教育王國
標題: 崇真收call ，你會唔會考慮 [打印本頁]
作者: dindin123 時間: 12-8-6 14:29 標題: 崇真收call ，你會唔會考慮
如題，而家有港同
作者: maths 時間: 12-8-6 15:41 標題: 回覆：dindin123 的帖子
兩間差不多，選近屋企那間。
作者: NET16 時間: 12-8-6 17:14
梗係港同啦 仲駛諗
祟真只屬一般
作者: shadowli 時間: 12-8-6 17:20
睇左自己財政同小朋友嘅能力來決定
作者: adacc 時間: 12-8-6 20:43
祟真真的不好, 我剛剛退學了
作者: dindin123 時間: 12-8-6 22:40
回復 adacc 的帖子
點解你退學呀，聽聞今年收到爆額，好多人讀
作者: ilovepopcorn 時間: 12-8-6 22:50
我是今年升崇真小一的新生媽媽, 選擇這學校也是聽過很多人說它很好. 其實我相信每間學校都有好有壞, 各有各問題吧,
作者: edmone731 時間: 12-8-6 23:37
adacc，崇真退學，考了哪間？
作者: Greatmother 時間: 12-8-7 00:19
dear ilovepopcorn, where did you go now? You mean your kid is coming to be P1 in Sept 2012?
作者: ilovepopcorn 時間: 12-8-7 01:14
Yes, my son will be in TT P1 this Sept.
作者: dindin123 時間: 12-8-7 09:10
以你所見，係咪真係超收
作者: jacksan 時間: 12-8-7 09:33 標題: dindin123 的帖子
曾參與校學舉辦综合晚會，同學們表演卓越，特別是英語話劇。校長及老師有愛心。
作者: Chloehlk 時間: 12-8-7 10:19
請問TT是邊間，點解崇真吾好？
作者: little_yolky 時間: 12-8-7 11:18
我之前看過其他blog, 見adacc表示, 因為崇真原本說是小班教學, 但太多人報讀, 超額收生, 搞到變咗大班, 每班只加了一個TA, TA同班主任又唔夾, 搞到教學好亂。當然亂的結果係影響小朋友學習。同校長反映又無反應, 所以就轉校了。理解是這樣, 如有錯, 請更正。
我本來都想阿囡考崇真(來年), 但看完小班變大班後都好猶疑, 因為有些學校現在小一小班都用雙班主任制, 佢哋大班都係加多一個TA而已, 仲要俾小班的學費, 即小班的學費, 大班的質素, 唔係咁好。
作者: Chloehlk 時間: 12-8-7 11:26
O!甘我都要想想先啦
作者: ps-mon 時間: 12-8-7 14:12
我朋友個仔又讀得幾好，幾開心喎，他是小一，個人都好活躍，他的班真是有31人，有個助教，2個老師都好愛學生和盡責。英文小學，語言環境很好，有拔尖中英文班，收費適中，還有多元化課外活動參加，放學後因應孩子的課後活動有三個時段的校車回程，甚為方便。
我覺得作為一所私校，普英全由NET教，27人以上有助教(其實有些出名的學校40多人一班都唔會有助教﹗)主流班3千幾一個月，唔算好貴。
作者: helenli 時間: 12-8-7 14:17
回復 dindin123 的帖子
你不是已選了KTS嗎?
作者: dindin123 時間: 12-8-7 20:32
回復 helenli 的帖子
TT 唔係我
作者: vivienbilly 時間: 12-8-7 21:46
回復 little_yolky 的帖子
請問是崇真主流or國際小學？
作者: csw501 時間: 12-8-7 21:59
小女是祟幼畢業生，真心覺得祟真是一間很好的學校，不是因為學費較貴，決不會放棄學位
作者: alunsweeney 時間: 12-8-8 06:13
其實崇真有沒有打比你
?
