教育王國
標題: 德信小學派中情況及策略, 請小六家長分享一下吧! [打印本頁]
作者: gizmoko 時間: 12-7-12 11:32 標題: 德信小學派中情況及策略, 請小六家長分享一下吧!
請小六家長分享一下吧!
作者: k_wong7 時間: 12-7-12 18:33
回復 gizmoko 的帖子
我諗首先要清楚知道自己仔仔既實力, 目標清晰.
學校好好, 小五開始會有講座, 由第一次呈分開始, 好清楚話你知要點做, 亦會好清楚咁為家長估計小朋友的banding.(佢地都估得幾準).
至於派位情況, 就真係好難講, 因為要睇d師兄, 可唔可以為師弟爭取到多d band 1位.
作者: car817ho 時間: 12-7-13 11:07
回復 k_wong7 的帖子
見到學校公佈既派位結果,大多數都入左BAND ONE 英中...今年派得好似仲好過去年
作者: k_wong7 時間: 12-7-13 16:43 標題: car817ho 的帖子
今年派得係差過舊年好多呀。

作者: gizmoko 時間: 12-7-13 17:56
回復 k_wong7 的帖子
k_wong7 :
你的仔仔係咪已經讀緊德信? 你好了解喎!
作者: k_wong7 時間: 12-7-13 18:26
回復 gizmoko 的帖子
我大仔就係今年派位呀!!!
作者: gizmoko 時間: 12-7-13 23:14
回復 k_wong7 的帖子
你的大仔派得心仪中学吗?
作者: k_wong7 時間: 12-7-14 15:09 標題: gizmoko 的帖子
好開心,係個仔最心儀個間

作者: car817ho 時間: 12-7-16 09:38
回復 k_wong7 的帖子
恭喜你呀!
今年見個網POST出黎有大半都派左去BAND ONE中學,
另外有BAND TWO
作者: k_wong7 時間: 12-7-16 10:03 標題: car817ho 的帖子
冇錯,係好多band1,但唔夠舊年多,舊年九x+聖xx,校長最後講,有成5×人(自行+派位+叩門),今年…,所以,今年係派得差架。

作者: k_wong7 時間: 12-7-16 10:04 標題: car817ho 的帖子
唔記得講,謝謝你呀!

作者: car817ho 時間: 12-7-16 10:11
回復 k_wong7 的帖子
舊年有5x 幾, 成3成幾派去九x+聖xx都唔錯呀!!!
作者: MicFred 時間: 12-7-17 14:17
本帖最後由 MicFred 於 12-7-17 14:18 編輯
睇真d真係派得好差, 13x人得係3x人派band 1, 係唔係關合併左另一間小學l所致?
作者: k_wong7 時間: 12-7-17 15:06 標題: MicFred 的帖子
唔關,因為冇合併過。差係因為d師兄考編班試考得差,所以,學校d band1位米小羅。

作者: MicFred 時間: 12-7-18 15:05
謝謝您的分享, 找到些文章有關編班試與大家分享!
***************
新教學語言政策下,今屆中一編班試成績,不但用以調整小學未來四年升中派位成績及劃分派位組別,半英中更以之評核及編配準中一生是否以英語學習,並可能持續至中六。
升中生排名「執」位影響「派」位
中學自行收生本月底截止,家長為子女報考心儀中學,應留意學校的收生準則,不少受歡迎的中學均看重俗稱「教統局排名表」、即學生在「成績次第名單」的排名,有中學更把排名佔收生分數的七成。今年的次第名單,首次利用作為中一編班試的「中一入學前測驗」以調整,或令各小學Band1至3的學生數目「大執位」,影響學生的派位結果。
教統局依據小六學生的校內報分試成績,按成績高低排列出全港及各區的「成績次第名單」,再把名單平均分為Band1至3三個派位組別,作為自行收生及中央派位的考慮。由於各所小學的水平有差異,因此學生的校內成績,會先經調整,才排列成次第名單。
不能再靠「食老本」
過去幾年,教統局均利用已取消的學能測驗成績,作為調整工具,各所小學在Band1至3的學生數目,相對較穩定。當局今年則首次以去年的中一編班試,及二千年最後一屆的學能測驗成績作調整。因此,學生在次第名單的排名,及小學Band1至3的學生數目,亦會隨着新的調整工具而「執位」。
小學校長分析,近幾年教統局以「過期」的學能測驗成績作調整,對近年成績冒升的小學,及在二千年後創校的小學頗不公平,相信新機制更能反映學校的進步,這些小學的Band1學生數目將會增加。
相反,近年表現退步的小學,過去幾年因能「食老本」,故保持不俗的派位成績,好像一些已停辦小一的學校,近年小六生的升中派位結果,仍非常理想,但他們今年的band1學生數目,勢將下跌。
留意往績重點出擊
校長提醒家長,不能盡信小學過往的派位結果,尤其是成績屬邊緣個案的學生,如去年全級考第五十名的學生屬Band1,今年的五十名隨時跌落Band2,家長們選校時,必須打醒十二分精神。
其實次第名單在自行收生階段,只是其中一項考慮因素,亦有中學較着重面試及課外活動表現,相反到中央派位,次第名單與電腦隨機號碼,便成為派位的主要依據。
程尚達認為,家長制定子女的選校策略時,今年應多加留意就讀小學的往績,究竟是步步高升,還是「食老本」,若不幸屬於後者,更應在自行收生時,靠子女的實力重點出擊,否則到中央派位階段時,只能自求多福了。
作者: car817ho 時間: 12-7-18 16:13
回復 MicFred 的帖子
其實點解要咁著意德信今年幾多學生入b1中學呢?
只要家長覺得學校好, 教學理念相同就ok喇
而且最重要家校合作, 如果家長唔做好本份, 單靠學校既話
就算入左間名小學, 年年派9成學生入b1a英中, 又如何呢?
都未必有自己既小朋友份喇...
我相信德信唔差.. 只要小朋友讀得開心, 家長多d跟進小朋友學習進度
同學校多d溝通,相信小朋友派中學時都唔會派得太差..
間間學校都有好,有唔好, 睇家長如何取捨而已
今年學校派得唔好,又唔代表出年唔好...
相反就算之後幾年年年都好, 如果小朋友追唔上,都無謂入b1喇
所以係唔係入b1中學,除左學校之外..家長同學生都係一個重要因素,三者決一不可!!
作者: mic823 時間: 12-7-18 16:59 標題: MicFred 的帖子
係囉,你小朋友依家先讀緊德幼,你仲擔心過出年派位啲家長喎!不如你諗咗讀邊間小學先啦!況且你最快都起碼6年後先到你小朋友派位,到時香港教育會變成點都無人知啦!
不如擔心小朋友要學洗腦嘅國民教育先仲好啦,諗得太多,自己傷身!
小朋友讀band幾嘅學校真係唔係我哋想點就點囉,好睇天時,地理,人和!有人band1派咗band3,band2派咗band1a,哩啲咪運囉!放鬆啲啦!

