教育王國

標題: 被一位自稱喺九龍塘某英文小學嘅現職女老師補習呃鐘 [打印本頁]

作者: yy13 時間: 11-4-25 09:41 標題: 被一位自稱喺九龍塘某英文小學嘅現職女老師補習呃鐘

因為想知道係我小朋友問題抑或補習老師

問題
請問下
教P3 小朋友
由教寫大綱開始
一堂通常大約要用幾多時間?
thanks

[ 本帖最後由 yy13 於 11-5-6 13:09 編輯 ]

作者: Carmen2004121 時間: 11-4-25 10:45 標題: 回覆 1# yy13 的文章

都要看小朋友合吾合作 , 但我就吾會一堂淨教作文 . 一般小三我覺 1.5h 可教多樣 ( 同科 ) . 老師在堂上教一些 , 留下功課 . 下當批改時再教錯的 .

作者: overview 時間: 11-4-25 11:50 標題: 回覆 2# yy13 的文章

單係作文, 一堂一粒鐘應該夠有餘, 因大多數作一百幾十字. 我應為最好tutor一邊教, 一邊跟小朋友改正字句最好, 因放低功課比小朋友做, 好多時小朋友都會求其做.

作者: yy13 時間: 11-4-25 12:26

其實我小朋友本身理解 + 表達遲緩
雖然話P3
但實際程度可能只有P2
佢係唔識點諗內容 + 唔識點寫
又或者寫到9唔8搭
所以我都唔預可以1個鐘攪掂 (原先預1個半鐘)
不過依家個補習老師用足2個幾鐘
多出時間係要照計錢
我就覺得有問題
但唔想話錯人
所以想問下大家
係咪我要求高?

作者: overview 時間: 11-4-25 12:31

有d tutor係hea時間, 如果只係叫小朋友自己諗, 真係可以作到天光都未作完.

其實你要求導師一路guide住小朋友, 即小朋友想好idea, 導師幫手及指導點樣寫出黎, 或者你小朋友成篇寫有難度, 可要求tutor由短句開始.

搵導師真係要搵到一個上心的, 有耐性, 有方法. 我都try過有d tutor係好hea, 我會好serious咁講出我要求, 如: 一堂一定要作完...如果見tutor唔多掂, 直情唔會再用, 費時晒時間及money.

你可唔可以pm我你的tutor貴姓及收費呢 ?

原帖由 yy13 於 11-4-25 12:26 發表
其實我小朋友本身理解 + 表達遲緩
雖然話P3
但實際程度可能只有P2
佢係唔識點諗內容 + 唔識點寫
又或者寫到9唔8搭
所以我都唔預可以1個鐘攪掂 (原先預1個半鐘)
不過依家個補習老師用足2個幾鐘
多出時間係要照計錢
我 ...

[ 本帖最後由 overview 於 11-4-25 12:37 編輯 ]

作者: miffy 時間: 11-4-25 14:58

提示: 作者被禁止或刪除內容自動屏蔽

作者: mamee 時間: 11-4-25 15:23

原帖由 miffy 於 11-4-25 14:58 發表
其實如果小朋友寫得慢, 因為佢唔知作文的方法, 你可自己引導下佢, 好過請tutor

我個仔都係小三, 我認同平時自己引導下小朋友, 好過請tutor. miffy大致講晒三段主旨, 我就教埋阿仔最緊要用五感(味覺、嗅覺、觸覺、聽覺、視覺), 其實好好用, 加加埋埋每次都會夠字數, 另外再提佢記住加多些形容詞, 篇文就會生動, 分又會高些.

[ 本帖最後由 mamee 於 11-4-25 15:44 編輯 ]

作者: yy13 時間: 11-4-25 15:28

我目前想證實D 資料
未清楚前我唔想影響人
如果證實左我會公開佢o既資料等其他媽咪知道
無論浪費真正想搵補習o既媽咪時間
不過我可以講o既係佢收得唔平
要$150/鐘

原帖由 overview 於 11-4-25 12:31 發表
有d tutor係hea時間, 如果只係叫小朋友自己諗, 真係可以作到天光都未作完.

其實你要求導師一路guide住小朋友, 即小朋友想好idea, 導師幫手及指導點樣寫出黎, 或者你小朋友成篇寫有難度, 可要求tutor由短句開始.

搵 ...

作者: yy13 時間: 11-4-25 15:40

miffy, mamee

真係唔該晒你地D意見
等我返去再自己試下先
但我仔唔止作文差
佢連閱讀理解嗰part 都唔掂
因為好多字唔識讀
就算識讀亦會執筆忘字
識讀識寫都會唔識解
總之佢嘅語文各方面由BB 到依家都好弱
其實由P1至依家都係我自己教佢
但教極佢都唔多掂
所以先諗住搵D有經驗嘅補習用另外方法幫下佢

作者: alice44 時間: 11-4-25 16:36

原帖由 yy13 於 11-4-25 15:40 發表
miffy, mamee

真係唔該晒你地D意見
等我返去再自己試下先
但我仔唔止作文差
佢連閱讀理解嗰part 都唔掂
因為好多字唔識讀
就算識讀亦會執筆忘字
識讀識寫都會唔識解
總之佢嘅語文各方面由BB 到依家都好弱
其實由P1 ...

我個仔小三時, 老師話佢作文OK, 好過好多同學, 小四都仲可以, 但上到小五, 當時的中文老師說佢D作文程度好似人地小三四咁, 沒有進步, 所以我找了上門補習補作文和閱讀理解, 閱讀理解佢就唔太差, 不過就好似欠少少咁, 所以兩樣都補. 到了現在P.6好了不少, 補習老師話佢如果個題目佢了解的話, 佢就會作得好好, 如果唔太明白題目或者開唔中佢嗰番, 佢就作得唔好, 但考試嚟講都攞到唔錯成績.
我個補習老師每星期都會要佢作一篇文, 可能咁樣, 佢進步不少. 閱讀理解都係每星期一篇, 但就會堂上做. 有時間就做語文知識, 因為其中一次考試考得唔好, 所以補習老師又要做多D, 不過呢個老師真係好上心, 教得個仔好好, 所以我都全部放手比佢攪, 唔使我擔心. 所以遇到一個好的補習老師真係唔容易, 阿仔好彩找一次就找到, 所以上中學我都會繼續補, 補到個老師唔補為止.
樓主, 作文都係多做就會好D, 你個小朋友係唔係都會每星期作一篇文o家?!

作者: 五歲仔 時間: 11-4-26 11:32

原帖由 yy13 於 11-4-25 15:28 發表
我目前想證實D 資料
未清楚前我唔想影響人
如果證實左我會公開佢o既資料等其他媽咪知道
無論浪費真正想搵補習o既媽咪時間
不過我可以講o既係佢收得唔平
要$150/鐘

...