作者: 已刪除用戶 時間: 12-8-8 11:59
系咪筲箕灣祟真啊？
作者: little_yolky 時間: 12-8-8 14:47
vivienbilly 發表於 12-8-7 21:46 
回復 little_yolky 的帖子
請問是崇真主流or國際小學？
應該是主流, 因為國際小學好似都係keep住收2x個學生。
作者: little_yolky 時間: 12-8-8 14:49
csw501 發表於 12-8-7 21:59
小女是祟幼畢業生，真心覺得祟真是一間很好的學校，不是因為學費較貴，決不會放棄學位 ...
我都覺得唔錯 (除咗小班變大班外), 所以我今年都會試吓, 但阿囡可能無希望, 因為見申請表似乎要考中英數。
作者: vivienbilly 時間: 12-8-8 15:02
回復 little_yolky 的帖子
啊，國際原來得咁少架....
作者: little_yolky 時間: 12-8-8 17:00
回復 vivienbilly 的帖子
加埋雜費好似話要8xxx一個月喎, 一班2x人差唔多啦, 點都係國際班, 人太多好難控制的。
作者: Chloehlk 時間: 12-8-9 22:14
是否筲箕灣崇眞小學丫？
作者: kitkitlo 時間: 12-8-10 11:13
但我問書記,今年深水埗祟真小學,都冇後備位多？
作者: joanthony 時間: 12-8-10 12:33 標題: 引用：是否筲箕灣崇眞小學丫？
提示: 作者被禁止或刪除 內容自動屏蔽
作者: 已刪除用戶 時間: 12-8-10 12:51
補充返先, 我係港同家長
港同一班30人(有時會係31, 見過max32), 雙班主任, 但上堂時都係一個老師, 活動教學就出晒名我唔多提了, 下午係單元學習, 都係必收科, 除中英數外, 仲有其他如社區服務, 運動戲劇等, 1學期5款一年就15款, 舊年全校有5個net, 小一開始普通話教中文, 全部老師(連編制外)共有70個(左右啦), 除24班比例算好高, 學費$2100, 一條龍中學就$3500
港同最令我心儀既, 唔係學業成績(我無話唔重視不過仲有好多其他野需要重視), 而係對生命教育既重視同對唔同學生既包容, 有家長講過, 無見過任何學校會用1/3簡介會時間講生命教育, 呢樣亦係港同既特色, 如果你有黎open day, 你見到場中有d社會福利機構, 包括老人院, 傷健中心, 盲人中心等, 全部係平時學校夾開既機構, 生命教育一直都有做架, 學生亦係一向夾開, 埋位就開工, 我女做完2日服務生, 返黎同我講好開心, 因為幫公公婆婆賣左好多麵籌左好多錢, 我覺得一個小6女生會覺得呢樣野值得開心, 証明佢仲有一顆赤子之心, 識去為人著想, 呢d教育對小朋友亦係好重要的
今年書院有第一界考生應考dse, 成績都算唔錯, 可以參考一下再決定
祟真我無考慮呀(要過海)所以認識唔多, 或者等其他家長補充
作者: Bosco爸爸 時間: 12-8-13 16:38
唔洗諗, 2間一定係港同, 祟真好多人考, 不過好多人考到都唔讀
1) 非公務員好貴, 連興趣班, 功課班, 校車要HK$8000; (公務員子女有學費減免)
2) 俾8000蚊, 但學術成績, 私校來說只是一般, 不划算;
3) 除非派得差, 或係公務員子女, 否則就唔值
作者: silvia_ng 時間: 12-8-14 09:16
一個天南, 一個地北喎...
你要選比較近屋企既學校呀! 沒有最好的學校, 只有最合適的學校。你要睇返你小朋友係邊類型先決定到呀! 我地呢度冇人可以單靠你一句"會唔會考慮"而幫到你呀!
