教育王國

標題: 囡囡十六個半月, 仲什麼都唔識好擔心 [打印本頁]

作者: liumannga 時間: 12-7-31 18:32 標題: 囡囡十六個半月, 仲什麼都唔識好擔心

各位媽咪, 你地知唔知有什麼私人構可以幫BB做評估, 另外有沒有較為便宜的訓練服務, 我見到協康耀能的物理治療差不多要$650-$680 50分鐘, 我覺得好吃力

我囡囡情況, 佢十六個半月,唔會爬, 只能扶住野行, 未識由伏變坐, 我試過將佢扒係到, 月手腳支持身體, 佢完全唔夠力, 頭落地, 佢手手腳腳腰全部唔夠力, 唔識轉移位置, 報左協康耀能要等幾個月先可以做評估, 好擔心好無助, 唔敢同任可人傾亞囡情況, 怕會被人笑, 好似無人幫到我

作者: lillymarie 時間: 12-7-31 19:40

你有無帶BB去健康院睇醫生？

作者: 諾諾爸爸 時間: 12-8-1 08:48

本帖最後由諾諾爸爸於 12-8-1 09:01 編輯

十六個半月,唔識行還可, 唔會爬, 似是大鑊野, 我想知囡囡的眼神正唔正常, 你同佢講野時是否望住你?
有否不正常流口水? 有否more than 70% chance 都嘔奶? 醫院聽力測試有沒有fail ?
有否怕沖涼, 唔enjoy, 驚驚咁?

作者: urme1997 時間: 12-8-1 10:52

回復 liumannga 的帖子

你囡囡可能係發展遲緩, 快d去健康院幫你排見醫生做評估, 我囡囡2歲先可以扶著行, 早d比訓練佢, 對小朋友好大幫助架, 你唔好因為小朋友呢個問題, 而唔感同人講, 首先自己要接受呢個事實, 然後努力為小朋友做多點訓練, 不要灰心, 加油 !!!

作者: carebaby 時間: 12-8-4 23:15 標題: 諾諾爸爸的帖子

想問下70%嘔奶同埋怕沖涼是什麼病徵?

作者: chantaimama 時間: 12-8-5 12:30

先找醫生、然後請他安排兒子去公立醫院排物理治療！
不要灰心！加油！

作者: 諾諾爸爸 時間: 12-8-7 15:34

carebaby 發表於 12-8-4 23:15
想問下70%嘔奶同埋怕沖涼是什麼病徵?

70%嘔奶 : 你問一般人為甚麼會嘔奶, 佢地會答掃風掃得唔好, 奶多氣, 奶嘴頭洞太大等等, 怕佢原來是口部及喉內肌肉不佳所引起.

怕沖涼: 你問一般人為甚麼BB會怕沖涼, 佢地會答自然反應及冇什麼, 怕佢原來是眼睛看不見野, 突然間凍, 突然間有水直接contact皮膚, 引起佢不安.

作者: owl_2046 時間: 12-8-8 10:04

諾諾爸爸發表於 12-8-1 08:48
十六個半月,唔識行還可, 唔會爬, 似是大鑊野, 我想知囡囡的眼神正唔正常, 你同佢講野時是否望住你?
有否不 ...

咁"有否不正常流口水"又係咩關係?

作者: 諾諾爸爸 時間: 12-8-8 17:06

本帖最後由諾諾爸爸於 12-8-8 17:12 編輯

回復 owl_2046 的帖子

正常情況下，人能夠自主或不自主地把口水吞下, 如吞咽反射功能不健全, 怕佢係因大腦發育不全或有內分泌系統病變引起. 故腦病的人多流口水, 當然正常人都流口水, 但腦病的人果種流口水唔停法是不同的, 如隻眼又不知望左去邊的話, 就非常令人擔心.

作者: owl_2046 時間: 12-8-9 09:53

本帖最後由 owl_2046 於 12-8-9 09:53 編輯

諾諾爸爸發表於 12-8-8 17:06
回復 owl_2046 的帖子

正常情況下，人能夠自主或不自主地把口水吞下, 如吞咽反射功能不健全, 怕佢係因大腦 ...

明白了, 謝謝回覆.
因小兒6個月至4歲多都不停流口水, 3歲確診為A仔, 後來做髗骶骨改善了9成半.

作者: 諾諾爸爸 時間: 12-8-9 10:35

owl_2046 發表於 12-8-9 09:53
明白了, 謝謝回覆.
因小兒6個月至4歲多都不停流口水, 3歲確診為A仔, 後來做髗骶骨改善了9成半.

改善了9成半真好呢, 所以[不正常流口水]可以好大鑊, [唔笑] 亦十分大鑊.

作者: leung714 時間: 12-8-9 15:29

提示: 作者被禁止或刪除內容自動屏蔽

作者: bbqiu 時間: 12-8-12 23:00

1.即刻去找私人機搆做評估,我排協康要半年,有無其他eg. step會快些?因若私人的已可安排你入讀政府特殊學校,比出面平好多.(你致電問時,可問是次評估可否幫你輪候到政府特殊學校)
2.求其揾个私家醫生幫你寫轉介信到兒童智能發展中心,然後拿信去中心排期,有轉介信一定排比你.
3.小朋友發展正常不是你更不是他的錯,退縮.逃避不是面對及幫到甚至害左小朋友的態度,你一定要勇敢面對,你不站起來,小朋友更不能站起來,呢度成班媽都支持你!

作者: chowqv 時間: 12-8-19 11:00 標題: 引用：各位媽咪,+你地知唔知有什麼私人構可以幫BB

原帖由 liumannga 於 12-07-31 發表
各位媽咪, 你地知唔知有什麼私人構可以幫BB做評估, 另外有沒有較為便宜的訓練服務, 我見到協康耀能的物理治 ...

樓主既女唔爬/唔識爬；係直接扶住學行？如果係咁，你唔需要擔心住，我個仔都係唔爬，12個月未夠扶住行。不過因為可能少左爬既刺激，佢太少肌肉唔好。

作者: schan576 時間: 12-8-19 15:51

去找私人一对一游泳,小兒八個月部唔識轉身,張力低,發現得早,做物理冶療及swimming,18個月行路了,頭顱骨活療都有效,但小心找治療師.

作者: BBQUEENBB 時間: 12-8-21 20:04 標題: 回覆：liumannga 的帖子

我個仔係整體發展遲緩，你快d同健康院講情況轉介你去CAC測驗評估中心，因第一次見姑娘之後要等半年才可見e生評估及排早期位及特殊位，又要等年幾先有位架！
另外，你可參加協康會家長資源中心，有勁多課程可以參加，價錢唔貴！亦可做耀能既會員，佢定期都有好多playgroup既課程可以參加！等BB大個d可以睇下扶康會既免費治療課程！
大家一齊加油吖

作者: BBQUEENBB 時間: 12-8-21 20:11 標題: 回覆：BBQUEENBB 的帖子

我初初知道仔仔係整體遲緩都好傷心，唔敢同人講，但之後諗通左點都係自己骨肉一定要自己接受左先可以要求別人接受，我就好努力去搵不同治療，另外，原來身邊有好多關心自己既人，好多朋友都幫手搵治療！我完全明白你的感受，但是你要知道，仔仔好需要你既正能量架！加油吖

歡迎光臨教育王國 (/)