教育王國
標題: 失望的畢業禮 [打印本頁]
作者: Tinong 時間: 12-7-16 23:11 標題: 失望的畢業禮
失望的畢業禮
=============
今天剛剛係幼稚園畢業禮,下午在TKO啟思中學舉行,同時間亦係啟思小學
畢業禮。真令人失望之極，首先要在禮堂外悶熱地等，且畢業禮中大部份時間都是校長、校監、牧師和嘉賓演講，學生變了報景板，場面沈悶。到了幼稚園校長演講，稱小朋友成績優異，有2張小朋友的相，一張是有位女同學攞咗YLE(starters-15盾)，另一張則是普通話證書；但這些成績都是非常普遍，同級巳有小朋友取得更高成績[YLE-movers-15盾, Trinity-Grade 3-Distinction以及普通話優良成績(這些都是小朋友在校外取得的，這間幼稚園並沒有提供)]，明顯地她並沒有充份時間留意小朋友。，還有，上台得優異獎的小朋友可能在本校老師
心目中是優異，但宏觀全港幼稚園學生就???。而且這些得獎小朋友大部份都是留在啟思小學繼續升學的。
作者: Vlone778 時間: 12-7-16 23:20 標題: 回覆：失望的畢業禮
其實有什麼好比較？這樣已不算宏觀，什麼1415盾，得到什麼紙張上全紅，也不一定代表是最優秀旳學生，可能什麼證書也有，就是欠一張學做人的証書！
作者: jj_bb 時間: 12-7-16 23:49
不用太介意，不順氣的事經常發生。take it easy!
作者: albb 時間: 12-7-17 00:06
不用生氣，同選港姐亞亞姐差不多，都係內定，公平的
作者: tedghost 時間: 12-7-17 04:16
提示: 作者被禁止或刪除 內容自動屏蔽
作者: ScarlettShannon 時間: 12-7-17 09:01 標題: 回覆：失望的畢業禮
可能校長旨在Hardsell 吸引更多學生入讀，但over左，令人失望。
作者: Tinong 時間: 12-7-17 10:20
無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係一個經歴，亦知道校外、校內嘅表現都好重要。起初，已發覺這間學校程度淺，出去考優質、出名嘅小學比較難，但考慮校園環境唔錯，又沒有學習壓力，所以就選擇佢。點知，讀後要面對競爭嘅小一入學面試更大壓力，在這裡，希望家長們認真考慮小朋友的前途-先甜後苦還是先苦後甜
作者: yfchoy 時間: 12-7-17 10:46
Tinong 發表於 12-7-17 10:20 
無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係 ...
作者: shirleylee_0514 時間: 12-7-17 10:54
樓主, 睇完你呢寫既野....你小朋友所讀既學校正是我小朋友黎緊入讀既K1, 擔心中, 但你除左對畢業禮不滿, 此幼稚園比你再重新幫小朋友選幼稚園, 你會選呢間嗎 ? 咁呢間幼稚園是否十分淺 ?
作者: matsushima 時間: 12-7-17 11:04
本人覺得學做人這張証書才是最重要
作者: joeywongmy 時間: 12-7-17 11:11
提示: 作者被禁止或刪除 內容自動屏蔽
作者: wishwong 時間: 12-7-17 11:30
講真...如果揀呢間學校..又要擔心課程會唔會唔夠深...功課夠唔夠多...多唔多參與校外比賽,,, 競爭力夠唔夠等等... 我真係衷心建議家長唔好揀CPSK... 人比人比死人.. 點先為之夠? 點先為之勁??? 點解要小朋友自細就要比CERT多... 講4/5種語言???
