教育王國

標題: 覺得好無奈,難兼顧兩個仔. [打印本頁]

作者: bbqiu 時間: 12-7-29 17:05 標題: 覺得好無奈,難兼顧兩個仔.

細仔兩嵗確診自閉,便開始同佢排政府s及協康私家s,其實期間有同佢做幼兒訓練及針炙,但不算積極,8个月後協康私家s有位,(家住新界大西北)但家有哥哥正常,大細仔兩年,幼稚园又沒有全日制,若姐姐帶了細仔上學,根本又無人照顧到大仔,(當然父母是資源$的大後方,要返工)惟有想等政府派同區的s位,點知一等....等到細仔錯過了学習的黄金期,等到心急如焚...
其實呢d小朋友真係要盡早比佢做密集式訓練,想請多个工人,但佢可以瞓边?好無奈,好唔知點算?

作者: fandd 時間: 12-7-29 17:36

回復 bbqiu 的帖子

兩個工人一齊同阿仔瞓，或者安排佢哋瞓廳，我以前都試過，不過見工前要預先同佢哋講明。

作者: 羲羲媽咪 時間: 12-7-30 00:26 標題: 回覆：覺得好無奈,難兼顧兩個仔.

如果係我.........會將請工人的錢去俾細仔做上門訓練或者睇下搵唔搵到n班返，點都好過剩係喺屋企對住工人。而且就算有專人教一兩個鐘，最終真係靠屋企人日日無時無刻去訓練小朋友。

我都為咗大仔捨棄了工作及工人已經一年多！大家一起努力吧！

作者: pipi331 時間: 12-7-30 00:30

提示: 作者被禁止或刪除內容自動屏蔽

作者: twobirds 時間: 12-7-30 12:57 標題: 回覆：pipi331 的帖子

我都係！大仔今年小一，細仔剛剛評估有自閉傾向。

作者: pinkdoll 時間: 12-7-30 18:55

本帖最後由 pinkdoll 於 12-7-30 19:00 編輯

回復 bbqiu 的帖子

可唔可以幫大仔轉全日制幼稚園, 我個大仔二歲評係發展遲緩, 智力正常, 現3.5歲各方面慢三個月至半年, 當然仍有做各種治療訓練, 因為細仔有自閉, 等緊入s位, 二個仔都要做治療訓練, 所以當初諗一係請工人, 一係讀全日制幼稚園, 而且要有延時服務.

終於找到一間全日制幼兒園, 咁二個都係入面讀, 基本上我一星期有三至四日要去學校接其中一個早啲放學去做training, 另外一個就留係學校, 我有時可以趕得切返屋企接校車, 如果唔得就延時, 做完training先再到學校接埋另外一個放學, 其實好辛苦好辛苦的. 我諗過如果有錢請個工人, 咁個工人最主要係幫手接到校車, 等我唔駛帶住一個仔趕頭趕命返屋企接另一個仔校車, 亦因為有工人接到校車, 仔仔就唔駛要係學校延時. 不過我無錢, 所以唯有日日都左騰右騰.

其實, 就你情況, 如果你找到一間全日制幼稚園給大仔, 基本上問題就可以解決.

作者: babycat9001 時間: 12-7-30 20:41

我知道有日間幼兒服務(保母EE)20蚊一個鍾,去EE屋企,揍4個鍾以上仲包一餐食...打電話去香港家庭幅利會申請啦!

作者: why-me 時間: 12-7-31 10:25

家庭開支好大, 唔係咁輕易放棄份工作!

作者: muimui5 時間: 12-7-31 14:02

大囡自閉讀S位，我一有咗細B已打算俾佢讀全日幼兒園，仲係有I位果隻。

作者: babycat9001 時間: 12-7-31 19:56

回復 babycat9001 的帖子

將軍澳區既保母EE是20蚊個鐘,可能其他地方收費會貴D.

作者: pipi331 時間: 12-8-1 01:21

提示: 作者被禁止或刪除內容自動屏蔽

作者: bbqiu 時間: 12-8-3 22:58

本帖最後由 bbqiu 於 12-8-3 23:03 編輯

細仔已返n班一年,那班已只得6人,一星期已有一次幼兒訓練,仍進步緩慢,始終覺得密集弍才針對到呢類小朋友,想返起馬一星期三天;大仔9月k3,九龍讀幼稚園,但沒有全日制,有小学部,不想放棄.只得一工人就難兼顧.找社區媬姆也可行,謝大家細心周到的意見,好窩心

特別是同路人,大家一齐努力.
始終細仔是要關顧的首選!

歡迎光臨教育王國 (/)