作者: 已刪除用戶 時間: 12-8-14 15:31
Bosco爸爸 發表於 12-8-13 16:38
唔洗諗, 2間一定係港同, 祟真好多人考, 不過好多人考到都唔讀
1) 非公務員好貴, 連興趣班, 功課班, 校車要H ...
我見學校概覽話36000/52000咋bor, 真係咁貴? (功課班/課外活動係學校指定必須嗎? 無論邊間學校, 一般家長都有呢筆洗費吧)
不過中學又比港同平, 祟真s1 $26000, 港同$35000呢
作者: adacc 時間: 12-8-14 19:13 標題: 回覆：崇真收call ，你會唔會考慮
我的原因可以不說
只說說女兒在這兩三個月考插班結果
王錦輝、嘉諾撒聖家：不收
聖母、真光：建議重讀一年級
嘉諾撒九龍城、九龍塘官小：不見
我女兒係崇真全級考20
平均分：93.2
操行B+
多次做普通話大使同英文大使
但出到去比較就沒有＂戰鬥力＂
今天小六派位因為龍年效應
沒有幸運派位
居然派出了那麼多band3學校
付出那麼貴學費都是這樣很失望
作者: seamama 時間: 12-8-14 23:40 標題: 回覆：崇真收call ，你會唔會考慮
有曾教祟真的朋友不建議讀，由於並非自己喜愛學校，所以冇詳細問
作者: SaBB 時間: 12-8-15 10:51 標題: 回覆：崇真收call ，你會唔會考慮
真係咁差？
不過會吾會因為係活動教學既學校所以轉吾返出去讀傳統名校呢？但小六時如果係全級20,我卻相信好多名中會收
作者: Mabello6 時間: 12-8-15 12:36
吓真係禁差 
作者: floppybb 時間: 12-8-15 14:10
我所知至少有三個TT公務員家長，都選讀其他DSS而沒有揀原校升小一，願因不詳，但相信不是錢的問題。
作者: ps-mon 時間: 12-8-16 13:28
如果一般津校是B級，崇真應只是B十級，因她突出之處在低年級不在於學術方面。如果全級考20，而沒有特殊技能的話，要插班入其他學校會較困難。同樣，如果adacc所投考的學校有同學要插班其他學校，如果只憑學術成績，起碼要全級頭5名了。
崇真的突出之處是為同學提供優良的語言環境，著重均衡的發展和內在生命的培育，小朋友在校能得到老師的關愛和鼓勵，可以有信心地獨立自然地學習，學校一視同仁，沒有什麼精英班，也沒有人會被標籤為『籮底橙班』的同學。就算是暑期班都不少是著重左右腦發揮的活動。平日功課、測考適中。
不過，如果要學術方面更高一線，每間學校的學生都是一樣要靠自己，建議如果想轉去學術強，派位出色的學校，孩子在原校成績一定要好突出，而且應有一些公開成績作客觀參考，在藝能方便起碼有一項強項，那才有些把握。如果插去同崇真差不多級數的學校，除非因經濟問題，否則沒有優勢。
作者: adacc 時間: 12-8-19 23:24 標題: 回覆：ps-mon 的帖子
同意你說法
我發覺學校的活動教學不適合我女兒
學習是太自由但去到小四就連暑假都日日補課突然緊湊起來
我會怕女兒不適應
所以都是早些讀傳統學校
而且我知道全級頭50名同學平均分都是90幾，但三班才99人，是卷淺難出比較
課程淺是我同其他同學父母聯合投訴過建議過問題
其實不只我走
仲有其他同學走
但有些都是找不到學校轉
打算讀多年觀察
可能真的不是我預其的學校吧！
作者: joanthony 時間: 12-8-20 12:20 標題: 回覆：崇真收call ，你會唔會考慮
提示: 作者被禁止或刪除 內容自動屏蔽
作者: papa66 時間: 12-8-22 13:08 標題: 回覆：ps-mon 的帖子
唔係喎，我朋友個女讀崇真國際班，佢中一申請間間直資都收。有一間重比埋full year scholarship. 最後入左SPCC 中一都考得好前喎。我見個佢小六既同學，個個都好presentable 個喎。
作者: palapala 時間: 12-8-22 14:42
papa66 發表於 12-8-22 13:08 
唔係喎，我朋友個女讀崇真國際班，佢中一申請間間直資都收。有一間重比埋full year scholarship. 最後入左S ...
