教育王國

標題: 思想叻左,可惜言語未配合到...... [打印本頁]

作者: why-me 時間: 12-7-4 10:21 標題: 思想叻左,可惜言語未配合到......

亞仔思想叻左, 但未配合到言語表達, 攪到佢好燥好易喊, 點算

作者: pocoyo123 時間: 12-7-4 11:36

WHY-ME:

你亞仔現在言語上可以怎樣表達?

我兒也有上述情況, 早兩年前到, 佢有時想講一些比較抽象的形容詞, 但唔識, 好多時我會即場引導佢, 或上綱搵, 睇到圖畫再慢慢解釋, 同時, 要多同佢睇書, 買多一些大圖畫, 一兩行文字圖書, 多大聲朗讀, 選一些比較日常生活化的, 多睇, 多說, 多聽, 對佢有一定幫助

作者: why-me 時間: 12-7-4 17:43

pocoyo123 發表於 12-7-4 11:36
WHY-ME:

你亞仔現在言語上可以怎樣表達?

只限於日常生活簡單用語, 我要飲果汁, 睇電視, 食飯.
亦有很多外星話.
好似佢唔滿意爸爸著襪上佢張床, 佢就一輪外星話, 爸爸唔明佢就用動作提爸爸脫襪.

作者: fandd 時間: 12-7-4 17:59

亞仔幾歲呢?

作者: why-me 時間: 12-7-5 10:32

fandd 發表於 12-7-4 17:59
亞仔幾歲呢?

6歲了, 係咪要打定輸數

作者: pocoyo123 時間: 12-7-5 12:10

why-me:

小朋友是否S位? 老師有乜意見比你?

我在小兒入S位時, 也有一段時間考慮到小兒會一直讀特殊學校, 不會再出主流, 但是, 最後, 我和學校的努力, 現在相信自己和小朋友一定可以.

首先., 我認為言語是主宰一個人的表達,社交,情緒, 所以, 改善言語同時其他亦步亦趨的, 如小朋友言語能力差, 就由圖畫詞語咭學起, 要知道, 不論學外語,母語, 也是由詞彙(VOCABULARY)起步, 要詞彙豐富, 先有組織句子能力,買多些圖咭, 每日不停學, 今日學兩個, 明天再溫, 如OK, 加兩個新的=4個, 學過的每日都要溫, 一定要有圖晝一起, 加上佢記憶, 慢慢來, 隨著佢詞彙多左, 表達能力相對會提升.

無論你兒子將來的路多難行, 但因有你在身後幫助, 佢一定會開心快樂

作者: fandd 時間: 12-7-5 13:00

講得好！將來既嘢邊個知吖！積極努力面對吧！

作者: why-me 時間: 12-7-5 18:33 標題: why-me:小朋友是否S位?+老師有乜意見比你?+

原帖由 pocoyo123 於 12-07-05 發表
why-me:

小朋友是否S位? 老師有乜意見比你?

個仔今年離開S位，入特殊學校輕度班。個仔係學校係一粒聲都唔出，ST 認為佢無語言能力。讀圖卡係咩認下物件名稱？其實個仔係今年開始先有明顯進步，講嘢多咗，如你所講個人都叻咗，學嘢係快咗(由其練精學懶) 重有冇提意俾我參考多啲？謝謝！

作者: why-me 時間: 12-7-5 18:39 標題: why-me:小朋友是否S位?+老師有乜意見比你?+

原帖由 pocoyo123 於 12-07-05 發表
why-me:

小朋友是否S位? 老師有乜意見比你?

亞仔有我，相信一定開心快樂，因身邊每一個人都好錫佢。但係我每日為佢將來憂心、傷神又有邊個幫到我呢

作者: pocoyo123 時間: 12-7-5 20:26

why-me:

st認為佢無言語能力, 係因為佢在學校無說話, 如果佢在家是有表達, 係好事的開始., 因為佢係有動機心態先有互動溝通.

