教育王國
標題: 中學中文補習 [打印本頁]
作者: brima 時間: 12-7-13 08:13 標題: 中學中文補習
升中二有冇小組補習好，請指教
作者: MabelSally 時間: 12-7-22 00:51
提示: 作者被禁止或刪除 內容自動屏蔽
作者: brima 時間: 12-7-22 07:29
觀塘
作者: mercurycc 時間: 12-7-22 20:34
中文補習真係好難搵到個好好.
作者: LivanaSiu 時間: 12-7-26 08:48
睇多D書打底會好好多
作者: BKCO 時間: 12-7-26 15:32
我個仔升中二，都找系補中，英補習。往大埔，學校大圍
作者: happycanossian 時間: 12-8-19 16:46
提示: 該帖被管理員或版主屏蔽
作者: ZZdaphne 時間: 12-8-19 22:48
請大家留意,
如要提供或索取資料,
請直接pm有關會員.
謝謝., ...
作者: vapo 時間: 12-8-20 01:38
提示: 作者被禁止或刪除 內容自動屏蔽
作者: sadsam 時間: 12-8-22 09:15
有冇太子區補習資料?
作者: Candce 時間: 12-8-26 18:58
提示: 作者被禁止或刪除 內容自動屏蔽
作者: hhma 時間: 12-8-26 19:40 標題: 回覆：Candce 的帖子
作者: 花仔媽咪 時間: 12-9-2 17:47 標題: 回覆：sadsam 的帖子
提示: 該帖被管理員或版主屏蔽
作者: chinzw 時間: 12-9-10 11:22
提示: 作者被禁止或刪除 內容自動屏蔽
作者: chinzw 時間: 12-9-10 11:26
提示: 作者被禁止或刪除 內容自動屏蔽
作者: HappyBean2012 時間: 12-9-15 12:48 標題: 回覆：中學中文補習
女女今年讀中一，好想同佢補中文,香港區有冇好介紹？謝謝，
作者: cy.muimui 時間: 12-9-16 01:29
其實初中中文邊辦重要d？文言文定閱讀理解,要唔要做多d練習定真係睇多d書就得？我都好想知。
作者: jeoy126 時間: 12-9-18 11:24
我可以講D經驗畀你，我喺補中學中文（但唔好搵我補，我唔補他區）。
首先喺文言文，一定要做多文言文方面嘅練習，市面上都有相關練習買，但實用嘅可能就好少，通常都是我幫學生揀。以前喺三聯幫學生買過一本初級文言文閱讀理解，（全名我唔記得，等我去補習時可再幫你睇下）唔貴，得70幾元，但內容好豐富，我用呢本書同學生上堂，雖然佢中文成績冇麼起色，但聽佢阿媽講，佢對文言文理解比以往暢通好多。
好老實講，好嘅中文補習導師好難搵，因為文言文同寫作功底過關嘅導師，起碼都系要中文系畢業先得，但呢啲人市面上奇缺。我都喺建議你，搵唔到好嘅導師，不如佈置功課畀佢自學，你可以定時檢查考問。如何鑒定嗰補習導師負責和有料，呢樣第日教你。
幫助文言文閱讀，可以先從白話文開始。買D故事性好強嘅白話文書籍，小朋友才會有興趣睇。睇多白話文，再去讀文言文就唔會咁辛苦。
其次，閱讀理解，通常D人（包括導師和家長）都會建議做多D練習，我就覺得閱讀先喺至關要緊。當然，閱讀唔系卑小朋友睇小說、故事，呢啲對中文科幫助甚微，要選擇文學類書籍，以描寫為主。睇得書多，自然理解能力提升，冇必要嗮時間作太多操練。
最後，詞彙運用。可以因應學校的考試模式對癥下藥。哪方面題型占分，就要在個嗰方面加強。
作文方面，好多喺天分，唔好強求。如果有作文班，去跟一跟也不妨。不過閱讀先喺關鍵。
總結以上，第一，閱讀；第二文言文練習。
作者: chinzw 時間: 12-9-19 10:38
提示: 作者被禁止或刪除 內容自動屏蔽
作者: chinzw 時間: 12-9-19 10:47
提示: 作者被禁止或刪除 內容自動屏蔽
作者: ntc 時間: 12-9-19 14:28
本帖最後由 ntc 於 12-9-19 14:32 編輯
視乎你需要的是完成校內一般功課，還是針對性提升中文水平。
前者一般託管式補習都可以，後者需找專業指導，
不是單單中文系畢業就可以，要有教學經驗，要熟課程，
熟學校的試題庫，上課更要有趣，不然小朋友每堂1.5小時會好難捱。
我本人都是中文系畢業，但不是每一個中文系畢業的都懂得教授。
建議要先同老師傾好，試堂，睇下小朋友同老師夾唔夾。
小組上堂的話，一般收費較貴的會附有筆記，
而個人認為最重要的一點，是如何培養小朋友的自學精神，這點恐怕是很多家長忽略的。
操卷緊要，但怎樣留住技巧更緊要。
作者: chinzw 時間: 12-9-23 20:26
提示: 作者被禁止或刪除 內容自動屏蔽
作者: Gracewg 時間: 12-9-24 11:40
提示: 作者被禁止或刪除 內容自動屏蔽
作者: irene1128 時間: 12-10-5 20:15
一直看見本版家長都十分重視文言文,實在忍不住也要發一發評論.
