教育王國

標題: Deleted Post [打印本頁]
作者: BB0628    時間: 12-7-11 01:29     標題: Deleted Post

本帖最後由 BB0628 於 16-7-5 22:55 編輯

Deleted Post
作者: BB0628    時間: 12-7-14 18:32

本帖最後由 BB0628 於 16-7-5 22:56 編輯

Deleted
作者: EmilyBB    時間: 12-7-15 15:46

你好! 小兒和你的兒子是今年小六同校生呢! 唔知S1會否同班呢?
作者: BB0628    時間: 12-7-15 16:04

EmilyBB 發表於 12-7-15 15:46
你好! 小兒和你的兒子是今年小六同校生呢! 唔知S1會否同班呢?

真好,  有舊同學一起, 看看17/7會不會相遇到? 當然希望可以同班啦, 互相支持, 同聲同氣嘛
作者: moon2000    時間: 12-7-15 16:12

你們好，我小兒也是入讀此校，希望以後大家能多交流。
作者: BB0628    時間: 12-7-15 16:56

moon2000 發表於 12-7-15 16:12
你們好，我小兒也是入讀此校，希望以後大家能多交流。

您好, 歡迎你加入, 我們的孩子都是剛升中, 希望大家在此互相交流, 給意見.
作者: bigbabycity    時間: 12-7-18 17:41

大家好，阿仔也加入了長天的大家庭！以後可以多些交流。

阿仔的同學派去其他學校，佢哋買書要用成$3XXX，相比之下，長天的書單只要2,4XX，都平咗唔少。只否部份教材由老師預備，而不需要買太多書呢？
作者: moon2000    時間: 12-7-19 16:06

請教一下，不知道爲什麽這間學校沒有暑期作業，有很多學校都有的，還有我們學校安排的【英語銜接課程】上課時間還挺短的，聽說其他的學校都要兩個星期以上的。
作者: bigbabycity    時間: 12-7-19 22:52

本帖最後由 bigbabycity 於 12-7-19 22:54 編輯

阿仔的同學入讀九龍城B1英中，在fb公佈其份量十足的暑假功課，不少人都擔心自己的命運如何。可能阿仔真的很幸運，長天竟然沒有要求S1學生做暑期作業，他真的開心到飛起！

從家長的角度，有少少功課總好過冇，所以我叫佢繼續做下英數練習。不過，我都替佢開心，可以真的放下假，打多Ｄ波，輕鬆吓。

香港地真的千奇百怪，有間在將軍澳的直資中學，早早在四月開始已經為註冊了的學生上Bridging course。真的要咁早就操定D學生？！亦有在官塘區的B2A學校，安排學生上２星期英文班，然後按各人在該段時間的表現，再加上AT試的英文卷成績，用作分班之用。但我卻慶幸長天的學生，可以多D時間享受暑假。
作者: moon2000    時間: 12-7-20 13:41

我都和你一樣，自己買些練習給他做，以免過完這個暑假什麽都忘了。
作者: moon2000    時間: 12-7-20 13:48

今天看校網，才知道原來學校要換校長，伍校長今年榮休。希望學校能越辦越好。

作者: BB0628    時間: 12-7-20 19:18

本帖最後由 BB0628 於 12-7-20 19:35 編輯
moon2000 發表於 12-7-20 13:48
今天看校網，才知道原來學校要換校長，伍校長今年榮休。希望學校能越辦越好。

...

         
            係呀, 其實聽聞今年副校長都會走架 (係一位高班家長同我講架), 唔知開學後會唔會好混亂呢?
作者: EmilyBB    時間: 12-7-20 20:02

係呀! 新一期的長天校訊有報導, 還有幾位老師和校務處職員都離開長天!
作者: BB0628    時間: 12-7-20 21:03

moon2000 發表於 12-7-19 16:06
請教一下，不知道爲什麽這間學校沒有暑期作業，有很多學校都有的，還有我們學校安排的【英語銜接課程】上課 ...
我都覺得個【英語銜接課程】實在太短, 其實我仲覺得唔應該只係有[英語銜接], 中文都應該有 (因為中學要學文言文, , 我朋友個女派間中學7月23日就要開始返3星期既半日學 (會好似正式返學咁, 有功課做個種喔), 長天連暑期功課都無, 只係得幾日【英語銜接課程】上, 我都唔知有甚麼用!!??, 個仔實行 "hea"住等升中咁款, 俾練習佢做就好似老鼠拉龜款既慢動作做, 咁搞法, 開學後都無眼睇......... 只希望真正返學後長天唔係直係會Free成咁啦, 實在好唔慣.....唔慣.......
作者: BB0628    時間: 12-7-20 21:09

EmilyBB 發表於 12-7-20 20:02
係呀! 新一期的長天校訊有報導, 還有幾位老師和校務處職員都離開長天! ...

係呀!? 我都無見到有長天校訊, 搞咩我地一升中D老師就全部走晒架? 都唔知係唔係因為所以今次星期先得
幾日 "英語班"要上, 好似應該仲有個甚麼 "中一迎新營"要去的, 對嗎?
作者: moon2000    時間: 12-7-20 23:20

"中一迎新營“好像在那份黃色通告沒有提過啊，你在哪裡聽說的？

作者: moon2000    時間: 12-7-20 23:30

還有你有沒有向你的那位高班家長諮詢過，長天的功課和測驗多不多，因為我認識幾間B1的英中家長都說他們的學校都挺注重學業方面的，但長天給我的第一感覺就好像比較注重課外活動，看，第一次家長會就是介紹”盡展潛能“了。希望這只是我的誤解吧。
作者: bigbabycity    時間: 12-7-21 11:25

阿仔的小學與長天一樣是深水埗區，以往都有不少師兄入讀，所以前人的經驗以及小學老師的口碑，入讀長天是上上之選。亦有三年前派往長天的學生家長話，見到個仔一路成長，更重要係表現得有責任心，令父母非常感恩！

在長天的網頁見到校長跟學生的笑臉，到今年才入學的中一同學來說，校長退休是有點相逢恨晚。唯下寄望新任校長會繼住開來啦！

睇番長黃色通告，中一迎新便是在８月２５日下午，家長同學生都要出席。到時見喇！
作者: BB0628    時間: 12-7-21 11:29

moon2000 發表於 12-7-20 23:20
"中一迎新營“好像在那份黃色通告沒有提過啊，你在哪裡聽說的？

是高班家長告訴我的, 還有在學校綱頁內有關學校資料那部份都有刊登的, 你自己找找吧
作者: BB0628    時間: 12-7-21 11:38

本帖最後由 BB0628 於 12-7-21 11:40 編輯
moon2000 發表於 12-7-20 23:30
還有你有沒有向你的那位高班家長諮詢過，長天的功課和測驗多不多，因為我認識幾間B1的英中家長都說他們的學 ...

