教育王國

標題: 我好苦惱上小學後，到底應唔應該cut了彈琴？ [打印本頁]

作者: ling1211 時間: 12-7-27 15:10 標題: 我好苦惱上小學後，到底應唔應該cut了彈琴？

本帖最後由 ling1211 於 12-7-28 02:27 編輯

我現在有個問題！我囡今年將升小一,是好動型孩子,熱愛游水(今年7月頭開始學)同体操(已學2年)，已多番要求我上小學都不要cut,佢話真係好鐘意，游水老師都讚佢進度學得好快，可能她鐘意原故，所以很投入學加有体操底！但以上2樣野都要每星期各學2堂，否則都較難keep住進度！但她本身已好多野學，普通話，英文(較弱,唔學唔得

)，珠算(已學2年，學校老師話囡数學科最好)，剛學完乘數，現半堂珠心算，半堂初级奧数)，我想訓練她思维，所以不想cut,另也有學琴(學了年半左右,現2级程度),每天也有練半hr以上習慣，她没有抗拒練亦冇話唔想學，但又不覺她特别有興趣,我現在好苦惱到底應唔應該cut了彈琴，因上小學真的怕冇時間曰日練同學甘多野，2來又怕冇時間温書

換你地會點做？

作者: polly0503 時間: 12-7-27 15:20 標題: ling1211 的帖子

睇下你個女的學校是否係高壓的學校如果唔係其實没影響。·:

作者: w_y 時間: 12-7-27 15:25

呢個情況, 我會先cut 珠算. 你女兒程度應付學校綽綽有餘. 其實就咁睇你女兒能力很高, 無需咁快就叫停. 上了小一安定下來再打算都不遲.

作者: Chowying 時間: 12-7-27 18:38

琴呢樣野, 快有快學, 慢有慢學, 都OK嫁. 我囡囡重其實升左小一先開始學琴tim

作者: marcuscyrus 時間: 12-7-27 18:53

上小學看情況才作決定，但周身刀的孩子有時也有麻煩，日後如遇比賽，好可能要再加強訓練，隨時打亂平常的練習，所以日後可能要分輕重

作者: wister 時間: 12-7-27 22:40

唔好cut,識彈琴好吃香架

作者: palmchristy 時間: 12-7-27 22:57

本帖最後由 palmchristy 於 12-7-27 22:59 編輯

小一至小三係蜜月期, 未需要特別溫書. 唔需要太擔心無時間溫書. 有興趣的應盡量繼續.

唔知大家有無留意呢個奇怪現象: 個別小朋友係越忙越強. 我見好多叻叻小朋友, 樂器打波辯論讀書樣樣精, 最特別係小朋友樂在其中.

我女小四時開學考完皇家試後才cut琴. 只繼續學大提琴. 以為多左時間成績會好. 結果反而dum懶左, 由名列前茅跌到十名不入, 仲要走唔返轉頭, 恨錯難返.

作者: 仔仔錫錫你 時間: 12-7-28 00:23

珠算學咁耐?? 好多centre 1年學晒+x/ !!! 我個仔都學緊, 返多2堂就叫完成乘數跟住學除數, 但我會cut, 因真係太快, 學校最快都要小2先學除數, 所以我會出年summer 先再學返, 你都應該諗諗有無需要contuine.

你小朋友like 游水同体操, 其實係件好事, 你可以作為酬碼令佢努力讀書. 至於琴就睇你, 只要你唔係追求什麼演奏級的話, 繼續學其實問題不大.

作者: ling1211 時間: 12-7-28 00:51 標題: polly0503 的帖子

囡的學校不是谷的

作者: ling1211 時間: 12-7-28 00:53 標題: w_y 的帖子

我的朋友都有提議我可先cut珠算，琴cut掉太可惜

作者: ling1211 時間: 12-7-28 01:03 標題: marcuscyrus 的帖子

yes,我認同你說法，亦有諗過呢個問題，所以我會留意囡囡一段時間，到底那樣她較喜歡，就放多一點時間落去，另一樣就當玩下算了

作者: marcuscyrus 時間: 12-7-28 01:06

ling1211 發表於 12-7-28 01:03
yes,我認同你說法，亦有諗過呢個問題，所以我會留意囡囡一段時間，到底那樣她較喜歡，就放多一點時間落去， ...