作者: ahschan 時間: 12-7-18 17:23
回復 MicFred 的帖子
THANKS FOR SHARING
你應該考慮去報考D一條龍中小學(中學係BAND1A)先至可確保你既小朋友升上BAND1A既中學, 如果唔係, 你去邊間小學, 都總有一部份人係會派去OUT OF BAND 1 LIST 既中學既!!
Even d 傳統谷既小學, 都總有部份人係band2/band3 學生, 因為成績唔係你谷就會考得好, 仲有luck同身體狀況呢d 周邊因素。
作者: 大件仔 時間: 12-7-18 20:51
本帖最後由 大件仔 於 12-7-18 20:52 編輯
咁又係呀, 真實個案大把啦, 黃大仙三線小學, 派B1A中學, 九龍灣三線派B1B中學, 油痳地一線名校, 派B3C中學, 油痳地三線, 派B1A中學, 這4人全是我朋友, 今年派中學的實況.
就算上到一絛龍, Ls又如何, 同事個仔年年考第尾, 任你點谷, 都無用, 入到去都係陪太子讀書
所以, 不用諗太多, 成績係靠自己, ,努力先係成功的首要任務
作者: car817ho 時間: 12-7-19 08:17
回復 ahschan 的帖子
同意,絕對同意....
作者: car817ho 時間: 12-7-19 08:20
回復 大件仔 的帖子
好有同感... 讀唔讀到書真係好睇小朋友本身
所以我認為學校最緊要係德育好,
如果小朋友品行好既話就算成績不標青, 個人成長發展唔會差得去邊!
依D先係跟小朋友一世...
讀書好但品行差,真係幾叻都無用!
作者: MicFred 時間: 12-7-19 10:32
似乎得罪了好多學長, 唔好意思! 我只係講事實, 按往績德小確有5成派band 1, 我都係昨天才知升中的新安排, 我只係擔心, 如果大家好努力成為band1生, 如80位, 但學校只有3成band1位, 那就很無奈, 只係討論下, 大家唔洗禁偏激!
作者: ahschan 時間: 12-7-19 12:11
回復 MicFred 的帖子
但你真係要注意, 而家你講緊8-9年後既事, 個制度幾年改一次, 可能到時又有另一番景象!!
其實我相信大家只係唔想你太緊張姐, 並唔係話咩得唔得罪, 不過講真, 如果你入德幼, 你出去考名牌小學又可能會難左d架wor!
作者: MicFred 時間: 12-7-19 13:57
本帖最後由 MicFred 於 12-7-19 13:58 編輯
謝謝!
我在這里只是想探討今年升中派得差這問題, 眼見有錯更正而已, 只是大家接受唔到事實, 明白到今年是首年用這升中新玩法, 其實現時小學家長可建議學校有什麼地方再加強補其不足, 我亦希望明年及將來的升中派位有所改善.
我並沒有表示什麼一定要入band 1, 一定要名校, 只是大家硬要套於人身上, 當然明白來日方長, 只是現在早點去了解各學校的表現, 我覺得早d了解多d準備總是好的, 大家別替我擔心, 如我對小兒升學有煩惱/問題會向大家發問求意見, 故不用說一些與本話題無關的事情.
作者: k_wong7 時間: 12-7-19 15:12
回復 MicFred 的帖子
呢位家長, 我諗過激個位係你呀, 你冷靜小小先.
我係今件小六升中一既家長, 即係你話派得好差呢屆. 另外, 我亦係黎緊小一既家長. 所以, 我諗我絕對有資格回你探討.
首先, 提一提你, 德信從來無同其他小學合併, 第二, 呢個玩法, 唔係今年先有, 不嬲都係咁架喎, 我唔知你d資料從何而來, 不過, 肯定係唔太正確同唔太update. 或者得閒過去升中個邊睇下, 你會明白多d同update d.
