教育王國
標題: 第一天開始GFCF,好頭痛！ [打印本頁]
作者: bbqiu 時間: 12-7-19 14:51 標題: 第一天開始GFCF,好頭痛！
我個仔連蛋( YOLK & WHITE <2000)及肉(CHICKEN <1300,BEEF <350 ,PORK < 50,LAMB < 2000)都要戒
,又見到要1天吃16 只藥,又唔撈得喺平時食开的麵包.餅干度,好怕自己堅持唔到!
1. 我想買象印整面包機,請問有冇GFCF,NO EGG 食譜推介?買边只粉好?
2.請問大家怎餵藥?我看到也頭痛!
作者: BKVIP 時間: 12-7-19 14:56
要戒得咁清? 
作者: myson727 時間: 12-7-19 15:05
回復 bbqiu 的帖子
加油，加油，開始GFCF系好會煩，我都買麵包機，買粉自己整，但我整左幾次後，機都送左比人，可能無天份，玩在上網訂，都好方便，大百佳都有GFCF的食物，e.g., 意粉，米奶，薯片。
我仔都系由每日十幾粒藥，現在廿幾粒藥。
作者: myson727 時間: 12-7-19 15:08
回復 BKVIP 的帖子
戒得清效果越好，戒吾清我仔表現會反覆。
作者: bbqiu 時間: 12-7-19 15:51
本帖最後由 bbqiu 於 12-7-19 15:53 編輯
多谢大家的鼓勵,我今日行大百佳買唔到GF 食物,係咪一定要TASTE?有無薯片推介?我SAT 会行MYSON 你介绍的LITTLE ....,我都希望我个仔好似你个仔的例子咁成功!我个仔現3岁3个月,係肯講嘢咗,但仲係詞語,見到人地D仔剛兩歲,講野已成句講,真係好鄧自己个仔担心,太落後了.
另你怎餵仔食咁多藥粉？ 咁我又唸而家唔努力救番佢,第時食埋D副作用多的化學藥咪仲死！都係要咬緊牙關！
作者: kicks_collector 時間: 12-7-19 16:37
Element 360 超市有好多選擇，上網訂都有好多，買左d 麵包放係冰格一年都食得，加油！自從gfcf一家人 都冇出街食野！
作者: kicks_collector 時間: 12-7-19 16:37
Element 360 超市有好多選擇，上網訂都有好多，買左d 麵包放係冰格一年都食得，加油！自從gfcf一家人 都冇出街食野！
作者: myson727 時間: 12-7-19 17:53
回復 bbqiu 的帖子
大百佳無刻意賣GFCF食物，只是某些外國入口牌子, e.g, lays 薯片，dream 米奶，Wolf腸仔，....要慢慢睇後面的說明寫GF。
我個仔現10歲，色得吞藥丸，所以食藥問題解決左，當然6.5yrs開始時逼佢學用水送藥都好辛苦下。
"生物療法"的路不是易走，要咬緊牙關，一食錯野都幾煩，但見我仔現在去補習舍，老師無complain，見佢跟倒，暑假日日去補中英數，9月小五要追番D成績，舊時都吾敢帶佢去街，帶佢去社交班都系發夢。
作者: free_style 時間: 12-7-19 18:53
本帖最後由 free_style 於 12-7-19 19:11 編輯
你唔好太心急，我地去年落實戒口前，做了一個多星期的準備，好的準備是成功的要素。第一，檢視現有食物那些有問題。第二，發掘新的替代品。第三，協調家中各人，增強認知。然後才開始實行。
雖然條路唔易走，但絕對值得，我個女而家識同我傾電話，返全新環境的暑假班，只係喊左兩朝已經鬼咁開心地返學，同老師、小朋友不知玩得幾開心，又同我傾電話。去年佢被診斷為自傾、兼語言發展遲左一年，其實我明知佢未追哂，但以自已作為比較基礎，好大進步。
作者: free_style 時間: 12-7-19 19:02
你去專門店，買一堆必須用品先啦。鼓油、茄汁、gfree cereal、bread mix、cake mix ，全部唔少得。你家有無電動打蛋器及電子磅? 我高度建議你買，好有用。
我會咁做的，開始時，買幾款最易整、又好食的 bread mix and cake mix ，每次整四份一盒，咁細個小朋友，可能都夠一個禮拜食的了。咁有脆口的薯片、 cereal 做早餐或小吃，軟身的小吃則以蛋糕及麵包輪住整，每周一款。我會安排到每周都有脆口及軟身一點的小吃，咁就有得揀。
作者: free_style 時間: 12-7-19 19:08
本帖最後由 free_style 於 12-7-19 19:18 編輯
建議牌子：
麵包：king authur bread mix (好似我地食的麵包，即使唔係超軟，但都係軟熟的)
