教育王國

標題: 我仔考第幾關你咩事.... [打印本頁]

作者: HTBT 時間: 12-6-29 23:36 標題: 我仔考第幾關你咩事....

點解 d人咁鍾意比較？我都話我仔成績同上次差唔多，係都要問係咪十名內(我地成績表只寫班頭十名名次）。我一向都好反感，好似十名外就好差。阿仔大左，唔鍾意我講佢。

作者: lojo11 時間: 12-6-30 09:13 標題: 回覆：HTBT 的帖子

如果係熟朋友，我相信係關心而唔無比較！當然，如果你覺得佢係想比較，仔鐘唔鐘意，你都可選擇唔講。唔好令到自己唔開心。

作者: alice44 時間: 12-6-30 09:39

我都覺得有些人係想八下你考第幾而不是真的關心, 又或者係佢自己的仔女考得好想比人知等等... 如果我唔想講我就會轉話題.
我仔小五嗰時又係咁, 雖然我唔係好介意人地問我, 但有一個家長真係好煩, 一派晒卷就打電話嚟問係邊科邊科幾多分, 係次次都打嚟, 你話煩唔煩吖?! 你話見到面問下我都接受, 但特燈打嚟我就唔係好鐘意.

作者: 鼻涕蟲 時間: 12-6-30 10:00

我都試過, 一派卷就問分數, 派完成績表, 又問全級是幾多名..... 有一次我忍5住反問佢小朋友考成點 , 佢竟然話"5記得" ee 鵝鵝 ..:anger
呢類家長少接觸為妙.....

作者: lojo11 時間: 12-6-30 10:05 標題: 回覆：鼻涕蟲的帖子

呢種家長好奇怪，問得人預左比人問番！

作者: 小魚兒1 時間: 12-6-30 10:51

我都試過反問對方,但佢eeoo死唔講仲要係咁問我,面皮真厚

作者: HTBT 時間: 12-6-30 11:01

咪係囉！有個肥仔同學，成績好好，自己 100分就笑人98分低分。今次自己名次後左，就偷睇我仔成績表，仲同人講我仔咩成績。最嬲係另外一個家長都八到，打電話來扮唔知係度問長問短，又同另外一個大家都識d friend係度講講講，所以我先知，你顧掂自己女先 la，成日周圍八。今次我好慶，因為以為係朋友，但又係假的，所以係度發表下。

作者: anna59 時間: 12-6-30 11:36

唉,唔怪得有d家長,固意避第二d家長啦!

作者: anna59 時間: 12-6-30 11:44

有d家長可能想向人地面前認"一哥",我以前細個有個同學既亞媽又系依d人,會考放榜又打黎問我亞媽我考成點,未結婚又睇我結左婚未,結左婚又睇下我亞媽做左亞婆未,我亞媽答佢"下個月"(因為我大緊肚),點知佢個女結左婚又唔生,我唸佢今次做唔到一哥喇!
算啦,依個世界真系乜人都有

作者: HTBT 時間: 12-6-30 12:03

最麻煩就係佢自己女成績差，又話個女咩咩叻，反問佢又話個女每次進步左 40幾分，一係竟然話唔知個女講咩。我老公都叫我少同這些人聯絡為妙。

作者: ANNAFRIEND 時間: 12-6-30 13:19

好熟我唔介意, 如果間唔中見我又feel到佢只係想比較我就好反感. 我識一個咪係羅, 見親就問我個女考成點. 有次佢一見我地就問我個女考第幾. 我個女就大大聲話比佢知. 點知佢就即刻同我個女講: 下次你真係要努力d啦. 其實阿女唔係考得好差, 但佢o甘講就好似話佢考得好差. 可能佢個女考第一啦. 不過我從來唔會問佢個女考成點, 佢冇得o係我面前哂羅.

作者: ANNAFRIEND 時間: 12-6-30 13:26

我都好憎果d持住成績好去笑同學仔的小朋友. 直覺上佢父母冇家教

. 我通常會教阿女唔須要講分數比人聽, 叻又好, 差又好, 唔好同人比較. 考得叻自己知就得, 考得唔好下次要努力. 更加唔可以笑人. 不過我阿女話同學仔搶佢張試卷黎睇, 呢種小朋友又係好冇家教下喎. 就算名校都要睇下收的學生父母質素. 有時聽到都唔相信有呢種極冇家教的小朋友.

作者: rogerlam123 時間: 12-6-30 13:34 標題: 回覆：我仔考第幾關你咩事....

