教育王國
標題: 心儀學校沒有普教中 [打印本頁]
作者: 畫圖畫 時間: 12-7-26 11:41 標題: 心儀學校沒有普教中
自己中意普教中, 但心儀學校沒有, 請問應如何取捨呢?
作者: Charlotte_mom 時間: 12-7-26 11:42
雖然我讚成普教中, 但我同意揀學校應該要睇多項, 無一間學校無完美的, 有咩唔妥自己跟緊d啦, 無問題既
作者: ha8mo 時間: 12-7-26 11:56
提示: 作者被禁止或刪除 內容自動屏蔽
作者: lyhv 時間: 12-7-26 12:04
係完全沒有定高年班先有? 其實我都覺得有會好啲，但家下好多時對我依類家長黎講，唔係我揀人，只有人揀我，如果好彩同時有兩間選中了我，我便會加入普教中為考慮因素! 
作者: HaYi 時間: 12-7-26 12:13
我都係喜普教中,未必是選校必要條件, 但肯定是一會考慮的重要因素之一. 好彩依家多左學校是普教中, 都幾好.
作者: MaiGao 時間: 12-7-26 12:23
Charlotte_mom 發表於 12-7-26 11:42 
雖然我讚成普教中, 但我同意揀學校應該要睇多項, 無一間學校無完美的, 有咩唔妥自己跟緊d啦, 無問題既 ...
認同。
我認為選校要全面。
不妨把每校的優劣列舉出來再比較，再比較每一項在你心目中的重要性。
作者: Charlotte_mom 時間: 12-7-26 12:35
點評畫圖畫 oh, 估吾到 charlotte 姐姐第一個覆我, 真謝謝! 發表於 半小時前
我係阿嬸, 你攪錯左了
作者: panbaby 時間: 12-7-26 12:46
有普教中文的話, 家長會响頭一兩年幾 '甘', 如果家長不是長於普通話包括拚音, 會是百上加斤, 有時中文課的普通話再加普通話堂本身的功課評估, 去到考測時都幾富挑戰性....
當然, 小朋友的普通話就梗係會進步快些.
作者: Charlotte_mom 時間: 12-7-26 14:11
都係架, 上星期至同個仔做左份嘔血既暑期功課
作者: 畫圖畫 時間: 12-7-26 14:15
我個仔係幼稚園巳學識所有普通話拚音及巳能說普通話, 相信本身的能力不是一個問題. 但我心儀的小學沒有普教中呢
作者: happyty 時間: 12-7-26 14:42
請教一下普教中的意思是否用普通話教中文科？那小學有普通話科是否不同的？
作者: lyhv 時間: 12-7-26 14:47
畫圖畫 發表於 12-7-26 14:15 
我個仔係幼稚園巳學識所有普通話拚音及巳能說普通話, 相信本身的能力不是一個問題. 但我心儀的小學沒有普 ...
作者: 畫圖畫 時間: 12-7-26 14:48
本帖最後由 畫圖畫 於 12-7-26 14:56 編輯
普教中=用普通話教中文科; 心儀的一間不是普教中的也有普通話科, 直至到了四年級學校才分普通話班。 我並不喜歡小朋友到四年級才學普通話，到時他們未必有普通話學習的興趣。 反而， 從小學習普通話， 小朋友不知不覺巳學懂了語言呢。這是我考慮的地方！
作者: panbaby 時間: 12-7-26 15:11
普教中文用的書是有齊拚音的, 好多時老師會讀普通話課文, 如果家裏不是講普通話, 會有一定的壓力. 基本上說, 普教中文點解會令小朋友普通話好啲, 因為好多時是家長或補習老師在背後發功...
你去誠聘老師或出面的補習網看, 你會發覺好多家長請普通話老師, 點解? 其中的一個好大原因不就是普教嗎? 我哋好多家長都是跟小朋友一齊學...因為有時啲功課是今日叫明日交, 揾老師都揾唔切, 要食自己...
作者: shadowli 時間: 12-7-26 15:13
我派左間有普教中，但我唔鐘意間學校。
作者: emmazlo 時間: 12-7-26 15:27
回復 畫圖畫 的帖子
那麼你心儀的學校小一至小三也有普通話科, 便不用太擔心, 到小四分班時, 可揀普教中, 相信小朋友初小時keep住有普通話, 應該ok呀!