她說功課不會很多, 但要做Project (通常會給予學生一至二星期時間去做), 不過逢星期一都會有測驗的.
但今年換晒校長同老師, 就唔知道會唔會有改變啦, 所謂新人事新作風嘛!

小兒都不是運動型, 所以之前都怕有點不合適他, 不過心念一轉, 只要我們家長不是以拿獎項為目標, 讓孩子們參予多點活動, 對身體也是有益的, 同時也可讓他們更投入學校生活.

作者: moon2000    時間: 12-7-21 16:58

我想請教各位不知道8月1日的分班有沒有分所謂的精英班？
作者: EmilyBB    時間: 12-7-21 19:42

本帖最後由 EmilyBB 於 12-7-21 19:43 編輯

你們自己買書還是在學校訂? 我今日在三聯買書, 走了兩間, 還欠4本!
作者: BB0628    時間: 12-7-21 20:57

EmilyBB 發表於 12-7-21 19:42
你們自己買書還是在學校訂? 我今日在三聯買書, 走了兩間, 還欠4本!

我都是自已買書, 不過有些書本會用舊書, 作業才全部買新的.  順帶一提各位, 那本甚麼中文袖珍字典是不需要購買的,
因為上堂時是不會用到的.

作者: BB0628    時間: 12-7-21 21:04

大家買左書包未呀? 我今日係Mega Box買左個行山用的牌子 "Columbia"俾仔仔,
我鐘意佢有埋個Rain Cover係底部, 而且係新款仲有9折, 同埋買滿$500仲會減多$50
計埋個袋都係$300幾, 好抵! 你地有時間都去睇下, 仲有其他行山牌子的, Adidas都有
作者: bigbabycity    時間: 12-7-22 07:58

多謝BB0628的書包貼士。早兩個星期，阿仔都問我Outdoor的書包好唔好，因為好多中學生都用這個牌子，我就答佢Outdoor有好多花款／顏色，不過載重野就唔太好，不如等到暑期減價後，睇多Ｄ其他運動牌子的書包，才決定買那一種。

以前讀小學，六年才換了兩個書包，有護脊又輕身。不過，升上中學，佢覺得自己大個仔，要選個中學生用的書包，唯有同佢睇多，揀到合大家心水啦！
作者: EmilyBB    時間: 12-7-22 13:12

回復 BB0628 的帖子

我都無買書單內的字典，因為已有兩本在家。
作者: BB0628    時間: 12-7-22 14:09

本帖最後由 BB0628 於 12-7-22 14:10 編輯
bigbabycity 發表於 12-7-22 07:58
多謝BB0628的書包貼士。早兩個星期，阿仔都問我Outdoor的書包好唔好，因為好多中學生都用這個牌子，我就答 ...

Outdoor 這牌子的背囊平時去街就o.k. 但做書包就應該唔係幾得, 因為底部無承托力, 而且無任何御力功能, 唯一特點是款式較多選擇而已.  反而另一"D"字頭的背囊承載力及功能就幾好, 不過因為無raincover, 所以最後選了"C"字頭這款囉.
作者: bigbabycity    時間: 12-7-25 19:00

回復 BB0628 的帖子

BB0628,我都認為Outdoor唔適合做書包，但有陣時D細路，你越話唔好，佢來越想要，我估呢D算係小小反叛。

唯有同佢去D有多類型選擇的店舖，較大機會揾到合適的書包。以前，佢都用過Deuter的backpack，非常實用。

哈哈，俾阿仔偷睇到這個post，佢依然心思思想買Outdoor。不過，我自有方法令佢放棄呢個念頭。
作者: BB0628    時間: 12-7-26 00:23

本帖最後由 BB0628 於 12-7-26 00:24 編輯
bigbabycity 發表於 12-7-25 19:00
回復 BB0628 的帖子

BB0628,我都認為Outdoor唔適合做書包，但有陣時D細路，你越話唔好，佢來越想要，我估 ...

bigbabycity , 我都是帶仔仔一起去揀的, 不過佢就無特別要求 (而小學時他是用學校特定的書包), 總之他唯一的要求係 "藍色"便可以, 所以我每隻藍色款(不論淺藍定深藍色)拿上手都叫佢試俾我睇下, 試完呢個試個個, 攪到佢成個木偶咁, 終於佢本來由任我擺佈到頂唔住發晒脾氣, 我先至決定買"C"字頭個款, 而呢款其實係我第一個已俾佢試, 之後揀左一輪, 又再俾佢試左2次添,  我老公同仔仔差D俾我激暈.  希望你同仔仔早日找到合適既書包啦!!!!
作者: bigbabycity    時間: 12-7-26 20:59

BB0628 發表於 12-7-26 00:23
bigbabycity , 我都是帶仔仔一起去揀的, 不過佢就無特別要求 (而小學時他是用學校特定的書包), 總之他唯一 ...
今日我都乘機同阿仔睇吓D書包，在Sogo 4/F轉咗一個圈，發現選擇有好多，亦在"C"字頭睇咗一陣。佢居然睇啱一個，但係實在太巨型，適合露營多過返學，所以叫佢睇其他。點知一轉頭，我就見到Outdoor的counter，好在阿仔不時矇矇哋，竟然視而不見，我就立即帶佢轉彎行去另一度。雖然今日未有收獲，都發現唔少書包都做緊減價，所以這一兩個星期要行動了。
作者: DD仔    時間: 12-7-27 10:41

回復 BB0628 的帖子

BB0628,

想問一問，因為一直覺得長天是深水埗區男生的熱門選擇，照理來講，很多band1男生很有可能已經把他放在第一位，你兒子可以第二志願入這間學校，我是覺得有點出奇。如果不介意的話，可以告訴我們你的自行和乙部第一志願是選哪間學校？ 謝謝!

作者: BB0628    時間: 12-7-27 20:13

DD仔 發表於 12-7-27 10:41
回復 BB0628 的帖子

BB0628,

我無論在甲, 乙, 或自行都是選九華的, 只有乙部第二志願是選長天 (沒選銘賢, 因我的目標是男校). 其實統一派位大部份是靠運氣的, 只要你是Band 1 Group, 無論頭定尾, 只要運氣好就有機會入到心儀學校. 我的回答只能說: 我仔仔在教統局分配到的派位No.應該很前很靚, 所以第二志願都入到.
作者: BB0628    時間: 12-7-27 20:20

bigbabycity 發表於 12-7-26 20:59
今日我都乘機同阿仔睇吓D書包，在Sogo 4/F轉咗一個圈，發現選擇有好多，亦在"C"字頭睇咗一陣。佢居然睇啱一 ...