佢地基本上講緊主流部呀...主流部比國際部係差d嫁~~
作者: mandy304 時間: 12-8-22 15:26
嘩, 大家真係諗清楚, 免得後悔, 起初我都以為係一間好好學校....
作者: ps-mon 時間: 12-8-22 23:05
好明白adacc的感受，知道學校唔適合小朋友，做家長的一定又心急，又心痛。
如果今年未能轉校，何不用一年時間鋪路，再考高一線的學校。不過，就要開始注意了解心儀學校的收生標準，再安排訓練小朋友了。在此祝adacc的囡囡入到一所適合她的，又能發揮她所長的學校。
我覺得每間學校都會有d叻人，或者成績差的同學，如果看大部份同學的表現來考慮學校的水準，會比較客觀。有時會想點解成績好的同學唔轉去d高一線的學校，我想是可能小朋友喜歡在此校，他能在學校發揮刑。
作者: LuLuLaLa999 時間: 12-8-23 15:49
十分同意ps-mon的意見, 今年九月兒子會上崇真主流小一, 看了大家的分析和意見, 反而更放心, 感覺自已沒有選錯學校.
每間學校一定有好有壞, 最重要是不是適合小孩, 如果只是看學術成績, 看升中派位結果來評定一間學校是好是壞, 實在很不合理. 最重要的應該是, 孩子在學校學習的開不開心, 和老師及同學相處的如何? 是否有真正培養出學習的興趣?
我所有知道, 每年每間學校都有學生轉走和轉進來, 只是比例多少的問題. 我很想知道, 要轉走的學生, 他們在學校都學習的很不開心嗎? 或只是家長認為學校有問題, 所以要幫小孩找其它學校呢?
作者: palapala 時間: 12-8-24 14:22
LuLuLaLa999 發表於 12-8-23 15:49
十分同意ps-mon的意見, 今年九月兒子會上崇真主流小一, 看了大家的分析和意見, 反而更放心, 感覺自已沒有選 ...
你入到崇真都唔知應唔應該恭喜你,, 依家崇真最大問題係老師流失嚴重, 行政又嚴重混亂, 校長嚴重只顧面子, 攪埋一大堆科技野..但係我又唔見D學生有幾科技..學習是愉快的, 課程一D都唔深, 功課小囉.
作者: JE0608 時間: 12-8-24 14:34
本帖最後由 JE0608 於 12-8-24 14:40 編輯
adacc 發表於 12-8-14 19:13
我的原因可以不說
只說說女兒在這兩三個月考插班結果
王錦輝、嘉諾撒聖家：不收
甘究竟祟真係課程淺? 教師質數唔得還是咩原因? 私校來講甘既升中成績真係唔得WOR
老實講, 係父母都想小朋友升BAND 1 中學再入埋U架LA, 講咩老師有愛心, 愉快學習都係自己安慰自己!
作者: adacc 時間: 12-8-24 23:03 標題: 回覆：JE0608 的帖子
課程當然係淺
老師雖然是好的
但舉步維艱被局限了
例如默書：中文只默10-15個詞語
英文就6-7句4-6個word
所以女兒又點會無啦啦搵字串
一係你靠自己同她找字學同串
一係由得她升上到某年級突然背默或者狂串字
聽同講就一定優勝
但支筆你就要自己努力
仲要背三字經同唐詩但不用默
學校注重活動教學會
突然下星期去參觀聽音樂會博物館及三天日營不用上課
每年六月頭就考大考
跟住成個月就為結業禮去綵排表演直到放假
記住差不多7月3、4日就不用上課
如果你去旅行就省錢了
當然不用交7月車費學費
適合與否是很難定論
作者: LuLuLaLa999 時間: 12-8-25 00:25
回復 adacc 的帖子
聽起來崇真還真不錯啊! 謝天謝地, 若真要找間功課深, 默書多, 我都不用出來找私校了!
