教育王國

標題: 會生第二胎嗎? [打印本頁]

作者: yuki8484 時間: 12-7-8 00:19 標題: 會生第二胎嗎?

如題

作者: HopeLJ 時間: 12-7-8 02:08 標題: 回覆：會生第二胎嗎?

如果阿仔進步良好，追到差唔多其他小朋友時會考慮。現在沒有精力資源去要第二個。

作者: fatpam 時間: 12-7-8 06:20

生多一個正常的當然係好開心同有好多好多好處，但評估吓自己同家人，如又中身心同經濟頂唔頂得順，我會崩潰。

作者: why-me 時間: 12-7-8 14:18 標題: 如題 +

原帖由 yuki8484 於 12-07-08 發表
如題

琴日有線新聞，個媽咪生第一個有過度活躍，第二個係自閉及智障(15歲)，佢老公接受唔到同佢離婚。

作者: apple~y 時間: 12-7-8 14:24

回復 why-me 的帖子

"接受唔到同佢離婚。"
就可以當無生個小朋友,無事發生??
0甘都得
呢0的都唔關小朋友有無問題
係個人本身都有問題,

作者: 小艾比 時間: 12-7-8 14:27

首先你預有心理準備會有機會生第二個小朋友有問題O既, 你自己接5接受得到, 如果接受得到米去生LOR, 如果心仲係五五波, 你就5好生. 無謂比多一次機會自己後悔當初.

作者: why-me 時間: 12-7-8 14:34 標題: 首先你預有心理準備會有機會生第二個小朋友

原帖由 小艾比 於 12-07-08 發表
首先你預有心理準備會有機會生第二個小朋友有問題O既, 你自己接5接受得到, 如果接受得到米去生LOR, 如果心 ...

冇錯！生咗冇得唔要，真係要打定輸數先好博。
我就唔會再生，一個已令我心力交碎，份量奉獻晒俾佢，再嚟多個真係要喺青山book定個

作者: why-me 時間: 12-7-8 14:38 標題: 回復+why-me+的帖子 "接受唔到同佢離婚。"

原帖由 apple~y 於 12-07-08 發表
回復 why-me 的帖子

"接受唔到同佢離婚。"

佢選擇逃避係好狠心，幸好個媽咪好樂觀，都唔知個衰人點可做得出，係佢遺傳俾個仔

作者: Olympian 時間: 12-7-8 14:55

我識得5個媽咪第一個知道有問題後，再生等二個。呢d 決定都係睇性格。

作者: baby_cat 時間: 12-7-8 15:39

why-me 發表於 12-7-8 14:18
琴日有線新聞，個媽咪生第一個有過度活躍，第二個係自閉及智障(15歲)，佢老公接受唔到同佢離婚。

...

我諗佢以為個老婆質素差, 要搵個好D既生.....

不過, 自閉好可能是遺傳自父親

作者: baby_cat 時間: 12-7-8 15:41

我識個媽咪好勇咁生左第二個, 佢話當時無諗咁多.

幸好第二個係正常, 又聰明又乖.

作者: candyctk 時間: 12-7-8 17:29

生第二個會等睇下囝囝既進展，如果佢進展ok,會想個家庭多個小朋友。一來我真係好愛囝囝，我想多個小朋友，個人唔好咁一面倒咁將所有野放晒佢到，因為我怕第時佢大個左反而係我放唔開佢。二來佢多個弟妹，我會覺佢會更有機會同人相處，愛，分享又或爭下野，點都好，家庭會熱鬧的。至於驚唔驚第二個有問題，咁真係無得再去諗。
但若囝囝進展唔好，我諗我就會因為無時間同能力去生多個小朋友了。