我是公開考試舊制(有al)的學生, 中學時並沒有修文學, 而且亦沒有在文言文方面多下苦功. 慶幸的是, CE跟AL的中文成績亦不俗, 順利考入中文系.
我要說的不是自己成績有多好, 而是想強調語文的考核主要是測試考生能否用語言跟他人順利溝通. 我們說的是白話文, 而非文言文, 簡而言之, 公開考試的考題大多亦是以白話文為主 (至少我應考了兩次的公開考試亦未遇見過文言文). 當然, 我並非要說在文言文方面下苦功是錯的, 只是學生連用白話文表達自己所想的亦見問題, 家長又豈能本末倒置, 先要求學生在文言文多花心思呢??
其實, 要學好中文不外乎就是多看多寫. 平日我一直要求自己的學生每星期至少提交一份作文, 然後再增潤該篇文章. 半年過後, 學生不但在作文方面的成績有所進步, 連帶其他試卷的分數亦見提升(包括要考核文言文的閱讀理解一卷). 為什麼會這樣呢? 因為當你要提升寫作技巧, 必先要運用更多艱深或詞意明確的詞彙. 而這些詞彙大多有其"歷史背景", 主要出自古文. 所以學生如能提升寫作技巧, 自然對古文古字的了解加深.
除此之外, 學校以至考評局能使用的古文有限, 細心一看, 你會發現大多古文所講及的故事都是繪炙人口. 事實上, 我也是到大學的時候才會細細分析古文中所運用的字句意義為何 (而不少古文中的字眼意義至今亦是頗有爭議). 因此, 我平日甚少要求學生一字一句解釋古文意思, 相反, 我會要求他們多讀一些歷史故事 (多為野史), 一是增加其文學修養,以助寫文之用; 二是了解更多歷史典故, 方便應考文言文時能稍稍"出術".
其實多寫多讀歷史故事, 學生的中文成績定有大幅度提升, 當然練習亦不妨一做, 但個人認為所謂的閱讀理解/綜合能力試卷大多只是考答題技巧. 倘若中文底子好, 何會敗給這些試卷呢!??
以上只是本人少少的分享, 望能助家長改善小朋友的中文成績
作者: csy_ma 時間: 12-10-8 16:58
irene1128 發表於 12-10-5 20:15 
一直看見本版家長都十分重視文言文,實在忍不住也要發一發評論.
我是公開考試舊制(有al)的學生, 中學時並沒 ...
