教育王國

標題: 中一係咪多數會唔合格架? [打印本頁]

作者: htts    時間: 12-7-5 08:34     標題: 中一係咪多數會唔合格架?

聽好多都話一上中一, 就一科至幾科不合格, 但本身成績係好ok架!

係咪真架?

作者: ydoris    時間: 12-7-5 09:32

真係架,好難全科合格~~阿囡上學期力保不失,下學期終於有2科見紅啦,差幾分..有D同學D卷得幾分TIM~~不過可能呢D只係一般學校係咁掛...
作者: 溫柔    時間: 12-7-5 09:58     標題: 回覆:中一係咪多數會唔合格架?

我仔反而好咗喎,科科都合格,而且重好過小學添




作者: EUPFFSon    時間: 12-7-5 10:06

真你好睇小朋友的讀書態度,因中學就會放手。。。。
他們有自由。。。。自已讀
所以有個補習姐姐睇住會好D~
作者: 霖霖B媽咪    時間: 12-7-5 10:20

咁如果有兩科唔合格, 通識同電腦, 而英文有80幾分, 咁既成績算唔算見得人 ?
作者: ydoris    時間: 12-7-5 10:28

主科吾合格就驚D,通識真係好奇既,無準則,電腦可以追.OK架啦.我吾放手因為好多科都係英文,吾跟吾得,好似IS咁,好多名詞架,打好基礎先放手.中,英我已放左手啦.數學..唉....
作者: 霖霖B媽咪    時間: 12-7-5 10:40

我所有都放左手,只係電腦亞女話真係唔明, 我就照書同佢講下, 通識就解左其中一本書比佢, 其餘兩本就自己溫, 佢話衰哂係思考題果part !!!:
作者: kilykilyk    時間: 12-7-5 11:29

本帖最後由 kilykilyk 於 12-7-5 11:36 編輯
htts 發表於 12-7-5 08:34
聽好多都話一上中一, 就一科至幾科不合格, 但本身成績係好ok架!

係咪真架?

我覺得要看小朋友有多努力及能力,仲要睇學校出份卷深定淺,未必會唔合格,睇情況..
我囝band 1英中,通識試過4字頭,但又上番6字頭,又有人話上到中學好難有9字頭,
我囝數、is、hist、中史等等都試過9字頭,好難有準測

作者: ydoris    時間: 12-7-5 12:37

咪係,睇返D試卷,打開書都吾識答...平日又無LONG QUESTION既練習架.我都係盡量叫佢係MULTI CHOICE度攞分保住及格.通常得半班及格,所以我都吾會話好擔心...9字頭真係試過1次..之後就無再見到啦...反而A,B字都見得多D...
作者: pineapple0983    時間: 12-7-5 16:38

好難講過喎.......

要睇吓邊 d 學校........同邊科囉......

有 d b1 英中你寫多多野,都只係攞雞碎咁多分~基本上能夠有 7X 分已經好勁。同小學郁親都 9x 分好唔同。

唔好話要答啱題目,睇唔睇得明 d 題目都成問題~

所以,唔合格唔係問題,最緊要唔好做包尾嗰幾個!
作者: son9698    時間: 12-7-5 18:31

Band 1A 英中老師在中一家長日說, 如子女取7X分, 家長應覺得子女幾乎100分咁叻了, 同小學好大分別.
但中英數主科不能不合格.

作者: ChiChiPaPa    時間: 12-7-5 19:31     標題: htts 的帖子

我想每間學校的分數安排都不一樣。我女小學時,數測常不合格,英文默書間中也不合格。上到中一,英默經常滿分,數學小測間中也能取得滿分。各科分數一般有八十幾。今年中二,都未試過唔合格。




作者: ANChan59    時間: 12-7-6 01:24     標題: 回覆:中一係咪多數會唔合格架?