蛋糕：cherrybrook yellow cake mix (我覺得味道一般，怎知阿女勁鐘意食)
cherrybrook chocolate cake mix (味道不錯，可整cup cake 或生日蛋糕)
麵食：意粉、米粉，專店大量供應。推介品牌，bob the builder 公仔粉，超好食，又靚。(心得：煮五分鐘，然後熄火，焗六分鐘，咁d 粉會夠林，但公仔粉唔會爛，仍然見到車仔及bob the builder，我都鐘意食) (問題：幾貴囉，同埋，成日缺貨。我上次一口氣買左八包，轉頭又缺貨，好彩我手快。)
作者: free_style 時間: 12-7-19 19:10
夏天，可以整 jelly，一般啫喱粉可以的。
GFDF 朱古力，可以隔水暖融左佢，加少少米奶，少少牛油，混入 cereal ball，變朱味力脆波或脆米，小朋友超鐘意的。但是天氣熱，整左最好放入雪櫃存放。(心得：唔好開得太稀，咁脆波或脆米，可以保持脆口感覺，我自已都鐘意食)
也可以整雪糕....呢個需要電動打蛋器才做到，等你真係準備整，我先講下點做吧。
作者: free_style 時間: 12-7-19 19:12
飲品呢....我在專店買。另外，原味利賓納的飲品都安全，包括利賓納仔仔或樽裝，但注意，必須是原味。你估唔到，很多濃縮飲品，包括濃縮橙汁都係有奶的成份的，隱藏左在調味劑裡面，這些都不安全。
作者: free_style 時間: 12-7-19 19:16
還有，我都幾鐘意整豬肉丸，可放湯，可煎炸，幾好食喎。做法：
- 半肥瘦豬肉十両
- corn flour 20g
- potato flour 20g
- salt 5g
- sugar 8g
- water 80 g
材料放入搞拌機，水要逐步放入，等肉慢慢吸收，打耐 d 好食 d 。整好後，放入雪櫃，雪最少兩小時。然後可以整做肉丸狀煮食。
作者: free_style 時間: 12-7-19 19:16
本帖最後由 free_style 於 12-7-19 19:22 編輯
我其實都幾鐘意整野食，有問題可以提出，看我能否幫到手。
至於餵藥方面，我會拆開個膠囊，將藥粉倒落小樽，加入利賓納，chok 暈佢，咁會易餵些。可以用朱古力粒餸藥，ok的了。
有人成日擔心食藥食得多，唔好。其實佢好多係補充劑，加左，小朋友先會有足夠的營養。再者，佢地戒口，食少左的垃圾食物，已經健康左好多，填補了呢個問題有突啦。我唔係太擔心。
作者: apple~y 時間: 12-7-19 20:58
本帖最後由 apple~y 於 12-7-19 20:59 編輯
回復 bbqiu 的帖子
連肉都唔食得
選擇真係好小,0甘咪好似食素,咪要食豆腐,飲豆奶,米奶補充蛋白質,
小朋友發育階段食素,營養足夠嗎??
就算你堅持到
你小朋友堅持到嗎??見學校小朋友可以吃他不能吃
見你們吃他不能吃,他只能吃素,他堅持到嗎??小朋友好簡單會唔開心,會有情緒
呢個先係難題
作者: myson727 時間: 12-7-19 22:02 標題: apple~y 的帖子
昨日，我全家去朋友家，幫佢BB女(1yr)做生日，我朋友幫個女準備左個3磅超靚生日蛋糕，個個食到停吾到囗，但我仔都無語要食，我仔學左吾會亂食野，學校、教會的場合都OK,我會教佢分享佢GFCF的小食比佢D朋友街坊，其實小朋友的忍耐力，不容忽視呢!
作者: myson727 時間: 12-7-19 22:28 標題: myson727 的帖子
我今晚都焗左個Lemon批，系gfcfef，比我仔做早餐，味道吾錯，都幾有成功感
作者: free_style 時間: 12-7-19 23:32
本帖最後由 free_style 於 12-7-19 23:39 編輯
bbqiu 發表於 12-7-19 14:51 
我個仔連蛋( YOLK & WHITE
建議你保留豬肉，咁開菜單會容易些。我個女都係雞牛都高敏，三文魚、鱈魚都唔得，所以可以選擇的都很有限。
至於餵藥時間表，我真係坐低，當做 PROJECT 咁分類，計時間，慢慢整個 timetable 出來，然後逐步修訂，落實。萬事起頭難，做開左個頭，就會漸漸上軌道。記住，食少D ，唔會死。食左，吸收唔到，仲搞亂左個免疫系統，咁就真係死得。幾多人因為不同原因要戒口，有清醒的腦袋，可以學到野、 有自理能力、穩定情緒，佢先可以有能力汲收更多新的知識。
我個女戒左口十個月，我有個體會，就係戒口雖然難，但唔係唔得，會越做越順。而且，成家人都會食得健康左，少左 junk food。人生幾十年，這個小改變或許帶來大幫忙。凡事向好的方面諗.......