我買那個是3.5 Litre的, 比小學書包大, 但我想中學比較多書及File, 同埋體育堂要帶埋衣服鞋回校更換的, 所以我想買大一點的比較好吧?   
作者: DD仔    時間: 12-7-30 09:22

回復 BB0628 的帖子

我想即使贵公子的随机编号很好，如果有很多Band1学生选长天为第一志愿，若把它放第二志愿，都已经没有机会了。这样看来，深水埗校网都不错，有长天这一间好学校可以作为第二志愿是很难得的。
作者: KikiDaddy    時間: 12-7-30 11:20

回復 BB0628 的帖子

I think the random number assigned by EDB to your son should be bad. Otherwise, he should have been allocated to WYK already. Your son can be allocated to CSW Catholic because he is a Band 1 student. He should have priority to other Band 2 kids even he put CSW Catholic in the second choice. Having said that, CSW Catholic is a very good school and is probably the best for boys in SSP.
作者: BB0628    時間: 12-8-1 01:22

回復 DD仔 的帖子

其實我個人並不認為"深水埗區"是好綱, 若我有油尖旺的地址, 我是會選擇轉綱的, 只可惜我沒有.
而我肯定若我攪的是油尖旺綱, 我兒子是很大機會可派入九華的, 因有成102個位那麼多.  我班有另一位同學是跟
小兒差不多成績的, 就因為他家住油尖旺區所以轉了此綱, 最後在統一時派入了九華.  

其實跨綱選九華我是很博很博的, 因它在乙部只有2個學位放出給深水埗綱的學生爭, 甲部亦只有12個 (給全港), 真是要超級好運才可抽入到.  當時既心情就好似買六合彩, 派到是中頭獎(要謝天謝地), 派不到亦是理所當然的.

我相信每位學生的派位號碼在全港及本區經調整後應是有所不同的, 我說小兒的好運, 可能只是在區內的號碼比其他同區的學生前. 因我知道有些同校的同學想入但是並沒有被派入此校的.  所以你千萬不要只以我的例子去填表選校, 應當以貴子弟本身的能力Banding, 以及多參考其他家長(如 : kamama)的意見才好呀!!!

作者: DD仔    時間: 12-8-1 17:01

回復 BB0628 的帖子

Wa 你真的很搏呀 ！只有2個位的九华都敢放在第一位。。。在深水埗網、 萬一進不了長天、 就可能不知會跌落到哪裡去了。所以你兒子的隨機編號真的不算差。
作者: BB0628    時間: 12-8-1 21:20

EmilyBB 發表於 12-7-15 15:46
你好! 小兒和你的兒子是今年小六同校生呢! 唔知S1會否同班呢?
Emily BB

小兒被編入了B班, 若我沒有看錯, 你兒子也應是編入了B班的.  真好! 之前雖然是同校, 但卻沒機會做同班同學,
希望日後他們可以有機會成為好同學/好朋友, 大家互相勉勵!

另外中一銜接課程小兒是Group 1的, 令郎也是同組的嗎? 小兒說在名單上亦看到數位同校同學的名字 (有位更是同班的), 只是這次並沒有編在同一班級內, 但校園不大, 相信他們總會相遇的, 所謂"他鄉遇故知", 我相信大都數同校而來的同學都會不期然的聚在一起的.

不知其他家長及同學又如何? 有同是B班的嗎? 編其它班的也可以分亨一下吧!


作者: bigbabycity    時間: 12-8-2 10:43

BB0628 發表於 12-8-1 21:20
Emily BB

小兒被編入了B班, 若我沒有看錯, 你兒子也應是編入了B班的.  真好! 之前雖然是同校, 但卻沒機會 ...
阿仔被編入D班，而他的小學同學仔都在A班及C班，不過佢只係失望咗一秒，然後就話開學時識番D新同學就得啦。
作者: BB0628    時間: 12-8-3 17:54

bigbabycity 發表於 12-8-2 10:43
阿仔被編入D班，而他的小學同學仔都在A班及C班，不過佢只係失望咗一秒，然後就話開學時識番D新同學就得啦。 ...

對呀! 認識多點新同學亦是好事, 正如之前我所說: 校園不大, 小息總會相遇到，到時新舊朋友共聚一起, 定是不亦樂乎!
希望小兒有機會可與你兒子認識, 做成朋友吧!
作者: bigbabycity    時間: 12-8-23 10:26

倒數至最後2天啦，好彩個超颱風仲未影響到香港，只不過都替台灣的居民及旅客擔心，希望唔會有重大災害。

昨日上長天的網頁，見到新學年的上課時間表及校曆表了。

上星期已經捉咗囝囝去剪頭髮，這個星期又安排佢每日都早Ｄ起身。但人算不如天算，這星期六迎新日要影相，點知佢額頭的青春荳爆發中，唯有買支對付暗瘡的洗面膏俾佢，但好了兩日又再爆過，佢又手多多擠壓D荳荳，所以肯定到時唔靚仔。
作者: BB0628    時間: 12-8-25 20:06

本帖最後由 BB0628 於 12-8-25 20:07 編輯

與兒子上完今天的中一迎新會後, 讓我對學校各方面的了解更多及更深, 也使我對此校的教育方針更有信心.  很喜歡學校各老師及校長的平易親切感, 使家長有放心及安心的感覺.  更喜歡班主任實事求事, 公平公正的教學作風, 嚴肅中帶幽默感, 使我感到滿意, 兒子也表示喜歡此校及此班主任.  
唯一美中不足的是中文科不會以普通話教授, 恐怕日後少了機會接觸, 疏於練習, 小學時累積所學到的會功虧一簣, 現在考慮會讓他上校外的普通話班, 以保持此方面的能力.   
新學年新開始, 希望各位家長及同學共勉之!!!
作者: BB0628    時間: 12-8-25 20:30

bigbabycity 發表於 12-8-23 10:26
倒數至最後2天啦，好彩個超颱風仲未影響到香港，只不過都替台灣的居民及旅客擔心，希望唔會有重大災害。

...
我23號才從台灣回到香港, 剛好避過強颱風及停機的危險, 否則恐怕趕不回來上今天的中一迎新日了   
兒子今天在學校玩得很開心, 走時還在車上不停地告訴我玩遊戲時的情形及認識了新朋友.  最攪笑是他告訴我張訓導主任叫他們每位摸下張 "紅紙", 說若學生收到兩張 "紅紙"便會被趕出校喔, 哈.......哈......... , 這位主任真用心思
作者: bigbabycity    時間: 12-8-26 08:25

