教育王國

標題: 又到細仔有問題了..........>.< [打印本頁]

作者: manicheung 時間: 12-7-13 19:17 標題: 又到細仔有問題了..........>.<

細仔 5 歲讀 K2 , 9 月升 K3........今日老師提早約見我 , 話留意左佢好耐 , 話佢上堂有時好專心 , 表現好好 , 有時又完全冇心機唔理老師講野 , 專注力要視乎佢上緊咩堂 , 之後就話都有同其他老師同校長商量過 , 會寫封轉介信去健康院做檢查 , 睇佢有咩問題出現左

唉.....大仔已經有過度活躍+專注力不足 , 如果連細仔都係咁我真係唔知點算 , 已經每日都比佢兩個攪到暈暈地 , 再有問題發現到我都唔識點處理喇

作者: anlywan 時間: 12-7-13 22:38 標題: 引用：細仔+5+歲讀+K2+,+9+月升+K3........今日老

原帖由 manicheung 於 12-07-13 發表
細仔 5 歲讀 K2 , 9 月升 K3........今日老師提早約見我 , 話留意左佢好耐 , 話佢上堂有時好專心 , 表現好 ...

其實你有大仔前科！細仔若有問題你理應會早些觀察到！你自己最清楚仔情況！老師有時未必全中！別擔心住！咪僨大個評估先囉！老師講這些問題個個小朋友都會啦

作者: Seep 時間: 12-7-14 12:02 標題: 回覆：manicheung 的帖子

大仔情況嚴重嗎？食藥控制到？如果得，總算有方法，唔好灰心！我大仔6歲，主要專注問題，爭扎好耐先生個細，都擔心再有問題，但唔想deprive佢有兄弟姊妹嘅權利。

作者: manicheung 時間: 12-7-14 13:20

anlywan 發表於 12-7-13 22:38
其實你有大仔前科！細仔若有問題你理應會早些觀察到！你自己最清楚仔情況！老師有時未必全中！別擔心住！咪 ...

唔知係咪大仔好細個時有問題,好容易睇得出,係我自己feel到佢有唔妥而帶佢見醫生
但細仔我真係feel唔到佢有咩特別問題,唔知係咪有大仔做教材所以我感覺唔到細仔有問題出現左

你都講得啱.等老師封信出左去評估完先算啦,煮到埋黎都要食

作者: manicheung 時間: 12-7-14 13:27

Seep 發表於 12-7-14 12:02
大仔情況嚴重嗎？食藥控制到？如果得，總算有方法，唔好灰心！我大仔6歲，主要專注問題，爭扎好耐先生個細 ...

大仔都算嚴重架,而家每日食兩粒或者兩粒半,但總算控制到.....

作者: lillymarie 時間: 12-7-20 21:01

有四成機會細囝都有，即係六成機會無啦！

有時弟弟會學咗哥哥的行為，妳在家多留意細囝，睇下佢係有樣學樣，還是不能自控。

作者: Nevilleda 時間: 12-8-27 23:04 標題: 引用：有四成機會細囝都有，+即係六成機會無啦！

原帖由 lillymarie 於 12-07-20 發表
有四成機會細囝都有，即係六成機會無啦！

有時弟弟會學咗哥哥的行為，妳在家多留意細囝，睇下佢係有樣學 ...

同意呀，小朋友在模仿中長大....
諗諗，什麼什麼病名都係一個 label, 等同「我係靚女」／「我有腸胃敏感」
...
請慎重看檢視這個 label 是否值得貼上身。小朋友用自己的「真」成長，作為父母，我諗，我哋係要去支持，一同經歷，一同共創。
祝福你們

歡迎光臨教育王國 (/)