新制同舊制唔同，閱讀理解中，三篇好似最少有一篇文言文？就算係白話文既文章，有時都會搵篇內容有相疊既文言文作平衡比較；而通常第一篇閱讀理解，就算係白話文，但因為好多時會提及到中國哲學思想或中國文化特色等，有部分會引用儒佛道各家既重心思想；呢d咁既民初文章，好似有d高中既小朋友話齋，就算粒粒字都識，但成篇文都未必知佢講咩，所以我同意您所說，要早d讀歷史故事或中國寓言故事咁。如果做定d古文理解練習，奠基更牢。
另外，我覺得做文言文練習可以話係提升中文理解力既一個捷徑。因為古文好多時勁多通假（即係錯別字），唔可以一部通書睇到老，咁做文言文理解時，就要活。要教小朋友點由一個字聯想到一個詞，邊個詞組可以套在文中解釋，呢個都係幾有針對性既思維訓練。
都同意讀係好緊要既。讀字差既小朋友，通常都係基礎較弱。我囡囡初小時閱讀理解好差，我要佢逐字讀後再讀問題做練習，讀咗七八篇後已改善。小五小六，都係會響考前臨急讀幾篇，答錯既，再搵返相關段落出黎讀……結果，我囡雖然有少少認字障礙，但中文都保持到A。去到中學，由於古文有通假，所以讀出聲更為重要（唔好忘記，新制朗讀部分都佔分）。讀出聲仲有助斷句，斷得好，理解就易。
我反而唔係好贊成學古文時死記特定解釋，呢個等高中時對得多就識。初中真係要多背，好多學校都規定，文言文課文要背默，係啱既。到考公開試作文時，起碼可以引一兩句拋下書包。
我之前有幫初中同高中既小朋友義務教中文（因為之前應承咗如同恩師既老闆，未做完佢D野前唔會再接收錢既野做，但佢D野悶而有阻滯，我貪玩幫朋友既其他野，無論大機構定個人，都唔收得錢），摸索咗好多模式，結果發現：
1. 作特定情況的比喻句
2. 做文言文練習：輪流朗讀＞逐句猜字義＞翻譯＞完成題目
3. 高中就要操埋白話文，搵段落中心句，學點由題目所佔分數去捉point回答
就最熱鬧，最有比賽氣氛。
作文一樣，如果只出題任佢地作，所學不多；我通常係先叫佢地諗正反論據，再想開頭，講晒大綱再俾佢地寫。不過要花幾堂，效率唔高。
下次再交流吓仲有乜更有效既方法？
作者: 熙媽媽 時間: 12-10-8 19:19
本帖最後由 熙媽媽 於 12-10-8 19:38 編輯
想返當年自己點學好閱讀理解，不二法門真係睇多D書：白話又好，文言文又好。當年中史係初中仲係必修，其實讀中史都好幫到中文，至少睇文言文見到粲、紂都知係衰人，見到堯、舜都知係好皇帝。今日唔知中史變到點，文史哲真係互有關係，現代人唔重視中史又好，小朋友怕讀史又好，其實都幾影響讀中文。
另外，想返自己細個讀文言文，邊度有理咩「一字多義」、「通假字」、「古今異義」、「詞類活用」呢D嘢，讀讀下，睇埋上文下理就估到個意思啦！不過而家樣樣嘢講快，邊有人肯慢慢估呀？上網打幾個字，就睇晒篇白話語譯，有人睇完語譯，唔睇原文就以為自己明左成篇嘢講咩，呢D係咪自欺欺人呀？如果呢個係學習習慣，我估呢世都唔會學得好中文。
我相信學中文真係要「浸」出嚟，無咩速成班，都係睇多D書。
作者: 熙媽媽 時間: 12-10-8 19:36
本帖最後由 熙媽媽 於 12-10-8 19:41 編輯
csy_ma 發表於 12-10-8 16:58 
新制同舊制唔同，閱讀理解中，三篇好似最少有一篇文言文？就算係白話文既文章，有時都會搵篇內容有相疊既 ...