個價錢真係幾貴, 不過, 都要視乎佢係甚程度和經驗, 你在這裡問人意見, 即係你都懷疑個補習老師的水平, 那不如不補吧

如果真的要補, 低小, 每星期補1至1.5小時已經好足夠, 個小朋友都沒有那麼好專注力啦

作者: yy13 時間: 11-4-26 12:18

你真係好
可以搵到個好補習老師
我已經搵到第3個
之前P2 下學期經agent 搵過2個姐姐
第1個好多次連功課有錯都睇唔到
第2個成日話唔舒服
連我仔考試前/期間都話黎唔到
跟住仲失埋蹤電話都唔覆
所以P3 又諗住自己跟返
但每次溫書都實在太傷感情
加上今次中文考試唔合格
所以又再搵補習幫下手
希望可以幫阿仔改善下
之前補習姐姐比$80/鐘
今次諗住比多少少搵個好D
唔駛睇功課專科補
今次......已經上左4堂
暫時未發現有咩技巧教過我仔

原帖由 alice44 於 11-4-25 16:36 發表

我個仔小三時, 老師話佢作文OK, 好過好多同學, 小四都仲可以, 但上到小五, 當時的中文老師說佢D作文程度好似人地小三四咁, 沒有進步, 所以我找了上門補習補作文和閱讀理解, 閱讀理解佢就唔太差, 不過就好似欠少少 ...

作者: yy13 時間: 11-4-26 12:41

如果真係1個半-2個鐘教到應該要教嘅野
$150/鐘我都覺得OK
出面學野1:1X 平均都要$1XX/堂
但佢貴在超時都要我比
頭2堂佢話要睇下我仔能力有幾多
所以加鐘我都無問題照比
到第3堂中作又話要加
佢就話係我仔唔識諗點作/諗到亂晒籠
所以我先上黎問下
究竟教中作究竟需時幾耐

呢個老師喺BK 搵返黎
我從來無質疑過佢講嘅學歷/經驗
所以上左4堂都無問佢攞證明睇
不過暫時未睇到有咩技巧教左
但補習費就已經比左$1650 (堂堂清)
費用固然係貴
但如果真係好都話值得
所以我已經要求佢今堂要比返D 證明我睇佢係值得比

原帖由 五歲仔 於 11-4-26 11:32 發表

個價錢真係幾貴, 不過, 都要視乎佢係甚程度和經驗, 你在這裡問人意見, 即係你都懷疑個補習老師的水平, 那不如不補吧

如果真的要補, 低小, 每星期補1至1.5小時已經好足夠, 個小朋友都沒有那麼好專注力啦 ...

作者: brianshe 時間: 11-4-26 13:20

提示: 作者被禁止或刪除內容自動屏蔽

作者: 五歲仔 時間: 11-4-26 13:22

原帖由 yy13 於 11-4-26 12:41 發表
如果真係1個半-2個鐘教到應該要教嘅野
$150/鐘我都覺得OK
出面學野1:1X 平均都要$1XX/堂
但佢貴在超時都要我比
頭2堂佢話要睇下我仔能力有幾多
所以加鐘我都無問題照比
到第3堂中作又話要加
佢就話係我仔唔識諗點作/ ...

好的補習老師, 大多數都唔會係agent 搵到, 多數係要由熟人介紹, 佢係唔係有實力或有技巧去幫個小朋友, 補一兩堂便知, 睇唔睇佢張證書唔多重要, 有學歷都唔一定識補, 但佢收禁貴, 一定係大學生兼中/英文取A, 如果唔係, 你飛左佢啦

我唔明點解佢要超時, 就算唔收錢, 我都好反感, 因為阻住做其他野, 佢連時間都唔識掌握(亦好似唔多識幫低小補習), 似乎係想呃鐘兼呃錢多d , 你可唔可以講下佢點同你個仔補作文呢?佢無理由唔去guide個小朋友, 而只說他唔懂得, 比錢佢就係要佢的技巧去教個小朋友, 而唔係由個小朋友自由發揮

我都找補習老師找到好氣餒, 而加自己跟, 好好多

[ 本帖最後由五歲仔於 11-4-26 13:36 編輯 ]

作者: AlanShirley 時間: 11-4-26 13:23 標題: 回覆 1# yy13 的文章

提示: 作者被禁止或刪除內容自動屏蔽

作者: alice44 時間: 11-4-26 14:09

原帖由 yy13 於 11-4-26 12:18 發表
你真係好
可以搵到個好補習老師
我已經搵到第3個
之前P2 下學期經agent 搵過2個姐姐
第1個好多次連功課有錯都睇唔到
第2個成日話唔舒服
連我仔考試前/期間都話黎唔到
跟住仲失埋蹤電話都唔覆
所以P3 又諗住自己跟返
...

中文呢o家嘢要慢慢嚟o架! 佢如果係有經驗補過其他小朋友, 你就要信佢, 我一向唔會理佢教阿仔d乜, 只會睇成果.
初初d作文我都有睇老師點改, 睇過幾篇之後, 發覺經老師改過的文筆真係好好, 真係覺得自己好似無讀過書咁, 如果係我自己一定作唔到這些句子, 閱讀理解直情無理佢地, 堂上做了之後, 我會睇下錯得多唔多就算, 所以錢係要比人賺. 好唔好我係問個仔O唔OK, 阿仔話OK, 而成績出嚟大有進步, 所以我現在理少一科喇!
你都比D時間老師同你個仔. 我個補習老師說小學每次一個鐘就OK喇! 太長時間佢地會眼瞓, 即是晒錢, 暫時不用加鐘, 只會在測考之前兩星期各加半小時. 不過我個補習老師好多時都唔會教書本上嘅嘢, 佢會用佢自己嗰套嚟教, 但要買d練習比佢做教才.

作者: yy13 時間: 11-4-26 14:18

我講得出我小朋友理解 + 表達遲緩
就梗係已經搵過專業人士
依家唔係個補習老師唔肯補
而係我質疑佢教法
如果佢覺得難教大可以唔教
我無勉強補習老師
我小朋友唔識諗就剩係識叫佢自己諗
寫到離晒題都由佢繼續寫
作足2個半鐘+離晒題仲話覺得無問題
我好清楚我小朋友學習能力去到邊
但唔=補習老師無問題

原帖由 brianshe 於 11-4-26 13:20 發表

單睇你回覆, 睇怕補習老師無問題.
正如你講-->小朋友本身理解 + 表達遲緩
你有無搵專業機構正式CHECK下你小朋友, 如果真係有問題; 我相信一般補習老師係搞佢唔掂. 最好搵專業人士幫手.
如果你小朋友真係有學習能力 ...

