教育王國

標題: 請問大坑真小風格如何？ [打印本頁]

作者: jojodic 時間: 12-7-19 17:44 標題: 請問大坑真小風格如何？

大坑真光有歷史並校風好，有沒有在讀的家長可以講下親身感受？會否因為學校太嚴而令學生不敢表達自己？或者只要求學生跟著做，而不鼓勵思考呢？小朋友喜歡上學嗎？

作者: kyliejet 時間: 12-7-24 16:26

本帖最後由 kyliejet 於 12-7-24 16:28 編輯

小女將於九月升小一, 不是由真幼上, 所以我都想多點了解, 請問真小家長:

1) 學校會否教得淺, 考得深?
2) 中英數程度? 學生需否另上補習班?
3) 學校興趣班有否推介?
4) 家長是否很團結? 多一起聚會嗎?
5) 升中成續好嗎?
6) 有冇其它貼士俾小一新生?

真小家長好低調, 但希望有人幫手解答下, 謝謝!

作者: gloriasmum 時間: 12-8-13 10:04

我大女也是考入真小的, 現升讀三年級, 讀得十分快樂.  我也做過家長義工, 覺得真小的小朋友真係好乖, 而且課堂上很有反應, 無論我用英文或普通話問問題, 他們都能積極回應; 家長關係真很好, 很客氣的. 老師也很有愛心, 十分關懷小朋友. 大女最後選真小都係因為咁!

如有學習上有問題的小朋友, 老師會安排高年級學生輔導功課, 同班也會有小老師幫忙.  由於大女每天盡量在學校完成功課, 久而久之form 了一個group, 全班一起做功課, 氣氛很好, 好感動架!

真小的英文一般, 但也不能說太淺, 正常.  數學程度中上, 考試題目有啲都要思考一下; 中文程度, 我覺得很高, 小二的作文已經相當優雅, 所以都要落啲力 !  學校興趣班很多, 校長都建議小一生最多選一兩個好了.

升中成績不錯, 就是男孩子也派得好的, 所以每年都有男仔報讀.

希望以上資料有幫助.  祝學習愉快 !

作者: kyliejet 時間: 12-8-13 13:33

本帖最後由 kyliejet 於 12-8-15 09:33 編輯

好多謝您的回覆.

睇完好開心, 希望女兒亦會喜歡真小.

在校完成功課, 可以嗎? 是否完成當日課堂後再留校? 有沒有老師/家長義工陪伴? 最多可留至幾點?

作者: gloriasmum 時間: 12-8-15 09:38

基於安全理由, 小朋友不能留校的, 就是罰留堂, 都係5-10分鐘. 如有上興趣班的同學, 完成後也要馬上離開.
所以大女是用日常3個小息的時間, 盡量完成功課. 初初都有啲慘架, 因為大部分同學在小息時都出去玩, 只有她一個在課室做功課, 不過啲高年級姐姐很照顧, 會請其他不做功課的小朋友安靜. 慢慢地, 其他小朋友開始加入一齊做功課, 遇有不明白, 他們還會自動排隊, 請教同班科長同學, 我聽到囡囡咁講, 小朋友咁自律, 我都好感動

這情況純粹大女嗰班自發性的.

真小的功課量以現在標準計, 屬正常多啲, 情度唔算太難, 小息時間可以應付. 一年級的paper work 每天好似大約4-6樣, on-line jobs 則視乎個別參加情況, 我哋大約每天5-6項等, 加上要練琴, 溫習和其他活動, 在家的時間是不夠用的. 所以我叫囡囡盡量在校完成paper work, 回家才能有剩餘時間玩耍和足夠睡眠.

真小校長很好, 令我最深印象, 是她差不多對每一位同學都認識, 身邊的任何一位小朋友, 她大約都能說出她/他的近況表現, 好厲害 ! 好有心和有智慧 ! 足夠令家長放心 !

作者: ZJZO 時間: 12-8-15 10:54

Hi Gloriasmum:

我家女兒亦是今年入讀真小, 會於8月22及23回校上小一試堂, 到時會否知道讀邊一班?

作者: kyliejet 時間: 12-8-15 11:59

Gloriasmum: 多謝你的回覆, interview 時我都覺得校長好nice. 比我印象好好!

ZJZO; Hi, 我們的女兒會成為同學呢! 希望多啲小一家長一起交流.

作者: ZJZO 時間: 12-8-15 16:52

Hi Kyliejet, 對對

作者: gloriasmum 時間: 12-8-17 05:03

Hi Kyliejet/ ZJZO,
妳好! 歡迎妳們加入真光大家庭 ! 祝妳們的小朋友都有快樂的學習 !

ZJZO, 試堂日好似會知道邊班. 應該在百齡堂前空地會有Notice broad 公佈各班安排, 唔知現在有否改變呢?!

作者: kyliejet 時間: 12-8-17 15:54

小女因叩門入返第一志願津校, 現要離開真小啦, 真係好唔捨得呀!

多謝真小媽咪gloriasmum在這裏的幫忙!

作者: gloriasmum 時間: 12-8-17 17:48

Hi Kyliejet, 恭喜晒

! 你一定會選最好的俾囡囡ge ! 祝福妳 ! 有空再傾過 la !