呢幾年應該係出2篇，白話好長，中間會引用文言文，另外正如你講會有一小段文言引文作比較閱讀。至於文言文篇章亦附一小段文言引文作比較閱讀，所以睇落文言文都好似唔少。不過我同意嘅係白話都好重要，特別係長篇大論嘅白話文，想攞到佢中心思想唔係咁易。
文言文方面，會考+DSE都問過儒家、道家、法家、墨家嘅篇章，小朋友有讀中史會易D明；有引史記同家訓，讀文學嘅又會有著數。如果唔係，小朋友平日睇書夠廣泛亦都會好有幫助。真係好想講，呢D有D哲理性嘅嘢，真係要睇多D書，平日肯思考，唔係補習可以補到。
至於作文，我就覺得小朋友平日少左2方面嘅嘢：1. 無安靜嘅時間思考 / 沉澱平日嘅所見所聞，所以描寫欠仔細，文章欠深度，感悟人云亦云。2. 平日睇書少，叫寫論據欠具體。平日想搵資料就上網，自己腦中無積累，叫即時寫論據真係好難。有時錯誤引用，張冠李戴；有時上埋雞精班，以為背多幾句名言就得，完全唔睇上文下理，拋錯書包仲以為自己OK，唉~~~~追源溯始，讀中文真係唔可以臨急抱佛腳，要長時期睇多D書，想多D，多留心平日所見，多寫，除此以外，真係想唔到其他方法……
作者: 熙媽媽 時間: 12-10-8 19:44
本帖最後由 熙媽媽 於 12-10-8 19:44 編輯
我唔會叫小朋友背文言字表，因為覺得有D活剝生吞，囫圇吞棗，好難做到活學活用。
作者: thom 時間: 12-10-9 16:26
熙媽媽 發表於 12-10-8 19:44
我唔會叫小朋友背文言字表，因為覺得有D活剝生吞，囫圇吞棗，好難做到活學活用。 ...
我不否認，甚至也肯定背文言字表有效---對考試而言。
我寧願要求學生背古文、背古詩。
文言文的字詞，應從文章、句子去學，而非硬背。
作者: hw1115 時間: 12-10-10 08:17 標題: 回覆：thom 的帖子
想問問老師你:
教文言文是否用粵語好一些呢?
作者: hw1115 時間: 12-10-10 08:24 標題: 回覆：熙媽媽 的帖子
我中學無讀中史、聽阿仔話上堂好多訓著,咁我攞黎睇。真係超悶，連想問佢書都唔想,叫佢自己搞掂。
作者: csy_ma 時間: 12-10-24 00:53
之前有家長PM我問有關既補充教材，很抱歉遲至今才找回那補充（一直夾唔到時間同已唔同區既小朋友再上課）。以下的補充較適合高中，但其中很多範文是初中教科書學的，家長可在書店翻一翻適不適合。
中國語文
文言文應試訓練
香港教育圖書公司2010
作者: duck2013 時間: 13-5-25 19:45
回復 jeoy126 的帖子
想知本"初級文言文" 叫什麼? 我想買，thx a lot!
作者: irene1128 時間: 13-6-2 21:55
回復 duck2013 的帖子
有買俾學生做.老實講, 呢本應該係市面上較好的文言文閱讀理解練習了!
做完呢本之後, 主要都係自己出題俾學生做!
而家D出版社編制教材實在太馬虎, 難怪學生中文表現越來越差..
作者: irene1128 時間: 13-6-2 21:57
回復 duck2013 的帖子
唔好意思, 漏左一樣野!呢本練習中一同中二差距頗大!
唔建議用完中一版本就即刻用中二!
作者: duck2013 時間: 13-6-2 22:38
thanks so much
作者: duck2013 時間: 13-6-2 22:38
回復 irene1128 的帖子
Thanks so much! irene11285
作者: heiB 時間: 13-6-3 10:12
回復 irene1128 的帖子
是不是中二版本好深。
作者: irene1128 時間: 13-6-3 16:52
回復 heiB 的帖子
中一版本所引文言文大多耳熟能詳, 如割蓆分坐.
另外字數亦算合理, 學生閱讀時多能理解
但中二版本文章篇幅大多比中一多近一倍
我認為差距實在太大, 適合中二下學期, 甚至中三使用.
另外, 中一中二的問題形式亦頗為相似,
理論上, 中二問法應可開始加深!
如減少句譯訓練, 只要同學做單字翻譯(問較深但常見字), 效果會更好!
同時, 問題亦應多增加思考題, 尤其是比較題.
可惜這些都未有出現在中二版本!
作者: Caduceus 時間: 13-6-4 08:45 標題: 回覆：brima 的帖子
最好靠自己睇多d書
作者: heiB 時間: 13-6-4 09:11
回復 irene1128 的帖子
真的對這本練習認識好深，照你所說，我小朋友升中二，買第二冊會太深，買第一冊做會不會程度太淺呢?
