好不好還要是見人見智. 除非區內好學校缺乏, 迫不得已就話者. 每天2個小時來回交通時間, 真係浪費了又辛苦. 不如將D時間做其他野重好啦!
作者: heiB 時間: 12-8-14 10:55
回復 ckwok1 的帖子
有時老師的提議可能是為學校的名聲而提出的。你想想，伊利沙伯中學，瑪利諾修院，庇理羅士，比沙田的地區學校出名好多，小朋友考到這些學校通常都是自行考入同埋係學校的精英份子，同埋每間學校都唔會好多學生入。如你派曾，呂，大抽獎都得啦啦隊!出面的家長點知學校的學生有幾叻。通常在小六派位名單中，家長見到越多同學入這些中學，都會比較容易知道那小學的程度，而那所小學校的名氣又高了。
所以入不入都係要自己諗，睇吓小朋友喜不喜歡用長些時間上學，小朋友是不是做功課慢，交通費是否貴，因為上中學個小朋友吓吓回校上課，比較遠的路程會較花時間。
不過沙田去伊利沙伯中學，瑪利諾修院都不自遠，當然係沙田好些啦。
作者: toscr 時間: 12-8-14 13:50
冇辦法，始終傳統名校的知名度都比地區名校的高很多，例如：香港區的家長未必聽過曾肇添、呂中，但沙田的家長未聽過瑪利諾修院、女拔、皇仁的，就真是佔好少數
作者: mandy304 時間: 12-8-14 16:14
當你諗沙田係好多人選擇的dream school. 那你就覺得自己住在這裡是多麼幸福呵!!
作者: like_travel 時間: 12-8-14 17:01
有個同事女在DGJS 讀緊, 竟然同我講 " 什麼 SPCC 呀...! St. Paul ? 有好多間wor " . 語氣有些睇小St. Paul 既學校.... Super Proud of her girl is study at DGJS. 
作者: Jackieson 時間: 12-8-14 18:01 標題: 引用：當你諗沙田係好多人選擇的dream+school.+那
原帖由 mandy304 於 12-08-14 發表
當你諗沙田係好多人選擇的dream school. 那你就覺得自己住在這裡是多麼幸福呵!! ...
作者: Jackieson 時間: 12-8-14 18:03 標題: 引用：有個同事女在DGJS+讀緊,+竟然同我講+"+什麼
原帖由 like_travel 於 12-08-14 發表
有個同事女在DGJS 讀緊, 竟然同我講 " 什麼 SPCC 呀...! St. Paul ? 有好多間wor " . 語氣有些睇小St. Paul ...
作者: 杰杰媽媽 時間: 12-8-14 18:19 標題: 引用：當你諗沙田係好多人選擇的dream+school.+那
原帖由 mandy304 於 12-08-14 發表
當你諗沙田係好多人選擇的dream school. 那你就覺得自己住在這裡是多麼幸福呵!! ...
作者: LML 時間: 12-8-14 19:23 標題: 回覆：杰杰媽媽 的帖子
多看那些名校生失敗的例子，您就會覺得先生的想法很膚淺，他們的健議太多都是去什麼名校出名的。很少聴到用學校的教學方法，活動，師資和小朋友的能力和性格做佩對。怎能選到一間合適的中學呢？適合的學校遠遠都要去，都是問問女兒的意向最好。
作者: 小小bb 時間: 12-8-14 20:36
樓主的困惑我剛經過了, 老師又是提議小兒去外區名校, 經過多方掙扎後, 我選了沙田的曾記, 就近返學。六年的中學生活中有節省近2400小時, 這些寶貴時間去玩也好, 睡覺也好, 總好過去等車和坐巴士。
自行選的兩間學校策略是非常重要, 請樓主三思。
作者: rogerlam123 時間: 12-8-14 20:52
亞囝喺屋企樓下讀, 行返學幾分鐘, 每日慳番兩粒鐘, 夠練琴&小提琴, 非常好!
作者: martie 時間: 12-8-14 22:51
本帖最後由 martie 於 12-8-14 22:52 編輯
Meikin 發表於 12-8-10 01:25
小學我主張就近入學, 但到中學, 小朋友已長大, 即使跨區返學也可以自己應付, 所以選間合適的中學較為重要, ...
I will choose one close to home. A professor said many adults live in Tuen Mun/Yuen Long and travel to work in Central, it used to take at least 2 hours for daily travelling (it is differnt now, it won't take long to travel from Tuen Mun/Yuen Long as they have MTR). He quite rightly said that these people would have got several PhDs if they could live close to where they work, and spent their travelling time on studying. Same rule applies to students. I would rather save more time for studying if the schools under consideration are not significantly different in standards. But, when it comes to your dream school, the decision may be different.
作者: Meikin 時間: 12-8-14 23:16
本帖最後由 Meikin 於 12-8-14 23:18 編輯
In my old days, it took me around 45 mins (including waiting time for buses and walking) to reach school (Mid-level) from home (Southern District) . Some of my classmates who lived in NT districts such as Shatin even took longer travelling time, but in my memory we didn't find it any problem. Maybe at that time, we had less entertainment and attractions (like PC/Online game, iPhone game, whatsapp.....). We could easily concentrated on homework/studying and we used our time more efficiently.
However, I agreed that if the travelling time (one-way) exceeds 1.5 hours, it'll be very tiring for the students. And yet, If that school is the kid's dream school and he/she enjoy studying there, he/she will make it.
作者: samuel89 時間: 12-8-15 14:52
ckwok1 發表於 12-8-10 23:47
我們最心儀是呂中。
若然要出區外，預了是博的，也預了不成功。 既然是博是否值得去盡如庇理羅士。而庇理羅士是否比曾記高
而庇理羅士是否比曾記高<-----我覺得類似系李寧牌同 "a的s"比....
作者: toscr 時間: 12-8-15 15:12
回復 Meikin 的帖子
其實呢一代學生都唔知算幸福還是不幸,除了上學外,又要補習、練琴、學樂器和練水，才可回家做功課、温習。以前的交通還沒有現在的方便，但是以前的學生又真係比現在的學生悠閒好多。
作者: KK07 時間: 12-8-16 10:30
"老師認為區內名校的成績固然好， 但區外傳統學校所稟承下來的校風會是讀書以外的得著。"
樓主, 你女兒的老師強調的是"傳統學校所稟承下來的校風", 你自己覺得重要嗎?比成績, 交通等因素都重要嗎? 只有你自己最清楚自己想要的.
| 歡迎光臨 教育王國 (/) |
Powered by Discuz! X1.5 |