教育王國

標題: 一條龍學校真是最好？ [打印本頁]

作者: BBCHANCHAN 時間: 12-7-25 16:20 標題: 一條龍學校真是最好？

提示: 作者被禁止或刪除內容自動屏蔽

作者: gwlam 時間: 12-7-25 16:49

其實一條龍嘅幼稚園反而唔深。。。

作者: winnietingting 時間: 12-7-25 17:02 標題: 回覆：一條龍學校真是最好？

我朋友個囡讀spk, 佢話好淺。

作者: bonbon1220 時間: 12-7-25 17:39

我都聽人講一條龍幼稚園同小學都唔太深 , 多數中學先谷 !

作者: 小曳人 時間: 12-7-25 18:08

好多好學校都唔係Kg->P->S 架喎

作者: lukimama 時間: 12-7-25 22:40

一條龍嘅幼稚園唔深, D小朋友唔駛勤力都直升, 咁對小朋友係好定唔好呢? 佢地到小學中期先開始谷, 但都未必習慣. 其實一條龍都係比定心丸家長. 所以我覺得一條龍未必係好 (當然或有例外).

作者: chrisncy 時間: 12-7-25 23:00

都唔使煩中小學，谷嚟做乜先

作者: creamsicle 時間: 12-7-26 08:06

BBCHANCHAN 發表於 12-7-25 16:20
老公覚得學校最緊要近？而我區沒有一條龍學校！我又想女女入一條龍，他又話一條龍那些好深！大家意見不合 ...

個人認為龍校對唔想煩的家長最好！對小朋友就有適合有無咁適合的。我估你先生話龍校深係指小學／中學，唔係幼稚園。如果佢認為深＝多功課＝讀得辛苦的話，不如同佢傾下佢想要D點既小學／中學，再選幼稚園。成績好過龍校的學校當然有，但讀得辛苦又未必係你先生杯茶。

作者: tweetybird_ 時間: 12-7-26 08:53

我都煩緊... GH (一年$45000(學校+雜費) or 迦南 (一年$25000(學校+雜費)... 不過, 人人都會選GH...

作者: lovelinda 時間: 12-7-26 11:06 標題: 回覆：一條龍學校真是最好？

我覺得最重要是德育教得好，其次是小朋友十分喜愛返學，喜歡老師和同學，而且幾乎是一條龍，雖然細個讀得唔深，但中學公開試成績都唔算差.........所以我同女女都十分喜歡學校，多謝和感激!

作者: ScarlettShannon 時間: 12-7-26 11:42 標題: 回覆：lovelinda 的帖子

本人是選擇了龍校放棄了阿女本來讀得好好，好開心的樂基，家長日跟老師退學時忍住涙水多謝老師，同佢講𨍭校對阿女未必是好事，但對我本身壓力減輕一定係好事，所以我係自私先轉⋯由於樓上有家長說龍校幼稚園較淺但小學較深，咁壓力是否只是推遲而已？應該出外補英普嗎？

作者: cdleep 時間: 12-7-26 11:48

一條龍有個保障唔需要再煩小學

作者: lyhv 時間: 12-7-26 11:53

最好? 或者我會套用一句說話，就係"沒有最好，只有更好"。家長應該選擇合適小朋友嘅學校，比較最好係無意思，比較那間適合自己的小朋友才是重要! 而至於深唔深，我覺得都係要因應自己小朋友嘅天資同興趣，當然本身小朋友程度只係能夠明白小二嘅書本，你無理由迫佢學小三小四啲野，同樣道理，對啲領悟力高嘅小朋友，要佢格硬同啲領悟性比較慢啲小朋友一齊上堂，都唔係好事。

另外覺得其實你老公話學校應該近屋企都無錯，因為小朋友精神時間同交通費可以節省唔少。我本身對一條龍無咩太大意見，沒有特別傾向亦沒有特別討厭。但既然你喜歡一條龍，咁一條龍嘅好處我亦唔再提，我會覺得人遲早係要面對競爭，早些面對，未必係壞事。另外一條龍可以提供到穩定嘅環境，但同樣地會失去接觸更多人和事嘅機會，習慣了處於一個位置，亦可能會令到一個人失去了向上的動力。

作者: lutang 時間: 12-7-26 12:04

其實你都要清楚學校係咪真係一條龍喎,如果係半條龍既,到中學一樣要考得好先返到原校,並唔係冇競爭架!

