教育王國

標題: 突然話無校車 [打印本頁]

作者: 2bbma 時間: 12-8-1 17:19 標題: 突然話無校車

離晒譜, 升二年級時話我地條線無校車, 咁可以點算

作者: JJDBB 時間: 12-8-1 17:43

我舊年都試過，不過唔系校車，是保母車，攪到差d要遲工湊仔女番學放學。
你試下打電話去學校，問d校務處職員，講你是邊區邊到住，請佢地睇下保母車的資料，睇下有否行你個條線.......如果唔系再問大約你的地址的保母車司機的電話都比你，你自己打去問下司機可以幫下手，如果唔得，就請司機介紹行你條線的保母車啦。
我估，如果好聲好氣的都會幫下手，放心！加油！

作者: Charlotte_mom 時間: 12-8-1 22:01

本帖最後由 Charlotte_mom 於 12-8-1 22:01 編輯

無辦法呀, 校巴公司都有營運成本, 如果架車唔夠人, 佢會蝕的, 所以佢有權唔開
而且今年全港鬧校車荒, 校巴仲惡過以前

作者: 2bbma 時間: 12-8-2 08:40

JJDBB, 其實我地巳經同學校聯絡過, 佢叫返我地自己諗辦法呀。咁你結果點解決呀?

作者: Charlotte_mom 時間: 12-8-2 09:53

拿拿聲搵車啦, 信我, 我都有睇過學校校巴合約(我小朋友果間), 行規真係話唔夠幾多人就唔開線, 學校最多都係叫校巴公司拍爛檔幫幫忙做蝕本生意幫下手, 校巴係有話事權架

作者: dleelm 時間: 12-8-2 10:12

我女學校今年又係無校車, 話成本太高,營運不到區外線, 要自己攪掂.

作者: JJDBB 時間: 12-8-2 12:53

2bbma我系周圍問d同學家長，叫佢地比保母車的電話我，我自己問保母車司機，如果佢地唔行我個條線，就再請佢地幫忙留意，連隔離校的家長都問左....
之後都系找到，就系咁炸

作者: 2bbma 時間: 12-8-2 14:01

唔你揾唔揾到呀?
其實上年一年班已經係咁，但係最後比我地lur到校車, 點知間學校無端端校巴公司, 搞到又無咗車

我上年揾極都揾唔到褓姆車, 你地有無窿路呀?

作者: Charlotte_mom 時間: 12-8-2 16:41

唔係無端端架, 你有無留意新聞? 新聞都有講, 因為d校巴公司去晒接遊客, 話校巴難做又無得賺wor, 我地學校都係呀, 以前果間賣盤, 新老闆講明唔再做校巴生意, 攪到我地一鑊泡, 幾驚無人接(事實上真係截左標無人入! 再招標加上搵晒行家拍膊頭至有人接), 之前就有消息話, 男拔今年車費貴左一倍, 就係因為得一間肯做, 所以...........真係無命, 黎緊咁多年真係一步一驚心

你試下去教育王國:"校車服務"睇睇啦

作者: 2bbma 時間: 12-8-10 12:27

睇咗喇, 都係揾唔到

作者: MariaTsui 時間: 12-8-10 13:42

2bbma 發表於 12-8-1 17:19
離晒譜, 升二年級時話我地條線無校車, 咁可以點算

囝囝學校都試過,因為少人坐,結果要同另一條線合併,會不方便

作者: Big-Mouth 時間: 12-8-10 14:05

你地有無保母車介紹由麗港城去九龍塘。
謝謝!

作者: tedghost 時間: 12-8-10 18:02

提示: 作者被禁止或刪除內容自動屏蔽

歡迎光臨教育王國 (/)