說真的, 若真要找學術深, 要入Band 1中學的, 那或許真不用考慮崇真,
但反之, 那也就是我會選崇真的原因了.
我能了解每個家長都希望孩子能入到band 1中學, 我當然都希望啦!
但若為此要付出的代價就是要辛苦的默書, 學的要深, 小學六年這樣過, 不是我希望給小孩的.
小學應該是培養孩子學習的興趣, 是快樂的,
當然每個家長都希望孩子是站在金字塔頂端的, 但總是要有人是在金字塔中間或底層的,
我不介意我的孩子暫時是在金字塔中間或底層,
即使入到Band 1中學, 都不表示保證未來在社會的成就或在家庭一定成功幸福的,
各位家長, 有時候真的不用太過緊張...(不過當然很難啦)
找個適合孩子程度的學校比較重要,
我的兒子是細仔, 我相信他會比較適合像崇真這樣的小學
作者: LuLuLaLa999 時間: 12-8-25 00:29
回復 palapala 的帖子
那你當然先恭喜我啦!
"學習是愉快的, 課程
一D都唔深, 功課小囉" -- 這已經值得我開心了.
其它問題當然都還是問題, 若是真的, 希望學校趕快改善啦
作者: OB-father 時間: 12-8-25 11:25
雖則升中派位不理想,但能學好英語及普通話,終人受用
作者: 已刪除用戶 時間: 12-8-25 11:34 標題: 回覆：崇真收call ，你會唔會考慮
愉快學習亦係我揀港同既原因，我想要愉快學習，同時對質數有要求。港同愉快+活動足十二年，以往好多人估佢吾得，今年新高中+大學聯招終於有成績睇，以第一屆黎講，67%符合入大學要求，48%有聯招offer, 100%英文level 3以上，而level 5以上都有4x%，人均level 5都有1.88。無錯係比吾上d傳統band one頭名校，但despite有愉快學習生活，亦有機會放眼睇好多其他事（我好期待今年我女升中有份參與音樂劇，聽講由9月忙到6月好認真制作架），我心足了
作者: constanceng 時間: 12-8-25 12:23
回復 adacc 的帖子
原來聖家最終冇收你，我以為放咗個插班P2位，會輪到你添。
其實，讀私校，有人為咗讀得輕鬆，有人追求更高學術程度，無話對與錯。以我自己為例，聖家係收咗，但因為同原本間私校程度有差距，左思右想，認清自己目標係追求學術，就毅然放棄了。
Adacc,介唔介意pm我你轉去邊間學校？原來你個女考全級20，在我來說，成績幾多，換轉係我都expect佢好易轉校，估唔到結果係咁。
作者: palapala 時間: 12-8-25 13:21
LuLuLaLa999 發表於 12-8-25 00:29
回復 palapala 的帖子
那你當然先恭喜我啦!
真開心找到志同道合, 那就一定恭喜你喇,
我都希望校長盡快解決學校內部安排及行政問題,:(, 你是主流部還是國際部?希望你同你仔仔讀得開心:loveliness:
作者: Bosco爸爸 時間: 12-8-25 13:33
小朋友適應力好強, 要睇佢個料子谷唔谷得, 如果小朋友谷得, 放佢係一間淺既學校, 係浪費佢既天份, 反之, 佢唔谷得, 料子唔係咁夠, 太谷係辛苦佢....