BB0628 發表於 12-8-25 20:30
我23號才從台灣回到香港, 剛好避過強颱風及停機的危險, 否則恐怕趕不回來上今天的中一迎新日了 :wah ...
BB0628，今年的颱風一個接一個。我們為了阿仔升中一而騰空暑假的時間，提早在六月到台灣玩，當時又係颱風過後，唯一的好處是落雨後氣溫下降了，不用那麼熱。:)

昨日的安排都算不錯，Ｄ同學仔有機會在校內四週查看，阿仔都話D學兄很友善，英文發音又準。至於新同學仔，相信到下星期的Bridging course，佢地會熟絡D。

訓導主任的確高明，阿仔都話番俾我知。都好，這樣D同學仔會更深印象，會小心D，交齊功課唔好百厭就得啦！

好高興見到Ｄ老師及校長，感覺到佢地好友善，對Ｄ仔概態度又好正面，咁我地都放心哂。而且佢地的效率好高，雖然在運動服上出了小問題，在短時間內已經補上SMS，不用家長到供應商那裏買。扺讚！

作者: BB0628    時間: 12-8-26 13:43

本帖最後由 BB0628 於 12-8-26 13:44 編輯
bigbabycity 發表於 12-8-26 08:25
BB0628，今年的颱風一個接一個。我們為了阿仔升中一而騰空暑假的時間，提早在六月到台灣玩，當時又係颱風過 ...

對呀, 我也很認同你的說法, 學校的人與事以至各方面都做得很能讓家長放心與安心, 小學時的老師大部份黑口黑面, 跟家長也不會太close的 (曾試過跟一位老師打招呼問近況, 言語間竟感受到她以為我是在為兒子搭橋甚麼的......真被她激死), 其實小兒那時成縯不錯, 我根本無需要做任何小動作去討好她, 只是出於禮貌而已.  之後我對這位老師簡直係 敬而遠之, 費事以為我有求於她.......有些人的想法真的很奇怪, 痴痴地的 很怕!!!

你是去台北嗎? 我這次是去台東, 是專程帶小兒去探老爺奶奶的, 台東沒台北熱鬧好玩, 它就如香港的新界區, 空氣清新, 可接蟹大自然及很多小動物.  小兒在森林公園捉了數隻寄居蟹, 還偷運了回來 (本來我是不準許的, 但他死都要帶走, 爺爺嫲嫲又太寵他, 還幫他設計埋偷運計劃, 我也拿他們沒辦法) , 結果真的死了一隻 (那隻小蟹不知何解, 竟然中途裸跑出殼不肯回去, 結果到港後發現他不動了 , 兒子很傷心地流眼淚, 我藉此教訓了他一下, 告訴他有時喜歡一些東西, 不是一定要擁用的, 應是以他們的利益或了解 甚麼對他們才是最好的方法去考慮, 希望他真的明白吧.  幸好還有4隻小蟹現在生活得很正常, 不過還是每天有點擔驚受怕的, 因不想做兇手嘛
作者: bigbabycity    時間: 12-8-26 16:05

BB0628 發表於 12-8-26 13:43
對呀, 我也很認同你的說法, 學校的人與事以至各方面都做得很能讓家長放心與安心, 小學時的老師大部份黑口 ...
我們上一次到過台北，所以今次去了高雄及台南，行程非常輕鬆，都是吃吃喝喝。下一次再去，會考慮台中或者花蓮等地。
老人家愛錫孫子是必然的了。幸好還有小蟹能夠活下來，要好好照顧呀！很多年前，在上海居往的舅父第一次來香港探訪我們，在過關時，關員要求他打開行李箱，查看之下，關員發現一些不明物體，而我的舅父只會說上海話，只好用手勢搭夠。一會兒後，關員才明白那些不明物體是活生生的大閘蟹！舅父一心想送些地道的手信給我們，不過這些大閘蟹來到香港，已經變成半死了！！！

因為小兒被編入1D班，當校長到訪班房時，有家長立即追問1B班是否精英班，也有人問老師有沒有中一學生需要補習等。我本身不太擔心精英班的問題，最最緊要的還是有一個好的學習環境，加上老師的關顧，連同家人的支持，每一個中一新生都可以快快適應。當迎新活動完結後，我和阿仔步行往車站，他講自己的數學麻麻，所以入1D班係合理的。咁我就話用小班教數學，可以快Ｄ見到成效，而且老師唔會用成績分組，只係用學號：1-18為一組，19-36為另一組，不會有標籤的問題。

明天終於在課室上堂了，希望大家都愉快地學習，在中學階段不斷成長！


作者: bigbabycity    時間: 12-8-26 16:42

關於精英班，大部份的家長都經歷過，但係阿仔間小學沒有精英班，由小一開始係同班同學，一直到小六都會同班。

升中後，我才第一次體會到各家長對精英班的愛與恨。過往，都是從朋友口中得悉其子女，如何艱辛才搏到入精英班。

所以我本著平常心，只要阿仔順利接軌，適應中學生涯，我便滿足了。依家佢利用暑期最後一天，將一大堆嘉菲貓漫畫剪報，釘埋一齊作成漫畫書仔。希望佢臨瞓前，記得執好筆袋同記事簿，預備明早的英文班。
作者: BB0628    時間: 12-8-27 00:30

本帖最後由 BB0628 於 12-8-27 00:44 編輯
bigbabycity 發表於 12-8-26 16:42
關於精英班，大部份的家長都經歷過，但係阿仔間小學沒有精英班，由小一開始係同班同學，一直到小六都會同班 ...

其實也不是甚麼精英班, 只是各科成績比較好些而已.  正如老師所說, 同學來自五湖四海, 總有些兒差別, 但F1只是一個起步點 (當然讀開英小的學生會比較有優勢), 但孩子在成長期, 腦部及各方面在不斷發育中, 所謂一日千里, 說不定很快便會跑出來的.  何況小班教學有小班教學的好 (我就比較喜歡了), 因小兒本身有點情緒化 (很容易笑但亦很容易喊), 若人數少些老師便能多看顧一下會是比較好的.    不用擔心的, 這是間很有Heart 的學校, 在老師的培訓下, 學生們定可以很快追趕回好成績的, 大家一起努力吧.  晚安!
作者: BB0628    時間: 12-8-27 00:41

本帖最後由 BB0628 於 12-8-27 00:42 編輯
bigbabycity 發表於 12-8-26 16:42
關於精英班，大部份的家長都經歷過，但係阿仔間小學沒有精英班，由小一開始係同班同學，一直到小六都會同班 ...

