教育王國

標題: 請問資優同亞氏保加既分別？ [打印本頁]

作者: Care_Bears2009 時間: 12-7-28 08:45 標題: 請問資優同亞氏保加既分別？

亞仔25個月，由出世到而家都十分臭皮氣，教佢認字或物件，人物講過一次就記得，有時係我同老公傾談間已聽左，之後講返出來，連我同老公傾計時會叫家人花名，佢之後自己會配對講返出來，約20個月左右已成日問what is this?
但不喜歡同同年紀小朋友玩，只喜歡大人！小朋友行埋來會打人，平日皮氣超大又郁手郁腳，教佢罰佢都冇改善，行為十級固執，自己揀衫，襪鞋，尿片著，一有不從就癲昞！罰完一小時後，仍然記得剛才件事又再扭過！對自己要求高，玩玩具做不到冇耐性即発皮氣打自己鬧自己，情緒十分波動！
湊佢我真係好辛苦，打，罵，同軟功都試過！唉！請問亞氏保亞會這樣嗎？

作者: JadeW 時間: 12-8-1 19:54

亞氏保加可以加資優亦可以加低智，兩樣野講既野好吾同。

最基本係亞氏肯定有社交同溝通問題，但吾代表佢吾識講野。而資優主要講iq,即理解分析推理等範疇高於常人表現。

有懷疑最好找專業人士評估啦！

作者: Capricorn2521 時間: 12-8-2 09:35

本帖最後由 Capricorn2521 於 12-8-2 09:50 編輯

回復 Care_Bears2009 的帖子

我之前都有CHECK過亞氏保加嘅資料，亞氏小朋友係智力正常同沒有言語發展遲緩的問題。如果有，就會係自閉症，吾係亞氏保加。但亞氏保加同自閉症都係有溝通及社交問題。亦有人話，亞氏保加=高功能自閉症。

至於資優，我沒有太多研究，只係知小朋友在某一些能力較叻。以前只集中在IQ智能方面，現今已有8大智能，有不同範疇的資優生，如IQ、音樂、數理、人際溝通......

亞氏保加同資優係2樣野，會有機會出現在同一個人身上。

有朋友告訴我，佢個仔上亞氏保加社交小組，個個小朋友都係讀名校，讀書好叻，但吾多理人，自已做自已野。

以你嘅情況，我都建議你同專業人仕傾吓。如果固執到影響日常生活或學習，都要正視吓。

作者: xTinction 時間: 12-8-20 15:43

其實亞氏保加同自閉都可以同其他障礙一齊出現架~
與此同時，
兩者亦都可以同資優能力一同出現。

歡迎光臨教育王國 (/)