平常心對付，反正講唔講係你自己嘅事，唔想講咪一句＂OK la＂帶過算數。

作者: ANNAFRIEND 時間: 12-6-30 13:57

HTBT 發表於 12-6-30 12:03
最麻煩就係佢自己女成績差，又話個女咩咩叻，反問佢又話個女每次進步左 40幾分，一係竟然話唔知個女講咩。 ...

每次進步40幾分, 多幾次佢咪爆燈

作者: wykman 時間: 12-6-30 16:21

有D人真係架好自私架，你有料比佢，到你想問返去攞，咦咦哦哦哽係唔會過返比你啦!

作者: wister 時間: 12-6-30 22:38

你嚮度講都無用，既然人地面皮厚，你咪自己直接同佢講叫佢唔好再問囉

作者: HTBT 時間: 12-6-30 23:19

仲要人地報咩佢又報咩。見我仔準備考5級樂理，佢個女連 3級琴都未考又話想考，連佢個琴老師都話佢唔好心急。唉，真係以為個女係超人。我只係叫自己仔唔好理人地，自己同自己比較，分數相差幾分縂會有。更唔可以笑人地，因為冇人有姿格笑人，一山還有一山高，唔好做井底之蛙。

作者: HTBT 時間: 12-6-30 23:29

只係想呻下唧！

作者: jj7723 時間: 12-7-1 00:27

我從來都唔會問人地仔女考第幾. 因為覺得人地考得好唔好都唔關我事. 不過有好多八卦家長見人就問, 我一定答OK啦, 同上次差唔多等. 試過亞女考第二, 有個家長不停追問, 我都係咁答. 又試過考第十, 我又係咁答, 廢事煩. 我無問番佢女考第幾, 我根本唔想知.

作者: Parisienne 時間: 12-7-1 11:03

坦白講，比較係人之常情。
買飛前面有兩條隊，你都自然會比較吓邊條快D la 。

只是有些人問得太直得罪人，有些卻表面唔計、心中暗計。
純綷技術問題。
我信有人出至關心 ( 當然關心自己居多) ，亦有些人係 :你好佢唔開心、你差佢就放心。
在一個考試制度裏，一開始個本質就係要計，有名次之分又點會唔去比較？個遊戲就係局住要大家互相比較！如果學校只公佈十名內成績，咪算佢有良心囉。

所以，唔駛唔開心，問得你太直的只能怪佢唐突，無比時間你準備一個大方得體的標準答案。

作者: gwan 時間: 12-7-2 09:38

要派位的特別關心人地的分數/名次，因有直接利益衝突，我只會和很熟的朋友才講名次和分數，費時多是非。

作者: Kit238 時間: 12-7-2 14:34

提示: 作者被禁止或刪除內容自動屏蔽

作者: baekdoosan 時間: 12-7-2 20:17

我(教小朋友)禮貌性回答：「考得OK啦/考得唔好，唔想講。」

作者: mr1963 時間: 12-7-2 22:20 標題: 回覆：我仔考第幾關你咩事....

我仔今年派位派得好後，有D同事自從2/6 後，日曰問我叩門叩成點。自己唔䦕心，唔想提，我覺得呢D同事好討厭:;pppp::;pppp:

作者: tws2010 時間: 12-7-2 22:45

回復 gwan 的帖子

True. I just told those who kids are not at the same level as my son. Those in his grade, unless the others know, all I said is "ok la"

作者: chumamma 時間: 12-7-2 22:56

HTBT 發表於 12-6-29 23:36
點解 d人咁鍾意比較？我都話我仔成績同上次差唔多，係都要問係咪十名內(我地成績表只寫班頭十名名次）。我 ...

我仲慘, 有位家長個囡初小是全級考第一, 但成績一直漸向下, 爸媽要返工, 單靠小朋友自己溫書。

呢位家長前日, 昨日, 合共打了十三個電話給我, 我十二個電話都話唔得閒, 佢在第十三個電話忍唔住, 話要向我囡比較分數名次, 我唔想開罪家長, 山水有相逢, 唯有搵藉口避開唔答。

我囡好蠢,..... 我同老公勤力, 日日幫小朋友溫書, 所以成績一直有進步。

下次考試, 我又唔知搵咩藉口避開佢問名次, 好煩。

同時間, 我覺得好有壓力, 續份卷問分數比較, 我希望呢位家長睇到我的留言

【請你不要來電不停追問分數, 分數高低又如何 ????? 】

作者: HTBT 時間: 12-7-2 23:33

我覺得最好學校只排頭三名算了，通常都係嗰幾個唔駛爭，其他大家估估下咪算囉，攪到大人細路比來比去，太辛苦了。而且唔需要知道人地做咩，驚死執輸。我都聽聞高年級的小朋友都唔會隨便講自己 d分，費事煩。

作者: songyang578 時間: 12-7-3 11:19

提示: 作者被禁止或刪除內容自動屏蔽

作者: lojo11 時間: 12-7-3 13:31

回復 chumamma 的帖子

個位家長咁有趣! 有時間不如做d有value的事啦... 知道其他人成績都幫唔到自己個囡啦...