作者: sheffield 時間: 12-7-26 15:29
本帖最後由 sheffield 於 12-7-26 15:52 編輯
樓主，不用太介意啦！就算你心儀的學校有普教你都不一定入到(請不要介意，我只是在說事實)…報就照報，考就照考，到時唔夠咪自己早d學囉！
話你知，小一就普教中不一定好…我亞女9月會升K3，但因為她的小校小一開始普教，我今個暑假就要開始比佢學普通話，否則到小一時就上唔到堂…唔好以為常普教中就係中文堂學普通話，相反，如你本來是不懂普通話的，你就學唔到要考試中文…當然，如小朋友本來已有普通話基礎，咁用普教中就更讓小朋友多d機會用同學普通話…如你我，我情願用廣東話教中文，另加普通話堂…
作者: lyhv 時間: 12-7-26 15:45
畫圖畫 發表於 12-7-26 14:48
普教中=用普通話教中文科; 心儀的一間不是普教中的也有普通話科, 直至到了四年級學校才分普通話班。 ...
作者: panbaby 時間: 12-7-26 16:10
我覺得普唔普教真的不大重要, 在香港呢個大環境下, 你駛驚冇機會學和講普通話, 全世界有十幾億人識講普通适, 要揾人講真的易過借火, 對不? 相反心儀學校難求呀...
你問我普教的意見, 就是有冇壞, 冇亦無坊.
作者: parentslove 時間: 12-7-26 16:31
sheffield 發表於 12-7-26 15:29
樓主，不用太介意啦！就算你心儀的學校有普教你都不一定入到(請不要介意，我只是在說事實)…報就照報，考就 ...
作者: Charlotte_mom 時間: 12-7-26 16:57
"普教中文點解會令小朋友普通話好啲, 因為好多時是家長或補習老師在背後發功..."
如果學校教得好, 根本唔需要再補底, 我2個小朋友pth都非常唔錯, 我女小5暑假去北京homestay我都未驚過
我份功課令我嘔血係因為d詞語好深例如龐大vs渺小, 仲要用拼音估, 我仔(升小3)識鬼咩!
分享一件事: 我小朋友學校有個北京藝術學院畢業既老師, 佢最想教視藝, 但申請時視藝老師無位, 學校叫佢教中文, 教左幾年中文, 從來都係o係學校講普通話, 幾年之後, 人事變動, 呢位老師可以一嘗心願教視藝, 根據做法, 視藝係廣東話科目, 於是老師用半咸淡廣東話教, 後來有次家長會上, 有家長問校長, 既然一向老師都係講普通話, 學生聽普通話, 從來都無問題, 咁點解唔直接搵普通話教視藝, 同時好多家長讚成, 於是, 而家呢個老師已經直接用普通話教視藝, 我女一樣明咩畢加索點樣半邊面側面半邊面正面, 無問題呀
舊年小6, 學校亦請左個北京藉既老先生教書法, 學生一樣咁學
不過我同意, 唔係間間學校教普通話都推行得好, 我聽過有家長分享: 默書聽唔明, 半班唔合格, 如果攪成咁, 不如用返廣東話算了
作者: marcuscyrus 時間: 12-7-26 18:02 標題: 引用：自己中意普教中,+但心儀學校沒有,+請問應如
原帖由 畫圖畫 於 12-07-26 發表
自己中意普教中, 但心儀學校沒有, 請問應如何取捨呢?
作者: panbaby 時間: 12-7-26 18:44
普教中文係咪會令小朋友文法好些, 可唔可以賜教? 用廣東話教會差些? 流的文章要普教才可學得?
作者: marcuscyrus 時間: 12-7-26 19:00
畫圖畫 對， 但學左咁耐普通話如不是普教中便覺有些可惜。
我兒3年幼稚園讀的是英普班，考小學時也沒想哪麼多，有普教中當然比較理想，如學校未能提供也不會因此而不讀(如覺得該校適合孩子)
作者: wister 時間: 12-7-26 21:23
你覺得間學校夠好同適合自己小朋友咪夠羅，唔一定要普教中丫
作者: hoihoima 時間: 12-7-26 22:14
回復 畫圖畫 的帖子
I agree that it is a pity if not use PTH to teach Chinese. Same case for me here. My child is very good at PTH and I want him to have a lot of PTH exposure when he goes to primary school. The use of PTH to teach Chinese is a good way to gain this exposure. Having said that, you also need to consider the qualification of the PTH teachers. Are they native PTH speakers? Or just HKese speaking PTH? If they are HKese, then hmm...the effectiveness of PHT learning would be much discounted, and this may also have a negative implication on the Chinese language learning, since they may not know how to pronounce all the small things that a native teachers (PTH or Cantonese speaking) would be able to teach students.
