教育王國

標題: 點解次次都係我個仔 [打印本頁]

作者: 靚寶 時間: 12-7-16 21:37 標題: 點解次次都係我個仔

去親學游水, 學英文, 返教會, 宜家學羽毛球同欖球, 亞仔都係第一個比人投訴, 比人罰, 比人捉出黎同家長傾計果個, 仲要係所有教練都最快識佢既學生....我真係好灰呀, 見到佢咁又忟, 又唔投入, 專注力唔夠十秒, 我好怕同佢去學野, 如果唔係暑假我根本唔會報, 好辛苦, 想搵個位呻下

作者: pollybell 時間: 12-7-16 22:27

你都識講啦,暑假先會報,都係想佢去玩下,跟本唔介意佢識唔識,問題係你面皮唔夠厚,如果想小朋友識應出面既興趣班,要一樣一樣黎試,加上要行常每星期去先有效果.

作者: ababymami 時間: 12-7-16 22:29

回復靚寶的帖子

不想灰心，這是要經歷的，事實上，我都在經歷緊。心理學家同我講，我們的小朋友要多點exposure.

作者: yuki8484 時間: 12-7-16 23:30 標題: 回覆：點解次次都係我個仔

老師會投訴d咩?唔好灰心..加油

作者: 淇淇0223 時間: 12-7-16 23:42 標題: 回覆：pollybell 的帖子

十分讚同面皮夠唔夠厚哩句，我經常同個仔出街都俾人話個仔無家教，痴線等等。我完全明白樓主覺得小朋友每事都比人投訴。都好辛苦。但換過角度想其實小朋友已經盡力了，有病佢都唔想。做父母的只有不停從旁鼓勵。辛苦的時候就上來呻下。大家同路人一定支持你

作者: autunmbb 時間: 12-7-17 02:46

人地點講係人地架事，只要幫到個仔，都理唔到咁多～～～講真，同個a仔一齊，EQ真係高左好多架。

得閒來呻下～～互相支持下～～

作者: alexyu 時間: 12-7-17 06:34 標題: 回覆：點解次次都係我個仔

樓主，不要難過，我也經歷著。加油！

錫返妳！

作者: fatpam 時間: 12-7-17 09:55

我都經歷緊，佢唔投入，仲話唔玩，好似迫佢玩咁，但都要經歷吓，平時無時間比佢試。
不過我覺得導師帶得好唔好都有關係。

作者: 靚寶 時間: 12-7-17 12:15

多謝大家, 大家都係同路人, 真係講半句都會好明白, 唉! 有時真係好辛苦, 好驚同佢上D多人上既班, 好驚佢又發顛比人投訴

其實佢四歲開始都有比佢上英文PLAYGROUP, 但係已有三間上左一兩堂就全數退款唔比我上, 話仔騷擾課堂, 令到人上唔到, 所以唔比報名, 俾人趕走得多, 真係個心又傷, 又驚, 而且次次在班中仔都係行黎行去, 做D無關係既野, 騷擾性既野, 定要有一個導師專人睇實佢, 人地打開門做生意教你, 唔係幫你睇仔及教仔, 根係會投訴啦, 投訴得多咪直頭唔做你生意囉....我知仔已好努力, 所以我無特別鬧個仔, 但係佢有時真係好無聊整人就會話佢囉, 如果再唔上黎呻我估我痴線

作者: yuki8484 時間: 12-7-17 13:07 標題: 引用：多謝大家,+大家都係同路人,+真係講半句都會

原帖由靚寶於 12-07-17 發表
多謝大家, 大家都係同路人, 真係講半句都會好明白, 唉! 有時真係好辛苦, 好驚同佢上D多人上既班, 好驚佢又 ...

我都遇過你呢個情況..去d私人中心上興趣班..唔洗10分鐘電話到叫我接番亞囝走..每次接走后拖住個仔都會眼濕濕..試過3次后..我無再去私人中心報名..亦無收埋個仔..只係去左其他中心上興趣班..例如協康會/小童群益會/東華三院...呢d機構包容同愛心耐心都好夠..我仔上課都仍會攪攪陣..但至少老師好好無投訴過佢..仲教佢好多野..

作者: wbbg 時間: 12-7-17 13:34

我地呢d 媽媽唔係人人明白, 放鬆d , 加油 ~

作者: Anpanmama 時間: 12-7-17 15:33 標題: 去親學游水,+學英文,+返教會,+宜家學羽毛球

原帖由靚寶於 12-07-16 發表
去親學游水, 學英文, 返教會, 宜家學羽毛球同欖球, 亞仔都係第一個比人投訴, 比人罰, 比人捉出黎同家長傾計 ...

反過來說，選擇一啲適合仔仔嘅活動及機構，便可以大大減少快的事情!
適應社區也要慢慢學習，不能一步登天!
參加學習班之前，先和單位導師溝通下，告知小朋友嘅特性，行為等。
讓導師有心理準備及衡量下自己可唔可以應付先入班，對相方也好!·

作者: Olympian 時間: 12-7-17 18:11 標題: 靚寶的帖子

今曰係拹康上堂有個囝都好失控，老師都完全處理到。講真·，佢地見慣，我都見慣，冇所謂，下次你都報下一齊玩啦!

作者: yuki8484 時間: 12-7-17 20:33 標題: 引用：今曰係拹康上堂有個囝都好失控，老師都完全

原帖由 Olympian 於 12-07-17 發表
今曰係拹康上堂有個囝都好失控，老師都完全處理到。講真·，佢地見慣，我都見慣，冇所謂，下次你都報下一齊 ...

我都好鍾意協康d興趣班..導師夠經驗..小朋友又唔會被歧視..家長又唔會經常收到投訴

作者: 靚寶 時間: 12-7-17 22:52

協康會的興趣班比較少選擇, 都有報家長資源中心的活動, 不過參觀機構多, 活動少報名

作者: HopeLJ 時間: 12-7-18 00:24 標題: 引用：Quote:原帖由+靚寶+於+12-07-17+發表多謝大

原帖由 yuki8484 於 12-07-17 發表
我都遇過你呢個情況..去d私人中心上興趣班..唔洗10分鐘電話到叫我接番亞囝走..每次接走后拖住個仔都會眼濕 ...

讚成。普通興趣班盞自己同小朋友都辛苦，心理質素會唔好。試協康d班幫助更大。中環中心的聖雅各也有很好的小組。

作者: sharon26788 時間: 12-7-18 03:53

點解咁似我囝個同學仔嘅，聽佢媽咪講過類似嘅情景；上年九月開始返小一，無論成績或行為，一直都令到媽媽非常困擾，直至三四月，老師同心理學家都建議試藥，媽媽仲十五十六，但後來都係試咗，好快就見到不同。連續幾個星期都戴著模範生嘅帶，學期尾考試中文課由三十幾升到七十幾，開心到媽媽傻，之前考試係玩嘢唔肯做。

歡迎光臨教育王國 (/)