作者: yy13 時間: 11-4-26 14:40

佢就係話自己港大畢業+有教材提供
仲話可以提升小朋友組織表達的能力+加強說話+寫作的技巧
呢幾樣正正係我小朋友要改善嘅
我明白證書唔代表識補
所以原先無諗過要睇佢證明
我同你一樣
比得錢補習
梗係想佢教
但佢就只係成日諗住點加鐘

原帖由 五歲仔 於 11-4-26 13:22 發表

好的補習老師, 大多數都唔會係agent 搵到, 多數係要由熟人介紹, 佢係唔係有實力或有技巧去幫個小朋友, 補一兩堂便知, 睇唔睇佢張證書唔多重要, 有學歷都唔一定識補, 但佢收禁貴, 一定係大學生兼中/英文取A, 如果唔 ...

作者: yy13 時間: 11-4-26 14:57

我都係唔會過問老師教法嘅人
總之攪得掂有改善就OK
亦都明白語文要浸返黎+要比時間大家去磨合
只不過今次呢個老師咁樣
所以先問大家意見
因為唔想怪錯人
不過早幾日比我search 到D 資料
應該......:;pppp:

原帖由 alice44 於 11-4-26 14:09 發表

中文呢o家嘢要慢慢嚟o架! 佢如果係有經驗補過其他小朋友, 你就要信佢, 我一向唔會理佢教阿仔d乜, 只會睇成果.
初初d作文我都有睇老師點改, 睇過幾篇之後, 發覺經老師改過的文筆真係好好, 真係覺得自己好似無讀過書 ...

作者: Carmen2004121 時間: 11-4-26 15:07

原帖由 yy13 於 11-4-26 12:41 發表
如果真係1個半-2個鐘教到應該要教嘅野
$150/鐘我都覺得OK
出面學野1:1X 平均都要$1XX/堂
但佢貴在超時都要我比
頭2堂佢話要睇下我仔能力有幾多
所以加鐘我都無問題照比
到第3堂中作又話要加
佢就話係我仔唔識諗點作/ ...

我覺得 $150 / 鐘好貴 , 而且重要堂堂清 . 好冇感情 .
( 一般每月最后一當清數 ) 最重要是教吾教到野 . 我覺得如補習時您也在家 , 聽到她教的過程也應感覺到時否 OK . 因如補了成個月也差不多我會轉老師 . 我也轉了幾次 , 一般教小三單科 , 就算是大學生也不過 $75~100 , 您可對 agent 講 , 要找一些中文科較強及有補習經驗的姐姐試試 . 我想效果不會比現在差 . 但價錢會較平 .

作者: yy13 時間: 11-4-26 15:09

早幾日我search 資料時都知道左1個
不過麻煩你都比我
唔該晒

原帖由 AlanShirley 於 11-4-26 13:23 發表
我pm唔work, 你可以比你呢位導師的名我啊 ? 我知有幾個係處搵食既tutor, 口碑麻麻地, 不過我最後都搵到位姐姐幾好, 我可以介紹比你試堂, 通常每堂1.5小時會作一篇文,閱讀理解及語文知識. ...

作者: yy13 時間: 11-4-26 15:26

初初諗住搵到個好老師
比多D 無所謂
不過你講開感情
我都有D 唔開心
佢係一D 都無
第2堂補左3個鐘 (=$450)
咁我比左張$500 佢
話聽日第3堂都要補就唔駛找留番聽日扣數
第3堂上左無耐佢話未食飯 (晚上8點幾9點)
問我介唔介意佢食住麵包上堂
我話唔介意
跟住仲畢左碗湯比佢頂住肚
最後呢堂又上左2個半鐘 (=$375)
仲要係我催落堂
我當時身上只得$300
諗住上堂有$50扣
咁都係差$25
心諗$25 就算計都係10分鐘時間
長期補就無所謂
點知佢開口問我仲差$25 未比

原帖由 Carmen2004121 於 11-4-26 15:07 發表

我覺得 $150 / 鐘好貴 , 而且重要堂堂清 . 好冇感情 .
( 一般每月最后一當清數 ) 最重要是教吾教到野 . 我覺得如補習時您也在家 , 聽到她教的過程也應感覺到時否 OK . 因如補了成個月也差不多我會轉老師 . 我也轉 ...

作者: alice44 時間: 11-4-26 16:03

原帖由 yy13 於 11-4-26 14:57 發表
我都係唔會過問老師教法嘅人
總之攪得掂有改善就OK
亦都明白語文要浸返黎+要比時間大家去磨合
只不過今次呢個老師咁樣
所以先問大家意見
因為唔想怪錯人
不過早幾日比我search 到D 資料
應該......:;pppp:

...

搵到d咩資料?
如果補了唔係太長時間, 就比多少少時間佢地兩個.
不過我個仔唔會在堂上作文, 只會每星期落堂前, 老師會比一個題目比佢作, 會教下佢作這形式(例如說明文)的文章重點係乜, 要留意d乜, 咁阿仔就會作o架喇! 唔會浪費時間在上堂的時間, 因為要做閱讀理解, 改作文, 改語文知識等等...

作者: brianshe 時間: 11-4-26 17:19

提示: 作者被禁止或刪除內容自動屏蔽

作者: 五歲仔 時間: 11-4-26 18:02

原帖由 yy13 於 11-4-26 14:57 發表
我都係唔會過問老師教法嘅人
總之攪得掂有改善就OK
亦都明白語文要浸返黎+要比時間大家去磨合
只不過今次呢個老師咁樣
所以先問大家意見
因為唔想怪錯人
不過早幾日比我search 到D 資料
應該......:;pppp:

...

你唔駛問佢點教, 係你自己睇得出佢點教個仔
例如: 佢利用mindmap/範文/詞語引導作文,

個老師好明顯係呃鐘, 因為有良心的老師, 唔會一開始便補3小時, 你如果認為佢有料而又想佢繼續教, 不如直接同佢講, 只補1.5小時, 過鐘不計錢,

作者: Carmen2004121 時間: 11-4-27 00:26

P.3 程度 , 一堂 $450

, 我覺得這個老師明下您及操手有問題 , 如是孩子學習能力有問題 , 我想這類老師也幫不了多小 . 當然轉不轉老師由您決定

作者: hkhk 時間: 11-4-27 03:08

any good teacher,please pm me .
my kid's composition is poor.