作者: haihaimom 時間: 12-7-3 13:33

我會咁答，小朋友大啦，佢唔想我同人講佢啲成績，都要專重下佢既想法既

作者: smile_ceci888 時間: 12-7-12 22:15

有D家長真係好衰，平時就扮fd，一到有利益衝突的時候就踩低人地抬高自己，又或者擺人上枱，咁既「好榜樣」會教到D怎樣既仔女？

作者: 飛機師 時間: 12-7-13 00:22

回復 lojo11 的帖子

同意.

作者: 雲 時間: 12-7-13 01:24

我一直都好想呻

我生個女出黎唔係要同人比較分數的.
最變態的是有一位不相識的媽媽,小一時已問我個女考成點,我第一次答佢後,我發覺佢只係考完試派完卷就周圍問人成績,平日同大家一句招呼都唔打,個女幾叻幾勁,家長咁唔尊重人,真係唔會同佢交往啦.佢見我亞女不會威脅到佢亞女,再沒問我成績.真心話:仲好!
點知我亞女今次有一科滿分(老師向全班表揚),其實亞女其他科目都一般.我真的估不到這位愛比較的媽媽竟然不是向我埋手,她竟在放學時從她的家長接送區,衝到我亞女的補母車區向我個女埋手,問完一科又一科,我亞女沒心計,只有一五一十的回答自己的分數,唉...天啊!

可怒也
我得到教訓,我教亞女以後要同別人講:"媽媽話唔好講分數出黎,唔想比較"
呻完,多謝!

作者: chanruby 時間: 12-7-13 10:40

回復雲的帖子

hello

this is exactly harassment, pretty close to 'horror' (to both kids & parents !!)

作者: satu 時間: 12-7-13 23:44

唉, . 有好多8掛既家長, 問唔到大人. 就向小朋友埋手, 趁佢地單獨時就逐科問幾多分. 考第幾,. 小朋友唔想講, 但又唔敢唔答. 比你問一問就科科都講你聽. 超老土. 好心顧掂你自己小朋友仲好啦.

唔好大教壞細, 家教家教, 有D小朋友, 把口唔收. 一派卷就大聲左問右問. 自己多人一分半分.就大動作到死. 救命. 怪獸家長生怪獸同學.

唔該唔好再問人地既成績啦. 我咩成績關你鬼事咩

作者: gwan 時間: 12-7-14 10:26

最恐怖的不是踩低人地抬高自己，而係擺人上台。

有一個非常媽，好怕人地知佢個仔叻，怕被人針對，所以週圍唱話人地個仔點叻點叻，尤其我個仔，五年班一定標上來喔，但一路佢個仔的成績都贏我個仔成條街，呢些人更恐怖，捧到你高高，等人人防你注意你，然後見你個仔考得唔夠佢個仔好，陰陰笑！

作者: 888Amy 時間: 12-7-14 10:57

我仲生氣, 我個仔叻過個肥師奶個仔考試幾次, 個肥肥師奶開始心理唔平衡, 但佢又要成日問我個仔考成點.問左佢又唔開心. 成日問我點解要b個仔出來. 比着佢有個大女就唔會b個仔出來, 冇理由要b個仔出來.
又問我又話自己d仔女咁叻點解唔做童星, 佢都痴.

作者: 888Amy 時間: 12-7-14 10:59

我覺得最好唔好講比你聽個仔成績考成點, 以免被人針對.

作者: 瑩瑩老豆 時間: 12-7-14 11:01

HTBT 發表於 12-7-2 23:33
我覺得最好學校只排頭三名算了，通常都係嗰幾個唔駛爭，其他大家估估下咪算囉，攪到大人細路比來比去，太辛 ...

不排名次D 家長也會追問分數的, 好似欠佢咁 :;pppp:

作者: gwan 時間: 12-7-14 11:26

唉，我已教個仔保密，可惜佢地D仔搶我個仔份卷嚟睇，好低裝！老師有時又會讀分和讀名次，好難保密的！

作者: yenwong965 時間: 12-7-14 20:06 標題: 回覆：我仔考第幾關你咩事....