還有，識多些有同樣需要的朋友，大家互通有無，感覺很好的。
作者: dorisfan 時間: 12-7-20 12:28
回復 myson727 的帖子
我看GFCF 的COOK BOOK, 大部份都要用焗爐. 請問是不是要有焗爐才能整到較多款式的食物? 有無D吾使用焗爐都會整到的好味小食, 但要吾凍, 因為我仔氣管敏感. 謝謝.
作者: twobirds 時間: 12-7-20 13:08 標題: 回覆：dorisfan 的帖子
請問適合由幾歲開始戒口呢？我個仔21個，想盡量係多方面著手.
作者: apple~y 時間: 12-7-20 15:06
本帖最後由 apple~y 於 12-7-20 15:07 編輯
呢排仔仔都有吃其他食物,無戒口
因報了協康會暑期班番全日班,有個時段係小廚師
係小朋友們一起製作小食
我都想仔仔參與和其他小朋友製作小食和分享小食
我仔仔都番得好開心,暫時又唔見仔仔有什麼退步,
有時又不用迫得太緊,間唔中放鬆0下
係呀做戒口,我覺得點都食番0的肉好似單單豬肉,魚肉巳經可以好多變化
牛,羊就算唔係戒口,平時都好小食
有以下介紹
粟米紅蘿白蝦餅
蝦膠(可轉魚肉,豬肉)加粟米粒,紅蘿白刨絲加入,煎香
雜菜薯餅
雜菜(可轉南瓜蓉),加入薯蓉,豬肉煎香
仲有呢個做包,只須加水,攪掂
http://www.littlegiant.com.hk/b5 ... id=1&sid=12&id=1828
作者: free_style 時間: 12-7-21 05:13
回復 twobirds 的帖子
其實無話幾大個先啱戒口，重點是，有無需要。若驗左有食物敏感，便應戒口了。因為食左，身體會有異常反應，為健康，其實係唔食好過食。異常反應輕則是皮膚問題，重則是腸道內壁因敏感症而變得平滑，影響吸收，影響了腦部，導致專注力問題及自傾特症。亦有敏感徵狀反映在打亂了免疫系統，因系統出問題，將營養當病菌咁打，結果又係亂籠。
從呢個角度諗，首先要鎖定小朋友敏感什麼。我個女戒口，是因自傾，語言發展遲兼情緒不穩定。跟 DAN DOCTOR 戒口後，而家做左十個月，有好顯著改善了。起碼我們回復享受到家庭生活的愉快，可以同佢溝道到，凡事有數講，扭計十幾分鐘已收聲，返暑期班全新環境(校舍及老師都係新的)，喊兩日已經自已肯去返學。都算係咁的了.......
我建議跟醫生戒口，因為涉及食物營養，或影響小朋友健康，有人睇住好D。若涉及食營養補充劑及藥物，則必須跟醫生做，唔建議自已試，因為始終係藥。
若果好想試下效果才考慮生物療法，建議先戒蛋、奶及小麥之類，即避免吃麵、麵包、蛋糕、朱古力及合成制品之類。
有些人說，可否低度戒口，只是減少食，而非全戒呢? 說實，各有各法，只要你肯試，怎也好過不試。不過，我個人的想法是，有益的東西可多吃，無益的東西少吃，有敏感的東西不要吃。若敏感導致影響腦部發展，以致出現自傾徵狀，那為什麼要吃。治療自傾不比吃東西重要嗎?
試想，若戒口可令自傾問題減少七成，咁你還會讓小朋友吃敏感源的食物嗎?
再者，當低度戒口，有問題出現時，你會懷疑，是食物問題? 小朋友百厭? 環境? 自已的教導法出問題? 當這些糾結在一起，我們會不知怎樣有效處理。特別當上左小學，混合埋功課及學習問題，會俾自已好大壓力。
所以我的方法是，一係唔戒，一戒就戒清。務求測試出最佳效果及小朋友表現的穩定性，以此為基礎，觀察其成長過中，有無自傾特徵少左/多左，才針對性處理。我的最大目標是佢有社交、知識、語言的自學能力，懂與人相處，愛自已愛家人，情緒穩定，.....目標好宏大....因為做到的話，其實佢都係同普通小朋友差唔多了......