阿仔學校考試卷勁深,特別是中英數,重要雙計,70+%已經好好成績,英文等同優秀外籍學生的英文,而他小學畤科科95+%,中一雖然全科合格,大多數是60一70%,理科及數學易d攞80一90%。




作者: ydoris    時間: 12-7-6 09:31

係LOR~以前我都係B1英中女校...中一開始,滿江紅啦..HKCEE又合格LOR~所以應該睇返學校水平既...而家我都可以同細路睇功課,即係其實我都吾係差既學歷啦..中學同小學真係2樣野,求學吾係求分數係中學係合適D.....
作者: weisscarton    時間: 12-7-6 10:13

其實真是睇邊間學校同邊一班。我女學校只要肯温書,真是好難見紅。大部份同學分數都好高。學校有網上練習,做齊又有分。所以大部份學生都很勤力。假如見紅真是好慘,會有壓力。主科唔合格會留班,所以一考試大家都會盡全力讀書。好多人都可以有八+分或以上。


作者: pineapple0983    時間: 12-7-6 10:23

我覺得初中主要戰場在中三,因為要選科;選得好唔好關乎以後 3 年同報大學邊系。成績唔好就要食埋曬 d 豬頭骨科目囉~

中一、中二期間小朋友邊讀邊學,到中三應該起碼適應到 95%以上!上到中學,學校要求 d 學生唔淨止係背書,要用腦,答野要有 point,逐個 point 計分,少廢話,你答 1,000 字都冇用,冇 point 就 1 分都冇~

如果讀英中的學生起碼要明白考試 d 題目問乜囉;因為無論平時點努力都好,答非所問真係勁寃枉,明明識都變唔識~
作者: ANChan59    時間: 12-7-6 11:36

回復 pineapple0983 的帖子

You are right F3 is so critical.....
You refer to marking scheme, personally, my son and I don't like this type of question and answer format. More open-ended and analytic questions may be more suitable for my son.

作者: pineapple0983    時間: 12-7-6 11:59

ANChan59 發表於 12-7-6 11:36
回復 pineapple0983 的帖子

You are right F3 is so critical.....
我其實係話某 d 科目咋.......好似 LS 嗰d......有d gifted 學生的答案好另類,但不表示係錯;ed 對改卷的老師好大挑戰........

作者: JustAParent    時間: 12-7-6 13:28     標題: 引用:聽好多都話一上中一,+就一科至幾科不合格,+

原帖由 htts 於 12-07-05 發表
聽好多都話一上中一, 就一科至幾科不合格, 但本身成績係好ok架!

係咪真架?
邏輯上合理嗎?即係全班好多學生張成績單都見紅?果真如此,我就真係懷疑間學校合格的標準是什麼。當然上了中學又唔會似小學科科九十幾一百啦。




作者: Chanv    時間: 12-7-7 09:51     標題: 回覆:中一係咪多數會唔合格架?

呀仔小學時科科8,9 字頭,而家中一科科5,6字頭。都叫全部合格,但就唔高分。學校話如果主科唔合格要留班。




作者: ZZdaphne    時間: 12-7-7 11:11

本帖最後由 ZZdaphne 於 12-7-7 11:12 編輯
son9698 發表於 12-7-5 18:31
Band 1A 英中老師在中一家長日說, 如子女取7X分, 家長應覺得子女幾乎100分咁叻了, 同小學好大分別.
但中英 ...

合理.....

我朋友個女係精英班中精英都是7X分....

不過數學會有人8X分...

作者: ZZdaphne    時間: 12-7-7 11:18

本帖最後由 ZZdaphne 於 12-7-7 11:23 編輯
霖霖B媽咪 發表於 12-7-5 10:40
我所有都放左手,只係電腦亞女話真係唔明, 我就照書同佢講下, 通識就解左其中一本書比佢, 其餘兩本就自己溫, 佢話衰哂係思考題果part !!!...

以後大部分都是呢類題目, 其他科目都是, 中史西史亦是...
你要平時多D要佢對事物,時事發表自己意見,
對佢思考問題有幫助.



