點樣教坐吾定小朋友坐定定做功課？

angelkinki

tammyee 發表於 12-7-24 20:01
囡囡三歲多，自細食飯同坐車都坐吾定，而家偶爾比d activity book 佢做，都好冇耐性，做吾夠兩頁就跑左去， ...

仔仔宜家2歲半，我幾乎每日都會同他做一d填色、連線ge練習，他可以坐定定15-30 mins去做（有時他會無心機，做得無甘靚，但就絕對唔會做到一半走左去）。有時就同他一齊做拼圖，他都會一幅接一幅甘做，大概都係做15-30 mins，他就會找其他野玩。

仔仔都係一個好動ge小朋友，同他落街去公園，他都會跑、跑、跑。他都中意玩玩具，只係對於他黎講，做連線、填色練習，都係“玩”ge一種。

可能係同仔仔返pg有關掛，因為他返果個pg，每堂都有3個活動，每個活動10分鐘，無論點，都要他堅持10分鐘去玩、去做。

而且由他食粥仔開始，我就唔俾他食飯時候周圍走，一定要食飽、食曬碗度d飯，先可以落high chair，否則就要等我地大人食飽執碗先可以落地。所以宜家仔仔2歲半，已經唔坐high chair食飯，但都唔會周圍走。

不如你試下俾拼圖你女女做先，一開始就係做1塊，如果她可以做2次同一塊拼圖，甘就做2次就結束。如果她ge耐性只可以做1次，就做1次。因為做拼圖可以訓練小朋友ge專注力、邏輯同聯想。我覺得係好好ga。

我一開始俾連線、填色俾仔仔做，都係由1張paper開始，慢慢先加到2張、3張。他會慢慢習慣坐低做paper，甘就唔會周圍走la。