作者: ScarlettShannon 時間: 12-7-26 12:27 標題: 回覆：一條龍學校真是最好？

名幼=一路教得深，家長成日去聽升小講座，有好好的英普訓練，有phonics 學，家長成日交換情報，在適當時候要學好多野同比賽以省靚profolio，小朋友個底打得好但隨時處作戰狀態。（此乃讀了一年及身邊朋友個人觀感。）
一條龍=教得淺於是出去補習，家長要陪佢練習語言及看多些書，正所謂補底，成日擔心佢考全班尾15%升唔返原校，家長沒有得選擇於是成日留意中\小學部排名，成日諗報名津校但未必夠人爭。(朋友分享及自己讀了16年龍校經驗，）

作者: 叮噹媽媽 時間: 12-7-26 14:23 標題: 回覆：一條龍學校真是最好？

龍校升小一唔洗煩嘅道理係人都明白，但考唔考到同有冇呢類學校先係問題！好似男仔係港島一條龍校應該係零

作者: tweetybird_ 時間: 12-7-26 14:41

請大家可否給意見? 一仔一女, 哥哥讀緊一直資男女校, 唔一定收妹妹, 因為要考。

原本想細女讀GH, (除了$$問題外, 但由我負責

)可以直升小學, 上唔到哥哥果間都有個backup, 但好似英文唔夠又要出去補, 又要學ballet, 彈琴...

而且女校比較多選擇, eg, 真光, 德雅, 德貞, 聖母... 我應該點呢...

作者: lyhv 時間: 12-7-26 15:48

tweetybird_ 發表於 12-7-26 14:41
請大家可否給意見? 一仔一女, 哥哥讀緊一直資男女校, 唔一定收妹妹, 因為要考。

原本想細女讀GH, (除了 ...

考到先再諗吧~~

作者: ScarlettShannon 時間: 12-7-26 16:06

今時今日已經係學校揀你, 唔係你揀學校了

作者: tweetybird_ 時間: 12-7-26 16:15

回復 lyhv 的帖子

就係考左啦.... 只係要做決定啦~~

作者: panbaby 時間: 12-7-26 16:33

回復 tweetybird_ 的帖子

不如讀德望先 (如果德望可直升). 你每年俾多一,二萬, 但有個好小學打底. 到升小學時
咪考哥哥及其他學校.

至於學嘢或在幼稚學多些, 我覺得無論你幼稚園點學, 上到小一時人哋一谷便會追上, 幼稚園生
會可以同小學生比? 大把村屋幼稚出來的學生, 小一一發力, 成績好過不知幾多名校幼生. 入一間有
一條龍的幼稚, 小孩有一個平衡開心唔駛不停咁學呢樣學嗰的三年, 不更好嗎?

作者: lyhv 時間: 12-7-26 16:43

本帖最後由 lyhv 於 12-7-26 16:44 編輯

tweetybird_ 發表於 12-7-26 16:15
回復 lyhv 的帖子

就係考左啦.... 只係要做決定啦~~

考左咩? 做咩決定? GH, 迦南??? 你都話原本想讀GH，咁重要揀咩?

作者: ScarlettShannon 時間: 12-7-26 16:44 標題: 回覆：一條龍學校真是最好？

請問德望不是$3300學費嗎？雜費是每月交的茶點費，計唔計車費？有$45000一年咁多嗎？同其他私幼比如SC york HKPS比較，德望已算平，你數的女校都差不多有幼稚園的私校，咁你打算讀迦南之後考進去會容易嗎？

作者: tweetybird_ 時間: 12-7-26 16:58

係呀... 學費, 書薄費+雜費($1500 1st term), 校服($422 1st term), 茶點費$800, 車費$649/mth, 計計下一年要$45000. 如果係讀york更要$65000, 但係如果讀York, SC, HKPS, KM..etc 有NET+PTH 班主任, 唔洗出去補英文.

宜家讀GH只係有backup, 好似去interview其他私小/直資會驚差d囉... 如果讀迦南(程度較淺),可以慳左學費先出去補... 因為我要返工, 所以平日都唔可以教得咁多啦~

作者: w_y 時間: 12-7-26 18:02

如果讀York, SC, HKPS, KM..etc 有NET+PTH 班主任, 唔洗出去補英文.

我識幾位朋友讀 SC, KM, 補英文所花金錢比我的 "學卷" 子女還多幾倍.

