教育王國

標題: 怎樣學好中文？ [打印本頁]

作者: yf 時間: 12-7-25 21:13 標題: 怎樣學好中文？

提示: 作者被禁止或刪除內容自動屏蔽

作者: yuengooluk 時間: 12-7-25 22:41

本帖最後由 yuengooluk 於 12-7-27 05:24 編輯

我只相信閱讀。請看「好媽媽勝過好老師」尹建莉的兩文：
修得一支生花笔

学“语文”不是学“语文课本”

作者: Cake111 時間: 12-7-26 02:02 標題: 回覆：yf 的帖子

如自小有閱讀習慣的應冇問題，如冇，則快快培養。不懂生字和上文下理是很難做這類練習的，可買些來做，用朗讀故事的形式去培養小朋友的閱讀興趣，然後一起回答問題，讓小朋友習慣做，切忌只丟下習作叫小朋友自己做，除非佢可以handle到。

作者: kaman488 時間: 12-7-26 09:56

閱讀一定有莫大的幫助

作者: sowasabe 時間: 12-7-26 10:43

要長遠效果(撐到中學中文亦可以) 多睇課外書,且多元化.
短期收益:瘋狂做課外練習 (只可保住小學階段的中文成績,中學則不行.)

作者: HaYi 時間: 12-7-26 12:47

ttl agree, 不過知易行難.. 要開閱讀中文書的頭會比閱讀英文書更難..

作者: michellebaby 時間: 12-7-26 12:58

HaYi 發表於 12-7-26 12:47
ttl agree, 不過知易行難.. 要開閱讀中文書的頭會比閱讀英文書更難..

試試找兒童版西遊記給小孩做看中文書的入門, 很多都愛的 !

作者: Meikin 時間: 12-7-26 13:23

嘗試找些自己仔女鍾意/有興趣的中文書/小說 (漫畫除外), 讓他們主動閱讀, 才會事半功倍.

我囝囝小學曾經作文很差, 終於在4年級暑假找對了書給他 - 他瘋狂地看上看科幻/奇情小說, 圖書館內差不多所有衛斯理及原振俠小說都看齊, 慢慢地怹的作文甚至閱讀理解也進步很多.

作者: 花仔媽咪 時間: 12-7-26 13:30 標題: 回覆：Meikin 的帖子

我個女好鍾意睇老夫子，起碼佢會書不離手，當佢睇慣書便什麼書都會睇

作者: SUSANNA 時間: 12-7-26 14:47

要多看書，不同類型書藉也可，小時候我女只看兒童快報，大些看木棉書或其他小說．但不要買一大堆書在家，因他知道隨時可看就會不專心（對某些小朋友而言），所以我鐘意帶女到圖書館或去打書釘．現在我女１１ｙｒｓ最鍾意活動就時看書及到圖書館．

作者: Meikin 時間: 12-7-26 15:04

回復花仔媽咪的帖子

我的囝囝也很愛看老夫子, 雖是漫畫, 起碼無意識不良, 且可以學到很多四字成語或詞語.
我小時也愛看老夫子呢!

作者: yf 時間: 12-7-31 21:19

提示: 作者被禁止或刪除內容自動屏蔽

作者: panbaby 時間: 12-7-31 23:45

學語文是要下死功夫的。要多讀多唸多冩，沒有其他的捷徑。這是最簡單最好的方法，亦是最難的方法。特別是中文，好多時背誦中文詩詞好文章對日後的冩作有莫大的好處。中文唔讀唔背唔練抄冩字和詞語是打唔好功底。

有好的底子，其他的如閱讀理解和作文便不是大問題。

作者: Meikin 時間: 12-8-2 13:21

回復 yf 的帖子

介紹就不敢, 因每毎小朋友的興趣都未必相同.

以我囝囝為例, 他們自小對昆蟲, 恐龍, 或古怪/神秘的東西有興趣, 所以我初小時就買/借一些關於昆蟲/恐龍/金字塔/古埃及/神秘飛行物體的書(有圖晝及文字)給他們看, 小二/小三可以開始看"老鼠記者"系列的兒童揁探小說.

你可以從你囝囝的興趣入手.

作者: Meikin 時間: 12-8-2 13:42

回復 yf 的帖子

補充一點 : 找些小朋友有興趣的書, 他們自然會看, 當慢慢學懂的中文詞彙多一點的時候, 他們便有能力/興趣追看其他文字較多的中文書.

不單學中文, 要學好英文也可用這方法, 由淺入深, 最重要是引起他們的興趣, 令他們主動閱讀呢.

作者: yf 時間: 12-8-2 16:22 標題: Meikin 的帖子

提示: 作者被禁止或刪除內容自動屏蔽

作者: himmamme 時間: 12-8-2 19:06

大量大量reading.......!!!!!!!你要比d心机投其所好,找到一d佢鐘意既書,慢慢地見成效.

作者: mansum92 時間: 12-8-3 23:20

我個仔而家升2年級我都仲係會讀比佢聽佢有時會睇住D字有時唔會請問各位幾時會開始要佢自己睇? 點樣開始? 我而家係讀讀下間唔中叫佢讀番一兩句比我聽

作者: yf 時間: 12-8-4 21:18

提示: 作者被禁止或刪除內容自動屏蔽

作者: ALAL 時間: 12-8-5 00:19

回復 yf 的帖子

愚見如果要入精英班,或要程分,就要造D練習,等考試拿高分D.

作者: SY_Joanne 時間: 12-8-13 13:48

mansum92 發表於 12-8-3 23:20
我個仔而家升2年級我都仲係會讀比佢聽佢有時會睇住D字有時唔會請問各位幾時會開始要佢自己睇? 點樣開始 ...

比佢睇佢鍾意嘅書, 自然就會自己睇架啦!

我個囝囝今年升 K3, 之前都只係鍾意睇米奇, poon poon 嗰啲書, 其它佢比佢都唔會睇架!

我之後發覺佢鍾意藍精靈就幫佢搵嗰系列嘅書(簡體字嚟唸住讀比佢聽)比佢睇, 就因為佢非常鍾意睇嘅緣故, 佢日日都自己去睇! 到現在佢連簡體字都識得睇添 (不會唔識繁體字, 因佢之前由細到大都有同佢講故事習慣, 老師仲讚佢識好多中文字添)!

所以我覺得首先比佢睇佢鍾意嘅書先!

歡迎光臨教育王國 (/)