作者: miffy 時間: 11-4-27 09:36

提示: 作者被禁止或刪除內容自動屏蔽

作者: yy13 時間: 11-4-27 11:08

點解你成日叫我面對現實? 你又點知我小朋友無上過言語治療? 我又無安排合適學校比佢? 佢科科都8X/9X分, 唯獨中文係唔好, 所以我先諗住比多D 錢搵個有經驗嘅好老師額外再幫佢.

我自知自己小朋友問題係需要比一般小朋友多D 時間先可以明白學校老師教嘅野, 唔係都唔駛比錢人賺.

不過你嘅意見有D 怪, 更加唔好抺殺D 有心嘅老師. 補習老師會諗 ---- 因為家長隨時唔知幾時一聲就停堂, 所以o厄鐘補或者明知自己補唔掂都照補都無問題?? 唔係佢責任?

依家個老師收咁貴我都照比, 係原先我信佢所講嘅經驗同能力, 我同其他媽咪一樣覺得初初係要比D 時間大家. 但堂堂咁加鐘, 係人都驚左佢.

原帖由 brianshe 於 11-4-26 17:19 發表

閣下小朋友應該搵專業人士, 專係倍訓學習有問題小朋友嘅導師先OK. 坊間有什麼言語治療師....等等. 呢類先合適.
現今老師明收貴你, 你都俾. 原因係你想你小朋友接受一般教學, 明顯係不合適. 理應面對現實, 搵專業人 ...

作者: yy13 時間: 11-4-27 11:28

連埋昨晚第5堂
有4堂我都係做住paper work 野聽佢教
所以覺得佢都無技巧/方法教
但我又怕係咪自己急得濟過份要求
所以咪問下大家2個半鐘合唔合理

因為佢話自己係在職老師 + 拎過老師優秀獎
所以前日我叫佢昨晚拎返D 證明比我睇
諗住比機會佢證明自己係有料
但到上完堂比晒錢都唔拎出黎
最後係我開聲先拎張皺過我臉皮嘅教師證copy 出黎
其他全部都話係保險箱比唔到我睇
跟住仲好笑
佢猛叫我放心 + 信佢
佢喺學校見過類似我仔嘅學生
所以佢絕對有經驗
仲話我問佢拎證明睇攪到佢唔開心

原帖由 五歲仔 於 11-4-26 18:02 發表

你唔駛問佢點教, 係你自己睇得出佢點教個仔
例如: 佢利用mindmap/範文/詞語引導作文,

個老師好明顯係呃鐘, 因為有良心的老師, 唔會一開始便補3小時, 你如果認為佢有料而又想佢繼續教, 不如直接同佢講, 只補1.5小 ...

作者: yy13 時間: 11-4-27 11:39

頭1, 2堂諗住比D 時間大家適應
所以佢話要加時睇下我仔能力
我都無反對
但之後堂堂都係咁
就黎2個鐘就比D 習作我仔 "講" 住做
到夠鐘落堂就話加多半個鐘做埋份習作
叫佢放低下堂比返佢
又話要拎返屋企打學校paper
叫下堂先繼續又話仲有少少就做完
我真係傻咩
未睇到改善前我銀包已乾塘

原帖由 Carmen2004121 於 11-4-27 00:26 發表
P.3 程度 , 一堂 $450 , 我覺得這個老師明下您及操手有問題 , 如是孩子學習能力有問題 , 我想這類老師也幫不了多小 . 當然轉不轉老師由您決定

作者: yy13 時間: 11-4-27 11:45

你就好
你仔仔一定好叻
我都想搵到個可以咁放心嘅補習老師
唔好話3堂
多D 堂可以幫我仔補到底我都開心

原帖由 miffy 於 11-4-27 09:36 發表
擺明個老師無料+呃錢。

我仔考試前, 我懶同佢溫習, 搵咗個老師番黎補中文, 個老師有十幾廿年教小學經驗, 都係收我$140/hr, 每堂個半鐘, 補咗3堂, 已跟晒去得考試。

好老師可控制到學生進度、時間, 一切都係掌握之 ...

作者: alice44 時間: 11-4-27 11:52

樓主, 如果佢係咁加鐘, 你又比得起咁多錢請在職教師, 不如換個第二個啦! 又唔係得佢一個出嚟補習. 現在你個仔都只不過係p.3, 仲有少少時間去搵個合適嘅老師, 慢慢搵啦! 唔好急, 一定會比你找個合適人選.

其實你係點知自己個仔係遲緩? 做過test? 會唔會佢只係唔上心, 唔鐘意中文, 所以上堂唔留心而唔係遲緩呀? 如果係咁就會易攪d.

[ 本帖最後由 alice44 於 11-4-27 11:55 編輯 ]

作者: miffy 時間: 11-4-27 12:08

提示: 作者被禁止或刪除內容自動屏蔽

作者: brianshe 時間: 11-4-27 12:34

提示: 作者被禁止或刪除內容自動屏蔽

作者: yy13 時間: 11-4-27 12:42

我都只係普通家庭
只係諗住幫到個仔
自己咪慳D
我都覺得今次自己衰心急又太信佢
錢駛左當買個經驗
多謝你鼓勵
我都信會有好補習老師
只係唔知幾時搵到

我自己就由我仔1歲鬆D 就已經發現
但一路去健康院都話無問題
直至3歲K1再去健康院時
我誇大話學校投訴聽唔明我仔講咩
佢地先安排做評估
做完先承認我仔理解同表達都比同齡慢
但排期做治療排到K3 學期尾先有得做
做左幾堂就話因唔夠人手
只可安排每個小朋友上堂至幼稚園畢業
不過好在我自己喺我仔1歲半時已安排1:1言語治療
上足4年幾至幼稚園畢業
我一路都擔心佢表達唔好
學校老師/同學聽唔明佢講野
P1 時我成日都問住老師
好彩老師話完全無問題兼佢上堂都好鍾意舉手答問題
不過文字理解始終都弱
如果D 題目開正佢識就無問題
一多字唔識就亂填答案

原帖由 alice44 於 11-4-27 11:52 發表
樓主, 如果佢係咁加鐘, 你又比得起咁多錢請在職教師, 不如換個第二個啦! 又唔係得佢一個出嚟補習. 現在你個仔都只不過係p.3, 仲有少少時間去搵個合適嘅老師, 慢慢搵啦! 唔好急, 一定會比你找個合適人選.
...

作者: yy13 時間: 11-4-27 13:27

我只係話我小朋友理解 + 表達遲緩
邊個話中文差
其他科唔可以有8X/9X分

遲緩唔=低能
佢考試前係谷得好辛苦
因為臨急抱佛腳
星期一至五又要返學
仲要返全日
的確係比返半日辛苦

中文考試今次咪唔合格
有咩好辦法提議

原帖由 brianshe 於 11-4-27 12:34 發表

又話學習遲緩, 又話科拜8X/9X....有D茅盾
如果真係遲緩都谷到8/9十, 你小朋友咪好辛苦!
咪成日係咁上堂
定你過份要求?
你小朋友中文有幾差呀?
讀邊間小學? ...