作者: free_style 時間: 12-7-21 05:21
回復 twobirds 的帖子
唔好意思，借覆你的帖子，說了自已的想法......常常見一些媽咪煩惱小朋友的自傾問題、學習能力，其實我幫阿女戒口十個月，好深感受到，效果很好，但這個方法較複雜，難度較高，若非人地有興趣，我亦不太想費力講解，有時這裡累積了一點無奈感.....順便講開，借題發揮了添........
戒口，的確少了很多生活上的「方便」，但是，城市人/大商家，正因為「方便」的概念，搞出不少junk food, 基因改善食物，令唔少人的健康受損。「方便」雖然係其巨大的吸引力，但實在，唔一定、甚至很多時是不利於健康。
或許，阿女的自傾，也令我反思了「方便」是什麼? 究竟方便好，定係健康重要.......兩者的平衡點，因阿女的病而作出了調整.....
聖經中有個舊約人物叫但以理，他因信仰的緣故，在被擄到異地時，堅持吃素，結果不單止無瘦到，無話憔粹，反而是肥肥白白，鬼咁聰明。今天很多人因不同緣故，可以是血壓、糖尿等，都要戒口。生活的樂趣，不單因食物而來，一生幾十年，為長遠健康，若有需要，即使麻煩，戒口仍有其可取之處。
作者: free_style 時間: 12-7-21 05:25
當然，為了小朋友的生活體驗及樂趣，我會為她多走幾步。在家自已搞親子食物製作班，開 PARTY 等等。阿女雖然戒口，但佢有得食我整的朱古力生日蛋糕，小杯裝原味蛋糕，脆米、曲奇餅等等......叫做有得揀下囉。
路，是人行出來的。信念才是最重要。
阿女唔食得雞，我無意中整的豬肉丸，香煎後，居然好鬼似麥當勞的麥樂雞，見佢食唔停口，說實，都幾有成功感的。
我希望每步的經驗累積，可以令佢的食物清單，越來越豐富。其實我買好多外國的GFDF 食譜，佢地的作者本身都有唔同類型的問題，需要戒口，只好自已動手做食物，結果做到出食譜。我都希望自已有機會做到呢個層次......
作者: free_style 時間: 12-7-21 05:37
話實，各位GFDF 朋友，若有興趣整自家製魚蛋，可留意休魚期即將完結，八月頭，魚檔應該有適合打魚蛋的「扁鮫」。根據我上網睇，以前香港仔謝記魚蛋傳人提到，打魚蛋用料的黃金比例，同埋請教魚檔嬸嬸，綜合起來，打魚蛋唔難，自已落足料打有機會彈牙....最重要....是 GFDF.......嘻嘻.....。
我已經密切留意魚檔什麼時候有售那款細細條的扁鮫，準備向魚蛋進發。若大家有興趣，快點上網搵食譜及製法，待有魚賣可以即刻試下嘛....充滿期待!
作者: Surveyor 時間: 12-7-21 08:48
請問如何check有冇食物敏感，在那個doctor ；在government 驗血沒有問題。
作者: apple~y 時間: 12-7-21 11:39
本帖最後由 apple~y 於 12-7-21 12:07 編輯
回復 free_style 的帖子
我明你意思
好似bb仔,係人都知食人奶好
但都好多人,和長輩覺得食奶粉仲好,食到bb肥肥白白,又飽肚,又方便
唔使媽媽0甘辛苦,無得睡平均2至3小時餵一次
事實係人奶營養係好過奶粉,比奶粉容易吸收
人飲人奶,牛飲牛奶
健康院姑娘話食人奶bb,對智力發展都有幫助
但好多人都會選擇奶粉,點解??
作者: apple~y 時間: 12-7-21 11:51
本帖最後由 apple~y 於 12-7-21 13:16 編輯
回復 Surveyor 的帖子
呢間有得做食物敏感測試驗96種亞洲食物
做呢隻延遲性過敏（由G抗體（IgG）引起）,
約$2800,如果你唔清楚打去問想同自閉症小朋友做食物敏感測試
人0地就知道你小朋友做邊隻測試
http://www.hkbiotek.com/chi_t/C_AFC.html
出結果後有營養師同你講解報告,不用另外收費,測試費用巳包
報告結果容易睇得明,我同你一睇就明,
http://www.hkbiotek.com/images/samplereport.jpg
不過我之前見過好耐post,見0的家長做完食物敏感測試
真係有十幾樣食物敏感,最得意係肉類,魚類都敏感,水果蘋果,香蕉都有
係鴨,鵝大家覺得應該小食反而話唔敏感
有媽媽陪小朋友一齊做食物敏感測試,諗住比對0下
個結果係個媽媽都好多樣食物都話敏感,媽媽都話估唔到結果係0甘
我個人覺得你可先試
戒蛋、奶及小麥之類睇睇小朋友情緒各方面反應,接受程度
大前提係留意小朋友戒口前後係腸胃,睡眠,情緒,眼神接觸各方面有什麼改善定差不多
再諗跟唔跟醫生做
始終都係用錢...