作者: beautycandy 時間: 12-8-20 10:59

細妹尋日沖涼時同我講唔鍾意放暑假,因為好悶。好想快D返學,開開心心又一日喇,我聽到佢咁講,我好開心。特別係妹妹,佢記性唔係咁好,要好多時間去溫習,我以為佢會唔鍾意返學,但原來唔係.咁我就知真小係一所會讓學生產生歸屬感的"家".其實我對兩個女讀書成績要求唔高,盡力就得,只要她們鍾意返學,享受校園生活就夠了。所以如果你想孩子能愉快學習真小真係值得考慮。

作者: gloriasmum 時間: 12-8-21 08:06

beautycandy, 你兩個囡囡都讀真小, 真係好. 我都好驚妹妹入唔返真小, 雖然家姐成績算OK, 都好想妹妹可以一齊讀, 但因為真小係私小, 唔一定要收.

作者: beautycandy 時間: 12-8-21 15:39

因為佢地係孖女,而且由幼稚園升上小學,所以有幸可以兩個一齊上真小.
你大女升小幾呀?

作者: rinarina 時間: 12-8-21 16:44

回復 gloriasmum 的帖子

為何很多人都說真小中文程度高?高的意思係教得很深? 如相對其他津校會否太深呢? 大家是如何比較出真光係中文深d呢?如小朋友很喜愛英文, 咁真小係咪唔啱佢讀呢?

作者: gloriasmum 時間: 12-8-22 03:33

hi beautycandy, 孖女好得意, 我好鍾意架! 我大女升p3. 佢好愛真小, 所以當年我哋就算派到第一志願, 都放棄咗, 而家妹妹就有啲頭痕嘞...

rinarina, 其實我唔知其他學校的程度, 我只係同番自己小學, 中學時啲程度比咋. 他們的書和用字唔算太深, 但文筆很好, 很流暢, 無論修辭, 結構和思維都十分出色, 以小二程度計, 我實在讚嘆不已 (可能我要求低), 我初初重問囡囡啲範文係唔係返屋企作的, 她說都是在課堂上完成的, 咁我就好驚訝真小中文科的功力了

真小英文都唔弱, 佢哋舊年校際比賽都取得英文集誦冠軍, her net teacher is very experienced. 只係我覺得佢的中文特別出色罷了 !

當然, 如果你的小朋友特別喜愛英文, 英文小學可能更適合, 因為真小始終是母語教學.

作者: beautycandy 時間: 12-8-22 14:43

另外真小小一生第一學期已經要識哂所有普通話拼音,而阿女又真係可以由完全唔識普通話拼音,聽同講都唔得的情況下,現在可以講講下廣東話,轉台講普通話,去到遊客區仲識扮國內同胞,好幾次D SALES以為我係自由行.(我本身完全唔識普通話).而且佢地睇有拼音既中文故事書係八成識讀.所以我好佩服學校自行研發之普通話課程

作者: kyliejet 時間: 12-8-22 18:54

本帖最後由 kyliejet 於 12-8-23 15:50 編輯

真光係一間很好的學校!!

作者: gloriasmum 時間: 12-8-23 16:58

以普教中應該係好啲ge.

作者: cheukyu822 時間: 12-8-24 11:20

囡囡現就讀真幼, 很多謝GLORIASMUM的資料, 決定給囡囡直上的機會大大提高呢

作者: karenlyk 時間: 12-8-24 12:29

beautycandy 發表於 12-8-22 14:43
另外真小小一生第一學期已經要識哂所有普通話拼音,而阿女又真係可以由完全唔識普通話拼音,聽同講都唔得的情 ...

真小的普教中真係好好,好有系統,亞女的普通話老師都話講得好好聽

作者: rinarina 時間: 12-8-27 12:35

回復 karenlyk 的帖子

聽朋友話(佢係幫真小學生補習的), 真光幼稚園及小學都好注重中文, 但係而家普遍私校及直資都注重英文呢.....
如果只說真小注重中文, 用普教中, 那麼 , 以我所知, 現在有很多津小, 都用普教中了, 咁真小係同其他津校分別在哪???!!!真的想了解多些.......(因為此終都係私校, 將每月比3千以上學費, 所以真心想了解多D.....)

例如好多私校小學都會請多些NET teacher教英文.......咁真小又係私校, 佢地又有多少NET teacher呢?

對於此校學生的品格培養,口碑一向好, 這點很令家長放心......... 各位真小家長唔好意思, 真係有好多問題想問, 如果你們可以解答, 真係更放心讓小女就讀此校........

作者: gloriasmum 時間: 12-8-27 21:13

唔使客氣, 我都係講番我所知的事. 重有, 真小暑假是完全無功課的, 初初有啲唔慣同唔信, 不過想深一層, 呢個係一個好的安排,

比小朋友在暑假真係可以鬆吓, 學吓呢平時無時間學的興趣 (我大囡上年便學了'畫卡通'). 佢好enjoy.

下星期開學啦! 各位媽咪一齊努力呀 !

作者: bryanhobb 時間: 12-11-18 01:33 標題: 回覆：gloriasmum 的帖子

請問是否除了英文科及英語會話科外,其餘科目都是用中文書嗎?課外活動後是否自行接送?一班多少人?男孩子是否集中一班的?謝謝。

作者: wankapo 時間: 12-11-26 12:22 標題: 引用：Quote:beautycandy+發表於+12-8-22+14:43+

原帖由 karenlyk 於 12-08-24 發表
真小的普教中真係好好,好有系統,亞女的普通話老師都話講得好好聽

請問真小咩科會用普通話授課？謝謝！

作者: karenlyk 時間: 12-11-27 10:26

回復 wankapo 的帖子

中文科

作者: wankapo 時間: 12-11-28 01:37 標題: 引用：回復+wankapo+的帖子中文科

原帖由 karenlyk 於 12-11-27 發表
回復 wankapo 的帖子

中文科

thx for your reply!

歡迎光臨教育王國 (/)