作者: CrabPincers 時間: 11-4-27 14:52

原帖由 yy13 於 11-4-27 13:27 發表
我只係話我小朋友理解 + 表達遲緩
邊個話中文差
其他科唔可以有8X/9X分
遲緩唔=低能
佢考試前係谷得好辛苦
因為臨急抱佛腳
星期一至五又要返學
仲要返全日
的確係比返半日辛苦
中文考試今次咪唔 ...

樓主, 我支持你
不需要看別人的眼光, 努力, 加油!!!!
你收pm

作者: yy13 時間: 11-4-27 15:22

大家都努力

原帖由 CrabPincers 於 11-4-27 14:52 發表

樓主, 我支持你
不需要看別人的眼光, 努力, 加油!!!!
你收pm

作者: Carmen2004121 時間: 11-4-28 00:41

我提意您轉新老師 . 以現在您比出的價錢 .
一般大學生全科都是收 $75 , 除非您是住豪宅區就吾更講 .
您可同時找兩個考師試試 . 一堂1~1.5H , 問問阿仔那個教得較明白 . 再選其一 , 我想較果不會比現在差 .
最重要是聽您講有關這個老師的每一個細節 , 我感覺不到她有教學的熱誠 . 這點孩子是可感受到的 .

還有現時中文是比以前難 , 很多小 / 中學生都是死在這科 .
所以不要太上心 , 放鬆些面對 .

作者: yy13 時間: 11-4-28 13:16

好多謝大家
呢幾日都有媽咪pm 我
原來佢地都曾經比呢位補習老師試補/call
大家都擔心我繼續比人呃
大家請放心
昨晚係最後1堂
落堂後有D 鬆口氣嘅感覺
起碼無左嗰種壓迫感
亦已經pm 左呢個老師唔再補

今次補左6堂共15個鐘
錢比左當買個經驗
呢個老師比我感覺唔係壞人
但教學方法/搵學生操手就好有問題
如果佢真係現職老師
希望佢做返為人師表應有責任
錢係搵唔晒
仲咁後生大把機會

原帖由 Carmen2004121 於 11-4-28 00:41 發表
我提意您轉新老師 . 以現在您比出的價錢 .
一般大學生全科都是收 $75 , 除非您是住豪宅區就吾更講 .
您可同時找兩個考師試試 . 一堂1~1.5H , 問問阿仔那個教得較明白 . 再選其一 , 我想較果不會比現在差 .
最重要是 ...

作者: 五歲仔 時間: 11-4-28 14:04

佢操手好有問題, 雖然唔係壞人, 但一定唔係好人, 妳可否PM我知這位老師的姓名, 好等我日後唔會找佢,

作者: PansyMummy 時間: 11-4-29 14:02

Hi yy13,

可否pm 呢個老師 info 俾我, 等我唔使俾人呃。
Thanks.

原帖由 yy13 於 11-4-28 13:16 發表
好多謝大家
呢幾日都有媽咪pm 我
原來佢地都曾經比呢位補習老師試補/call
大家都擔心我繼續比人呃
大家請放心
昨晚係最後1堂
落堂後有D 鬆口氣嘅感覺
起碼無左嗰種壓迫感
亦已經pm 左呢個老師唔再補

今次補左6堂共1 ...

作者: Johorma 時間: 11-4-29 14:40

聼落很可怕，可以透露多D呢位老師的資料嗎？

原帖由 yy13 於 11-4-28 13:16 發表
好多謝大家
呢幾日都有媽咪pm 我
原來佢地都曾經比呢位補習老師試補/call
大家都擔心我繼續比人呃
大家請放心
昨晚係最後1堂
落堂後有D 鬆口氣嘅感覺
起碼無左嗰種壓迫感
亦已經pm 左呢個老師唔再補

今次補左6堂共1 ...

作者: AlanShirley 時間: 11-4-29 15:19

提示: 作者被禁止或刪除內容自動屏蔽

作者: SUSANNA 時間: 11-5-1 11:52

我女小四,依家補中作都要兩個鐘, 我眼看老師沒有拖時間, 但兩個鐘都只係剛剛好, 也不能作太長的文, 而且作文是很廣泛又要諗句子, 又要諗形容詞, 是不容易的事, 你比多耐心吧.

但另一方面, 兩個鐘我認為對一個小朋友來說都不是易事, 可同老師商量工課留在下一堂交, 讓小朋友在課上商量如何作, 或引導他如何寫, 可能更好.

作者: do-re-me 時間: 11-5-2 01:06

原帖由 yy13 於 11-4-28 13:16 發表
好多謝大家
呢幾日都有媽咪pm 我
原來佢地都曾經比呢位補習老師試補/call
大家都擔心我繼續比人呃
大家請放心
昨晚係最後1堂
落堂後有D 鬆口氣嘅感覺
起碼無左嗰種壓迫感
亦已經pm 左呢個老師唔再補

今次補左6堂共1 ...

係唔係姓劉？

作者: yy13 時間: 11-5-3 01:00

唔知可唔可以喺呢度講

原帖由 do-re-me 於 11-5-2 01:06 發表

係唔係姓劉？

作者: Wlove 時間: 11-5-3 22:06

提示: 作者被禁止或刪除內容自動屏蔽

作者: do-re-me 時間: 11-5-3 22:16

原帖由 yy13 於 11-5-3 01:00 發表
唔知可唔可以喺呢度講

好長篇,同大家分享下我的奇遇
我試過在這裡請作文老師,我見過5個,其中有3個係現任小學老師.我安排佢地每人試堂一小時,我比一小時學費.5位當中,竟然學歷最低的大學一年級姐姐文筆最好和最有心機,但佢無經驗和無教材.其他4位文筆太差.最後我請了大學姐姐做補習老師,作文方面我買了一堆參考書嘗試自己教.
其中有一位,話一小時唔夠,最少要上1.5小時.我話第一堂我要睇下適唔適合,上一小時夠了,如果適合才上1.5小時.
佢來到我家,我比我女的一篇課文佢,叫佢在課文裡抽部份詞語來作句,但佢竟然話：而家係你個女作句作文,唔係我作,我唔會作.（我只係想睇下佢的文筆好唔好,而且其他4個都有作）

我叫佢開始教作文,佢比幅圖我女睇,話：你開始作啦.我女望住幅圖無反應,過左一陣,
佢話：快d作啦！
我女話：我唔知點作
佢話：你見倒咩米寫咩囉

我女開始面紅,想喊

佢向我話：x太,佢做咩？
我話:老師不如你教下佢啦
佢話: 佢都唔作,我點教呀
我話：老師不如你舉d例
佢話：我係來教你作,唔係來幫你作

如是者,過左9個字

我話：老師,就來夠鐘,不如算啦,我比一堂學費你
佢話：唔係一個鐘,係個半鐘喎
我話：我係電話度話試堂一個鐘,如果適合先上個半鐘嘛
佢話：我遇左個半鐘比你喎,我未夠鐘去下個學生度
我話: 但係我同你講好左上一個鐘
佢話：咁我來左你衣區你叫我去邊？我係好遠來嫁
我話：總之衣度係一個鐘學費你收左佢我地唔得閒要出去

我開門推佢出去

佢話：下星期我都係衣個時間來,以後要上個半鐘
我話：我考慮下先,如果適合先打比你
佢話：咁你幾時打比我,我要安排時間...