希望大家真正了解每間學校既理念先俾小朋友讀... 好明顯樓主既選擇係錯配... 仲要係到畢業一刻先醒.. 好悲哀~
作者: petunia 時間: 12-7-17 11:35
個個畢業禮都係咁架啦，樓主你心目中的「畢業禮」係點？
睇左幾行樓主的說話，就已經覺得好怪獸了...畢業禮唔應該由校監講話、校長講話、主禮嘉賓講話？唔通，搵幼稚園生講話？
幼稚園生咋，個細路唔識講自己考左d咩試，或者得到咩成績，你咁介意人地唔俾個獎你威，你應該一早報俾學校聽你幾想威啦。
一個「儀式」，你竟然有咁多的介意。
作者: Vlone778 時間: 12-7-17 12:03 標題: 回覆：失望的畢業禮
樓主意思係我個仔比台上面嘅小朋友成績好，係唔係因為唔選擇直升上小一所以冇份上台接受虛榮！
作者: airyaoi 時間: 12-7-17 14:14
我自己接觸過呢間學校O既幾位學生, 都是小學生。
坦白講, 不是很醒目的類型, 但品行不錯, 而且比較純品, 似返個小朋友。
好唔好視乎你著重邊樣多D啦。
作者: ronniedad 時間: 12-7-17 14:50
路過, 相信學校呢D獎項係俾原校升讀的學生一D鼓勵, 並唔係D咩名次之爭. 如樓主咁介懷呢D虛名, 就唔應該選呢間學校了. 出面大把學校到畢業都係MOVER14/15盾. (咁又代表到D咩? ) 只係你揀呢間學校時都知佢係一間唔谷的學校, 但現實自己就係咁谷佢罷了. 想個小朋友拓寬思想, 點知自己反而困在一個只懂興人比較的窄狹世界內.
作者: kufubaby 時間: 12-7-17 15:04
我鍾意d畢業典禮係俾小朋友表演的, 然後每個小朋友都可獲校長親自頒發的畢業證書!
作者: 開心小花 時間: 12-7-17 16:02
回復 kufubaby 的帖子
我都係, 所以我就幾鐘意阿囡間幼稚園畢業禮的安排. 當然都會有校監, 校長,
家教會的主席等的演講.但係Focus都係放在小朋友的身上. 每一位畢業的同學都會著畢業袍由一位家長陪同上台, 講1,2句自己的感受. 然後由校長用四方帽’扑’一下頭. 再頒畢業證書. 真係睇到我好鬼感動. 另外,全校小朋友都有參與表演, 包括PN班的小朋友都唔例外. 阿囡有得上台表演好興奮, 我個日睇阿囡表演, 又好興奮. 
作者: jojoplanet 時間: 12-7-17 18:49
yfchoy 發表於 12-7-17 10:46 
絶對讚同，有些家長既想小朋友可入讀名/心儀小學但不想催谷，又要冇壓力學習，最好咩都學校教晒，哪有這麼 ...
我選咗間唔太谷既學校比我個仔,因為佢係細仔怕太谷佢搞唔掂唔想返學, 到K3為應付小學必要自己谷下佢, C6成日覺得我迫個仔, 但我每次問個仔好唔好唔讀呀(校外學術課程) 阿仔都話唔好, 問佢辛唔辛苦, 佢話唔辛苦..佢好ENJOY 學習過程中佢見到自己有進步..只係有時因為温習少咗玩既時間會同我講下數玩多一振先...
人地聽落我一日比幾份野佢做好似好變態..查實佢做既過程好輕鬆...
作者: Parisienne 時間: 12-7-17 19:23
Tinong 發表於 12-7-17 10:20
無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係 ...
恭喜呀！小朋友入到心儀又出色的小學真係好開心！
但樓主批評間學校又淺，又唔關心學生，理應同優質出名小學無緣，咁請問你小朋友點解會考到好小學呢？請問你會歸功於以下 :
a)校外惡補
b)在家惡補
c)靠人事升好的小學
d)屬天才兒童，跟本讀乜幼稚園唔重要，可能唔讀都得。
e)神蹟
f) 其它....
另外，先甜後苦還是先苦後甜?
