教育王國

標題: 讀間建立自信的學校定成績幾好的小學呢 ?點選擇好呢? [打印本頁]

作者: s2000 時間: 12-7-23 13:52 標題: 讀間建立自信的學校定成績幾好的小學呢 ?點選擇好呢?

本帖最後由 s2000 於 12-7-23 19:13 編輯

仔仔讀某間九龍塘幼稚園的國際班, 今年 APS 收左佢!
仔仔是一個坐不定的小朋友，英數特別好︿做功課自己做，不用迫唔識先問，但做完就會去玩唔會溫習 .....
我呢幾日諗，究竟讀間谷的的學校，但我知道仔仔一定不是最叻果批學生，只會係中等成績 !
我諗緊定讀間成績只是一般，但相信仔仔會成績名列前茅，從而建立自信心!
我相信自信心對一個小朋友將來發展很重要，所以想係呢個時候，再搵過其他無咁催谷的學校! 有冇推介呢?

作者: HaYi 時間: 12-7-23 19:29

我個仔同你個都好似, 所以冇考慮過 aps, sfa 個類好傳統同谷的, 心目中不是傳統谷法的，　如GT, HKUGA, TSL, Logos, 多數都係新派的直資, 但而家好多已收晒人, 你想p2轉　？　

作者: Queenielam88 時間: 12-7-24 23:03

HaYi 發表於 12-7-23 19:29
我個仔同你個都好似, 所以冇考慮過 aps, sfa 個類好傳統同谷的, 心目中不是傳統谷法的，　如GT, HKUGA, TSL ...

係喎你仔仔原先是會讀GT,但後來好似放棄左咁你仔仔會去邊間讀呀?是否過對面海讀呀?

作者: HaYi 時間: 12-7-24 23:44

本帖最後由 HaYi 於 12-7-25 00:05 編輯

唔係呵, 我而家會去TSL,
對面海我一直好鐘意HKUGA, 不過個時連考都冇得考撞左時間, 另一考左的是st paul boys, 個間係人去我又去, 想真有offer 都真係唔係好match.(都係冇 offer) .聽說佢地收的都是較受控的乖小朋友. 同過海點都係太遠..
不過不太谷的又不是個個家長有信心.. 有D名氣的都係谷成績, 唔谷又點有幾千人報..

我唔係要去淺的學校, 我係想去一D唔係太傳統的方式要重覆好多個隻(好似以前我地時代) , 個仔真係唔work. 好似寫字唔係好齊我自己覺得問題都算可以接受, 反而想多花時間在如何做好些內容, 但我想去 APS, SFA 就完全不同, 可能只係要操番佢做齊功課都可能花我成晚.. 怕..

作者: Queenielam88 時間: 12-7-25 08:58

HaYi 發表於 12-7-24 23:44
唔係呵, 我而家會去TSL,
對面海我一直好鐘意HKUGA, 不過個時連考都冇得考撞左時間, 另一考左的是st pa ...

哦!我地到最後關頭都放棄左GT(唔知你記唔記得我地都係St Cat仔),係去左APS,其實我地都考慮左好耐,最後問左St Cat班主任話亞仔應該可以適應APS,咁就要大家一齊努力囉!你仔仔好叻呀可以去TSL,其實都係我地心儀不過冇offer!

作者: 林嬌嬌 時間: 12-7-25 09:15 標題: 引用：Quote:HaYi+發表於+12-7-24+23:44+唔係呵,+

原帖由 Queenielam88 於 12-07-25 發表
哦!我地到最後關頭都放棄左GT(唔知你記唔記得我地都係St Cat仔),係去左APS,其實我地都考慮左好耐,最後問左 ...

Aps 功課比津小少，長假完全冇功課。測默不特別多。D人形容宣小谷，只同意是因課程緊密，多project, 每週回校練樂團及樂器各一次。但要各科成績都高分，也不容易。

作者: wister 時間: 12-7-25 11:42

我覺得選適合佢自己性格既學校好些，學習興趣一無左，再好再勁既學校都無用

作者: Danny3101 時間: 12-7-25 12:03

讀津校不一定有自信
因為津校都有好多好叻的小朋友
不要看得自己小朋友太高
重點是揀適合小朋友學校

作者: Queenielam88 時間: 12-7-25 12:59

回復林嬌嬌的帖子

多謝你的解說,因小朋友現在返緊APS小一暑期班,睇佢都返得好開心應該適應到小一生活,希望佢响APS能有一個充實又愉快的小學生涯喇!

但之前真係會俾其他人嚇壞,人們總是說APS很谷很難讀,但聽完校長的簡介後我地又好似放心左!我諗總係一分耕耘一分收穫!

作者: s2000 時間: 12-7-26 02:22

回復 HaYi 的帖子

其實你所講的情況，就係我所想的，好似寫字唔係好齊我自己覺得問題都算可以接受唔想操功課操成晚......同上課方式唔想太傳統，想活動D.....所以先想再搵學校，我想問，如果真想轉學校，係未而家冇選擇呢? 定P.2 先轉....!

作者: HaYi 時間: 12-7-26 08:59

本帖最後由 HaYi 於 12-7-26 09:10 編輯

我見呢個時間好多學校已call 左人後補, 我放左GT 3 個星期, 有在waiting GT 的網友都仍在問我有冇即時放位, 好等學校快些call 佢地, 我估可能個位我一放, 好快已被人補左, 但係如果你有心儀的其它學校, 當然唔理有冇機會都交下信, 有時音樂椅是有排未定.

不過又不用太擔心, 反正你有APS 的 offer,  真係冇其它你心儀學校可以在此時即補的話, 讀一年APS睇下實際是否如想像中不合, 如果真係唔想再讀, P2轉去個D較活動的我估都會有機會, 不過預左APS P1會辛苦D, 因小朋友上小學己是大轉變, 加上去的小學注重的同小朋友的性格有點不一致, 挑戰預左會大些.
同埋有樣野我想回應第一貼, 其實我地的選擇不是去 "深淺"學校做"高分/低分"的分別, 而是去不同教學方式的學校的選擇. 好似TSL 我聽人說佢地頭個組別, 每個人的成績可以相差得幾少, 差小小分數名次已大不同, 但可能佢地的注重不是同APS 一樣的教法, 但壓力不會細過APS 的,  所以去邊間都幾難說是否一定對小朋友在全級的排名會有保証. 另外, 如果冇中學backup 的小學, 全級排名會是上中學banding 的關鍵之一, 所以要長期都維持在band 1 一定不易.

歡迎光臨教育王國 (/)