終於送走左個溫神,我心諗佢係米痴左

過左幾日,佢打電話來,話果個時間佢唔得,要改時間
我話：我地唔補啦
佢問：點解？
我話：我覺得唔適合
佢話：你應成左補個半鐘家嘛
我話: 唔補,我女唔鍾意
佢話: 乜你地d家長個個都係咁架,我預左時間比你

過幾日又打電話來
佢話：請假都要計返學費
我話：我唔係請假,我唔補啦
佢話：你唔補就唔好叫我來試堂啦,試完又唔補

過幾日又打來
佢話：前幾日我語氣重左d,我比你請假啦,你邊日可以補返？

佢每幾日又打來一次,問左我點解唔補,我終於忍唔住話佢教得唔好,佢話無人話過佢教得唔好,點唔好法...我唔想再同佢糾纏落去

佢前一次打來仲問我有無學生介紹比佢！！我話無,佢話：你女有咁多同學點會無人要補習？

佢上一次打來話佢星期三有d學生在我屋企附近,問我可唔可以上星期三！！！

救命呀！

其他4個老師試堂我女都肯合作,佢地都會同我女傾下計,介紹下自己,比個圖我女睇問下佢問題,舉下例,陪佢一齊作.好明顯係這個老師嚇親我女.

這個老師真係好有問題,都唔知佢在學校點教書！仲有,我未見過人咁厚面皮！

好長,多謝你睇晒

[ 本帖最後由 do-re-me 於 11-5-4 09:17 編輯 ]

作者: 五歲仔 時間: 11-5-4 10:58

嘩, 真係好長, 多謝你打曬出來

好明顯, 這位老師係一個唔識教人, 只識呃鐘及臉皮好厚的人, 真係第1次見識, 究竟佢日間在那間學校教呢, 真係替佢d學生慘, 比錢佢補的仲慘

作者: brianshe 時間: 11-5-4 11:23

提示: 作者被禁止或刪除內容自動屏蔽

作者: Sumyeema1 時間: 11-5-4 12:11 標題: 回覆 51# do-re-me 的文章

多謝你, 我睇晒喇。

o甘o即老師都有，補習就話可以唔請佢姐。

佢如果真系學校老師，d 家長真系要祈禱（唔理有無宗教信仰），哩位老師都算為[誤人子弟] 現身說法。

[ 本帖最後由 Sumyeema1 於 11-5-4 12:26 編輯 ]

作者: CATHERINEAUNTIE 時間: 11-5-4 12:47

提示: 作者被禁止或刪除內容自動屏蔽

作者: miffy 時間: 11-5-4 14:27

提示: 作者被禁止或刪除內容自動屏蔽

作者: overview 時間: 11-5-4 14:59 標題: 回覆 6# do-re-me 的文章

請問呢個老師係唔係話自己係九龍塘區教, 又話hku......如係, 我有朋友都領教過, 日又call, 夜又call, 好煩!

作者: miffy 時間: 11-5-4 15:06

提示: 作者被禁止或刪除內容自動屏蔽

作者: yy13 時間: 11-5-4 15:28

好明顯大家都遇到一個極品

佢D 臉皮係幾廿尺厚
因為呢2日考TSA
所以未發現佢D 問題時約紅日嗰幾日補
諗住操下D 中英文oral

我 : 星期日 (即24號) 我想早上補
佢 : 你想幾點
我 : 10點零11點 (諗住補完食lunch 岩岩好)
佢: 可唔可以早D
我 : 咁你想幾點

大家估下佢點答我

原帖由 do-re-me 於 11-5-3 22:16 發表

好長篇,同大家分享下我的奇遇
我試過在這裡請作文老師,我見過5個,其中有3個係現任小學老師.我安排佢地每人試堂一小時,我比一小時學費.5位當中,竟然學歷最低的大學一年級姐姐文筆最好和最有心機,但佢無經驗和無教材. ...

作者: yy13 時間: 11-5-4 15:35

佢最大問題係誠信問題
4月中通完電話佢同我講話住tuen mun
但前後差唔多時間卻同另外2位媽咪講住深井

其實佢係咪真係現職教師...
真係佢自己先知

原帖由 五歲仔 於 11-5-4 10:58 發表
嘩, 真係好長, 多謝你打曬出來

好明顯, 這位老師係一個唔識教人, 只識呃鐘及臉皮好厚的人, 真係第1次見識, 究竟佢日間在那間學校教呢, 真係替佢d學生慘, 比錢佢補的仲慘 ...

作者: yy13 時間: 11-5-4 15:39

係
佢之前就係隔1, 2日就call 我
話有D 卷好岩我仔做
可以幫到佢
跟住就猛push 加堂
自從叫佢唔駛再補後
好彩電話暫時未響過

原帖由 overview 於 11-5-4 14:59 發表
請問呢個老師係唔係話自己係九龍塘區教, 又話hku......如係, 我有朋友都領教過, 日又call, 夜又call, 好煩!

作者: overview 時間: 11-5-4 15:43

佢中, 英都有教, 不過朋友係搵佢教英文, 覺得佢有d神經質, 又好鬼得閒, 如果佢真係在職老師又補得好, 點會有咁多時間任你揀, 人地唔補又要死纏爛打. 真係唔知邊間學校咁好彩啦!

原帖由 miffy 於 11-5-4 15:06 發表
呢個我記得呀, 我舊年暑假在bk搵過一個又係咁, 但唔係教中文, 教英文, 一模一樣喎, 最尾我唔記得做乜唔成, 我無搵佢教, 佢係call過我幾次, 我無show佢。

...