You also need to consider the priority of all factors for choosing a primary school. Like for me, PTH learning is very important. However, a through train primary school with a renowed English secondary school is the most important of all. Your child can always go to a PTH learning centre to study PTH, but a good primary school with good through train English secondary school is, to me, just the best thing to have.
作者: kinkin010327 時間: 12-7-26 23:37
提示: 作者被禁止或刪除 內容自動屏蔽
作者: chanwendy 時間: 12-7-27 11:09
我諗樓主心儀這所小學係因為其他原因吧, 否則樓主都唔會到這一刻才知它不是普教中啦. 我自己就反普教中的, 但亦曾 in 過一啲係普教中的小學, 我 in 的因就係因為有更多吸引我的地方, 係令我可以勉強接受佢係普教中, 上天安排下我未能成功考到. 所以樓主不妨想清楚到底你呢間所謂心儀學校到底有咩心儀條件, 所衡量到底係普教中緊要, 還是其他條件緊要.
作者: cwhtcybb 時間: 12-7-28 13:45 標題: 畫圖畫 的帖子
有d 學校話高年級先有普教中，但係有d 一至三年級都有，不過唔係全級，只係一，兩班。你問清楚心儀間學校先…
作者: 畫圖畫 時間: 12-7-28 13:54
心儀是小四才有, 我吾係好贊成有些學校高班才將普通話分班, 冇乜意義. 到時轉吾轉普通話班也不重要.
作者: 畫圖畫 時間: 12-7-28 14:03
本帖最後由 畫圖畫 於 12-7-29 13:32 編輯
剛收到風, 心儀那間學校程度淺 (區內band 1熱門) ; 反而另一間選擇的普通學校程度更深但有普教中 (應band 2) , 點解?
作者: poison 時間: 12-7-29 01:38
其實普教中，只是學校為迎合家長的追捧，而形成的一種潮流。中文原本是我們的母語。母語為何不用母語學習，而用一種不熟識的語音去學習中文呢？試想想，一個原本為廣東話為母語的中文老師，卻要用普通話教中文。他既要教懂意思，又要兼顧發音，他那裏能生動活潑地教好中文呢？此外，小朋友日常生活是用廣東話的，他們所接觸的中文例子句語，都是用廣東話。那麼若老師用廣東話講解不是更傳神及明白嗎？有些學校說是自己是用北京的老師來普教中。這樣又出現另類問題，就是老師的生活文化與香港不同，於是老師未能用同學們明白的字眼，解釋字詞。若學生本身是普通話為母語的，則用普通話教中文，則事半功倍了。有些學校先讓學生用廣東話學習中文，另輔以普通話課，讓學生們在普通話有一定基礎後，才用普通話教中文，是一個有良心的做法。有些學校則實行兩班用普教中，兩班用廣教中，入班前會先面試才編班。這樣可以按學生對普通話的理解程度，來選來可種語言。但亦出現一種情況，就是在普教中的班別裏，大多是父或母為內地人的學童。他們的母語就是普通話，所以用普教中，並沒有問題。
其實，廣東話是中國很古老的語言，比普通話更古老。我們卻放棄原本的歷史悠久的語音和字詞，只學內地的普通話。那麼不久的將來(不出兩世代人)，廣東話將失傳了！
poison 
作者: HaYi 時間: 12-7-29 09:19
我覺得, 我們(中國人)的母語是"中文" , 而不應是廣東話(方言), 以母語 或外語教全部科目(EMI / CMI) 就不在此討論, 因為那是另一個範疇. 之前有一段日子香港有人極力追捧母語教學, 但現在要求改為EMI 的又大有人在, 而且較好成績的學校都以EMI 自居, 此是現實的反應. 我個人覺得, 用中文教年紀小的, 應該可以令多些人明白, 但考慮到長遠, 用英文教(會令小朋友在高年紀易接駁本地/ 外地大學課程. 但有沒有足夠有能力的老師去EMI 亦是難一概而論.