作者: apple~y 時間: 12-7-21 16:24
本帖最後由 apple~y 於 12-7-21 21:39 編輯
GFDF 燒肉
1 只需五花腩肉飛水後印乾，用salt醃 (皮唔使醃，保持乾淨)
2 皮向上放雪櫃，最少一晚，放兩晚，包個皮乾
3 用錫紙將肉包住，露出皮
4 用粗salt 封皮
5 入已預熱180度的焗爐，用上下火焗35mins(五花腩肉大小不同,時間自己就)
6 掃走粗salt
7 再焗20 mins 左右, 見d 皮爆得7788就完成喇~~
好味道又健康,個皮好脆個個搶住食
GFDF 薯片,南瓜片
1, 將薯仔去皮，用刨，刨成簿片(切都得，會厚d，要焗耐d，但較有口感)。
2, 薯片泡水5-10min (其實泡水係想洗去部入澱粉質，令薯片脆口d，好似卡樂B咁，如果鍾意有口感好，實D，就唔好泡水，有人會泡2-3min後再到水喉沖水1-2min，係想沖走更多澱粉質，令佢更脆)，將薯片抹去水，抹上油 (有人會一片一片掃油，我會用一個大兜，放入欖油 (如果喜歡可加入唔同味道ge香草 or均少少醋)，再倒d薯片入去均和(會快好多)。
3, 焗爐 or多士焗爐都得，預熱 (約150度)，在焗盆上鋪上鍚紙掃油，將薯片放入去焗，幾分鐘就得 (如果焗條 or粒就要耐d)，焗後可按喜好加入鹽、蒜鹽、
火力及時間可以自己調校，因為人人口味唔同，有d人要乾身d，有d人唔鍾意太乾。不過如果唔係立即食完，想入保鮮袋保存食一、二天，就要焗乾身d。如果想焗得乾身又怕太濃，火力調細一d 、將焗盆調低一格。如果要焗色均勻，焗到差唔多，就要將d薯片反下再焗)
作者: free_style 時間: 12-7-21 22:03
回復 apple~y 的帖子
是的。餵人奶，我亦因為「有益」重要過「方便」，我個大仔，餵到一歲十個月。有朋友聽到我話餵左咁耐，以為我唔駛返工。其實，我當然是返工媽咪，朝九晚八，去廁所係要計住時間，以免去太耐影響工作果種。
但是，我居然堅持到，我都覺得有點不可思議。背後推動力，是因為我有個好老公，佢全方位支持配合，夜晚換片佢做哂，我淨係負責餵奶。而且，餵人奶時與孩子建立的那種窩心的感情連結，是不能取代。還有，萬事起頭難之後，一切都上了軌道，其實係越做越輕鬆。這點，就一如戒口，開始時，較難，越做越唔難囉。
我個女，雖然唔肯埋身食人奶，但我都全程 PUMP 出來，餵左十個月，那次，我盡力了。
所以，做人做事，唔係求完美，但要求盡力。我整 GFDF 食物都係呢個心態。
作者: apple~y 時間: 12-7-21 22:31
回復 free_style 的帖子
你好勁呀
番工都餵到0甘耐,一歲十個月真係無幾個得
當年我都有餵,不過時時長輩比說話我聽,比壓力我要戒
話我係咪無錢買奶粉,話比錢我買奶粉比仔仔食
多多說話一次比一次難聽係0甘講,總之就慘啦
我都好敬佩你做事態度,工作之餘又要做GFDF食物
有空多些分享GFDF飲食心得和食譜
作者: free_style 時間: 12-7-21 22:43
本帖最後由 free_style 於 12-7-21 22:48 編輯
歡迎分享! 整野食最好玩，有得整，有得食，大人細路都開心，朋友又可以聚埋一齊。
餵人奶，都有人俾說話我聽架，但我睬佢地都傻，反正我地兩公婆諗法一致，仲要我老公都好支持，其他人無 SAY 的。其實當時係掉返轉，我老公想BB 仔食人奶多過我自已想，後來經研究後，我才發覺餵人奶真係好，咁就全力向前。
其實你整野食幾叻喎，勁過我。起碼我未試過整燒肉及薯片，睇過你的菜譜，我會搵日試下，幾好玩咁。希望效果亦好食。明天有朋友來，我會同佢地整靚靚壽司，加豬扒及青瓜餡。又是 GFDF 的。壽司面會用紫菜 CUTTER，打出不同的表情造型，放上壽司面。好食又好睇。最衰唔識放相係度，否則可以整張俾你睇下。
作者: free_style 時間: 12-7-21 23:02
有個諗法，其實大家都要 GFDF ，各自有不同的食譜、心得、推介，有無方法可以將佢地集埋一齊，咁我地大家可以有效交流、互相參照，新來者又可以更快上手，幫到其他要開始戒口的小朋友及媽咪。
點樣整個 LIST 呢? 點樣可以將個 LIST 置頂? 點樣先方便查閱呢?