所以, 唔係話深一定好, 淺既一定唔好.....基本係, 我...個人會俾佢試下"谷", 得既如魚得水, 唔得既會同佢轉校, 起碼試過, 不會後悔, 好過以後入唔到BAND1中, 入唔到U才後悔
作者: Bosco爸爸 時間: 12-8-25 13:36
另外, 如果唔係公務員, 無資助, 真心覺得真係好貴, 除非派位唔好, 又叩唔到門, 否則真係要考慮清楚.....不喜勿插, 只是希望大家交流一下
作者: BabyYukYuk 時間: 12-8-25 14:03
沒有好不好的學校，只有合不合適的學校，若覺得重學術教得深適合的話，就去那些學校吧! 不要話教得"淺"的學校就不好! 小朋友的成長應該有很多方面的。
作者: elizatyy 時間: 12-8-25 15:46
有些家長喜歡長期處於作戰狀態，另外一些(包括我自己) 會較着重德育發展。選學校要睇自己取向和孩子能力, 留一點空間給孩子和自己，發展個人興趣,或許得着更多。
作者: adacc 時間: 12-8-25 16:16 標題: 回覆：BabyYukYuk 的帖子
你說得都對，＂淺＂只是對我女兒來看法，
因為她連簡單動物名tiger elephant 都未識串，
書本上又沒有，
來來去去都是默簡單句子，
都是我太懶惰太依賴了學校！
而且，今年都有幾位同學要留班，對他們來說又真不公平！
沒有學術要求，這校是適合不過！
恭喜你們找到適合學校了！
作者: joanthony 時間: 12-8-25 18:00
提示: 作者被禁止或刪除 內容自動屏蔽
作者: LuLuLaLa999 時間: 12-8-25 18:15
看過學校書單, 也買了書, 和其它學校家長也交換過書單參考, 其實崇真用的書和一些學校用的都差不多, 若都依課本教, 什麼算深什麼算淺呢? 淺應該都不會淺的太離譜吧? 我想應該都可以算是基本及正常程度吧!
作者: LuLuLaLa999 時間: 12-8-25 18:19
回復 Charlotte_mom 的帖子
我相信港同也是間好學校, 不過因為區域不同, 離家太遠, 所以不是很認識這間學校, 最重要是孩子讀的開心!
作者: LuLuLaLa999 時間: 12-8-25 18:22
回復 palapala 的帖子
仔仔是主流的
作者: Michelle_Hung 時間: 12-8-25 19:05
adacc 發表於 12-8-25 16:16
你說得都對，＂淺＂只是對我女兒來看法，
因為她連簡單動物名tiger elephant 都未識串，
書本上又沒有，
其實我覺得睇係好睇小朋友同學校的模式夾不夾. 我小朋友是崇幼生, 我發現佢K2已經可以讀得出9成佢見到的英文字, 出街坐車見到鋪頭招牌, 有英文有中文佢可以讀到大部份, 好多時的士司機叔叔都忍唔住話佢咁細點解識咁多字?! 我果時覺得好神奇, 佢話係老師教的, 我地無出去上任何普通話或英文班. 但我偶然同其他家長傾偈, 佢地話唔覺佢地小朋友唔係咁, 好似無返過學咁, 所以佢要上好多唔同"班", 覺得學校好似無教過o野. 亦有好似你話咩字都唔識串, 好似無讀過書咁, 激死呀媽的例子.
我其實抽到間幾top的津小, 出名谷成績唔錯, 我在教育界打滾十多年, 唔多唔少知道唔同學校"內部運作", 亦問過好多校長老師意見, 發現好得意, 小學的校長老師一面倒叫我揀果間津小, 因為覺得成績至上, 又有直屬英中, 又唔使交學費可以"留返o的錢來補習", 但教中學的就多數叫我選崇小, 叫佢覺得崇小成績唔top但亦差極有限, 但現今好多學生無創意及自信, 溝通能力弱上到中學令佢地相當頭痛.