至於"普教中"或是"廣教中", 又是另一問題, 其實用"非當地方言" 學習的例子在華語區比比皆是, 差不多全大陸的大中小幼都以普教學, 但各自在家有方言, 亦不見得當地方言會而此失傳. 再考慮到普通話的流通性, 在廣東話地區從小普教中有其實際需要. 我的小朋友亦是在讀幼稚園英普班, 我覺得從細開始學PTH, 無論語音及用詞都較自然. 在考小學時, 發現很多小學在低年級是廣教中, 在高年紀才變普教中, 說是給小朋友時間去習慣, 其實明白很多學校因資源有限, 不能有足夠的PTH 老師才如此安排, 對於我們想維持 普教中的家長, 其實是十分無奈, 但在沒有選擇下要接受的,
作者: KK07 時間: 12-7-30 19:08
漢學大師饒宗頤先生從沒接受普通話教學的. 甚至從來沒有在普通話環境中生活,所以我不認同普通話教學會提高中文水準. 為甚麼把普教中看成選校的重要因數? 當有實際需要(e.g 揾工需要), 學生就會學好普通話,英文,日文.....
有這個語境,自然會說得好,PTH在香港肯定會愈來愈多人用, 跟本不用擔心. 廣東人有廣東口音,四川人有四川口音, 哈爾賓有哈爾賓口音,有啥出奇?我出差接觸過東西南北的中國人, believe me, 只有CCTV新聞報導員才最正宗!
However, I know I belong to minority in HK now holding this view..
作者: edea 時間: 12-7-30 19:35
本帖最後由 edea 於 12-7-30 19:37 編輯
Charlotte_mom 發表於 12-7-26 16:57
"普教中文點解會令小朋友普通話好啲, 因為好多時是家長或補習老師在背後發功..."
如果學校教得好, 根本唔 ...
是的, 我囡囡都是學校教, 沒有補底, 我對她程度亦很有信心.
我個人很支持普教中 (如果學校推行沒問題).
不用擔心廣東話方面, 會普通話後, 囡囡仍可用廣東話全文照讀出來. 畢竟每日講的是廣東話, 一理通百理明, 不難.
作者: Cherishvalue 時間: 12-7-30 20:46 標題: 引用：漢學大師饒宗頤先生從沒接受普通話教學的.+
原帖由 KK07 於 12-07-30 發表
漢學大師饒宗頤先生從沒接受普通話教學的. 甚至從來沒有在普通話環境中生活,所以我不認同普通話教學會提高 ...
普教中和廣東話教中我的孩子都經歷過，在師資類近的前提下，我覺得用普通話教學的優勢不是太明顯，只是在普通話口語方面的進步較快。
相反用廣東話教授中文讓孩子能以母語思考，特別是高小以後更為重要。
作者: Charlotte_mom 時間: 12-7-30 21:31
edea 發表於 12-7-30 19:35
是的, 我囡囡都是學校教, 沒有補底, 我對她程度亦很有信心.
我個人很支持普教中 (如果學校推行沒問題).
我兩個小朋友都係普教中, 但平時自己睇書都係用廣東話讀的, 唔擔心廣東話會失傳wor
作者: chanwendy 時間: 12-8-2 11:44
edea 發表於 12-7-30 19:35
是的, 我囡囡都是學校教, 沒有補底, 我對她程度亦很有信心.
我個人很支持普教中 (如果學校推行沒問題).
我姪女係普教中, 記得上年佢睇書時見到有 "不堪" 二字, 我問佢點讀, 我姪女就只係用普通話我, 我問佢廣東話點讀, 佢第一次 "堪" 一樣係普通話讀法, 我話唔啱, 佢再答我時就讀甚. 我哥嫂一路都唔知原來個女係唔識讀呢個字的廣東話音. 正正因為咁, 我盡量選廣教中, 因為我唔打算跟功課跟考試, 亦唔打算每次學校教完又要再去 test 佢係咪真係識廣東話.
作者: elizatyy 時間: 12-8-2 20:19
就實用角度來說, 個人贊同用普教中, 始終普通話在亞洲是主要溝通語言之一。 小兒在普英班KG四年, 能自行用普通話讀書, 日常會話， 聽得懂普通話卡通。希望香港小孩的語言能力能夠追得上星加玻。
| 歡迎光臨 教育王國 (/) |
Powered by Discuz! X1.5 |