作者: kingwai 時間: 13-6-4 13:23
阿仔 F2返緊個小班教學的中文補習，主要教文言文，寫作。來緊學校考試出成績就會看到效果好唔好。
目前為止所見到的是阿仔都主動中意返阿sir的堂，話好有用，有時都會係FB問功課，阿sir都好樂意教。
問阿仔今次考試比以往有冇信心考好，佢話得噢，希望考到好成績啦。
作者: irene1128 時間: 13-6-4 20:06
回復 heiB 的帖子
其實主要視乎小朋友程度..假若較少做文言文訓練, 最好由中一版做起!
因一來就要閱讀如此艱深的篇章, 實會減低學生學習動機!
另外, 市面上好的中文練習(尤其中學)難求,
所以做練習時, 一定要仔細去做!
最怕家長只求做練習的"量", 而忽略做練習的"質"!
通常我跟學生做文言文練習時, 都會額外尋找一些較有趣, 而與練習內容有關的故事
這樣既能加深他們對有關篇章的記憶, 亦能提高他們的學習動機, 效果更佳!
小朋友願意主動學習比一切更重要
作者: duck2013 時間: 13-6-5 10:06
回復 Caduceus 的帖子
很同意, 但D細路不是個個咁乖, 有時唯有幫襯下D補習社, 不過就要好小心, 我之前撞過板, 幫襯左一間好差專補中文的, 叫 宏佳補習學社 ! 誤信了傳單所講的!
作者: 黃巴士 時間: 13-6-5 11:46
duck2013 發表於 13-6-5 10:06
回復 Caduceus 的帖子
很同意, 但D細路不是個個咁乖, 有時唯有幫襯下D補習社, 不過就要好小心, 我之前撞過 ...
點差法???
作者: duck2013 時間: 13-6-6 11:01
詢問時, (未交學費前) 什麼都說Yes 可以, 到上堂, 就兩回事, 根本同之前相討好的補習內容完全不同, 是但俾D卷你做, 跟住老師就走左去, 隔一陣入課室讀 model answer, 又冇解釋，讀完又派另一份, 又走左去.......
後來先知, 原來一個老師同一時間上兩班, 在兩班小組走來走去.......差勁!
作者: duck2013 時間: 13-6-6 11:01
回復 黃巴士 的帖子
詢問時, (未交學費前) 什麼都說Yes 可以, 到上堂, 就兩回事, 根本同之前相討好的補習內容完全不同, 是但俾D卷你做, 跟住老師就走左去, 隔一陣入課室讀 model answer, 又冇解釋，讀完又派另一份, 又走左去.......
後來先知, 原來一個老師同一時間上兩班, 在兩班小組走來走去.......差勁!
作者: 黃巴士 時間: 13-6-6 11:14
回復 duck2013 的帖子
TOO BAD!!!
補習社如何跟進及解釋??
作者: duck2013 時間: 13-6-6 11:47
回復 黃巴士 的帖子
無解釋 亦無跟進, 因為個老師原來是老板, 態度惡劣, 只是一句「你咁多不滿, 你去消委会告我呀!」 我真係無咁得閒, 當破財算了！
後來有朋友話我知: <宏佳補習學社> 在很多學校門口派傳單，有好多好似我咁, 誤信傳單內容，所以有很多學生加入, 又有好多人quit
作者: 黃巴士 時間: 13-6-6 13:05
回復 duck2013 的帖子
http://consumer.org.hk/website/ws_chi/complaints_and_advices/other_complaint_channels/OtherComplaintChannels.txt
如覺得其經營手法不當, 可上消委會投訴, 十分方便.
當然地, 先要準備足夠理據.
作者: duck2013 時間: 13-6-6 16:16
回復 黃巴士 的帖子
THX ^^
算了, 不過我在這裏講, 俾多D人知道也好!
作者: Dimsuen 時間: 13-6-13 15:29
提示: 該帖被管理員或版主屏蔽
作者: ZZdaphne 時間: 13-6-13 22:43
請大家留意：
如欲提供/索取資料，請直接pm有關會員,
版面上有關 ''請PM'', ''已PM''等帖文會被刪除,
如提示後，仍有會員在版面提供/索取資料，
主題有可能會被關閉,
新會員有可能不夠分數PM,
請儲夠分才PM吧!
謝謝!!
版主
ZZ
| 歡迎光臨 教育王國 (/) |
Powered by Discuz! X1.5 |