作者: miffy 時間: 11-5-4 15:46

提示: 作者被禁止或刪除內容自動屏蔽

作者: overview 時間: 11-5-4 15:48

係唔係 6747-xxxx, 不過佢係呢處有幾個accounts, 可能都用幾個電話number 又收不同價, 有時$135, 有時又收$125, 如果真係好都算平, 但係...為人有d神經質, 大家要小心呀!

不過bk應該已有好多人中招!

原帖由 yy13 於 11-5-4 15:39 發表
係
佢之前就係隔1, 2日就call 我
話有D 卷好岩我仔做
可以幫到佢
跟住就猛push 加堂
自從叫佢唔駛再補後
好彩電話暫時未響過

[ 本帖最後由 overview 於 11-5-4 15:50 編輯 ]

作者: Johorma 時間: 11-5-4 15:57

依，我最近有收過類似的PM wor. 不過一個畢業於香港大學收$135，一個畢業於香港中文大學收$125，但就同一個電話number.

原帖由 overview 於 11-5-4 15:48 發表
係唔係 6747-xxxx, 不過佢係呢處有幾個accounts, 可能都用幾個電話number 又收不同價, 有時$135, 有時又收$125, 如果真係好都算平, 但係...為人有d神經質, 大家要小心呀!

不過bk應該已有好多人中招!

...

作者: overview 時間: 11-5-4 16:00

都似係同一位, 呢位老師講嘢古古怪怪, 大家小心!

原帖由 Johorma 於 11-5-4 15:57 發表
依，我最近有收過類似的PM wor. 不過一個畢業於香港大學收$135，一個畢業於香港中文大學收$125，但就同一個電話number.

作者: Johorma 時間: 11-5-4 16:11

請問 6747-xxxx係乜野number?

原帖由 overview 於 11-5-4 16:00 發表
都似係同一位, 呢位老師講嘢古古怪怪, 大家小心!

作者: donutshop 時間: 11-5-4 16:48

原帖由 Johorma 於 11-5-4 16:11 發表
請問 6747-xxxx係乜野number?

電話number

作者: overview 時間: 11-5-4 16:48

果位老師電話number

原帖由 Johorma 於 11-5-4 16:11 發表
請問 6747-xxxx係乜野number?

作者: alice44 時間: 11-5-4 17:01

早兩日, 我都收到一個pm係以下內容:
現任英文、普通話教師(普教中/phonics/朗誦/自組均可)_125 1 hr/ __
本人畢業於香港中文大學，在學校任教英文、普通話，
加強理解、說話和寫作的能力,教phonics、朗誦。
取得教育局教師優秀獎
北京國家語言委員會普通話水平測試一級甲等證書

可上門提供教材

但電話no. 唔係6747-xxxx, 係唔係都係流嘢呢?

作者: overview 時間: 11-5-4 17:11

唔知係唔係同一位, 我收既pm係以下: (內容跟妳收的差唔多, 但就係"香港大學"), 始終都係陌生人上門, 大家都要小心!

在職英文、普通話教師(普教中/ Phonics/ Poem/閱讀/寫作/會話/全科均可)
你好！
本人畢業於香港大學，現在任職英文學校，任教英文、普通話，
協助學生理解文章內容文法，提升組織表達的能力，
加強說話和寫作的技巧，教 Poem。

獲取殊榮：
獲教育局嘉許，取得英文、普通話教師優秀獎
北京國家語言委員會普通話水平測試一級甲等證書（在北京考核）

可上門教授提供教材幼童均可
Miss LXXXy ( 6730 XXXX)

原帖由 alice44 於 11-5-4 17:01 發表
早兩日, 我都收到一個pm係以下內容:
現任英文、普通話教師(普教中/phonics/朗誦/自組均可)_125 1 hr/ __
本人畢業於香港中文大學，在學校任教英文、普通話，
加強理解、說話和寫作的能力,教phonics、朗誦。
取得教育局教 ...

[ 本帖最後由 overview 於 11-5-4 17:22 編輯 ]

作者: donutshop 時間: 11-5-4 17:13

原帖由 alice44 於 11-5-4 17:01 發表
早兩日, 我都收到一個pm係以下內容:
現任英文、普通話教師(普教中/phonics/朗誦/自組均可)_125 1 hr/ __
本人畢業於香港中文大學，在學校任教英文、普通話，
加強理解、說話和寫作的能力,教phonics、朗誦。
取得教育局教 ...

我都收到內容一樣的pm, 但有少少不同的是此人畢業於香港大學, 大家真的要小心, 以免受騙.

作者: alice44 時間: 11-5-4 17:51

原帖由 overview 於 11-5-4 17:11 發表
唔知係唔係同一位, 我收既pm係以下: (內容跟妳收的差唔多, 但就係"香港大學"), 始終都係陌生人上門, 大家都要小心!

在職英文、普通話教師(普教中/ Phonics/ Poem/閱讀/寫作/會話/全科均可)
你好！
本人畢業於香港大 ...

佢個名係 : Miss ClaXX (6730-xxxx)
我估係同一人, 但用唔同嘅名. 如果真係揾補習, 根本唔便用咁多個名. 一定有問題, 大家小心.

作者: justin2003 時間: 11-5-4 17:53

我都有此pm!!!!

在職英文、普通話教師(普教中/ Phonics/ Poem/閱讀/寫作/會話均可)_135 1 hr /
你好！
本人畢業於香港大學，現在任職英文學校，任教英文、普通話，
協助學生理解文章內容文法，提升組織表達的能力，
加強說話和寫作的技巧，教 Poem。

獲取殊榮：
獲教育局嘉許，取得英文、普通話教師優秀獎
北京國家語言委員會普通話水平測試一級甲等證書（在北京考核）

可上門教授提供教材幼童均可
Miss Lxxky ( 6730 xxxx)
[email protected]

等我仲用老公講, 上門補方便d, 可以考慮下tim！

真係多謝樓主講出來, 希望大家都盡快搵到好老師!!!!

作者: Johorma 時間: 11-5-4 20:15

哈哈！替來佢又要再改名同換電話 lu

作者: Wlove 時間: 11-5-4 21:43

提示: 作者被禁止或刪除內容自動屏蔽

作者: overview 時間: 11-5-4 22:13

唔好介意, 你係新會員都收到佢pm? 你好似係另外幾個topic sell 緊呢間centre 喎, 係唔係真係咁好呢? 真係咁好又點會得你一位學生呢 ?

原帖由 Wlove 於 11-5-4 21:43 發表
我都有收到呢個pm! 好恐怖.... 多謝提點!
如果你們有興趣, 可試我朋友仔仔(小二)讀緊個間, 地點係太子mtr附近 (c1出口). 現在她仔仔平日上堂, 只得她仔仔1人上課, 1小時$220. 老師是國內人, 用普通話上課, 她覺得 ...