啲新移民同學媽媽又係咁:;pppp::;pppp:

作者: 旦仔 時間: 12-7-15 08:56 標題: 引用：坦白講，比較係人之常情。買飛前面有兩條隊

原帖由 Parisienne 於 12-07-01 發表
坦白講，比較係人之常情。
買飛前面有兩條隊，你都自然會比較吓邊條快D la 。

非常認同，答得好好！

作者: happy.rita 時間: 12-7-15 13:27 標題: 引用：坦白講，比較係人之常情。買飛前面有兩條隊

原帖由 Parisienne 於 12-07-01 發表
坦白講，比較係人之常情。
買飛前面有兩條隊，你都自然會比較吓邊條快D la 。

同意，比較係人之常情，家長都想知自己個仔女嘅水平去到邊，但跟全班、全級比較先有用，同個別同學仔比較高低有意思嗎？已有全班名次或全級名次已足夠，就算無名次，都可以問下老師意見啦。雖然我小朋友連幼稚園都未讀，但我自己由細到大身邊都有好多問我成績嘅同學、家長，真係好煩！

作者: ANNAFRIEND 時間: 12-7-16 18:22

yenwong965 發表於 12-7-14 20:06
啲新移民同學媽媽又係咁

你對, 新移民家長係極之鐘意比較, 連興趣班都要同你比. 襯我行開左就問我小朋友英文拿多少分. 我之前教左我小朋友, 唔須要同人講拿多少分. 所以冇彩佢.

作者: kochiman2004 時間: 12-7-16 18:41

回復 ANNAFRIEND 的帖子

她們常 "襯大人行開左就問小朋友", 有 D "鬼鼠" ! 是否自悲心熊 ?

作者: ANNAFRIEND 時間: 12-7-16 20:18

kochiman2004 發表於 12-7-16 18:41
回復 ANNAFRIEND 的帖子

她們常 "襯大人行開左就問小朋友", 有 D "鬼鼠" ! 是否自悲心熊 ? ...

佢都真係幾鬼鼠架, 大家在等返學都唔問我, 係要等我行開左先問我小朋友. 唔知點解我又心血來潮知道佢會o甘做, 放學後咪問大女頭先個姨姨有冇問你英文分數, 果然有. 但係大女話冇講佢知羅. 我成日都見呢個家長圍埋"自己友"傾分數, 講得多都悶啦. 新移民又真係好鐘意比較.

作者: shing7810 時間: 12-7-17 12:39

有d家長係咁架，要標榜自己小朋友如何如何，一定要叻過你小朋友，踩低人抬高自己先開心，咁嘅心態又點會教出人格好嘅小朋友，自己連謙遜兩個字都唔識。

作者: lojo11 時間: 12-7-17 13:04

其實唔明某d家長, 你小朋友叻過我小朋友又如何? 咁考全級第一囉... 唔洗問人成績都知至勁係你啦...

當然, 同熟朋友, 或者一d真係互相關心的家長, 我覺得分享下係無問題...

作者: cckma 時間: 12-7-17 15:06

lojo11 發表於 12-7-17 13:04
其實唔明某d家長, 你小朋友叻過我小朋友又如何? 咁考全級第一囉... 唔洗問人成績都知至勁係你啦... :unknow ...

lojo11
同意你的觀點, 如果是善意, 互相交流一下成績, 增加透明度也可以加深家長間的教仔心德也無所謂, 其實因為怕引起誤會, 所以不會主動問人, 寧愿在BK與好心的媽媽們討論小朋友的成績, 及如何改善.

作者: kitkit218 時間: 12-7-17 15:25

通常都唔會答,只答ok la ,人人要求都唔同

作者: beebeebee2006 時間: 12-7-17 15:31 標題: 引用：通常都唔會答,只答ok+la+,人人要求都唔同

原帖由 kitkit218 於 12-07-17 發表
通常都唔會答,只答ok la ,人人要求都唔同

作者: noodle_amy_h 時間: 12-7-17 17:01

回復 cckma 的帖子

同意

作者: lengtung 時間: 12-7-17 19:01 標題: 回覆：satu 的帖子

係同學家長都好D，如果係叔仔仲煩。成日將個女同我個仔比較，小學時男仔讀書比較差，唔見我們講，就問阿仔。講到自己個女讀書點叻。真係冇得避😓

作者: lojo11 時間: 12-7-17 19:33

回復 lengtung 的帖子

男人都好比較野???

作者: lengtung 時間: 12-7-17 19:37 標題: 回覆：lojo11 的帖子

兩公婆一樣

歡迎光臨教育王國 (/)