忘了告訴你,  同樣也有入了1B班的家長很緊張地問老師, 這班沒有任何補底的安排, 又不是小班教學, 萬一學生某科到時跟不上的, 那怎麼辦? 是否到時可以轉班等等................ 所以古人有時說的話真的很對 : 所謂甲之熊掌, 乙之毗霜 , 世事不是絕對的呀, 總之叫仔仔盡力以為便可以了!  
作者: bigbabycity    時間: 12-8-28 17:31

上咗2日English bridging course，好似好輕鬆咁。

阿仔話第一天，除了外籍老師，校長亦有現身，另外又有一名老師從旁觀察。到了今天，就只有外籍老師了。沒有功課，在堂上也沒有練習英詩朗誦，我估計老師預期學生在家自行練習。

最好笑就係阿仔放學時搭巴士，又係瞓著咗。好在仲識得落車。所以我一路都建議佢搭地鐵，不過佢就覺得麻煩，因為我地屋企同地鐵站之間要接駁一程巴士或小巴，依家上課2小時已經在巴士上瞓覺，遲D返全日咪一上車便大昏迷？！
作者: BB0628    時間: 12-8-31 18:11

5天的English bridging course已完結, 查看小兒派回來的英文習作, 感到內容十分之簡單及淺易 (兒子說5年級全部都已學過),,令我有點浪費時間及金錢感覺,  不過.........若只當是學前適應班也是無妨的,  星期一便要正適上學了, 同學們真的要收拾好心情, 迎接新的學年.  大家一起努力吧!
作者: bigbabycity    時間: 12-8-31 21:21

五日真的話咁快就過咗。阿仔返呢講，體育堂暫時穿著小學的運動服，等稍後供應商才有衫賣。我聽完後感到晴天霹靂！　我在星期初才將所有小學校服送走，一件不留，現在那裏找小學運動衫俾佢？！

好彩到了晚上，找到他舊同學，可以借套運動衫俾佢，感謝天啊！
作者: BB0628    時間: 12-9-1 00:02

bigbabycity 發表於 12-8-31 21:21
五日真的話咁快就過咗。阿仔返呢講，體育堂暫時穿著小學的運動服，等稍後供應商才有衫賣。我聽完後感到晴天 ...

我都已經將所有舊校服鞋襪扔掉.  我只打算叫小兒穿著平日的運動衫褲上運動堂咋, 邊得閒攪咁多野(又借又要還), 反正只係一堂半堂, 加上只在校內才會換上運動衫, 應該沒大問題的. 星期一我都會跟班主任傾下這問題.


作者: BB0628    時間: 12-9-1 00:07

話時話, 我都未買到運動鞋, 明天要去Mega Box吉之島睇下先, 希望仲有減價啦! 係呢, 你地買邊隻牌子架? 以前我一直買開Dr. Kong, 依家中學, 我諗住買對Nike/Puma/Adidias, 希望明天可以買到心頭好啦!  

晚安!
作者: bigbabycity    時間: 12-9-1 10:42

因為今日跟小學同學敘舊，所以順便問對方借運動衫一用。

至於運動鞋，我估一般的白色底再加一兩隻顏色的都會可以。上個月，我係太子（始創中心後面）的運動舖，見到純白色的Mizuno跑鞋，不過係made in China，應該冇日本版的跑鞋咁高質素，但作為返學用又要在校內長跑，希望可以吧。買鞋時，阿仔猛咁話純白色唔好睇，要選有顏色的鞋款，我就話今次買住純白色先，下次再買鞋再算。對鞋折完咗約$2XX。
作者: BB0628    時間: 12-9-1 22:28

bigbabycity 發表於 12-9-1 10:42
因為今日跟小學同學敘舊，所以順便問對方借運動衫一用。

至於運動鞋，我估一般的白色底再加一兩隻 ...

我今日終於買左對Reebook運動鞋俾阿仔啦, 依家吉之島仲做緊特價只需$269咋.  對鞋都是以白色為主, 但因為校方說過可以有點顏色, 所以我揀了對側面兩邊及前面有些灰黑間紋的, 好睇又有型, 而且輕身同質料都唔錯, 仔仔都好鐘意, 話好舒服同型仔喎, 我都好開心可以買到對平靘正既波鞋, 以前Dr. Kong要成4佰幾一對架, 貴到想死
作者: bigbabycity    時間: 12-9-2 11:38

由Dr Kong轉著Reebok係會覺得自己大個仔咗。

大家仲可以玩埋今日，明天就正式開學了。已經同阿仔講定，明早要提早起床，早D出門口，以免第一個返學的日子交通大亂。

祝大家有一個愉快的開始！
作者: BB0628    時間: 12-9-2 16:18

bigbabycity 發表於 12-9-2 11:38
由Dr Kong轉著Reebok係會覺得自己大個仔咗。

大家仲可以玩埋今日，明天就正式開學了。已經同面阿仔 ...

係呀, 我都係同個仔咁講格: 玩埋今日(iPad), 因佢成個假期真係一日玩到黑, 明天開始我便會將佢收埋, 以後做完功課同放假時至可以再玩, 佢哈哈.............   係呢, 你地俾幾多零用錢個仔呀? 我打算每星期俾$100零用錢佢 (已在校訂左飯), 百達通(車費)就另計, 應該夠啦掛? ,

仲有你地有無參加學校義工呀? 我就參加左, 逢星期四早上都會回校幫手一次的, 高年班家長話咁可以同個子close D, 又可以多了解學校事情 (容易接觸到學校老師/班主任, 查詢及知道兒子在校內的情況喎), 所以我都好讚成各家長參加下學校義工的, 又不用日日返, 只會編排一至二天 (因應家長的情況), 希望日後可見到你地啦!  

