教育王國

標題: 2歲兒子有自閉症傾向要選擇主流N班或協康訓練小組?? [打印本頁]

作者: Aggieng 時間: 12-7-9 18:04 標題: 2歲兒子有自閉症傾向要選擇主流N班或協康訓練小組??

大家好, 第一次接觸此版面, 看了一會有點感觸, 因為原來這裡可以找到同路人, 平日沒有機會說出的話可以在此說出, 希望大家可以給我一些寶貴意見, 先謝謝.

我兒子現2歲早前被衛生署評估中心評作有自閉症傾向及發展緩慢了半年, 現在一粒語言都沒有, 只有太空話, 但認知方面可以接受, 普通叫佢做的事佢都會做到, 就是不願講, 他身體一向比較弱, 容易生病, 上個月就試個發高燒抽筋入醫院, 嚇到我傻...食量又唔多, 現在只有10.5KGS.....

當被評估後, 我好難接受, 亦不知道什麼是自閉症, 但當了解此症後, 覺得自己兒子的確是有小小問題, 特別是言語, 同人溝通, 社交, 皮氣等等, 醫生坦白地講排政府服務要等2年, 叫我出去找其他服務, 又叫我試找N班, 邊樣有位先就比BB試, 因為BB年輕, 什麼刺激都要比佢試, 由於兒子一向身體弱一心想佢K1先返學, 於是我就四周找主流N1, 同時去找協康,耀能, 楊震等等機構排訓練.

幸好有學校收佢N班, 已交學費及買校服, 9月開學, 當然我沒有同學校講兒子的問題, 但前幾天收到協康通知自閉症訓練小組又是9月有位, 一星期返3日上午, 費用每月約$5000.....

家人常同我講兒子沒有很大的問題, 主要是不說話, 男仔係會遲D, 讀普通學校便可, 每月5千實在太貴, 但, 我怕我兒子讀主流N班唔適應及唔識表達, 老師始終1對10幾20人有時真係睇唔到咁多, 而且, 如果而家放棄協康學位, 萬一佢讀主流真係讀唔掂又唔知再排幾耐先再有位, 又怕錯過訓練兒子的黃金期, 所以我好矛盾, 我怕我為BB選擇錯了令會佢受苦, 而且仲要在呢一二天內決定, 唉.................

剛剛又收到楊震個別言語治療有位了, 大家知道此機構質素好嗎?

感謝大家願意聽我訴苦. 謝謝.

作者: fandd 時間: 12-7-9 19:38

我囝囝現時3歲5個月，不妨參考佢個去的經歷。

囝囝自出生後便成日喊，仲唔肯俾人抱。到一歲後，佢又成日唔睬人，你叫佢時，佢有心情就望吓你，但大部份時間都係唔睬人(即唔望人)。平日佢最鍾意玩車(特別係巴士)，雖然無玩車轆，但成日鍾意扮停車場排車(橫排、直排、分類排、扮塞車……)。由於佢到三歲才懂說單字，故三歲前用了很多身體語言去表達自己的需要。(二歲多才懂用手指作指示)。

在一歲多，我曾帶佢返個2間playgroup，返咗差唔多1年，但結果係徹底失販，每次佢都唔肯聽導師既指示，唔肯排排坐，只顧自己四周「遊魂」，或自己玩中心既玩具；期間自然多次受到中心既導師及負責人投訴。

經諮詢醫生朋友意見，最後準備帶佢去衞生署兒童體能智力測試中心(CAC)作評估，點知原來最快都要等7個月才有期，唯有自行找私人訓練中心作評估(只需等一週----費$6500)。評估結果：醫生話囝囝有中度自閉症，最好盡快排政府S位(每週5天密集式訓練)。無幾耐負責社工向我表示，囝囝排S位至少要等1年多。
為咗唔想錯過治療自閉症既黃金期(1-2歲)，唯有自費去報讀私人S位(每月$7500，言語治療及職業治療另計，每50分鐘收$800)。其實當時已有多間主流幼稚園取錄囝囝讀N班，但想到佢返playgroup既表現，相信比佢返N班也是浪費時間，所以最後冇比佢讀。期間為咗幫佢，我仲帶咗佢去做針炙，但只做咗4個月，見毫無成效，就停咗。