先苦後甜可以甜幾耐？
甜的意思是否升上小學後就唔需補習(因為幼稚園己教了小一課程 )，但小二三...呢？唔補都能夠keep住名列前茅嗎？如果唔係，咁即係先苦三年(幼稚園) ，然後甜一年，再苦二三四五六年 ....?
點解讀書要咁苦？
如果培養到小朋友的學習動力，請問可唔可以先甜後也甜？定係妄想？
作者: Tinong 時間: 12-7-18 02:46
回復 shirleylee_0514 的帖子
我都好讚同你嘅講法，太深嘅幼稚園令小朋友太辛苦，最緊要適合。唉，但有時也要面對現實，"人生證書-憑誰來定?多少時間才可以得到?"正如我在令一條Thread對一個家長講(不知為何這個家長認為別人擁有cert就是認叻和對cert極其反感)成功道路多的是，但每一條都是自己選擇，由你小朋友去承擔。純粹個人想法，會唔會有些人惡意和人展開罵戰，使貼被删除，從而使到其他人唔到差的評語?(對不起，我想多了！)
作者: Tinong 時間: 12-7-18 02:48
回復 jj_bb 的帖子
多謝你!
作者: Tinong 時間: 12-7-18 02:49
回復 albb 的帖子
多謝你!
作者: Tinong 時間: 12-7-18 02:54
回復 ScarlettShannon 的帖子
Hardsell 就預咗，但升學數據和小學嘅成績精明嘅消費者探究後便一目了然!
作者: Tinong 時間: 12-7-18 03:05
回復 shirleylee_0514 的帖子
既然已選擇就無得後悔!這間學校雖然程度淺，但功課壓力唔大，也有某類型的小朋友適合。我在這裡不評論上啟思小學是哪一類型學生及程度。其實，香港有很多大型或國際性的比賽，你只要查一查，做吓統計，便略知一、二。
作者: joeywongmy 時間: 12-7-18 10:21
提示: 作者被禁止或刪除 內容自動屏蔽
作者: wishwong 時間: 12-7-18 11:07
回復 joeywongmy 的帖子
我支持你呀...
其實好明顯樓主同學校係錯配... 但偏偏就要惡意踩學校黎令自己洩忿..令人對學校反感....
不過唔緊要... 呢個平台人人都有發言權.. 家長有分析力既... 如果佢既評論令部份家長改變主意...都係件好事..
試想想如果嗰批家長都有樓主既諗法....咁就越早放棄越好... 如果唔係又多咗錯配事情發生... 害咗個小朋友呀... 係咪?
大把WAITING既家長有我地一樣理念...仲等緊CPSK電話呀.....
希望開學前SCREEN OUT哂呢批家長我都好開心呀.... 我都唔想個仔第時有同學仔拎住幾吋厚啲CERT番學校喺我個仔同老師面前"樣黎樣去".... 我個仔以為係畫紙拎黎畫畫就唔好意思喇~~~ 
係呢...你買咗校服未呀? 唔知8月先買會唔會太遲呢??
作者: Tinong 時間: 12-7-18 13:13
回復 Parisienne 的帖子
你們對學校都好了解好擁載!
猜猜你是誰，大家心裡有數!
正如我所講，你走你嘅路，每人唔同，希望各位小朋友前程光明!
多口問多勻"你會否讓你小朋友攞一張大學畢常證書?見工要證書是否所有僱主都錯，要佢地全部改革?"
Cert和人生歷程同樣重要!從來無人講過只靠證書，唔只呢條Thread，只要有人提到攞到咩Cert(事實)，就立刻被話及語帶酸味，莫非這就是人生證書的教程?可悲!...
各位準備入學或投考的媽媽
請考慮是否合適及要面對你和小朋友如何被對待!!!