作者: bigbabycity    時間: 12-9-3 18:14

我向來都有預備零食給阿仔帶番學，所以過往六年都只給每個月$100零用錢，而佢又好少會用哂D錢，咁就可以每年年尾儲少少錢入銀行。依家上中學，自己返學放學，我估佢會心思思買下零食，所以暫時每星期日發放$50，即每日有$10，佢見比以前多咗一倍，已經好高興，話要儲埋Ｄ錢到聖誕節買一盒貴ＤＤ高達模型。

我諗每個人的零用錢有多少都不是問題，最緊要佢地學識點洗錢同埋點儲錢，要量入而出，仲要唔好胡亂用八達通，我見學校小食部有八達通，睇怕阿仔會不時用八達通買野食，所以我仍然會預備個零食盒俾佢，份量會比小學時少一些，等佢有得食之餘，又可以耐唔耐在小食部買野食。

原來新學年真係會有壓力，阿仔話昨晚瞓得唔好，又話有少少腸胃不適。但一見到有雪糕食，又即刻話無事！

我就揀咗English speaking同中文作文兩項，所以暫時不用返學校幫手住，唯有問多D阿仔，同埋趁這個星期六，瞭解多Ｄ師生關係。

作者: bigbabycity    時間: 12-9-4 18:01

今日好輕鬆咁，只有少量功課。第一天訂飯，阿仔立即話唔係咁好味，希望唔會餐餐都係唔好食啦。

至於個VIP計劃，有驚有喜，好彩有得打籃球，不過就入咗完全無揀過的中樂團。睇怕無得改，就當學D新野。

見到中文課的通告，阿仔都怕記住，話要入落Google calendar提醒自己甚麼日子要默書。
作者: EmilyBB    時間: 12-9-4 23:10

一段時間沒有上來, 你們便update了不少消息.

小兒隻腳都幾大, 很難買到全白的波鞋, 最後買了對白色底色有d深藍和螢光色, 應該ok掛!

阿仔把口很密, 不喜歡說學校的事, 就算說也是問一句就答一句, 如果各位不介意, 請上來說多一點, 謝謝!

他完全沒有提過VIP計劃的結果, 明天問一問他吧!
作者: EmilyBB    時間: 12-9-4 23:58

本帖最後由 EmilyBB 於 12-9-5 06:47 編輯

原來學校已post個list出來, 阿仔入到游泳和童軍, 是他的選擇, 真好呢!
作者: BB0628    時間: 12-9-5 09:05

bigbabycity 發表於 12-9-4 18:01
今日好輕鬆咁，只有少量功課。第一天訂飯，阿仔立即話唔係咁好味，希望唔會餐餐都係唔好食啦。

...
我個仔都一樣都入左"中樂團" , 不過我們並沒有選擇過此項目, 阿仔私人學緊長笛多年, 對中樂沒有興趣, 我也不喜歡亦不想浪費$$, 所以決定不會參加啦! 運動又抽不到入 "藍球", 只去了 "紅十字會" (幸好都有一樣是小兒喜歡的), 但我本想仔仔做多點運動, 現在入不到, 我有點不大開心.  惟有自己俾$$出去報 啦.

今早致電回校查詢有關 "學校內聯綱"之事, 因都不知Login Name是甚麼 (入不到去查看), 校方回覆說8/9(星期六)才會派發有關資料喔


作者: BB0628    時間: 12-9-5 09:10

EmilyBB 發表於 12-9-4 23:10
一段時間沒有上來, 你們便update了不少消息.

小兒隻腳都幾大, 很難買到全白的波鞋, 最後買了對白色底色有d ...

我仔對腳都大格, 著成37.5號鞋 (我都係著36號咋), 成對大人腳咁款, 不過身型就矮D囉, 全班排行第4, 依家又入唔到藍球班, 想幫佢扯高D都無計, 惟有自己在校外報啦 , 又要額外使畢, 真慘!!!!
作者: BB0628    時間: 12-9-5 09:31

我想問下各位家長, 你哋依家有無送阿仔返學/接放學格? 小學時我每天都有送返學, 接就一時時. 依家升中一就到4/9就正式無啦, 但係個心好似有D唔舒服, 掛住掛住咁, 唔知你哋情況又點? 請分亨一下啦,
作者: moon2000    時間: 12-9-5 13:22

你們好，很久沒有上來跟大家聊天啦，其實開學已經有三天了，這幾天我都有接送小朋友，其實我都有觀察他們放學的情況，發現他們放學都挺規矩的，過馬路都有看燈，那些大年級的都正正經經的，所以我都挺放心的。
作者: moon2000    時間: 12-9-5 13:28

還有我想問一下你們的小朋友是不是每天都帶很多的課本上學，就英語就有幾本，我看見阿仔的書包天天都那麼重，真擔心會影響他的發育啊。
作者: BB0628    時間: 12-9-5 14:31

本帖最後由 BB0628 於 12-9-5 14:44 編輯
moon2000 發表於 12-9-5 13:28
還有我想問一下你們的小朋友是不是每天都帶很多的課本上學，就英語就有幾本，我看見阿仔的書包天天都那麼重 ...

係呀, 英文堂除左本書, 仲有另外3本同英文堂有關的書藉, 都幾重下.  因為暫時唔知需唔要帶, 所以以防萬一, 阿仔話一次過帶晒費事煩 (我叫佢放低一本較重的佢都唔肯).  

我會叫阿仔當可以用儲物櫃時就將D大本既書同埋對波鞋放入去, 唔使拎黎拎去咁辛苦囉
作者: BB0628    時間: 12-9-5 14:43

本帖最後由 BB0628 於 12-9-5 14:44 編輯
moon2000 發表於 12-9-5 13:22
你們好，很久沒有上來跟大家聊天啦，其實開學已經有三天了，這幾天我都有接送小朋友，其實我都有觀察他們放 ...

謝謝你的分亨.  其實我都想送阿仔的, 但又見好多同學仔都係自己返學放學, 怕佢唔得獨立囉 , 又怕佢被人笑就唔係咁好囉, 哎........送又煩唔送又煩, 做阿媽真係煩,
作者: bigbabycity    時間: 12-9-5 19:03

BB0628 發表於 12-9-5 09:05
我個仔都一樣都入左"中樂團" , 不過我們並沒有選擇過此項目, 阿仔私人學緊長笛多年, 對中樂沒有興趣, 我也 ...
根據小學老師的說法，入得長天就一定有足夠運動，單是長跑就可以鍛鍊體格了。就算F1入唔到籃球班，或者下一年有機會。我特登問阿仔，在午飯時候有冇人打波，佢話有，不過要用私家波，並非學校的。佢仲講笑話要放個籃球在Locker添！
作者: bigbabycity    時間: 12-9-5 19:07

moon2000 發表於 12-9-5 13:22
你們好，很久沒有上來跟大家聊天啦，其實開學已經有三天了，這幾天我都有接送小朋友，其實我都有觀察他們放 ...
真的多謝你的現場觀察。以前，阿仔小學時，我都一直有接送佢，依家升中了，都要放手，等佢自己坐車。雖然有D唔放心，但都忍住忍住，希望佢真正成長。
作者: BB0628    時間: 12-9-5 21:43

本帖最後由 BB0628 於 12-9-5 21:44 編輯
bigbabycity 發表於 12-9-5 19:07
真的多謝你的現場觀察。以前，阿仔小學時，我都一直有接送佢，依家升中了，都要放手，等佢自己坐車。雖然有 ...

