教育王國

標題: 你們怎樣幫小孩選小一學校！ [打印本頁]

作者: bbpigbb 時間: 12-7-13 23:11 標題: 你們怎樣幫小孩選小一學校！

我小孩快要讀小一了，應該怎樣入手選校，又擔心小兒能力，又擔心學校能否包容，種種擔憂事情時常留在我腦海中及有些迷網，希望有家長能分享心得及意見，謝謝！

作者: psv 時間: 12-7-14 00:24

我都煩緊同一問題！或者有無媽媽可分享下現正讀緊而又覺得ok嘅小學？各區都無所謂！最緊要包容接納！又或者讀過但唔包容嘅小學？pm我亦可！萬分感激！

作者: lovemamei 時間: 12-7-17 11:52

I want to know too . please pm me also

作者: Anpanmama 時間: 12-7-17 23:27 標題: 我小孩快要讀小一了，應該怎樣入手選校，又

原帖由 bbpigbb 於 12-07-13 發表
我小孩快要讀小一了，應該怎樣入手選校，又擔心小兒能力，又擔心學校能否包容，種種擔憂事情時常留在我腦海 ...

你可以跟一些中心例如協康之類，佢哋9月或之前，都會舉辦一啲小一入學講座，會有很多有SEN嘅小學家長做分享。過來人方式講下小朋友讀緊或讀過嘅小學做融合做得好唔好？
小朋友同同學相處及功課學習上有乜要注意等。都俾到一啲資訊我。
另外協康同一啲團體都會響選校前辨一啲參觀活動，都可以了解學校多啲!

作者: Granadilla 時間: 12-7-20 11:34

提示: 作者被禁止或刪除內容自動屏蔽

作者: fandd 時間: 12-7-20 23:08

小學與幼稚園不同，幼稚園還有I位，小學則沒有，大部份基於資源有限，未能有效協助A仔。因此，如果仔女的病情比較嚴重，到了小學階段，父母便要加倍努力，否則便要考慮讓他們入讀特殊學校了。

P.S香港只有少部份收了很多A仔的學校，才可以集中資源照顧他們。(e.g. 黃大仙聖×會靜×小學)

作者: pocoyo123 時間: 12-7-21 00:08

我唔知你係邊區, 不過, 我知以下小學係包容A仔.

1) 黃大仙浦仁
2) 耀山學校
3) 廣東道官立
4)佛教慈敬學校
5)聖公會淨山小學
6)陳耀星小學
7)劉德小學
8)福德小學
9)明道小學
10)佛教志連小學
11)黃澡深
以上全是家長提供, 近年有無改變, 家長要親身去了解

作者: sharon26788 時間: 12-7-21 03:35

切記：唔好一窩蜂去哂同一間每級只有一班的學校！

作者: bbpigbb 時間: 12-7-21 09:26 標題: 回覆：pocoyo123 的帖子

Hi pocoyo123,
請問沙田區有邊間小學可接納A仔？

作者: rabbit1411 時間: 12-7-21 15:40

馬鞍山有冇可以客納a仔呢？唔該

作者: pocoyo123 時間: 12-7-21 17:22

沙田區真不太清楚, 只聽聞過,

張煌偉, 輋斜信義, 馬鞍山純陽.

作者: psv 時間: 12-7-21 19:35

本帖最後由 psv 於 12-7-21 19:38 編輯

回復 pocoyo123 的帖子

多謝你嘅資料，真係好有用！請問以你嘅個人意見，喺1~11入面，以支援及包容方面，你會點排或首選邊3~5間呢？（若唔分區域）多謝分享!!

作者: pocoyo123 時間: 12-7-21 20:38

psv:

唔使客氣, 回想舊年我搵小學時, 也是一舊雲, 我也是多得其他媽咪比好多意見我, 自己多行幾步, 多問, 多聽, 多睇, 多觀察, 好快可搵到一間心義小學.

其實每間學校都有好處,壞處, 睇下邊一棣合適你的小朋友, 而每個小朋友也有長處短處, 好難單靠幾個字去諗得唔得.

不過, 本人的愚見是, 最好車程不超過30分鐘返學, 所以地點交通係首要, 其次, 是學校的支援, 相對來說, 學校月多支援, 可能SEN學生月多, 如果一間學校太多SEN學生, 照顧上也有困難, 但, 如果間學校不多支援, 咁佢地又可能不識教SEN學生, 所以, 你最好去參觀學校, 同學校老師校長多傾多睇, 從而睇下FIT唔FIT你小朋友.

作者: jelly-pudding 時間: 12-7-21 23:16 標題: 回覆：你們怎樣幫小孩選小一學校！

請問港島區有那一間有支援呢？我住港島東區的。謝謝！

作者: Granadilla 時間: 12-7-23 14:30

提示: 作者被禁止或刪除內容自動屏蔽

作者: fandd 時間: 12-7-23 15:01

回復 pocoyo123 的帖子

「……學校月多支援，可能SEN學生月多……」這兩句話說應調轉來說，因每多收1位A仔，學校便可獲2萬元支援津貼。故此「SEN學生越多，學校可獲越多支援」，部份學校亦因此喜歡多收這類學生。

作者: pocoyo123 時間: 12-7-23 18:32

仲要一個SEN學生等如收兩個學生, 對一些收生不足有殺校機會的小學無疑是一個另類生存空間, 但隨後幾年學生人數上升, 是否又以收SEN學生為目標呢? 而收左SEN學生後, 是否有用心去教呢? 還是包容變成收容, 這是各位家長要用心去睇清楚,.

其實, 這一年已有個別小學不太歡迎SEN學生, 家長要多去參考

作者: fandd 時間: 12-7-23 21:06

回復 pocoyo123 的帖子

老實講，由始至終，若果唔係為咗避免因收生不足而被殺校，點會有學校希望收SEN學生吖！原因：喺主流學校，1個老師要照顧廿幾至三十個無問題既學生，已經唔簡單；如果要照顧埋SEN學生，點可以有效吖！呢個唔關「有心」、「包容」既事，而係現實資源方面既限制。

當然，如果有學校肯收「較多」SEN學生，除咗資源可以多D之外，更可以聘用多D人手，用分班或分組既形式教導SEN學生，出嚟既效果就可以較為有效。

歡迎光臨教育王國 (/)