教育王國

標題: 咩都未識講，點 interview？ [打印本頁]

作者: angel-papa 時間: 12-7-31 01:11 標題: 咩都未識講，點 interview？

1 歲仔，咩都未識講，淨係叫 pa, ma... 都唔知點 interview，嚟緊的 2 歲 N 班？

有經驗的爸媽，可否提供意見呢？

作者: Gabumama 時間: 12-7-31 01:49 標題: 回覆：angel-papa 的帖子

未咁快interview嘅，而家報名階段啫！通常到1歲3~6個月先in。不過我都曾經收到信叫阿仔interview，嗰陣阿仔得1歲+2日，連爸媽都未識講，去到有乜比人in到？叫個小朋友一歲就interview，我覺得嗰間學校都唔會係睇小朋友表現囉，所以我哋冇去in。

作者: giyim 時間: 12-7-31 10:00

PN唔係太多間會考講野, 通常係跟指示做野多~

作者: shevachevy 時間: 12-7-31 11:38

舊年in 完o既經驗: 識講識做未必收, 唔出聲亦未必唔收, 睇學校想點又睇你報咩學校, 平常心啦~

作者: cdleep 時間: 12-7-31 12:12 標題: 回覆：shevachevy 的帖子

Agree

作者: irene_the_pooh 時間: 12-7-31 16:07

1. 年尾面試，已經事隔咁多個月，小朋友既進步可以好驚人！
2. PN班既面試大部份都唔駛小朋友識講野！

作者: a328 時間: 12-7-31 16:31

we also went to interview when my son was jsut 14 mths, she keep asking my son's name :;pppp:

作者: rognfan 時間: 12-7-31 17:18

No need to answer for PN interview, just need to do the command e.g. pointing the eyes, ears, mouth and nose; colour matching etc..

作者: ChingChng 時間: 12-7-31 17:35

未識講嘢真的不是問題呀！

作者: jvcfamily 時間: 12-8-1 09:43

回復 angel-papa 的帖子

平常心, 大家都係得歲幾人仔, 你想佢講咩.. 多數做下指令, 問下家長平時邊個湊, 放假同佢做咩呀, 點解選擇呢間學校..有的填下問卷...正如樓上有回覆, 做足唔一定收, 唔出聲做得一樣半樣反而收. 你估唔到學校收生的標準. 所以唔好免強一個歲幾人仔講野或做咩. 做返自己, 平時同佢玩多的, 講多的. 佢地好醒, 唔識講, 不過聽聽埋埋識好多野. 而家的小朋友真係好叻叻架...

作者: elytis 時間: 12-8-1 14:50

iya .. my son only know when i say mum-mum, moo moo cow and mei mei sheep ... duno colour yet ... 15month la

作者: bonbon1220 時間: 12-8-1 16:38

平常心啦 ! 識既去到又未必做 , 我個仔係屋企成日拜拜飛吻 , 出到街死都唔做 , 冇法 ! 所以in 好千其唔好怪佢 , 當去玩下算了 ~

作者: C9Fa 時間: 12-8-1 16:56

回復 bonbon1220 的帖子

Agree. Agree.

作者: irene_the_pooh 時間: 12-8-1 17:25

樓上媽媽講既真係好o岩：平常心啦！

因為大家都唔知個遊戲規則係咩！
面試，可能只係一個巡例形式見一見，佢想要咩學生 / 家長，只有校方先知！

作者: irene_the_pooh 時間: 12-8-1 17:27

bonbon1220 發表於 12-8-1 16:38
平常心啦 ! 識既去到又未必做 , 我個仔係屋企成日拜拜飛吻 , 出到街死都唔做 , 冇法 ! 所以in 好千其唔好怪 ...

係呀！
我阿囝年頭面試前，我已經同老公講，無論阿囝in成點，出黎記得讚下佢，千祈唔好話佢做得咩唔好咩唔好，咁細個小朋友，實在冇必要承受d咁既壓力！

事實上，去到面試，我覺得唔喊都應該要讚，因為始終陌生環境陌生人！

作者: 090211bb 時間: 12-8-2 00:16

提示: 作者被禁止或刪除內容自動屏蔽

作者: 090211bb 時間: 12-8-2 00:18

提示: 作者被禁止或刪除內容自動屏蔽

作者: sarubuta 時間: 12-8-2 02:42

真得不是問題.  1歲識講爸爸媽媽已經很好.  過3-4個月後先係interview 高鋒期, 小朋友會比你想像中識多好多, 學得好快. 不用擔心, 2歲班interview 主要考認知, 聽指拎手指指, 推車仔, 玩拼圖積木, 俾東西爸爸媽媽老師, 睇o下小朋友反應.  不應考太多講o野, 講都係講爸爸媽媽為主.  但到出年2-3月先interview 的有些就會問得深D, 如要講顏色, 唱歌跳舞...但到時小朋友大過o左, 差不多兩歲, 又會做到呢D o野.  考2歲班, 相信學校都好睇家長點教/引導小朋友.

樓上的家長們說得對, 真係平常心, 因沒有人知到學校的收生準則.

1年前我女到10月interview 時15個月都只係識講爸爸媽媽, 仲只係間中能講, 有時仲會對住爸爸叫媽媽.  我也曾經好擔心BB未識講考不到好學校, 但真的平常心啦, 其實過3個月6個月後, 忽然會發現小朋友進步速度超乎想像.  我們也算好好彩, 最後我們也考到幾間熱門的學校.  所以, 就是第一間考不到也不要緊, 後面會有更好的學校欣賞小朋友及父母的努力, 開初on waiting list 也是會有機會的.

如果擔心, 建議唔好只係考熱門學校, 要考1-2間不太熱門/比較易入而又覺得ok的學校作backup.  有學校收o左個心會定好多.  同埋, 其實2歲班不一定要讀, 如果自己湊, 考不到, 自己教也ok.

歡迎光臨教育王國 (/)