我既心情咪就同妳一樣囉, 想佢可以真正成長但個心又總有所牽掛. 不過每天見佢放學回家都很開心的樣子, 我想我是應該放低這份擔憂的.  不過到左晚上我都係忍唔住, 寫左張問卷叫阿仔回答 (因若直接問他, 他多數唔正經答或者會說我煩的), 現在同大家分亨一下吧:

(1) 你鐘意"長天"中學嗎?   答 : 鐘意
(2) 你返學開心嗎?             答 : 開心
(3) 你想媽媽送你返學嗎?   答 : NO!     激死我!!
(4) 你想媽媽接你放學嗎?    答 : NO1   激死我!!

(5) 你對自己學業方面有信心嗎?  答 : Yes  

唉.........你哋話D仔仔係唔係都無心無肺呀!? 真係俾佢激到唔知好笑定好嬲
作者: Crabtree    時間: 12-9-6 10:44

學校水運會快到了！（19/9 - 九龍公園）你地啲仔有無參加？
作者: bigbabycity    時間: 12-9-6 11:17

Crabtree 發表於 12-9-6 10:44
學校水運會快到了！（19/9 - 九龍公園）你地啲仔有無參加？
剛收到長天家長義工的email。我都好常去幫吓手，但係那天有工作要做，應該去唔到了。其他家長會去嗎？
作者: moon2000    時間: 12-9-6 11:33

回復 Crabtree 的帖子

我想F1應該今年不能參加吧，我都沒聽阿仔提過
作者: Crabtree    時間: 12-9-6 13:26

回復 moon2000 的帖子

可以參加，昨天報名，不知幾時截止！
作者: Crabtree    時間: 12-9-6 13:27

回復 bigbabycity 的帖子

I will!還有無其他家長呢
作者: BB0628    時間: 12-9-6 22:40

阿仔話今年唔參加住喔, 佢話只係好想參加學校D會 (棋會, 藍球會........), 佢話學校依家一到小息及Lunch時間就好似攤檔擺賣咁款, 不同學會的攤檔都在努力地招收會員, 還有得試玩 (佢今日就同個會長"捉象棋")喔 .


作者: bigbabycity    時間: 12-9-7 14:13

本帖最後由 bigbabycity 於 12-9-7 14:14 編輯
BB0628 發表於 12-9-6 22:40
阿仔話今年唔參加住喔, 佢話只係好想參加學校D會 (棋會, 藍球會........), 佢話學校依家一到小息及Lunch時 ...

希望阿仔今日返到學校，記得做齊所有野！因為佢星期三晚不停肚瀉，到了星期四早上都未停，唯有幫佢請病假，睇完醫生就叫佢瞓吓。仲以為佢有番Ｄ精神，可以返下晝那兩堂，點知佢死都話唔返。今朝早，明顯地慢咗半拍，結果足足遲了15mins才出門口，都有Ｄ驚佢會遲到。唯有望佢得到教訓，唔好再拖拖拉拉遲出門口。
阿仔一早就揀定Ｄ學會，雖然錯過昨日試玩，今日佢實玩個夠本！

我問佢小息時的情況，佢話所有人都「非常流動」，又話落到地下睇人打波時，好容易食波餅。佢最高興就係Prefect通常在小息後才現身，咁佢都成班大細佬可以玩得放D。
作者: moon2000    時間: 12-9-8 19:36

大家好，今天剛剛開完學校的簡介會，我還是有些不明白，究竟那些學會和那個【盡展潛能】計劃有什麽不同，是不是兩個都是同一樣活動，例如在計劃里我參加了游泳，那麼就不能重複再參加游泳學會呢？請指教！
作者: bigbabycity    時間: 12-9-9 10:27

本帖最後由 bigbabycity 於 12-9-9 10:30 編輯
moon2000 發表於 12-9-8 19:36
大家好，今天剛剛開完學校的簡介會，我還是有些不明白，究竟那些學會和那個【盡展潛能】計劃有什麽不同，是 ...

moon2000,簡介會完畢後，我有問過屈sir。因為阿仔星期四病咗冇番，星期五想報籃球學會，但又冇帶＄5報名費（因為個別學會是收費的），所以完全未報學會。阿仔跟屈sir講佢想報的學會，屈sir寫低咗資料後，便同我地解釋參加了任何學會後，最緊要參加有關的活動，否則只入會而沒有參加活動都不會計入學習經歷的（跟他在簡介會上的講話一樣）。

至於你的問題，應該沒有這種限制的，因為阿仔在【盡展潛能】計劃入了籃球班，而佢又揀咗籃球學會。即是兩者重複是沒有問題的。

唔知有冇F.1同學肯參加晨跑？阿仔死都唔肯，佢計過參加晨跑的話要瞓少30mins，所以點都唔肯，我都冇佢符。而且佢一向早睡（～9:30pm），每日用電腦／打機時間只有30mins，都算有規律。雖然我知跑步好，但係跨區上學，都唔想強迫佢參加了。

作者: moon2000    時間: 12-9-9 11:58

回復 bigbabycity 的帖子

謝謝您的回覆，現在我有些明白了，不知道現在那個學會報名結束了嗎，我仔只是報了一個學會，我想他再報多一個，不知道可否？
還有你提到跑晨跑，據我所理解，不是規定全部的學生要完成的項目嗎？我仔都是跨區上學，唯有要他再早點休息（因為平時都已經是9點前上床睡覺了），早上早15分鐘出門了，頭幾次肯定辛苦的了，我想習慣了就會沒問題的。
作者: bigbabycity    時間: 12-9-9 15:10

moon2000 發表於 12-9-9 11:58
回復 bigbabycity 的帖子

謝謝您的回覆，現在我有些明白了，不知道現在那個學會報名結束了嗎，我仔只是報 ...
moon2000,
屈sir說可以在星期一找跟學會的顧問老師報名便可以，你可以參考9月3日派的課外活動通告，在背頁詳細列出每一個學會以及負責老師的姓名。

你仔仔真的很早瞓，我個仔通常在9:30pm上床，6:45起床，吃完早餐出門口，坐小巴再轉地鐵返學。可能佢向來覺得自己打籃球有足夠的運動量，又不是老師口中所講的肥仔，所以有持無恐，唔想瞓少Ｄ去晨跑。而且佢小學時上羽毛球班，每次要跑20圈（4個球場為一圈 ），已經跑慣了，覺得不用練習也可以應付到。
作者: bigbabycity    時間: 12-9-15 11:47

見到張水運會通告，阿仔才話佢都有參加50米蛙泳。仲以為佢唔會參加比賽，因為佢初小的時候學識游蛙泳及自由式後，就話夠了，唔想再學。我都冇勉強佢去操水。平時佢去泳池，都係玩水多，好少認真咁游。依家話要游足50米，唯有襯周末，叫佢去游池試泳吓，以免到水運會當日，泳到一半冇氣游唔到。。。

雖然有少少擔心，不過有得玩吓好過全程齋睇咁悶。
作者: Crabtree    時間: 12-9-16 20:28

參與下無咁悶！
作者: moon2000    時間: 12-9-17 16:49

請問各位媽咪，你們有沒有試過上學校的內聯網和查功課的網頁，我試過很多次都不成功，請指教！

作者: BB0628    時間: 12-9-17 17:20

上星期我亦曾就入不到校綱的事致電學校查詢.  他們說要到9月17日 (即今天)內聯綱才開始啟動使用的. 照理今天應可以入到, 若仍入不到我會再等多一天再試下 (我今天未試入過), 再不行便只有致電校方要求跟進一下.