放係呢度唔係唔好，但有點散，用起上來要慢慢搵，唔夠效率.....
作者: Surveyor 時間: 12-7-22 01:30
回復 apple~y 的帖子
Dear apple!y,
Thanks a lot for your kind assistance on this matter, and I will think about this as the cost is not very expensive
作者: apple~y 時間: 12-7-22 14:19
回復 free_style 的帖子
我整0野食唔係叻,只係鍾意用簡單材料,簡簡單單整完,唔好太複雜太花時間
自己整合乎經濟完則,
個燒肉之前睇"may姐有請"都有教整
就算唔係戒口大人,小朋友都鍾意食,好健康
點都健康過燒味鋪0的燒肉
作者: bbqiu 時間: 12-7-22 18:04
好感動！真的！感動大家為我一家及仔仔打氣,簡直是全面的心理輔導及實戰教材,也感動大家對自己子女的付出,若他們大个,明白父母曾付出的心力而感激,你說多好.
剛到little x,裝修,明天轉戰中環!另無麥抽油,有無邊只較易買？
作者: free_style 時間: 12-7-24 22:58
回復 bbqiu 的帖子
什麼油？你是指豉油嗎？ＬＩＴＴＬＥ Ｘ 銅鑼灣裝修，但上水有間新店。我本周六準備去行一行。好耐無行過，好想去睇下有乜新貨，兼投訴下佢地好多我想買的野都缺貨。
作者: free_style 時間: 12-7-24 23:02
今次打風，阿女瞓覺時喊左一陣，話好驚風球。或許對她來說是很新的事情。其實我做媽咪，今次打風亦有一番體會。
第一次覺得屋企細唔係壞事，起碼仔女驚大風，一嗌我即聽到。
第一次覺得窗細，唔係壞事，因為十號風球，風打埋來，好驚個窗爛，所以個窗唔大，反而無咁恐怖。
突然想，阿女雖然發展遲過同年紀小朋友，但佢而家又可愛，又肯同我溝通，又肯同小朋友玩，應該心存感恩，努力的生活。
作者: bbqiu 時間: 12-7-25 16:34
係呀!个小朋友同人地的唔同,連自己諗野的角度都完全唔同了,我們感受到幸福感的敏感度也較人强.體會的人生都唔一樣,但這是好的.
我也不打算戒得好清,敏感度高的便不吃,豬.牛我也會比佢食,keep 住GFCF.
上水有LITTLE X,那真好.!我住屯門,会方便得多!可否告知电話及地址?我看到的貨品寫含殼膠,就是Gluten free 嗎?
是鼓油,因好似是你提及的台灣鼓油是豆做的,不知有否記錯?
另我想一些看生物治療的爸媽,医生給這 麽多藥(9成是營養補充劑),怕不怕小朋友消化了? thx.
作者: myson727 時間: 12-7-25 18:52 標題: free_style 的帖子
打風的日子，教色我仔玩UNO,一家人玩，好enjoy
作者: apple~y 時間: 12-7-26 10:13
本帖最後由 apple~y 於 12-7-26 10:16 編輯
回復 bbqiu 的帖子
專門店可網上訂貸,唔使花時間專登去,
不含殼膠,就是Gluten free 嗎?~~~~~~~~~yes
作者: free_style 時間: 12-8-1 00:26
GFDF 麵包建議你自已整喎，因為出面買的預製包，個包會比較硬，且開袋後唔放得好耐。自已整的，新鮮，有麵包香，最重要係唔硬，少少軟熟.....咁當然無得同普通麵包比較啦。
作者: bbqiu 時間: 12-8-3 23:13
決定買面包机,試試如何,多謝鼓勵.
作者: myson727 時間: 12-8-4 15:09 標題: bbqiu 的帖子
加油！
昨晚我都自己整左GFCF及Egg &peanut free的麭包，用焗爐焗，比我仔做早餐，佢好開心，因佢都有參予。
作者: muimui5 時間: 12-8-6 10:22
各位GFCFdiet 媽媽:
我想問小朋友如有敏感有什麽病徵/特徵？
我囡囡表面很健康、高大、白滑、不偏食，但訓練了兩年幾都仲仔係好唔專注，冇興趣學嘢，成日自我刺激，我真係怕佢會被評為嚴重智障，唔通真係要try GFCF?