喺過去1.5年的S位訓練，囝囝有顯著進步：肯聽指示、坐定定、肯望人；到三歲開始識講嘢後，與我們便更多互動。本年諗住等佢K1才嘗試返主流，不過除我哋覺得佢有顯著進步外，S位的導師也支持囝囝提前嘗試返主流，所以佢先會喺今年2月開始返主流N班。(插班)

不過，在不同學校面試N班過程中(插班)，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師不肯讓囝囝玩園內的遊樂場，故他十分不合作，既不肯回答問題，又不段大哭，最後老師給了「很多說話」我聽；另一間幼稚園，面試時囝囝非常合作，跟足指示，做到老師的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間。

由今年2月開始，囝囝上午上S位訓練，下午返主流N班。由於我不想幼稚園老師對囝囝有「先入為主」的感覺，故我事先未有通知他們有關囝囝的自閉問題。過去幾個月，我同老婆曾經擔心會否收到學校既投訴電話(以前由工人帶佢上playgroup時經常收到這類電話)，但好彩沒有。後來我直接向班主任查詢囝囝的學習情況，她表示囝囝很乖，又聽指示，能與其他們同學融洽相處，只是語言表達不太流利。近日因某些原因我需向學校透露囝囝的自閉問題，她們也感到有些驚訝，不太相信囝囝會有自閉問題。自返咗N班後，雖然囝囝個人係攰D(每晚九時便睡覺)，但社交及語言發展明顯進步好多。我準備會安排佢喺九月開始返全日制主流K1班，導師及醫院D專家都好贊成呢！

回顧過去1.5年，我覺得囝囝得以改善，原因有：
1. 囝囝的病情可能不是醫生描述那麼嚴重
2. 隨著年歲增長，囝囝的身心發展得到自然改善(2-3歲間)
3. 私立密集式S位的幫助：囝囝經由一群專業的幼兒導師、語言治療師、職業治療師及心理學家的訓練，我認為是最重要的因素
4. 我倆公婆每天與囝囝寓遊戲於學習(每天至少1.5小時，假日則全天候)

雖然唔知道囝囝能否成功喺九月融入K1，但我倆公婆會積極樂觀面對，因為囝囝仍要我哋繼續努力地扶持。

作者: YingYin 時間: 12-7-9 20:45

本帖最後由 YingYin 於 12-7-10 11:30 編輯

我小女2歲時情況是這樣的
1) 不懂說一句話,語言評估只是一歲
2) 不懂指東西,用我們的手去指書中的字
3) 不望人,對自己名無反應
4) 不能坐在位,10秒都不能,上playgroup完全失控
5) 不能單腳跳,平衡很差,頭向前沖,很易跌倒
6) 對痛的反應慢,經常跌倒,都不哭
7) 有上全日n班,但老師只比她返下午1.5hr (付全費),並要工人陪
8) n班話佢完全不能坐定,看不到鄰坐有人,照踏小朋友,令其他小朋友大叫
9) 有觀課日或其他人來參觀學校時,叫我女兒可否不上學

10)這個學位是因大女在那裡畢業而她成績非常好,才求到的,是i 位學校,出名有愛心的,但小女當時是normal 位
11)讀了幾個月,令我非常不開心,結果聽s位專家講, 退學了,個心萬般不想,因這間學校勁多人排,又驚找不倒其他學校

當初是上午s位,下午n班

專家叫我save d 錢做個別

如是者,上午s位讀了幾個月後,+針灸,+st,+pst,幾個月後,有很大進步,剛3歲可讀主流k1了(下午),上午仍上s位,到3歲3個月, s位畢業了.
上學期(K1)曾被老師叫我考慮其他更適合的學校,因她在學校發了一次好大脾氣,而老師不知怎處理(我是一早將女所有告知學校的)

現在呢?情況已令我好欣慰,今天剛見完家長, 只是大小肌較差,其他與normal 差不多了,語文更比同學強(屋村有學卷學校,不是太深)

在cac評估語言時,對答慢3個月,認知有4歲

所以我想說,普通小朋友返N班是有進步,但不是A仔,而問題不會消失,要適當training才可,小朋友有沒有問題,媽媽最清楚,你決定不到,最好問問專家

作者: jjcow 時間: 12-7-9 22:03 標題: 引用：大家好,+第一次接觸此版面,+看了一會有點感

原帖由 Aggieng 於 12-07-09 發表
大家好, 第一次接觸此版面, 看了一會有點感觸, 因為原來這裡可以找到同路人, 平日沒有機會說出的話可以在此 ...