我覺得校方在某些行政安排上比較遲緩, 有待改善...........
作者: bigbabycity    時間: 12-9-17 19:51

上星期，阿仔已經特登帶個籃球返學校打波，估唔到佢今日放學返來，話明天要留校參加羽毛球隊測試。概然佢話要試，我就由得佢，但我心諗這個仔高小時只顧打籃球，羽毛球拍都放抵咗數年，咁耐冇打過都話要打番，真係服咗佢。不過，我見係運動，點都好過打機，就等佢去試吓，就算落選咗都經歷過，同埋明白校隊的要求有幾咁高。

估唔到上個週末涼得咁快，星期三水運會幸好是室內泳池。我教定佢點搭車，仲建議佢到時帶同學仔去澳洲牛奶公司食午餐添。
作者: moon2000    時間: 12-9-17 20:41

在澳洲牛奶公司那裡吃東西，是非常多人，不分時候，都是排長龍的，所以我都是建議不要去了，就算進去吃，都要像吃快餐一樣，不許你逗留一陣的。
作者: moon2000    時間: 12-9-17 20:46

回復 BB0628 的帖子

本來聽說學校會在上次的家長會介紹關於內聯網的事宜，但最後又沒有提。還有那些運動服到現在都沒有得買，上次我親自到那個售賣運動服的公司去，打算去買。但他對方又說到時候才統一在學校購買。所以我覺得學校在某些安排還真是有待改善啊！
作者: BB0628    時間: 12-9-17 21:06

本帖最後由 BB0628 於 12-9-17 21:07 編輯

回復 moon2000 的帖子

唉.......還有學校每天的功課少得可憐, 阿仔還要趁小息時全部做完 (因他說回家只想休息及玩), 每天問他答案都說只有一兩樣或者完全沒有功課做, 令我感到真的很不習慣.  還有學校很多時需學生留校遲成個鐘先可放學, 一時是因選甚麼學長會, 一時說是要聽 甚麼"宗教", 阿仔成日話"學校非法禁固"喔, 聽那些鬼東西差點把他悶死   
作者: BB0628    時間: 12-9-17 21:10

本帖最後由 BB0628 於 12-9-17 21:11 編輯

回復 bigbabycity 的帖子

你要他自己去呀!? 但去九龍公園水運會始終不同於返學校, 是不是家長親自送會比較安全點呢? 我想我會帶他去, 回程才叫他自己跟同學仔一起坐MTR回家
作者: moon2000    時間: 12-9-17 21:33

回復 BB0628 的帖子

是啊，今天先至嚇死我啊，本來今天是summer schedule的last 一天，即是2：35pm放學的，但等了一個多鐘頭都沒有打電話給我，所以我就馬上打電話到學校的校務處，對方說低年級已經全放學了，嚇得我馬上準備到學校去，最後阿仔在差不多4點打電話給我，說要開班會所以現在才放學，哎，真是一場虛驚。我也真不明白學校是怎樣安排和說的。
作者: bigbabycity    時間: 12-9-18 10:03

BB0628 發表於 12-9-17 21:10
回復 bigbabycity 的帖子

你要他自己去呀!? 但去九龍公園水運會始終不同於返學校, 是不是家長親自送會比較 ...
平時返學，佢會搭6A綠van到佐敦落車，然後轉搭地鐵去長沙灣，所以我教咗佢星期三坐多一個站小巴，就在九龍公園附近落車，然後行過去游泳池。而返屋企，佢都知道回程的車站位置，所以放心俾佢自己搭車。
作者: bigbabycity    時間: 12-9-18 10:06

moon2000 發表於 12-9-17 20:41
在澳洲牛奶公司那裡吃東西，是非常多人，不分時候，都是排長龍的，所以我都是建議不要去了，就算進去吃，都 ...
我地平時去澳牛都已經排慣隊，所以阿仔唔會介意，而且那裏的炒蛋真的很好食，好過去食麥記。
作者: bigbabycity    時間: 12-9-18 10:15

moon2000 發表於 12-9-17 21:33
回復 BB0628 的帖子

是啊，今天先至嚇死我啊，本來今天是summer schedule的last 一天，即是2：35pm放學的 ...
我同你一樣都心急到死，等極都唔見佢返屋企。遲咗先大半個鐘先返黎，佢一入屋已經冇咗半條命咁，話校務處在2:35才宣佈有班務會議，要所有學生留低。佢話班主任都有留低開班會。
雖然功課唔多，但Ｄ中文默書好頻繁，英文老師又開始預默統測的生字，所以做完功課溫完默書都夠時間瞓，都冇時間備課。
作者: moon2000    時間: 12-9-18 10:36

回復 bigbabycity 的帖子

我都覺得各科的TEST都幾多，例如中文、英文、LS、普通話等等， 我唯有叫阿仔每天都溫一些，那麼就不用堆在一起溫習了。
作者: Crabtree    時間: 12-9-18 12:26

要啲仔適應下，始終不同小學，只讀四科，而家數埋都成六、七科！
作者: moon2000    時間: 12-9-18 16:54

想請教一下各位，請問網上功課記錄里，在使用者名稱一欄，是不是輸入學生證上最下面的號碼？我試過很多次都不行。
作者: BB0628    時間: 12-9-18 17:53

回復 moon2000 的帖子

Login Name 較早前老師已在班上告訴了每位同學 (仔仔說是一張紙看完後要學生各自記在手冊上的), Password是學生身份證號碼.  不過雖然我有齊資料, 但到今天都仲係入極都入唔到喔 , 所以真係要問番學校攪緊甚麼了!!




歡迎光臨 教育王國 (/) Powered by Discuz! X1.5