作者: myson727 時間: 12-8-6 16:53
回復 muimui5 的帖子
Hi muimui5,
要知小朋友的體質，最好做D test，驗下血、屎或屎。
我仔要GFCF，講真句:' 有頭鬚，邊個想做癩痢"，我都好想帶個仔去M記，食雪糕。
我仔7歲評左為"弱能級言語能力"，帶佢上training，社交班，....都系發緊夢，又多怪行為，現在做"生物療法"兩年幾了，現在先似番個人。
作者: free_style 時間: 12-8-6 20:40
好緊張....好緊張....今日買左五花腩......跟 apple y 整 GFDF 燒腩仔........又買左剛到市場的鮫魚....打 GFDF 魚蛋.....仲買左豬肉整豬肉丸.....全部阿妹都食得的.....希望都成功.....希望佢都鐘意食.....希望佢都食得開心。......好忙....好忙......
作者: apple~y 時間: 12-8-6 23:01
本帖最後由 apple~y 於 12-8-6 23:10 編輯
今日行百佳見到隻gluten free 薯片,無味精,買比小朋友作健康小食,都係唔錯選擇
牌子BOULDER 原價 $27.5 現特價$13.5
大家去睇睇
作者: free_style 時間: 12-8-7 13:36
好，報告成果。鮫魚，好得，用佢來整的魚蛋，超彈牙。我連粉類東西都無加，淨係 salt 及水，所以味道清甜兼健康....兼有點貴.......。部份魚肉混入一些碎豬肉，整出來的丸仲好食，又彈牙又甜。下次要試下香港仔謝記魚蛋的打魚蛋「黃金比例」......
燒腩仔...明天會入爐了。請問是否用鍚紙包好，整似壽司軍艦咁，以便豬皮面可以鋪上粗 salt ? 鋪 salt 後焗幾耐才掃走? 豬肉表身，除了 salt 之外，駛唔駛加醬?
作者: apple~y 時間: 12-8-7 20:28
本帖最後由 apple~y 於 12-8-7 20:49 編輯
回復 free_style 的帖子
入已預熱180度的焗爐，用上下火焗35mins(五花腩肉大小不同,時間自己就)
之後 掃走粗salt
再焗20 mins 左右, 見d 皮爆得7788就完成喇~
放涼,斬件食得
重點係個皮一定要乾,唔可以濕,
唔使加醬,想香0的加小小五香粉係肉部份,個皮什麼都不用加
呢個整法不須用豬插插個皮,簡單好多
你整0野食0甘叻,實ok
作者: free_style 時間: 12-8-8 19:57
我最鐘意簡單製法，怕煩。買豬肉時叫左豬肉佬幫手插豬皮，佢搞好過我搞。我教左菲傭焗，阿仔今晚做餸，話勁好食喎，好食過街買果d，而家飛返去試食。。。。。充滿期待！
作者: free_style 時間: 12-8-8 19:58
根據你的建議，我雪左佢兩晚先焗，費事驚佢個皮唔乾
作者: free_style 時間: 12-8-8 22:06
食左。超得。個皮爆脆，個個爭住食。我都好滿意，阿女好識食，見姐姐斬燒肉已經去左偷食。
作者: ChingMan1002 時間: 12-8-14 07:43 標題: 回覆：第一天開始GFCF,好頭痛！
想問如我女對大豆黃豆類敏感，咁gluten free 既豉油同豆腐係米都唔食得呀？
因為我買左唔知little gxxxx比唔比換。謝謝！
作者: free_style 時間: 12-8-14 21:20
chingman1002.
基於你提出的問題，特登查過 cookbook. 自製豉油，可以咁的，
1 tbsp rich chicken stock (雞湯)
1 tsp dark brown sugar
1 tsp salt
======================
= 1 tbsp of dark soy sauce
你有興趣可以試試，話返我知得唔得。
作者: free_style 時間: 12-8-14 21:21
若要 soy free 紅燒汁，則以上的配料，加少少醋。
作者: ChingMan1002 時間: 12-8-14 23:11 標題: 回覆：free_style 的帖子
謝謝先，不過無時間自製呀，沒有現成的嗎? 另我想問我個女唔食得bean soy, casein, whey... 有無一些日常簡單餐單可提供呀?因我想set定d餐單比個工人煮比呀女，感激感激！
作者: dorisfan 時間: 12-8-15 11:33
請問有無人試過用麵包機能成功整GFCF麵包?