作者: Tinong 時間: 12-7-18 14:27
校長們如果看了這條thread及家長們之言論，未來面試時對小朋友之評估以及家長之理念、態度一定會重新評估！同校希望小朋友考到某些xxx學校的家長想係多謝你地一小撮上網媽媽的關照！
作者: Parisienne 時間: 12-7-18 15:51
Tinong 發表於 12-7-18 13:13
回復 Parisienne 的帖子
你們對學校都好了解好擁載!
字裏行間感到你對幼稚園頗為失望，無論對教學，老師，畢業禮等安排，但你郤忍辱負重了三年，點解唔一早轉校?郤要考到心儀小學後才評撃間幼稚園？但事實你小朋友又考得好小學喎!我相信佢品德方面也唔太差卦？所以你有點矛盾囉！
另外，大學考cert當然重要，但幼稚園階段我就覺得唔太重要。
作者: joeywongmy 時間: 12-7-18 16:47
提示: 作者被禁止或刪除 內容自動屏蔽
作者: Tinong 時間: 12-7-18 18:20
回復 joeywongmy 的帖子
其他家長又係你既人或職員同事!
你所講嘅嘢我從沒有在網上講過!我已經知你係邊個!你講任何嘢對這個小我完全沒傷害，反而越嚟越想同你呢個攻擊隊員講多Ｄ!
利用虛擬世界Hardsell或排擠一些令你損失嘅人，會唔會有點兒那個!
你對"老師"這個稱號有何感想!如果講嘅唔係事實，為何這樣大反應及聯合其它人一定要將我踩盡，消失。
又想到咩?我等你!←
作者: Tinong 時間: 12-7-18 18:39
回復 Parisienne 的帖子
我都同意你嘅講法!
我一Ｄ都唔滶動，只係不值有些人利人虛擬世界去踩人及掩飾身份，逃避遏失。(過去的過失唔再提了1)
小朋友接觸嘅人同地方很重要，你都唔希望你個小朋支接觸到一Ｄ只會攻擊人、講大話嘅長輩；以及對你小朋友做成唔公平和傷害嘅人!
我只係希望大家知多Ｄ點解以往這間學校在網上情況資料不多!因為一發表就被人攻擊(除非報喜)
小心入讀後連個人情況都被披露，好似我一樣!
再見!
作者: Tinong 時間: 12-7-18 22:29
回復 Parisienne 的帖子
三年前我選擇這間幼稚園時也充滿希望，主觀地應為任何人講這間學校不是就唔啱，當然我唔會用成幾百字罵對方。但三年裡發生嘅事當然很多，畢業禮只是最後一件用來舒發感受的!轉校有諗過，尤其是每當小朋友話唔肯返學嘅時侯。但我要小朋友面對才是正確的解决方法。試舉其中一、二件-我曾經有幾次早咗去學校，在課室外聽到老師大聲鬧小朋友，頑皮嘅小朋友又會獨自被帶到另一課室，罰企亦時有。我當時和老師溝通，但對小朋友的方法大致一樣。
你講得對，我小朋友的學術和品德都OK!人生證書和學術證書兩者都要!
如果你還有疑問，歡迎問!但希望大家互担相尊動!正如我講很多媽媽及教育界人仕也在看!我已離校，但很多正在就讀嘅小朋友仍要面試。
作者: iantsang 時間: 12-7-18 22:36
版主按 :
本討論區歡迎各位自由發表意見，但懇請大家能保持冷靜討論的氣氛。
由於文責自負，請盡量留意用詞，免生誤會及負上不必要的責任。
不理智的攻擊言論，發言者將被禁言，讓其冷靜。
多謝大家合作!
作者: Parisienne 時間: 12-7-18 22:46
Tinong 發表於 12-7-18 18:39
回復 Parisienne 的帖子
我都同意你嘅講法!