5000元返三日個計劃好像沒有個別，你問清楚好啲。咁細個最重要係個別指導，同埋上個別你可以學識點教佢。

作者: fandd 時間: 12-7-9 23:48

如果有每週五天既密集式訓練梗係最好，但係輪候需時，返住三天既訓練總好過無！
「……覺得自己兒子的確是有小小問題, 特別是言語, 同人溝通, 社交, 皮氣等等……」
其實你應「客觀地」檢視兒子的現況，例如能否聽從一般指示？能否處身於陌生環境？能否坐定定？如情況是不樂觀，便不要強迫小朋友試主流N班，既浪費時間，又令佢有不愉快的經歷。

作者: EKME 時間: 12-7-10 11:12

有錢便去私人TRAINNING,不要浪費時間!

作者: simonkfmak 時間: 12-7-10 18:04

回復 YingYin 的帖子

May I know your S school is government or private one?

作者: rich47004 時間: 12-7-10 20:05 標題: Aggieng 的帖子

要小心我覺得政府评估係唔係都估自傾，上了牠們的課後，有意無意透露D評估係為取更多資源，好似别有用心。除非你唔要求評估，多數結果都係有問題，而到大個D，又有好多成功治療個案。

作者: fandd 時間: 12-7-10 22:06

是否「别有用心」就唔知，但「求其」就真現，特別係D所謂言語治療師，做評估時毫無專業，當時我囝囝做言語評估時因多次扭計喊而不肯同言語治療師合作，結果比佢評話囝囝連基本認知也沒有(即是不懂得甚麼是蘋果、橙、香蕉)；雖然我話囝囝因不合作至會咁樣，佢平日唔會咁，識好多嘢架，點知佢居然話：「佢而家咁樣，我估到佢平日都係好多嘢都唔識，係返屋企教吓佢日常基本認知啦！」跟住就叫我走。
你哋話吖！如果當時信佢講，我諗自己有排唔開心。所謂樹大有枯枝，CAC可能也有認真既專家，但肯定有一D唔認真既人。奉勸各位安排仔女到政府CAC做評估既家長，真係要小心啲，特別喺評估後聽到既意見，如有懷疑，應找私人作核實，以免害咗仔女！

作者: HopeLJ 時間: 12-7-11 01:08 標題: 回覆：2歲兒子有自閉症傾向要選擇主流N班或協康訓練小組??

睇到d 進步個案，又多返d 勇力同堅持，多謝分享。

作者: HopeLJ 時間: 12-7-11 01:25 標題: 回覆：2歲兒子有自閉症傾向要選擇主流N班或協康訓練小組??

跟返題目，我會揀 special training 先。我試過私人 s位上午，普通 pre nursery 下午，下午係失敗，因為阿仔跟唔到課堂流程 (其實好簡單無乜要求，聴下故事去小便做小手工唱下歌認識下動物節日食下茶點）因無暴力及情緒問題，pre nursery 都接受。但一d嘢都吸收唔到，浪費精力時間，咁情願佢下午上個別或去公園打千秋，休息好 d,我放工做多d 家居訓練，咁效果好d，進步快d。佢排到兼收位，九月返，希望佢適應得可以啦，最驚佢晏晝覺唔肯瞓攪攪陣比老師投訴。

作者: Surveyor 時間: 12-7-11 01:29

I will select Heep Hong. For 2 years kit, PST is better than ST, in particular, the kit is delay development

作者: HopeLJ 時間: 12-7-11 01:51 標題: 回覆：2歲兒子有自閉症傾向要選擇主流N班或協康訓練小組??

想再講，可以afford 的話，一三五上協康，二四返普通pre nursery。後者幫你了解仔仔強/弱項再針對訓練，唔得先放棄。楊震唔清楚，其實 ST 要夾小朋友，你試兩三堂已心內有數，不停試下會搵到個最適合。

作者: Aggieng 時間: 12-7-11 15:13

fandd 發表於 12-7-9 19:38
我囝囝現時3歲5個月，不妨參考佢個去的經歷。

囝囝自出生後便成日喊，仲唔肯俾人抱。到一歲後，佢又成日唔 ...

fandd, 很感謝你的分享, 你是爸爸對嗎? 你真的很好, 好有心機照顧妻子及兒子, 我相信你兒子一定會有好愉快的幼稚園生活!

