教育王國

標題: 多唔多住港島東的小朋友, 去九龍塘番pn或k1??煩腦 [打印本頁]

作者: kwokbobo 時間: 12-7-30 11:46 標題: 多唔多住港島東的小朋友, 去九龍塘番pn或k1??煩腦

本帖最後由 kwokbobo 於 12-7-30 11:46 編輯

我好煩腦, 我住港島東, 但間間心儀的pn或k1都在九龍塘, 我正考慮番學和放學的車程會唔會太長, 有d媽媽就話找間近的, 有d媽媽就話找間好的, 就算遠d都唔怕。我好想知道有無媽媽都係住港島東, 就比小朋友pn或k1時去九龍塘或九龍區讀書?? 你覺得孩子會唔會太累呢?? 你地係點番學?? 校車、地鐵、還是自己driving接送呢?? 我見校車都無由九龍塘過港島東, 是否要坐街車??請分享

作者: kwokbobo 時間: 12-7-30 13:38

唔通真係無咩人咁跨區讀pn或k1???

作者: gwlam 時間: 12-7-30 14:23

我有親戚小朋友住港島東去九龍塘返K1，車程約個半鐘，坐校車。

作者: keio 時間: 12-7-30 14:38 標題: 回覆：多唔多住港島東的小朋友, 去九龍塘番pn或k1??煩腦

我有朋友則自己接送，上午私家車，中午放學的士去何文田／土瓜灣再轉隧巴。1小時內回到家。

作者: shirleyanson 時間: 12-7-30 17:26

其實小朋友咁細,要跨區返學,實在太辛苦了!

作者: yaulinda 時間: 12-7-30 20:22 標題: 回覆：多唔多住港島東的小朋友, 去九龍塘番pn或k1??煩腦

有見到小朋友跨區讀創價和St Cat, 但真係唔多。

作者: gisoleung 時間: 12-7-30 20:36 標題: 回覆：多唔多住港島東的小朋友, 去九龍塘番pn或k1??煩腦

考咗先再考慮！唔到你選，好多人考！當然最好近的幼稚園也要報定！

作者: Ackl1002 時間: 12-7-30 21:34 標題: kwokbobo 的帖子

日日坐個幾鐘校車都幾辛苦，不如留意下有無校車去你果區先考慮報吾報，費事收左先吾讀又覺得好晒。

作者: elysion 時間: 12-8-3 14:41

回復 kwokbobo 的帖子

I share yr concern that is similar to my situation.
I put my son in Kln Tg PN that I would drive him everyday and he will be escorted by maid after school.
I live in very Eastern part and need 30 mins in morning journey.
But it may take 45 mins for taking MTR after school that I cannot drive him. He must fall asleep in this journey.
I would consider trying every KG in Island first because don't want to waste his time.
what about you? applied PN/KG in Kln Tg?

作者: kwokbobo 時間: 12-8-3 18:56

謝謝咁多位媽媽的意見, 我都知跨區對咁細個小朋友係有d辛苦, 但又都想入到心儀學校, 你地講得對, 唔到我揀, 係會報定時, 但同時又要預先考慮如果真係要番咁遠, 車程點安排

作者: kwokbobo 時間: 12-8-3 18:58

校車真係唔到我果區, 一係就要坐街車, 一係就MTR, 我無車, 考慮緊買唔買, 但坐校車或MTR會比養車平, 好苦腦

作者: kwokbobo 時間: 12-8-3 19:04

elysion,
我同你個case真係差唔多, 我都係東區, 我都考慮緊買唔買車, 你係行東隧還是紅隧?? 你覺得自己driving接送好, 還是比佢坐校車好呢?? 你bb依家幾大, 我依家是幫佢報PN, 你呢, 你bb依家讀緊咩班? 其實我想緊好唔好比佢PN在附近讀, 到k1先同佢跨區

作者: kwokbobo 時間: 12-8-3 19:06

elysion,
你bb係咪放學回到家先開始食lunch?? 會唔會好肚餓呢??

作者: Capricorn2521 時間: 12-8-4 17:01 標題: 回覆：多唔多住港島東的小朋友, 去九龍塘番pn或k1

其實香港島都有好多好出名的學校。

作者: LPN 時間: 12-8-9 23:52 標題: 回覆：Capricorn2521 的帖子

其實好似要過海好遠咁，但好多小朋友都嚮 Tuen Mun 出九龍塘返學，咪仲遠？！

我都係住東區返九龍塘，今朝試過20分鐘（東隧）就到（雖然而家心未開學），返學自己車佢真係好快，不過都book 左街車，等緊回覆。

講真，呢度有好多意見可以參考，但最後決定果個都係父母。

作者: anlee3 時間: 12-8-10 00:47

Hi LPN, 請教一下如何book街車呢？我都需要呀！Thanks!

作者: irene_the_pooh 時間: 12-8-11 22:37

我係港島媽媽，其實我完全冇留意過九龍區甚至唔係自己區既KG，因為小朋友實在太細，車程太長真係大人細路都辛苦！

不過如果你真係想跨區，我覺得自己揸車會好D！

作者: josejandy 時間: 12-8-12 16:17 標題: 回覆：多唔多住港島東的小朋友, 去九龍塘番pn或k1??煩腦

推介蘇浙

作者: clara1477 時間: 12-8-12 17:37 標題: 回覆：多唔多住港島東的小朋友, 去九龍塘番pn或k1??煩腦

住港島東，如果坐校車，就算係港島學校，都至少45分鐘，因校車站站停。

以前佢2歲讀蘇淅，返下午，校車返學45至1個鐘。放學至少一個鐘，落大雨有時6點或打後先到。除非自己接送。

阿女K1開始係九龍塘讀，下午班，保母車，12：15分上車，1點10分到。5點3放，每日6點準時到屋企。落雨遲5至10分鐘。

作者: 3B之Mother 時間: 12-8-13 12:48

提示: 作者被禁止或刪除內容自動屏蔽

作者: hksunshine 時間: 12-8-13 15:50

really far away

作者: kwokbobo 時間: 12-8-22 09:47

非常多謝你們的suggestion, 對我好有幫助, 特別係詳細說明, driving, taking MTR or school bus, 街車等等的上車和落車時間, 我都有考慮過比佢坐街車, 所以更想聽下坐街車的父母, 小朋友坐街車番學係點樣, 是否安全? 我亦有諗過可能坐MTR, 大約45 mins, 但坐咁耐, 會唔會去到bb已經累呢??