希望你出年滿意間心儀小學啦，如果發現唔妥，切記千萬唔好又等三年or六年，然後考到好中學又後悔當初選擇。坦白講，如果要以理服人，恕我得罪，你的確有自相茅盾的地方。
另外，我又唔同意你所講的：「學校網上資料不多是因為一發表唔好消息就被人攻擊•••••」。而家資訊發達，你也太低估網民的力量了吧?如果咁易封人嘴，大家都唔駛晌度講咁耐啦。
畢業禮的確可以攪得更好，好多家長都希望幼稚園學生有份表演，我都係聽K3家長講，但學校郤無安排。呢點我上年已經聽到有家長感到失望。如果係我都希望比個特別回憶小朋友。
又係果句，每間學校都有好同埋不足之處。重點係，你家陣個小朋友都醒醒目目入到好小學。這是值得恭喜的。
作者: Parisienne 時間: 12-7-18 23:06
Tinong 發表於 12-7-18 22:29
回復 Parisienne 的帖子
我自己so far未有好不滿的事發生，但我都認為唔能夠盲目相信任何事。
小學亦一樣，爭崩頭的好學校也有負面消息。即使芬蘭教育全球出名夠Top，都一樣有問題。
大家多些反思是件好事。
作者: chickenwing2006 時間: 12-7-19 01:41 標題: 引用：我响畢業禮見校長當眾大罵老師,+咪仲掃興
原帖由 tedghost 於 12-07-17 發表
我响畢業禮見校長當眾大罵老師, 咪仲掃興
作者: Tinong 時間: 12-7-19 08:31
回復 Parisienne 的帖子
你講的完全正確。而且每個人對每件事既觀感都有所不同！我很高興你小朋友so far都ok! 其實今次攞唔到獎對我小朋友都無影響，因為佢已經得到最想要嘅嘢！我只不過抒發感受及讓媽媽們知道這事而已！
作者: Parisienne 時間: 12-7-19 09:06
Tinong 發表於 12-7-19 08:31
回復 Parisienne 的帖子
你講的完全正確。而且每個人對每件事既觀感都有所不同！我很高興你小朋友so far都 ...
所以我同孩子都覺得好ok，亦照顧到心理上的發展。
賞罰亦分明，曾經有次我小朋友被罰企，佢無同我講，但老師有報案。過了一段時候我問孩子，佢完全知道是因為自己用手打人唔啱，即使係另一個同學頑皮在先，但老師教無論如何都唔可以出手，所以罰。問佢下次仲打唔打人，佢話唔打。處理唔到應該點做？佢話請老師幫忙。
所以德育方面我唔膽心。看看你小朋友磨練了三年，今天你也覺自豪吧？
我明白你只不過想抒發感受，但如果只自顧自地任意抒發，對很多還在校的小朋友是種傷害，當然有很多媽媽唔放過你。我們大人要理性去了解利害因素，你有point講得服人，自然會有參考價值。
作者: jeff76916 時間: 12-7-19 10:30
不好意思, 我只是路過. 小女去年考該校K1, 她是12月出生, 所以在去年11月面試時還很小, 而在那階段大幾個月就有很大的差別, 所以根本不期望會收, 加上那是小女的第一個面試, 我亦未出席過任何面試, 但本着試試的心態. 去到後見老師很有愛心有公仔沿路逗小朋友入課室. 其後, 面試時小女不過不失, 跟着老師問我和我老婆問題, 這時小女拿了老師桌上的蘋果咬了一口, 我見到後忘記了正在面試而罵了她幾句, 小女出奇地轉向老師say sorry, 老師呆了, 面試亦完結. 離開時小女在校門外跌倒流血, 老婆帶她回校內, 由於面試情況很多人, 入到校內見到一位校方人士, 這校方人士不知小女受傷,她見老婆又帶小女回校, 初時有點不高興, 但老婆跟她說小女剛受傷流血, 該校方人士馬上指示老師幫小女治理, 對, 是"指示老師", 所以我們估是校長. 兩天後, 我們收到offer. 我們覺得很感動. 之後, 我們對該校印象很好. 長話短說, 我們最終去了另一間, 但是過程爭扎了很久. 我們之後亦一直留意該校, 得到的印象是該校作風低調, 家長亦低調, 但和睦,凝聚和不受現世那種難忍的爭逐之風所侵擾. 同一價值觀的人走在一起是樂事, 不同價值觀的人如一起走要明白自己的立足點之不同.
