教育王國

標題: 請教真幼家長!!! [打印本頁]

作者: leejes 時間: 12-7-2 08:35 標題: 請教真幼家長!!!

想請教!我女今年入讀K1，經常聽話真幼課程好淺，不明白淺的意思是英文，定係包括所有課程?但係本人都想不通返學無書的話，實際上在學校𥚃是學些什麼? 小女現讀迦南N班，知道了來年取消學券，即課程又會多原化很多，所以越來越擔心真幼學術性是否真的弱些? 請幫忙解答!謝謝!

作者: Charlotte_mom 時間: 12-7-2 12:52 標題: 引用：想請教!我女今年入讀K1，經常聽話真幼課程

原帖由 leejes 於 12-07-02 發表
想請教!我女今年入讀K1，經常聽話真幼課程好淺，不明白淺的意思是英文，定係包括所有課程?但係本人都想不通 ...

真幼課程吾叫深，亦吾算淺。無課本？點會呀

作者: leejes 時間: 12-7-2 16:16 標題: 引用：Quote:原帖由+leejes+於+12-07-02+發表想請

原帖由 Charlotte_mom 於 12-07-02 發表
真幼課程吾叫深，亦吾算淺。無課本？點會呀

只係得一套晶晶出版的圖書。

作者: Charlotte_mom 時間: 12-7-2 20:00 標題: 引用：Quote:原帖由+Charlotte_mom+於+12-07-02+

原帖由 leejes 於 12-07-02 發表
只係得一套晶晶出版的圖書。

書只係一種工具，俾你買3000蚊教材而老師無用心教，小朋友咪一樣吾識？真幼係以單元形式教，無錯本書真係得幾粒字，但好多幼稚園都用緊呢套教材，你吾需要過份擔心。如果真幼真係教得吾好，又點會咁多人想入呢

就算去到小學，亦有學校係用校本課程，即吾用坊間課本，由學校自己編制，教得到知識就無問題啦

作者: 米米噢 時間: 12-7-2 21:36

以本人而言, 中文相對一般幼園不會是淺, 對小朋友的基礎(或興趣)很強(由其普通話). 但英文可能以現時一般家長的要求來說, 會是淺.

作者: WanSze 時間: 12-7-2 22:47 標題: 引用：Quote:原帖由+Charlotte_mom+於+12-07-02+

原帖由 leejes 於 12-07-02 發表
只係得一套晶晶出版的圖書。

學校又真係得呢一套，而且無規定家長一定要買，所以我大女K2個年已經無買，今年細女K1亦無買。不過唔代表小朋友學唔到野，學校會有工作紙俾小朋友堂上做，亦有單元活動要小朋友回家搵資料再返學校分享，我細女今年就試過在課堂上整魚柳鮑，絕對是愉快學習。所以真係要睇你要咩，學術上中文我覺得比出面的強，英文就一般，而學校亦著重小朋友的自理能力及品格教育，亦因此，學校的家校合作做得好好，因為學校相信，教導小朋友，是要家校互相配合，才能發揮功效。

作者: leejes 時間: 12-7-2 23:15 標題: 引用：Quote:原帖由+leejes+於+12-07-02+發表只係

原帖由 WanSze 於 12-07-02 發表
學校又真係得呢一套，而且無規定家長一定要買，所以我大女K2個年已經無買，今年細女K1亦無買。不過唔代表小 ...

多謝大家提供意見，想請問phonics係K幾開始有得學㗎?一星期有幾堂，thx

作者: Charlotte_mom 時間: 12-7-3 12:59

之前我女既年代係無phonics的, 而家我就唔清楚
同意樓上家長講, 英文訓練係有待加強, 其實真的, 無一間學校係完美, 人人都係返咁多鐘頭學, 學得呢樣多左, 自然少左另一樣, 至少你清楚知道咩要做, 搵英文班亦唔太難, 邊樣唔夠就跟邊樣好了

作者: 米米噢 時間: 12-7-3 16:27

剛問了亞女, 佢話一星期有一堂phonics

作者: WanSze 時間: 12-7-3 18:33 標題: 回覆：請教真幼家長!!!

外籍英文老師每星期上一堂，其餘英文堂由班老師教，K1主要是講故事及唱遊形式，K2 及K3學Phonics 。

歡迎光臨教育王國 (/)