作者: kwokbobo 時間: 12-8-22 09:52

LPN,

如果我無記錯, 我就係想讀你bb那間學校, 因為我好似見過你找街車的資料, 最後你找到嗎?? 依家你bb番緊咩班?? bb放學係咪都係坐街車?? 多唔多站?? 要幾耐回到家??

作者: kwokbobo 時間: 12-8-22 10:00

Clara 1477,

非常多謝你的分享, 我都同意, 就算在港島番學, 一坐校車都長好時間, 因為好多站, 我本來打算PN選在港島區, K1開始先致同bb跨區, 等佢大dd先, 唔洗咁辛苦, 不過入左PN先好似可以保留K1位, 咁除左自己driving係最方便之外, 咁坐MTR會唔會時間易控制一d呢?? 其實我如果坐MTR去kowloon Tong都要成45 mins, 你囡囡架保母車算快, 是學校提供還是街車呀??

作者: punlik 時間: 12-8-22 10:21

提示: 作者被禁止或刪除內容自動屏蔽

作者: clara1477 時間: 12-8-22 10:28 標題: 回覆：kwokbobo 的帖子

係街車。冇乜校車會由港𡷊接返學。
ps：如果返上午去九龍塘，大約7點40分上車，多數1點返到屋企。行車時間穩定D。

我仲記得以前返蘇浙，有幾次塞車，好遲先返到屋企（個幾鐘），攪到佢係車瀨濕晒。
有時我覺得D大型校車係吾多適合大細既小朋友，因為保母未必照顧到咁多。

作者: kwokbobo 時間: 12-8-22 10:34

punlik ,

咁請問佢番到學校會唔會已經開始累, 咁唔知會唔會影響佢學習?? 咁請問你bb幾點起身?? 係咪飲支奶就去坐校車?? 同埋我仲有個問題想問, 我知道bb大大下就可以開始唔洗訓早上的nap (我bb平時7:00 – 7:30am起身, 到10:00 – 10:30am左右就會訓1-1.5 hr), 咁係咪到2歲就唔洗訓早上那個nap?? 我唔知點同佢安排時間好? 我怕如果坐45 mins車程, 去到都可能已經開始眼訓了, 請指教

作者: kwokbobo 時間: 12-8-22 10:40

clara1477,

請問可否分享一下街車的價錢?? 我問過一架由港島東(東尾) 去九龍塘, 今年價錢係$2200, 佢話係今年價, 出年可能會加價, 未知加幾多, 保母車通常係幾多人?? 係咪有姨姨跟車, 送到學校交比老師???

作者: punlik 時間: 12-8-22 11:00

提示: 作者被禁止或刪除內容自動屏蔽

作者: clara1477 時間: 12-8-22 11:24 標題: 回覆：kwokbobo 的帖子

差吾多啦。阿女坐左2年都係2千。今年未知。車上一定有個女保母，頁负责照顧小朋友。你要問定保母同司機電話，方便溝通。
之前2年人數吾係好多，大約6至8個。今年未知。

作者: kwokbobo 時間: 12-8-22 11:36

真係唔該晒你們的分享, 我之前好擔心跨區的安排, 依家聽得多你們的suggestion, 心裡太約都有個定案, 不過我仲係有少少唔放心比佢坐街車, 可能覺得佢都仲細, 不過到時又可能會接受到, 因為坐街車此終方便過自己接送, 因為如果自己接送要來回4次, 所以多聽下坐保母車的情況, 可能可以安心d, 因為我係新手媽媽, 咩都唔識, 唯有問問問~~咁請問街車內的小朋友係咪有機會唔同學校?? 咁保母姨姨係咪在落車時送到佢比學校交比老師, 還是到門口就算, 我怕佢細個, 落左車後走左去

作者: vnghk0001 時間: 12-8-22 12:15

今年多咗好多家長搵唔到車，提議先搵下有冇車先，再諗下最後冇車可唔可以自己湊，因為有啲舊年有車但今年開學前先知冇呀。

作者: kwokbobo 時間: 12-8-23 17:22

vnghk0001 ,

謝謝你的提醒

作者: TSEHANG 時間: 12-8-23 21:56 標題: 引用：+本帖最後由+kwokbobo+於+12-7-30+11:46+編

原帖由 kwokbobo 於 12-07-30 發表
本帖最後由 kwokbobo 於 12-7-30 11:46 編輯

我好煩腦, 我住港島東, 但間間心儀的pn或k1都在九龍塘, 我 ...

我家在東区你可撰加南維多利牙明我蘇哲

作者: LPN 時間: 12-8-23 22:16 標題: 回覆：clara1477 的帖子

本帖最後由 LPN 於 12-8-23 22:26 編輯

我地讀上午班, 而家校車要我0740 上車, 因為要行紅隧! 如果兩程都搭就 $2300, 但只搭一程都要$2000!!

我諗緊返學自己車佢, 放學未決定.

歡迎光臨教育王國 (/)