作者: mimi005 時間: 12-7-19 10:35
回復 Vlone778 的帖子
100% AGREE LA
樓主比學校方面.更想威
作者: Tinong 時間: 12-7-19 12:18
回復 chickenwing2006 的帖子
請問是那一間？
作者: Tinong 時間: 12-7-19 12:23
回復 jeff76916 的帖子
你都分析得幾好！我小朋友K1時對學校的感覺同你一樣！正如這個網站有某些人的價值觀和背景相同一樣。
作者: Tinong 時間: 12-7-19 12:38
回復 Parisienne 的帖子
point-見仁見智!
我係講出事實!
這個網站大都份嘅媽媽的小朋友都讀這間學校，當然唔喜歡見到劣評，影嚮形象，但每個人嘅際遇都唔同!
再者，我唔明白好多媽媽唔改過我咩意思?真係唔明?可能要問版主。
作者: SmartCandy 時間: 12-7-19 13:42 標題: 回覆：Tinong 的帖子
其實呢個平台只係比大家唱所欲言，甚至比大家係呢度消氣發吓皮氣，未必對與錯，而且bk覆蓋面亦只係小數，未至於影響學校，至於獎項唔公平亦不是新事物，即使比升自己學校學生亦大家一早心照，我間學校舉行家長會會章設計比賽，冠軍就係比番家長會主席，你話無利益衝突我都唔信，大家唔駛咁認真，如果唔係呢都無人講嘢，無卜發曵就無乜八掛性娛樂性
作者: Tinong 時間: 12-7-19 14:10
回復 SmartCandy 的帖子
我很喜歡你這麼中立！你這樣的態度才可以使外界對啓思小學附屬幼稚園嘅媽媽有正面平價！事情沒有對錯，每個個案都唔同！看了便算！何必追擊！
作者: Aiyoyo 時間: 12-7-19 15:02
我想問問小朋友在校有無演出機會？考小學時，校長會不會幫忙寫推薦信？
作者: Tinong 時間: 12-7-23 06:17
回復 Tinong 的帖子
我要澄清係我發表完後你一次又一次追擊，連字體大小都要講一餐！總知怎何一條thread講呢間學校你都大讚一番？哈哈！主任唔好再做宣傳啦！
作者: kaman488 時間: 12-7-23 10:14
路過...純粹分享一下 !
我囝囝今年升小三( 傳統官小), 佢係CPSKG畢業, 我好欣賞成個教職員團隊 !
囝囝係CPSKG培養到濃厚既閱讀及學習興趣 , 對學習上有莫大既幫助 ,
所以唔應該單單評論學校好定唔好, 最緊要揀一間啱自己小朋友既,
因材施教....不過我就肯定CPSKG好適合我小朋友讀啦
多謝吳校長, 戴副校長, 李主任 , 梁主任 等等...
仲有一位就係囝囝K-1既校巴司機林叔, 多謝你日日放學既唐詩分享
作者: MING6686 時間: 12-7-23 16:30
查實樓主別無他意.!!!只不過想佢間幼稚園可以CARE其他無攞獎既小朋友..同埋係時間方面都希望校方安排得好d.....小朋友係張白紙...好多方面都會影響到佢日後既成長!