我有些周身刀的學生採9蓋10煲的做法(個人十分不認同)。他們在學界比賽前會停學樂器數星期，然後專操運動，到考琴試時又唔去游水數星期，到學校考試又乜都停哂。久而久之小朋友知道臨急個佛腳都會比佢抱，到頭來越來越懶散，上到中學，所有野都一下PAIR哂。

作者: ling1211 時間: 12-7-28 01:15 標題: palmchristy 的帖子

我老公之前話過我比太多野個女學會影響學業，加上我係全職媽，如果個女學業成绩不好，我老公一定有微言，所以我都有壓力架

你個女退步係指學業？

作者: ling1211 時間: 12-7-28 01:53 標題: 仔仔錫錫你的帖子

本帖最後由 ling1211 於 12-7-28 03:13 編輯

學一年就能不用算盤，只用心算學晒“+-x/

你仔好勁喎

我之前都試了3個珠算miss教我個女,给我感觉進度的確有點拖，所以2個月前再换了，呢個教得快D，現在學識了心算計“雙位x1位“，不過聽你甘講，我真係要認真諗下仲學唔學了

yes,我現在就是利用游水同体操呢點利誘她,跟她協議左,要學就要勤力讀書，成绩好可以學，成绩不好乜都要cut

其實我冇其望佢要考到咩级，只想她學琴學專注

作者: Mymaggie 時間: 12-7-28 11:17 標題: 回覆：Chowying 的帖子

好讚同，慢慢學都得，可以陶冶性情，又可幫孩子relax

作者: Mymaggie 時間: 12-7-28 12:22 標題: 回覆：我好苦惱上小學後，到底應唔應該cut了彈琴？

其實，咁細個學什麼都得，但我會觀察孩子的學習態度，也要孩子明白唔認真學和練，就要取消；另外，一定以學業行先，如發現因課外活動而影響學業，才去取消其課外活動。曰後考中學時，都是看成績先，其他活動只是輔助，除非孩子在該活動中的成就去到國家級或世界級吧！不要太早煩惱吧！(日後還有很多事去煩呢

)

作者: palmchristy 時間: 12-7-28 14:49

ling1211 發表於 12-7-28 01:15
我老公之前話過我比太多野個女學會影響學業，加上我係全職媽，如果個女學業成绩不好，我老公一定有微言，所 ...

只要父母在愛和情感上支援足夠, 而活動安排合理的話, 小朋友識分配佢地的時間的.
反之, 你好心幫佢cut, 佢地就自然將多出來的時間 hea 左, 唔知做左乜咁.

如果D活動係佢地喜歡的, 佢地更會盡全力先應付學業要求, 再去花時間玩佢地鍾意的活動.

但最緊要安排合理. 如果攪到小朋友好遅至上床睡覺, 咁就真係要忍痛cut活動.

我個女係學業退步. 而家要搵方法追.

作者: who530 時間: 12-8-2 12:55

回復 ling1211 的帖子

有關珠算問題想問，煩請check PM, thanks.

作者: chumamma 時間: 12-8-3 09:46

palmchristy 發表於 12-7-27 22:57
小朋友係越忙越強. 我見好多叻叻小朋友, 樂器打波辯論讀書樣樣精

我亞嫂囡囡都是, 好忙, 成績好好, 她說每天趕住去學其他嘢, 會拿拿聲做好晒功課, 相反, 曾經cut 咗, 姪女變懶散。

我覺得學習態度好緊要, 認真學習態度遠比日操夜操來的實際。

作者: nakoko 時間: 12-8-4 08:59

我會將游水體操改為一星期一堂,鋼琴佢冇表示唔想學我會比佢繼續

作者: w_y 時間: 12-8-4 09:52

回復 nakoko 的帖子

操水和體操一星期一堂肯定唔夠, 教練一定詐你型.

作者: ling1211 時間: 12-8-4 12:22 標題: 回覆：nakoko 的帖子

体操一星期一堂的確唔足夠,因D根好快會硬,想keep住狀態,最起碼一星期要2堂以上

但現在又有另一問題，囡於7月尾已開始在新校上小一適應班，當中有“壁球“學，前日老師跟我說，教練經觀察後,第一個看中我個囡，覺得佢有天份,運動底又好,想佢入校隊著重培訓(老師話學校很重視“壁球“運動,亦成日出賽攞好多獎),但一星期要練2日,每堂2個鐘！尋日同老師講想推掉入校隊,話冇時間，老師叫我再諗下先，猛話覺校搅呢個運動好出色，得了好多獎,叫我比個囡先試一個學期，讓她多方面發展運動世界,發掘專長,同時又話開學後應不會再另出通告加人

我而家唔知點好？如果真的推掉，會唔會给新學校一個唔好印象？如入的話，我只好暫時放棄比個囡學游水同珠算

作者: BLUEYELLOW 時間: 12-8-4 13:08 標題: 引用：+本帖最後由+ling1211+於+12-7-28+02:27+編

原帖由 ling1211 於 12-07-27 發表
本帖最後由 ling1211 於 12-7-28 02:27 編輯

我現在有個問題！我囡今年將升小一,是好動型孩子,熱愛游水( ...

