教育王國

標題: "小一入學統籌" 疑問 [打印本頁]

作者: lukimama 時間: 12-7-15 02:10 標題: "小一入學統籌" 疑問

小一入學分2 個階段:

1) 自行分配學位
2) 統一派位

係第一階段, 話有30%必會留位比兄妹/父母在該校任教; 另又話有不少於20會以計分準則收生, 咁係咪即係暗示該校有50%既小一學位是世襲/計分? 另50%留作第二階段既統一派位?

如果只得15分, 咁應唔應該都報埋第一階段? 定係根本都冇可能入到, 唔駛報??

作者: MaiGao 時間: 12-7-15 02:20

百份比果度唔識答你。

至於15分果個問題，首先係睇你報咩學校。有某部份無咁熱門或者無宗教的學校，15分係自行分配學位階段都係可以成功架。

如果你報的係熱門學校，而明知15分係無可能的話，你可以﹕
1. 好心儀該熱門學校，非它不讀，咁照報，到大抽獎抽唔中時拎來做誠意分。(注意﹕有D學校係要求自行、甲一、乙一都揀佢先有得叩門面試)
2. 拎來報d次熱門而又有信心入既，再係大抽獎後叩門。（當然叩門時預左會問你做乜唔揀佢)

作者: lukimama 時間: 12-7-15 02:29

回復 MaiGao 的帖子

多謝分享.

1. 好心儀該熱門學校，非它不讀，咁照報，到大抽獎抽唔中時拎來做誠意分。(注意﹕有D學校係要求自行、甲一、乙一都揀佢先有得叩門面試) ---請問點知有咩學校要求自行、甲一、乙一都揀佢先有得叩門面試?
2. 拎來報d次熱門而又有信心入既，再係大抽獎後叩門。（當然叩門時預左會問你做乜唔揀佢)-- 你意思係照填, 但填d次熱門既學校, 就算派唔到都對叩門有幇助?

簡單黎講係咪填左冇蝕底?

作者: MaiGao 時間: 12-7-15 02:34

lukimama 發表於 12-7-15 02:29
回復 MaiGao 的帖子

多謝分享.

學校要求你可以選校前去聽學校的簡介會。一般津校會係自行交表前一兩星期開簡介會。或者你可以係EK搵下／問下去年的經驗。
我意思係，可以先填次熱而又心儀的，自行階段入左有間學校做backup先。不過咁樣再叩熱門心儀的話，成功率會較低，亦會少左抽獎的機會。

簡單來講，我覺得無論成功與否，自行交表都無蝕底，都係一個機會。

作者: bakusensei 時間: 12-7-15 12:17 標題: 回覆："小一入學統籌" 疑問

應是：
1）必收，就一定收。如少於學額的30%,多出的就給自行階段以計分辦法分配；如多於30%,從統一派位的50%中拿學位用；
2）至少20%的學位給自行階段以計分辦法分配；
3）最多50%留給統一。

歡迎光臨教育王國 (/)