作者: kilykilyk    時間: 12-7-7 12:15

本帖最後由 kilykilyk 於 12-7-7 13:25 編輯
son9698 發表於 12-7-5 18:31
Band 1A 英中老師在中一家長日說, 如子女取7X分, 家長應覺得子女幾乎100分咁叻了, 同小學好大分別.
但中英 ...

準則不同吧?我囝個小學同學讀屯門百周年F.1,四次考試平均分都是83-84,
都考不到頭5名,我想百周年都是BAND 1A吧??

作者: jarjane    時間: 12-7-7 18:41

本帖最後由 jarjane 於 12-11-15 18:20 編輯
ZZdaphne 發表於 12-7-7 11:11
合理.....

我朋友個女係精英班中精英都是7X分....

每間學校程度不同

作者: CrabPincers    時間: 12-7-8 10:38

ZZdaphne 發表於 12-7-7 11:11
合理.....

我朋友個女係精英班中精英都是7X分....
數學最易拿分架啦,岩就岩,吾岩就係吾岩,無個人主觀影響
作者: jimjimjim    時間: 12-7-8 11:14

好多時上到中學放左手俾小朋友自己讀
而佢自理能力唔好既咪會出事LOR

又或者佢小學時係死讀書0個TYPE

上下D暑期開既升中銜接課程會唔會好D?

作者: Heihmom    時間: 12-7-11 12:52

不一定 ! 主要睇個學生啫 !
作者: Papa_wong    時間: 12-7-11 14:02     標題: 好難講過喎.......要睇吓邊+d+學校........

原帖由 pineapple0983 於 12-07-05 發表
好難講過喎.......

要睇吓邊 d 學校........同邊科囉......
個仔間band one  學校70分,已是全級第三十,不可能與小學比了。




作者: lovelyec    時間: 12-7-11 17:55

我唸好睇間學校既試題深淺度同學生既水準, 亞囡間中學係B1英中, 初中時除左中, 英文科外, 科科都有人攞9字頭,  但到左高中要攞9字就好難!
作者: ohnono    時間: 12-7-18 16:16

阿仔班同學的分數,分佈好廣。99、100分的有,但同一時間唔合格的又大有人在。7x、80分又隨時below average!計來計去都計唔掂條數!

所以我明樓主的擔憂,有時連老師都攪唔清份卷係深定淺,完全冇準則!
作者: pineapple0983    時間: 12-7-19 10:43

有d 學校係用個試拔尖的。舉例:一年要考 3 個試,上學期,中期、下學期。3 個試佔全學期分的 % 都不同;d 學校會在其中一個影響不太大的試中,係某幾科(通常係數理科)出 d 超深的題目,用作選拔資優生。ed 學生可能會被培養,要接受特訓和代表學校出去比賽。

如果個小朋友係一般資質,係e種情形下唔好話高分,可能連合格都成問題;但咁並不表示佢差喎。所以,ed 野係相對的,最緊要唔好包尾就得~
作者: EUPFFSon    時間: 12-7-23 23:36

回復 霖霖B媽咪 的帖子

如果是中一有這成績都可以,但最好冇不合格(50以下)。
加上,日後通識是必須的,由小做好是最好的!加油!


作者: kathy_0246    時間: 12-8-3 14:57

回復 pineapple0983 的帖子

非常認同你講!
作者: sesamihk    時間: 12-8-3 17:57

提示: 作者被禁止或刪除 內容自動屏蔽
作者: fanho    時間: 12-8-4 09:11

我個女讀尖沙咀b1女英中,F.2全級219人,阿女無唔合格科目,科科都係得六七十分咋,平均分65點幾,都跌到全級162名,如果有一科唔合格,一定跌過二百名,聽啲師姐講,要考到一百名之內,你先有機會選科~.~




歡迎光臨 教育王國 (/) Powered by Discuz! X1.5