講到底用家最重要, 在我而言我小朋友似乎under崇真的教學模式都叫"學得到", 而我同先生可能都係從事需要面對人的工作, 我地比較傾向培養小朋友的語言能力同創意(在我而言即係個人識轉彎唔好咁死! 我哩幾年真係俾好多讀書成績好好但常識比街市呀嬸更低的新人激到嘔血), 學術方面, 老實講, 其實間間都係靠自己, 學校邊有咁多資源補底? 拔尖可能會, 教深些係唔係好o的, 可能係o既, 但間學校"正常"我就收貨, 無論讀邊間我都唔會放晒手俾學校, 我反而想有多些空間去補充一些學校唔會教的知識
所以呢, 都係要睇小朋友適合與否, 同意樓上有人話無最好的學校, 只有最適合你小朋友的學校, 家長都係想同小朋友選最適合的
作者: csw501 時間: 12-8-25 19:22
祟真課程應不會太淺，幼稚園己有中英默書，學校語言環境是我最喜歡的
作者: 已刪除用戶 時間: 12-8-25 19:25
LuLuLaLa999 發表於 12-8-25 18:15
看過學校書單, 也買了書, 和其它學校家長也交換過書單參考, 其實崇真用的書和一些學校用的都差不多, 若都依 ...
其實都唔係架.......我都有買舊書, 見到人地學校果本, 嘩, 密密麻麻全部都係字, 睇返我地學校果d, 邊有寫咁多野架
我個女今年有人俾左本中文教科書佢, 睇下, e, 幾新幾好wor, 到包書寫名時, meet左個label啦, 嘩, 原來下面有4層, 我個女已經係第5個用
所以就算同一本書, 都要睇下點教, 我地學校有校本, 所以有時教科書用得唔多lor
作者: joanthony 時間: 12-8-25 22:55
提示: 作者被禁止或刪除 內容自動屏蔽
作者: LuLuLaLa999 時間: 12-8-25 22:56
回復 Charlotte_mom 的帖子
請問你個女係邊間小學啊?
作者: LuLuLaLa999 時間: 12-8-25 23:10
回復 Michelle_Hung 的帖子
非常也十分同意Michelle_Hung!!
作者: 已刪除用戶 時間: 12-8-25 23:48 標題: 引用：回復+Charlotte_mom+的帖子
請問你個女係
原帖由 LuLuLaLa999 於 12-08-25 發表
回復 Charlotte_mom 的帖子
請問你個女係邊間小學啊?
作者: chickenwing2006 時間: 12-8-30 04:26 標題: 引用：Quote:adacc+發表於+12-8-25+16:16+你說得
原帖由 Michelle_Hung 於 12-08-25 發表
其實我覺得睇係好睇小朋友同學校的模式夾不夾. 我小朋友是崇幼生, 我發現佢K2已經可以讀得出9成佢見到的英 ...
作者: papa66 時間: 12-8-30 07:24 標題: 回覆：Michelle_Hung 的帖子
絕對同意！我個仔又係在短時間內可以讀到很多字。祟真老師是有一套方法令到學生喜歡讀書同唔怕phonics的。我同太太都覺得能夠令到小男孩愛上讀書是一件幾神奇既事。我地是不相信死操這一套的。不過個個家長同小朋友都唔同。都係選返自己覺得最適合既學校，免得之後要regret。
作者: 悠揚 時間: 12-8-30 09:48
其實依家有邊間學校家長可以唔跟架? 如果孩子資質好, 舉一反三, 唔跟都有譜, 如果資質一般, 淨靠學校, 我覺得係家長大安旨意. 即係咁, 屋村學校都有學生考到名校 (即是水平高), 名牌幼稚園都可以有學生食白果.
我估咁唔鐘意TT, 係唔係覺得要比貴學費, 重要自己跟, 個心唔舒服, 條氣唔順.
| 歡迎光臨 教育王國 (/) |
Powered by Discuz! X1.5 |