你所指既事實, 即係今年派得好差, 唔係大家唔接受, 其實, 今年又有幾差呢??? 你話探討並想補學校不足, 咁差就一定係關學校既事??? 我並唔係話學校無問題, 100分, 無暇痴, 不過, 有時都關學生自己既事架喎, 仲有, 就係家長選校策略, 亂扣學校帽子, 對學校都唔係好公平姐.
我諗好多家長都好清楚呢個遊戲玩法, 唔接受個位, 好似係你, 你係米認為, 小朋友努力左, 就一定要有回報, 派得唔好, 係學校問題呢??? 如果你係咁諗, 勸你放開d, 無一間學校可以做得到, 因為呢個係香港既教育制度, 除非你小朋友讀私校, 國際學校, 什至去外國讀.
最後, 再次從申, 我無偏幫學校, 我講個d都係事實, 今年我地d家長, 只係覺得無舊年咁好, 唔係唔好, 唔係差.
題外話, 如果小朋友樣樣佳能, 文武全才, 一d好好既學校都會招攬佢架, 好似舊年鮮魚行小學, 有一位打藍球好出色的學生, 比DBS招攬, tvb都有講過, 所以, 唔一定關學校事架.
作者: MicFred 時間: 12-7-19 16:37
真沒想到過這裡的家長保護性禁強! 好似我犯了大罪般!
我確實真的不了解升中方法, 所以在這題目看看了解下, 分享的資料是從網站找到, 歡迎及多謝指出錯處, 是我誤會了, 對不起讓好像我一樣想找資料的家長混淆了! 其實這網站的目的都係俾d新家長找資料, 互相幫忙, 互相分享, 用不著動火, 無謂講多錯多, 謝謝各位給予意見!
作者: k_wong7 時間: 12-7-19 17:51
回復 MicFred 的帖子
我都係想解釋番個實際情況比你知. 係事實黎架.
我唔覺我有邊句說話發火, 亦唔覺有邊句說話係維護學校, 如有, 請指出, thanks!!!
同埋, 請問你覺得我講錯/誤解升中程序或者歪曲事實???
你入黎討論咁耐, 都強調今年派得唔好, 同埋覺得點解師兄考編班試差會影響師弟, 我只係以家長立場話你知, 我地今年d家長唔係咁認為, 當然每個人睇法都唔同, 可能有人認為全校入晒九華先叫滿意. 至於師兄個問題, 都唔係我地去決定, 亦係遊戲規則.
可能, 你會覺得, 學校應該一早做好多野, 如不停補課(只係舉例)又或再做多d, 所以, 責任係學校度. 需知道, 有些學生, 唔係你谷就谷到. 而且, 有d家長, 策略錯左, 導致派得唔好, 又何怪誰???
如果, 你仍然覺得以上說話, 係偏幫學校, 維護學校, 咁真係無言啦!!!
我自問一直都心平氣和, 並無發火. 相反, 你好似唔太鐘意我講你唔太了解及唔update. 唔知係米呢幾句, 你有咁認為??? 可能用詞不當, 但只係想直接講出問題所在. 不過, 你唔清楚, 都唔係奇呀, 因為, 你小朋友咁細, 唔清楚, 有何不妥, 最緊要係唔清楚米清楚反, 唔了解米去了解反. 唔好一直誤會落去. 小朋友升學條路好長好複雜, 真係要慢慢去理解架.
希望你唔會又認為我在發火.
作者: ahschan 時間: 12-7-19 18:05
回復 MicFred 的帖子
好的!明白!
我都見有D學校今年派位參差情況嚴重左, 可能真係因為龍年效應?!
不過遲下到2003-2004出生率低0個批, maybe情況又會好左, 2005出生0個批打後, 可能就會出現好似今年升小咁慘烈.....唉.....
作者: BearMoon 時間: 12-10-17 10:09
想問問如何得悉中學RANKING ? , 謝謝. 請B3C , B2...B1..有LIST嗎?
歡迎光臨 教育王國 (/) |
Powered by Discuz! X1.5 |