我老公有你一半細心已謝天謝地, 佢要在大陸工作, 星期六及日先回來, 回來只會同個仔睇電視玩遊戲機, 完全唔會去了解下什麼是自閉症或有什麼方法可以幫忙BB, 成日都講, 評估果D醫生見得BB一小時, 唔相熟就當然唔會睬佢啦.....又話BB沒有大問題只是說話遲, 所以我有時會覺得佢唔明白BB亦唔明白我, 有野問佢意見佢只會講由我決定,,,,,所以有時我都唔知問邊個意見好...唉.

你小朋友在那裡私人機構做訓練? 現在真的有很多類似的機構, 不知道怎樣去選擇好. 我都好想BB又去協康訓練又返N班, 但我真係好擔心BB的身體頂唔順, 因為佢皮膚及氣管都敏感. 唉....

作者: Aggieng 時間: 12-7-11 15:27

請問大家是在那一區的CAC做評估? 我BB在粉嶺.....

另請問ST是言語治療?
OT是職業治療?
那PST是什麼?
D人講的所謂3T是否以上3種?

THANKS

作者: Aggieng 時間: 12-7-11 15:36

我在想, 比兒子試上協康半年, 同時話比主流N班學校知兒子有此情況, 問下學校可唔可以留個位比我們到下學期先上課......
學校會體諒嗎? 之後會標籤左BB嗎? (只是普通屋村學校)

作者: Aggieng 時間: 12-7-11 15:42

jjcow 發表於 12-7-9 22:03
5000元返三日個計劃好像沒有個別，你問清楚好啲。咁細個最重要係個別指導，同埋上個別你可以學識點教佢。

...

jjcow, 謝謝你, 因為我住果區的協康只舉辦基礎訓練, 而有個別果D是統合訓練, 要約6000返3日, 而且是相隔一星期先有一堂言語......
你覺得基礎是否對BB沒有大作用? THANKS

作者: YingYin 時間: 12-7-11 19:07

Hi Aggieng: 你那麼快排到CAC評估,我2歲排,成9個月後才去CAC評估,好彩係協康做了,排E位,否則更遲, 我只排自己區,現在1.8年了,仍未`排到

作者: nornor 時間: 12-7-11 19:40 標題: 想再講，可以afford+的話，一三五上協康，

提示: 作者被禁止或刪除內容自動屏蔽

作者: fandd 時間: 12-7-11 21:59

回復 Aggieng 的帖子

剛PM給你!

作者: 彭師奶 時間: 12-7-11 23:22 標題: 回覆：2歲兒子有自閉症傾向要選擇主流N班或協康訓練小組??

我會建議你返協康先，其實政府好少一開始就評你小朋友是自閉的，整體發展遲緩的反而較多，如他評估你小朋友有自閉症傾向，證明他的徵狀都明顯，而且而家正是幫助他的黃金時期，不要浪費，看看協康會

作者: 彭師奶 時間: 12-7-11 23:31 標題: 回覆：2歲兒子有自閉症傾向要選擇主流N班或協康訓練小組??

看看協康會提供什麼服務先，才決定是否邊讀協康邊返主流學校，如果你選擇返主流學校就必定要告訴校方兒子的問題，好讓老師多加留意你的兒子，如果校方因此而選擇唔收你小朋友入讀的話，也不要唔開心，因為他們的不接納代表他們跟本唔會幫到你兒子。
把握機會，越早接受治療，進步的速度越快！努力啊！

作者: Surveyor 時間: 12-7-12 02:52

Aggieng 發表於 12-7-11 15:27
請問大家是在那一區的CAC做評估? 我BB在粉嶺.....

另請問ST是言語治療?

ST是言語治療: yes

OT: 職業治療師

PT: 物理治療師

3T: ST OT and PT

PST is pre-school teacher

協康訓練小組 is very good, don't missing this offer

作者: nomel_24 時間: 12-7-12 15:08 標題: Aggieng 的帖子

heehong 5k巳不貴。耀能8k tim la. 如果可以的話。比佢返heehong. 主流始終係自閉傾向小朋友的支援唔多。佢返到去，d老師只會當佢普通小朋友咁教，遲d老師發覺佢唔同都一樣會同你反應番叫你返特殊。咁不如早d比佢返針對性的課程，以免浪費左小朋友的時間同埋主流幼稚園的學費。