作者: lutang 時間: 12-7-26 18:21

其實依家冇乜人係唔使補習架，學校淺又驚唔夠競爭力，要補！學校深小朋友又未必追得上，又或想比其他人更好，所以又補！

作者: SmartCandy 時間: 12-7-26 19:30 標題: 回覆：lutang 的帖子

係呀！話就話york唔駛補英文，到時同學仔個個玩其他野，你乜又係要跟佢玩！到時可能學西班牙語漆，乜又係得個吉！

作者: cinmama 時間: 12-7-26 23:12

回復 tweetybird_ 的帖子

就黎開學都未揀定？未免太心大心細吧！但其實報名前都知大約學費。
個人會GH

作者: ScarlettShannon 時間: 12-7-27 08:49 標題: 回覆：cinmama 的帖子

大部分學校你在註冊時才知學費同雜費的，好似$800茶點費好多學校都沒有的，住遠少少車費又千幾，明白樓主有2個小朋友真係要計一計。

作者: qqbabe 時間: 12-7-27 16:23 標題: 引用：本人是選擇了龍校放棄了阿女本來讀得好好，

原帖由 ScarlettShannon 於 12-07-26 發表
本人是選擇了龍校放棄了阿女本來讀得好好，好開心的樂基，家長日跟老師退學時忍住涙水多謝老師，同佢講&#16 ...

我同你一樣個女讀樂基有機會插班龍校(非100%)，可能我女年紀比較你女大，又讀左兩年現校，對轉校非常反感，加上地點、日制、教學模式都好唔同，連我先生都反對，最後我冇一意孤行，係好唔情願放棄，但始終番學係佢，讓佢走佢選擇既路。我同個女講考小學大家將面對勁大壓力，佢話會比心機喎，希望佢珍惜留校既機會，享受和更愛學習。

作者: ScarlettShannon 時間: 12-7-27 16:43

回復 qqbabe 的帖子

qqbabe@我明白到樂基的小朋友,個個都好叻,有主見同有歸屬感的, 既然決定了, 就相信女兒吧! 你說得對, 我女兒年紀還小, 較易氹, 我告訴她要升班, 所以要到一所大些的學校上課, 你會認識到很多好老師同同學... 於是慢慢她接受了。相信要放棄龍校真是可惜的, 但可能天給你選了留下, 因為你女兒係achieve 到的.

作者: lumcmk 時間: 12-7-27 19:32 標題: 回覆：一條龍學校真是最好？

我覺並非一定最好 , 但視乎你有什麼條件：

宗教? 校網 ? 父母是否全職 (多些時間教導)? 舊生? 識唔識人? 子女初歩資質(雖然現階段很難確定)? 大仔細仔?

若自問冇乜揸拿, 一條龍乃穩陣之選

作者: lumcmk 時間: 12-7-27 19:33 標題: 回覆：一條龍學校真是最好？

我覺並非一定最好 , 但視乎你有什麼條件：

宗教? 校網 ? 父母是否全職 (多些時間教導)? 舊生? 識唔識人? 子女初歩資質(雖然現階段很難確定)? 大仔細仔?

若自問冇乜揸拿, 一條龍乃穩陣之選

作者: Confident 時間: 12-7-27 21:47 標題: 回覆：一條龍學校真是最好？

一條龍唔係最好，但可以免左你要煩餐死抽不到心頭好的煩惱

作者: ac917 時間: 12-7-28 07:56 標題: 引用：其實一條龍嘅幼稚園反而唔深。。。+

原帖由 gwlam 於 12-07-25 發表
其實一條龍嘅幼稚園反而唔深。。。

冇錯

作者: Bingb 時間: 12-7-28 12:27 標題: 回覆：ac917 的帖子

提示: 作者被禁止或刪除內容自動屏蔽

作者: winnietingting 時間: 12-7-28 14:51 標題: 回覆：一條龍學校真是最好？

6歲以下是學語文黃金時間。

作者: tsangnamnam 時間: 12-7-28 23:06

只要你覺得適合你小朋友，嗰間學校就係最好架。

作者: ScarlettShannon 時間: 12-7-29 08:00

適合他還要適合自己才行，如在職媽媽要跟太多功課同煩升小就百上加斤了。

作者: ChingChng 時間: 12-7-29 10:14

其實有些龍校都唔係100%保證K3升小一。

作者: wister 時間: 12-7-30 00:57

回復 BBCHANCHAN 的帖子

一條龍好在唔駛煩，細路可以好好享受學校生活又唔駛太煩成績囉

作者: ScarlettShannon 時間: 12-7-30 09:08 標題: 回覆：一條龍學校真是最好？

有朋友2個讀民生，大的已升小一，由於之前可用學卷真的好正，K2下學期家長日已經暗示收了，剩下有$學野，一心直上冇壓力。細的今日K2因為下一級唔收學卷請了新老師又把課程改深了，相信收$$嗰批仲深，所以媽媽花在溫習的時間多了，不過可能是好事，可以搏下考其他直資。

歡迎光臨教育王國 (/)