應該減珠心算、我個仔在K2開始學珠心算、學了一年、學得都好、考學校公開試成績都唔錯、但小一實在忙、最後我放棄珠算、留下學琴。現在小兒五年級、回顧當天决定很正確、珠算对他數學進情幫助不大、但琴真是重要、起码音樂我完全不理都年年有A。

作者: 仔仔錫錫你 時間: 12-8-4 14:26

如果我細女咁叻，我會先停珠算，待明年暑假再學除數；游泳學齊蛙式及自由式就cut,待明年暑假再學背泳，蝶式不學，因影響身形做体操唔靚。當然大前提係要鍾意玩壁球先！

作者: ling1211 時間: 12-8-4 15:06 標題: 回覆：BLUEYELLOW 的帖子

我睇完你地意見都决定了由囡繼續學琴先，thx

作者: ling1211 時間: 12-8-4 15:23 標題: 回覆：仔仔錫錫你的帖子

其實唔係我個囡叻,佢在學體操度都唔係最標青那批，只係佢有體操底,所以玩其他運動才會較有優勝

有問過佢鍾唔鍾意玩壁球，佢話鍾意(其實問佢咩運動佢都話鍾意架，因為佢係好動派

)，但壁球甘冷門,對升中有冇幫助架？(請不要怪我現實,但這的確係重點

) 珠算都認同你說法，可以先停一停，以囡数學的底子，應付一年级数應冇問題，下年暑假才學埋除数

作者: ling1211 時間: 12-8-4 15:34 標題: 回覆：仔仔錫錫你的帖子

佢只係在今年7月才開始學游水,才一個月，所以還末真正學懂自由式，但如果選擇入校隊，我開學後一定不能再比佢學游水，真的排不到時間學，體操2堂，壁球又2堂，再加琴，普通話，英文

作者: lokyiumum 時間: 12-8-4 16:22

其實，答案好簡單，睇下你個小朋友是否能夠應付到。有D細路，越忙越勁。你可以睇下佢開學後才決定

作者: ling1211 時間: 12-8-4 17:27 標題: 回覆：lokyiumum 的帖子

no 啦,不能再加，我老公同屋企人已經成日鬧我痴線同過份，安排過多活動比個女，攪到佢好忙,冇時間玩同休息

其實我近排都有為此事唔開心,除了普通話，英文，我一定要佢學外，其他野都係阿囡要求繼續學的，仲話學得好開心，但旁人成日覺得我好變態

作者: bbmama1109 時間: 12-8-5 15:36

回復 ling1211 的帖子

有關珠算的，請check PM , THX!!

作者: alanaudio 時間: 12-8-27 13:14

可以學郅咁多, 真係唔簡單

作者: mandy304 時間: 12-8-27 15:22

好似周身刀, 但我情願有一把鋒利刀就夠了. 我仔仔學了一年琴, 最後升小一cut 了. 雖然無係出面學, 但有時興致到時會彈下歌, 我覺得咁樣仲好仲enjoy piano.. 有些人可以好順利, 一學學到尾考十級八級, 有些人可能長大後, 發現自已原來都好鐘意, 咁咪到時學番羅. 我又唔係為証書而學. 唔想迫得太緊了.

而珠算學了一年多, 就快學除數, 但你學校一年教晒 ???咁快??

作者: 潮日屋 時間: 12-8-27 18:34

提示: 作者被禁止或刪除內容自動屏蔽

作者: piagetmum1 時間: 12-8-27 22:42

回復 mandy304 的帖子

讚成要有一張刀利，他曰考中學，學校會睇有冇獎，並非單看有冇學過，要去到攞獎(重最好有代表性)的水平，並非一朝一夕。最好睇女女喜歡那項，那項比較强再決定取捨。

作者: qop 時間: 12-8-28 00:21

忙碌是一件不錯的事情，因為小朋友習慣了，就不覺得一回事。
萬一懶惰了，真係幾難要佢積極返。
至緊要妳幫佢安排得時間好就得。

歡迎光臨教育王國 (/)