同埋要多d同屋企人講呢個症既野。等佢地明白多左，千萬不要抱有長大就會好的想法。

一定要依家正視問題，否則將來想教都教唔到、後悔莫及。

作者: BKVIP 時間: 12-7-12 15:32

樓上講得無錯，要對正下藥先係良策，始終要過到心理關口係好難。我當初都係覺得個仔有唔妥，老公唔信話無嘢，之後我就俾個仔讀主流N班，無耐老師就叫我地帶阿仔去做評估，個時老公先肯接受現實。通常老婆講几多都唔會聽，覺得你聽人UP，所以我先要俾佢知，唔係我話個仔有問題，係連老師都咁講。

作者: Aggieng 時間: 12-7-18 11:46

好多謝大家的意見, 其實我要考慮咁耐係因為我一向都有同我個仔玩普通playgroup, playgroup老師是幼稚園老師, 佢覺得bb沒有自閉, 就算有都好輕微, 因為佢上堂都有望老師, 亦會聽老師說話, 活動都會跟住做, 都可以定定地一陣, 但有一些要守則及有限制的活動就唔想試, 只想以自己的方法玩, 又唔喜歡做勞作, 漿糊,海棉,泥膠等等都唔肯掂, 自理能力亦比較低, 我同老師講我好難決擇, 老師話, 上主流如bb唔適應支緩的確比較小, 但主流什麼類型的小朋友都有, 可能對bb的刺激會比較多, 但沒有人知道將會是好或壞的刺激, 如去自閉小組的確有針對性的訓練, 對2歲的兒子照顧都好小小, 但bb可能有機會接觸到一些行為比較激烈的小朋友, 佢可能會模仿, 如"訓地", 撞頭等等 (因兒子暫時沒有好激烈的行為), 老師叫我考慮各方面的利與弊, 我問佢, 好唔好去私人做多一次評估, 佢話當然好, 但由於bb 今年2月先評過, 佢年齡又細, 可能評出來結果都是差不多, 我都唔知點好, 各位, 大家點睇? 我是否等佢再大d先去再評估? 如果去私人做多一次評估, 有邊間好及有信心保證? 謝謝大家!

我們是今年2月在衛生署粉嶺中心做評估的.

作者: misshk12 時間: 12-7-19 11:08

我仔仔都已評為輕微自傾，現上緊私人OT&ST，排緊I位。

我都想問9月上午返主流N班(本身為全日班)，下午返2.5小時(每週3天)協康的密集訓練(無OT)，會否幫到仔仔？我擔心那3天由朝返到晚,無午睡,仔仔會否捱得到？同埋協康的密集係咪非常值得去上？還是我繼續上返私人個別的OT&ST，較好呢？

作者: fandd 時間: 12-7-19 21:52

回復 misshk12 的帖子

1. 你要審慎咁諗吓囝囝能否融入主流N班。
2. 連返上下午，即使囝囝「捱到」，也要預咗佢會好攰；仲要每天要「早睡早起」
大部份既「密集訓練」主要內容係訓練小朋友聽指示、坐定定、按規律做事、社交等，你要審慎咁諗吓囝囝有無呢方面需要，如果有，就必定要讀，否則日後囝囝就讀主流學校就會面對重重障礙。
3. 作為過來人，我都知道你現在會有D心急，但急還急，一定要「審慎」咁諗清楚，囝囝面前最急切係需要哪方面既訓練，以免浪費金錢及「黃金時期」。

作者: misshk12 時間: 12-7-20 11:48

回復 fandd 的帖子

好多謝你回覆我。

你講得好啱，要審慎選擇適合佢的訓練。自從知道仔仔有特別需要，我就成日上網搵資料、排隊報course、上家長班…那種心急、那種徬徨、那巨大的壓力，不是過來人，根本難以理解。好多謝你的提醒。

無奈政府及私人的訓練學位好唔夠，若排得到的，又會想仔仔試下…有時自己都好亂，唔知怎幫佢安排，唉！

作者: fandd 時間: 12-7-20 13:47

回復 misshk12 的帖子

當知道自己仔女是Autism，相信父母定會經歷傷心、不安、無助……但唔好比自己depress咁耐，因為仔女需要我哋既幫助，如果連我哋都咁傷悲，又點叫佢哋積極呢！改善自閉症是一個漫長既療程，而每個A仔的進展及改善程度亦有差異，不應去比較。作為父母既，應該樂觀面對，盡力協助仔女，讓佢哋有信心去刻服重重障礙。「Hope for the best, prepare for the worst！」

歡迎光臨教育王國 (/)