作者: fandd 時間: 12-7-8 20:36

如果第1個既問題唔係咁大，生第2個肯定對佢大幫助。(特別喺社交方面) 不過真係要審慎咁衡量時間、金錢、照顧、精神……等，投放既絕對唔止×2咁簡單。

作者: apple~y 時間: 12-7-8 22:33

本帖最後由 apple~y 於 12-7-8 23:00 編輯

其實我唔係勇
我係有0左妹妹,先知哥哥問題,當時都唔諗0甘多
唔通落0左妹妹,路都要行
妹妹很聰明,好多時從觀察中學習
反而哥哥令妹妹學0野快,現在15個月大懂得玩完自己收拾玩具,可能見哥哥次次收拾玩具就知道啦,又跟哥哥做動作,
做0左哥哥跟班
哥哥都錫妹妹,大家互相學習

作者: 麻煩 時間: 12-7-8 23:23

本帖最後由麻煩於 17-6-1 07:44 編輯

.....

作者: chowqv 時間: 12-7-8 23:50

我無能力再生啦，本身都年紀唔輕，同埋阿仔係我唸住放棄生bb既時候先至有。

作者: catregist 時間: 12-7-9 14:02

本帖最後由 catregist 於 12-7-9 14:44 編輯

That's the question I would like to ask for ages. Thanks for shaing. All of us have the same concern and cannot bear the second case.

I did ask a Paediatrician who worked in CAC. He said only 5% reoccurance to have autism baby again and it is much lower than other problems such as Thalassemia (地中海貧血症) or Cleft lip and palate (兔唇).

Yet, I could bear no risk.

作者: jessiechengkw 時間: 12-7-9 17:29

我好想生多個bb

作者: muimui5 時間: 12-7-10 10:51

我就在大B剛入S位時唔覺意有咗細B，細B個幾月大，大B四歲幾了。感恩懷孕和照顧初生時不太辛苦，細B半夜除食奶唔駛點抱，但大B的進度和問題行為仍令我十分擔心，唔知細B的加入對佢有正面定反面刺激，又怕疏忽了大B的訓練。大B近日任性了，成日明知顧犯同撒尿。

作者: EKME 時間: 12-7-10 11:38

不會了

作者: 小艾比 時間: 12-7-10 20:20

回復 apple~y 的帖子

那我就是你們所說的勇敢了......

我大女在她1歲幾時, 因為男家那邊時常跟她表姐比較下, 我發現她語言比較慢及自我, 便帶她去CAC CHECK, 那是醫生只說她是 DEVELOP DELAY, 一直以來她都有進步, 但語言及社交仍是慢一年, 便在她5歲時去求醫生做一個社交評估, 醫生說她是高功能自閉証, 醫生說她智力高, 但社交差, 因為自閉証三大問題她都中了兩樣, 社交, 語言, 所以評了她是自閉証, 直到她做了上小一前的大評估, 她有IQ122, 感覺開心之類仍估到一齊在掌握中, 那時便想多一個伴, 希望令她社交更好, 所以決定了生第二胎.

那時與老公相量時, 我們真是假設不好彩再中多一個A仔, 我們會否適應及怎麼處理? 大家認為已經有湊A仔的經驗, 金錢上剛好供完樓, 萬一雙方有機會面對裁員問題, 便賣了層樓套現, 再由低捱過. 在那時大家都一至這樣說: 我們只是想幫女兒, 如果上天仍不幫我們, 那我們要好認命了!

最後上天幫了我們, 我們今次沒有博錯, 我們贏了, 細佬聰明伶俐, 不用的說他還帶動大女的社交.

所以我不敢講一定無事, 一定要博, 要試, 但正如我的左右銘 "奇蹟只會發生在永不放棄的人身上!".

各位加油呀!!

作者: yuki8484 時間: 12-7-11 00:22 標題: 引用：回復+apple~y+的帖子那我就是你們所說的

原帖由 小艾比 於 12-07-10 發表
回復 apple~y 的帖子

那我就是你們所說的勇敢了......

作者: HopeLJ 時間: 12-7-11 02:09 標題: 回覆：會生第二胎嗎?

I read somewhere the occurrence is 30% if a sibling already found to be autistic. I think 5% is a bit low, consider in average the hitting rate is 1.3% something (latest statistics is 1:88)

歡迎光臨教育王國 (/)