作者: Tinong 時間: 12-7-24 06:27
回復 MING6686 的帖子
你終於講到point! 我只係覺得學校安排有問題想家長alert!但有些家長（唔知係唔係）連小朋友都未完成三年課程就一面倒認定學校係完美嘅不停批判劣評！完全漠視事實！
作者: newbaba 時間: 12-7-24 10:14
世事無完美，老師校長都係普通人，一班幾十人，每個都是家長心中的寶貝，醒醒目目，要每班選3個做品學優良，實不容易，有睇漏絕不出奇。
有獎冇獎，並不重要，懂得體諒，學會欣賞才會快樂。 
作者: kaman488 時間: 12-7-24 12:22
回復 Tinong 的帖子
我都想澄清 , 我囝囝係CPSKG三年都係攞品學優異生,
另外, 以我所知, 我囝囝畢業個屆都唔係全部升啟小,
我知既起碼一半唔係 !
作者: Cmee 時間: 12-7-24 14:48
本人路過，搭訕幾句，請各位包容！
樓主起thread時係有些酸味，但其實都係發表個人感想，讓家長認識CPSKG 其畢業典禮的一面，對於喜愛CPSKG 的家長，包括我，並不造成困擾，何以戰火越燒越烈實在非夷所思！
我也愛愉快學習，對這間學校的喜愛也不因知道樓主所言而動搖，但樓主所受批評也實在無厘頭，點解有不滿就一定要轉校？唔鍾意考cert咪唔好考，有乜好爭論？有些人喜歡將所有學校分成谷同唔谷，只有2種，一聼就明係好看不上非我族類，如果唔係點解用個負面的谷字？大家就自我審查，我1,2歲就去教子女abc，係咪谷緊佢？！教子女嘢，要被質疑，而家做人真難！
人人都想sell自己選的學校，本無可厚非，但有些人會排除他人聲音，攻擊他人，甚至無中生有，進而批評矮化其他學校（如用負面字眼，如谷）,就令人反感。
我冇懷疑過CPSKG 這學校，但有些家長的行徑反而令我有隱憂，點解會有一班人會這樣壁壘分明像開戰，奇哉奇哉！
但樓主，文責自負，請你也澄清一下，你是暗示老師主任在當筆手嗎？這是很嚴重的事，如果學校有咁無聊上EK掃場，寫d咁嘢，我就真的很驚，也對這校的感覺大打折扣了，但不是的話請勿亂暗示！
作者: newbaba 時間: 12-7-24 15:20
話時話，佢地個畢業禮又真係沉悶到極，似報告業績，多過似畢業禮。
作者: wister 時間: 12-7-26 11:43
我記得我細個時既graduation ceremony都係差不多，校長校監嘉賓輪住講一大輪野，上台領憑就叫done架啦
作者: gaggag 時間: 12-7-28 01:44
每個小朋友吸收能力唔一樣, 呢間幼稚園有啲小朋友啲普通話可以同人應對 ,佢哋喺教兩文三語嫁 ,唔差噃 .嗰樹讀小學冇一皮嘢唔使諗 ,活動教學行國際模式 ,睇自己點睇嘅唧 .
作者: gaggag 時間: 12-7-28 01:50
以我所知今年小一泒位唔錯 ,小拔 ,九龍塘 ,等...
作者: ac917 時間: 12-7-28 07:43 標題: 回覆：失望的畢業禮
其實啟思賣點一向都唔係程度深
作者: lamyungyu 時間: 12-8-1 14:36
Tinong 發表於 12-7-16 23:11
失望的畢業禮
=============
今天剛剛係幼稚園畢業禮,下午在TKO啟思中學舉行,同時間亦係啟思小學畢業禮。真 ...
容我路人乙,說一句:
小朋友在該校已過了幾百日校園生活. 何需在意 一日的畢業禮? 讓自己勞氣..
反觀諗, 小朋友幾百日校園生活裡,『安安全全, 開開心心,健健康康』 不是已心滿意足嗎. (純個人感)
當然如果有份表演吓,攞吓獎,會更開心啦.
作者: 迷你大人 時間: 12-8-17 14:22
有時是否系大人過於執著
| 歡迎光臨 教育王國 (/) |
Powered by Discuz! X1.5 |
