教育王國

標題: 6月BB:大仔/細仔報幼稚園?N班orK班+搬屋~ [打印本頁]

作者: clpchu 時間: 12-7-12 13:30 標題: 6月BB:大仔/細仔報幼稚園?N班orK班+搬屋~

好似好覆習咁~

我就咁計,2014年就會3y3m,係咪即係大仔呀!K班
如出年2013就係2y3m,咁係咪就可以入N班~但......2y太細個啦!
大家煩緊咪呀~~~~??

仲要計埋搬去邊......(出年搬)我估係我就間幼稚園搬,or 搬左先搵幼稚園)

見到朋友分享~計大仔細仔係會影響計分派小學的?(乜要計/諗到咁遠~)聽到都醒哂!

作者: bbaunt 時間: 12-7-12 15:50

回復 clpchu 的帖子

咁計法，你應該黎緊今年9月報出年既N班，六月出世唔算仔
睇下你想入咩小學或者決定到大約既地區，再報附近N班

作者: 小曳人 時間: 12-7-12 17:23

報咗學校先！到你搬定就無得報N架喇！寧願K1再揾過間近dd嘅 (如有需要)

作者: marcuscyrus 時間: 12-7-12 19:19

clpchu 發表於 12-7-12 13:30
好似好覆習咁~

我就咁計,2014年就會3y3m,係咪即係大仔呀!K班

2011年6月出世，2013年6月足兩歲可返n班，但多數唔會有幼兒園收啦，9月時才開學吧，那今年開學後就要留意各幼兒園的招生詳情。2014年9月返k1，2013年暑假尾留意各幼稚園招生詳情。如果係派位小學，只要係5歲8個月至7歲都可以有適齡的分數，所以大仔細仔並無影響，如果是投考直資私立小學，則視乎面試表現

作者: sarubuta 時間: 12-7-12 21:38 標題: 回覆：6月BB:大仔/細仔報幼稚園?N班orK班+搬屋~

我女是10年6月BB，我分享一下我們的經歷和感受。不喜勿插。
6月BB 不是細b，所以報邊間幼兒園，幼稚園都可以，唔會好似9月或之後出世的細B般在一些學校連報名去面試的機會也沒有。
但有面試入場券又不等於會收，因面試時只有歲多，跟1-3月出世大b差成3-6個月，有些名幼如St Cat 有好多超大B（即早一年的10-12月出世）一齊考，即可以差六七個月。2歲入學的PN一般於10-3月面試，即小朋友15-21個月時要面試。咁細，可以知差六七個月差好遠。有些學校好似用同一把尺考大細b，6月b就算好叻都只能和大b相約，取錄機會是＂？＂
我仲好記得第一間見啟思，當時只15個月，女當時未識講嘢，只間中發爸媽音，個老師問我幾次女識唔識講野，我如實說。見完，老師讚她認知好（因做對所有指令，又指對老師問的動物）但也waiting。當時真的很失望。
但不用擔心，隨一個月一個月長大，大細b的距離會收細。你會看到小朋友進步很快很多。到最後，我們也有好幾間幼稚園取錄，有些也是熱門之選。所以，放心，多報幾間，總有有緣的好KG取錄。
加油！

作者: carolcky 時間: 12-7-13 12:00

sarubuta 發表於 12-7-12 21:38
我女是10年6月BB，我分享一下我們的經歷和感受。不喜勿插。
6月BB 不是細b，所以報邊間幼兒園，幼稚園都可 ...

講真,面試時真係同宜家差好遠.... 如果宜家見, 我估表現會更好

作者: clpchu 時間: 12-7-13 14:42

多謝大家意見呀,由其sarubuta好需要你有經驗分享!
真架!我本來還"坐定粒玉"咁都唔太緊張,到時到就去報名啦!點不知~咁!
突然可能要報埋n班,仲要9月報,真係想唔到有邊間好...(現在住:九龍區)!
因為我還不知搬屋搬去九龍/新界....(上水/粉嶺都不會考慮了,因為朋友話好多大陸人~幼稚園有大半都係....搞到好多問題,佢地都好後悔!)<---其實係咪真係好重災區??!!

作者: sarubuta 時間: 12-7-13 19:27 標題: 引用：Quote:sarubuta+發表於+12-7-12+21:38+我女

原帖由 carolcky 於 12-07-13 發表
講真,面試時真係同宜家差好遠.... 如果宜家見, 我估表現會更好

完全有同感

作者: sarubuta 時間: 12-7-13 20:52

clpchu 發表於 12-7-13 14:42
多謝大家意見呀,由其sarubuta好需要你有經驗分享!
真架!我本來還"坐定粒玉"咁都唔太緊張,到時到就去報名啦! ...

如果係全職媽媽只己湊小朋友, 其實真係唔返PN/N1 直接讀K1都沒有問題, 但現在大部份小朋友都係2歲就入學.

假如心儀的幼稚園有2歲班, 咁就考2歲班易過考K1, 因為好多K1位都會留俾原校PN生升上去. 如PN唔收, K1都有機會再去考多次.

歡迎光臨教育王國 (/)