書店有圖咭賣, 搵一些圍繞日常生活的, 例如: 人物, 地區,顏色,形狀......等等, 練習多些對佢日後表達好有用

作者: pocoyo123 時間: 12-7-5 20:41

小兒在I位時, ST也是暗示小兒有機會永遠也不識用言語表達, 當時心情極差, 後來, 想通了, 上天賜予我此兒子, 必有其原因, 人生沖沖數人年, 上天要我照顧佢, 賜予佢一生幸福快樂, 我亦要盡我一切努力對佢好.

難度生一個正常小朋友不要憂心嗎? 相信不是啦, 每人有佢自己的路要走, 亦不是我們父母可安排好一路安全行下去, 憂傷担心不可改變命運, 積極努力先令大家幸福地活下去

作者: apple~y 時間: 12-7-5 20:48

回復 why-me 的帖子

我想問0下小朋友除0左語言能力差,表達,理解,社交構通如何??
如果入特殊學校輕度班,第日能力ok有可能出番主流嗎??
定係一路行特殊之路,第日大個畢業出路怎樣??

作者: why-me 時間: 12-7-6 10:00

pocoyo123 發表於 12-7-5 20:26
why-me:

st認為佢無言語能力, 係因為佢在學校無說話, 如果佢在家是有表達, 係好事的開始., 因為佢係有動機 ...

係屋企動機多好多, 今年老師都話佢進步左好多, 模仿力強左, 睇"斑尼"都識跟下做動作, 叫做有"突破"
煩在佢係屋企對學習冇興趣, 同佢訓練直頭唔肯做, 但老師講佢係學校好合作, 坐定兩個鐘做野都得

作者: why-me 時間: 12-7-6 10:03

pocoyo123 發表於 12-7-5 20:41
小兒在I位時, ST也是暗示小兒有機會永遠也不識用言語表達, 當時心情極差, 後來, 想通了, 上天賜予我此兒子, ...

感激你對我開解, 但當心情差時難免諗埋一邊.
九月返新學校, 唔似S位照顧週到, 下下有人睇住, 好擔心.

作者: why-me 時間: 12-7-6 10:11

apple~y 發表於 12-7-5 20:48
回復 why-me 的帖子

我想問0下小朋友除0左語言能力差,表達,理解,社交構通如何??

其他都係唔太掂, 但進步中.
日後能否出主流?咁遠唔諗住了, 睇下佢能力如何再算.

作者: apple~y 時間: 12-7-6 10:54

回復 why-me 的帖子

輕度學校係咪只得語言治療
你有無係出面再搵訓練做
老師話有進步咪好,加油

作者: why-me 時間: 12-7-6 13:25 標題: 回復+why-me+的帖子輕度學校係咪只得語言

本帖最後由 why-me 於 12-7-13 09:44 編輯

原帖由 apple~y 於 12-07-06 發表
回復 why-me 的帖子

輕度學校係咪只得語言治療

輕度係得ST，但佢嗰間有埋OT，我有同佢出外訓練，但成效麻麻。現主力做吓針灸，多啲運動、游水，始終問題源於腦部發展障礙，治本緊要啲。

作者: apple~y 時間: 12-7-6 21:19

本帖最後由 apple~y 於 12-7-6 21:23 編輯

回復 why-me 的帖子

我都認同問題源於腦部發展障礙,除0左s位3T訓練外,我呢排做髗骶骨及戒口
你小朋友識游水0甘叻
我打算比小朋友學攀石,

作者: why-me 時間: 12-7-13 09:43

本帖最後由 why-me 於 12-7-13 09:43 編輯

apple~y 發表於 12-7-6 21:19
回復 why-me 的帖子

我都認同問題源於腦部發展障礙,除0左s位3T訓練外,我呢排做髗骶骨及戒口

佢天生唔怕水, 攬住個水泡就天下無敵

攀石我仔都有玩, 對計劃動作,手腳眼協調好有幫助 .

作者: bbpigbb 時間: 12-7-13 22:49 標題: 回覆：apple~y 的帖子

Hi apple-y
請問髗骶骨有沒有成效？是否按頭位？會否很痛？

作者: bbpigbb 時間: 12-7-13 22:54 標題: 回覆：apple~y 的帖子

問漏了一句：你小孩是否有去睇Dr，才決定幫小孩戒口？

歡迎光臨教育王國 (/)