作者: free_style 時間: 12-8-15 13:35
回復 ChingMan1002 的帖子
如之前所述：
1. 豬肉丸 (可煎可放湯，兩食)
2. 魚蛋 (可煎可放湯，兩食)
3. 煎豬扒
4. 煎魚、蒸魚
小吃嘛....真的自已動手整會較好的，因為選擇多又好味。
作者: myson727 時間: 12-8-15 16:28
回復 dorisfan 的帖子
最近我都系用焗爐整麵包，好處小朋友可以參予麵包做無。
有D機用米，就可以做麵包
http://www.youtube.com/watch?v=vXm_WKLEi1U&feature=related
作者: apple~y 時間: 12-8-15 17:30
本帖最後由 apple~y 於 12-8-15 17:37 編輯
回復 ChingMan1002 的帖子
整pancake都好方便
材料好簡單1,gluten free pancake粉
2,加米奶開粉,加蛋(如不吃蛋加小小代蛋粉)
3, 用dairy free 牛油煎香攪掂
作者: free_style 時間: 12-8-15 23:08
又或買些腰果，放在焗爐烤約十五分鐘，甘香脆口，小朋友般都鐘意
作者: dorisfan 時間: 12-8-17 15:41
回復 myson727 的帖子
Thanks. 不過我屋企廚房太小, 放不下焗爐.
果部用米的麵包機吾錯喎, 不過吾知佢話要落果D麵根有無GLUTEN呢?
作者: ChingMan1002 時間: 12-8-19 17:34 標題: 回覆：free_style 的帖子
想問是否普通凍肉舖買既豬肉丸及魚旦都可以吃？
作者: muimui5 時間: 12-8-23 22:44
我收到個囡既驗血結果啦。奶類、蛋同橙類都高敏，glutin穀類又冇事噃。咁我除咗介口要再驗其他嘢同睇醫生嗎？
我要點介呢？食物標櫼冇話有蛋or奶的小食可以嗎？唔食蛋撻蛋糕又可以食一般的提子包椰絲包嗎？我仲可以同佢出街食嗎？有牛油既嘢食得嗎？植脂奶造的甜品可以食嗎？
作者: free_style 時間: 12-8-24 14:03
回復 muimui5 的帖子
gluten 無敏感都要戒的，因為佢會干擾供應予腦部發展的營養。你有無跟醫生戒口? 我覺得最好跟醫生，有事可以問，修正亦快些。
至於戒口，
- 食物標櫼冇話有蛋or奶的小食可以嗎？(唔安全，講明無果d 先真。因為若佢真係無奶無蛋，可以賣貴些，所以通常會標明。無標明，多數係因為裡面摻雜了奶及蛋)
- 唔食蛋撻蛋糕又可以食一般的提子包椰絲包嗎？(若你決定戒口，其實最重要是戒 gluten ，如此，所有街賣的麵包都唔食得)
- 我仲可以同佢出街食嗎？(可以，睇你食乜囉，我女可以在街食白飯，蒸魚走豉油，我會自無 gluten free 的豉油，未醃過的剪豬扒........)
- 有牛油既嘢食得嗎？(牛油，故名思義，是由牛製品做的，當然唔食得)
- 植脂奶造的甜品可以食嗎？ (高危，所謂的植脂奶，好多係有牛乳製品的。要註明是用米奶或豆奶，才沒有牛的成份，那就是所謂的 dairy free。不過，dairy free 唔等如 egg free，兩樣都 無，又唔代表 gluten free ，所以要睇清楚)
作者: bbqiu 時間: 12-8-25 22:43
have a look
http://www.littlegiant.com.hk/common/fz-sw.html
作者: ChingMan1002 時間: 12-9-1 15:43 標題: 回覆：第一天開始GFCF,好頭痛！
有無人知如小朋友食緊殺腸道菌藥、營養藥。咁傷風咳洗唔洗停食？
作者: myson727 時間: 12-9-2 22:38 標題: 回覆：ChingMan1002 的帖子
這個問題我都問過幫我仔做生物療法的E生，佢講唔洗停。
作者: ChingMan1002 時間: 12-9-3 22:41 標題: 回覆：myson727 的帖子
Thanks 
作者: myson727 時間: 12-9-4 11:12
昨晚，DIY豬肉丸，之前都試過，效果唔太理想，昨日買左豬肚，攪爛後再加入攪爛豬肉，再G出離放入滾水煮，都好彈牙下，但唔夠"滑"。
作者: ChingMan1002 時間: 12-9-4 19:43 標題: 回覆：myson727 的帖子
Add oil ar!!!
作者: Chichatmima 時間: 12-9-4 21:27 標題: 回覆：第一天開始GFCF,好頭痛！
係好少量A仔先得。無肚瀉嘅仔，其實無用。
作者: myson727 時間: 12-9-5 15:28
回復 Chichatmima 的帖子
有腸炎，會出現肚瀉。
但無肚瀉，吾等如無腸炎。
如果腸道有惡菌，更可能無病徵。
要知有無腸炎/惡菌，最準是幫小朋友驗屎。
| 歡迎光臨 教育王國 (/) |
Powered by Discuz! X1.5 |