[ 本帖最後由 overview 於 11-5-4 22:18 編輯 ]

作者: sallyhuang 時間: 11-5-4 23:06 標題: 回覆 71# overview 的文章

我都收到內容一樣的pm

作者: Johorma 時間: 11-5-4 23:11

應該好多人都收到內容相似的pm.

作者: Rose^^ 時間: 11-5-5 00:01

講起呢個補習老師,我也是受害者之一!

佢份人神神化化,尤其佢d奪命追魂call,就真係攞你命~

事情如下~~
年頭收到呢位Miss既pm,齋睇佢既資歷又好似幾好,
於是我聯絡她,她介紹自己是九龍塘某小學教書,
又說自己有好多卷比小朋友操練……等等等!

於是過左幾天,她開始不斷call我,問我幾時可以試堂!
有時用有來電顯示,有時無來電顯示,
又借意打來問我係咪我打過比佢!
又話$200可補個半鐘。

因我小朋友就快測驗,而我又未搵得啱補習老師,
心急之下我,唯有叫呢位Miss來試堂,
我並再三要求她試堂時必需出示有關證書,

試堂當日,佢一上來我屋企,打左個招乎,
無比證書我睇,就入房同我小朋友補習,
講真補得真係麻麻地,

雖然我預左唔會請佢,
但收得呢個價錢,落堂後我當然要她出示證書和教師證

哈哈~~大家知唔知佢比咩我睇~~

只係一張影印本既教師註冊證,
姓名位置仲係用紙條貼住...遮住左個名,

Help me!有無搞錯,佢所謂既
北京國家語言委員會普通話水平測試一級甲等證書
獲教育局嘉許，取得英文、普通話教師、數學教師優秀獎
去晒邊)))))))))))))))))))))

如果我係真材實料,咁多沙紙怕咩show正本比人睇呀
我揸住呢張遮名既影印本教師證,
夠可以話…我係小學老師架啦!

當時我雖然好嬲,但亦無打算再追問佢了,
忍氣吞聲地比完學費叫她走便算了!

點之惡夢仲未完結,

佢還經常用無來電顯示打比我,
問我幾時再上堂,我已經講唔再補,
唉!有一晚仲要十一點幾打來,
救命呀,我老公同個仔都瞓晒啦,

我終於按不住我的怒火,大聲罵她:你好煩,唔好再打黎!然後cut佢線!
唉~~終於完結了!

佢係咪有病架?

面皮幾尺厚既?
估唔到佢依家仲係bk搵食,
又用分身術,令人防不勝防,
唯有奉勸大家一句,請補習老師時,第一堂必需check真d證書!

原帖由 overview 於 11-5-4 16:00 發表
都似係同一位, 呢位老師講嘢古古怪怪, 大家小心!

[ 本帖最後由 Rose^^ 於 11-5-5 08:08 編輯 ]

作者: yy13 時間: 11-5-5 00:40

我諗佢係漁翁潵網咁搵生意
呢個補幾堂
嗰個又補幾堂
隨時月入好過份正職

佢之前打比我嘅手提來電顯示6730xxxx/6747xxxx
原本我無諗過佢有問題
亦無諗過公開佢嘅資料
初初只係覺得自己唔好彩衰心急
但喺第4堂後落堂後當晚比我搵到d 舊料

http://www.baby-kingdom.com/forum.php?mod=viewthread&tid=3318687&extra=&highlight=%E8%A3%9C%E7%BF%92&page=1

[/url][url=http://www.baby-kingdom.com/forum.php?mod=viewthread&tid=3381711&highlight=%E8%87%AA%E7%A8%B1]http://www.baby-kingdom.com/forum.php?mod=viewthread&tid=3381711&highlight=%E8%87%AA%E7%A8%B1

睇完之後覺得佢好得人驚

之前都有幾位媽咪pm 問我係咪佢
綜我自己 + 幾位媽咪
Miss L 來來去去都係嗰幾招

1. 以比市價平就可以請到九龍塘某校現職老師做吸引, 但傾好後就以住得遠/車程遠做藉口要求加錢

2. 以手頭有學校paper 做餌, 捉家長心理

3. 每堂差唔多夠鐘就拎學校paper 比小朋友做, 明知得番10-15分鐘根本無可能做晒, paper 又話有用唔可以放低, 跟住就乘機加鐘話要教埋小朋友做, 但錢要照比

4. 小朋友唔識又唔教, 一味只講係小朋友問題, 但問佢有咩方法又講唔出

5. 死纏爛打, 日又call, 夜又call, 成日講到為你小朋友好. 又扮打錯電話打比你, 跟住就乘機問你幾時上堂

大家小心d
雖然佢之前pm 我個網名已經被超版封左
但岩岩有媽咪pm 我
佢已經開過另一個網名周圍pm 人

[ 本帖最後由 yy13 於 11-5-5 00:42 編輯 ]

作者: yy13 時間: 11-5-5 01:02

第5堂我都要求要佢比我睇
佢都係拎呢張copy 比我
雖然無遮住個名
但就皺過我臉皮 / 霉過霉菜
個名只係清楚睇到個姓
後面2個字都唔係好清楚
其餘嗰d 佢話喺保險箱喎

嗰朝佢打比我時已提佢要帶
跟住佢就扯開話題
佢 : X太, 你問我攞證明攪到我好唔開心

我 : Miss L, 你我素未謀面, 我又唔識你, 只係網上你pm 我. 依家一堂成4百幾5百蚊, 你講到你有咁多獎, 我先比咁多錢一堂. 坦白講, 我覺得好貴囉. 我問你攞黎睇都好正常, 但你依家講到係我唔岩 :;pppp:

你話佢係咪......

到第6堂佢都無意欲拎比我睇
仲好意思問我下星期係咪照一樣時間

原帖由 Rose^^ 於 11-5-5 00:01 發表
講起呢個補習老師,我也是受害者之一!
佢份人神神化化,尤其佢d奪命追魂call,就真係攞你命~

事情如下~~
年頭收到呢位Miss既pm,齋睇佢既資歷又好似幾好,
於是我聯絡她,她介紹自己是九龍塘某小學教書,
又說自 ...

作者: do-re-me 時間: 11-5-5 02:17

估唔到大家反應咁熱烈,踢穿佢太好了,不過佢一定會改變形式再係度搵食,見倒有咩唔對路大家要再寫出來以免再有家長上當

佢當時係戴眼鏡,長頭髮在背後扎一條'邊'
不過我估佢會拿拿林去剪頭髮同配con(hehe）

佢pm我收$135,但來到又話我住果度地鐵唔到要轉小巴所以要收$150
我係電話度教佢點來我家佢都知地鐵唔到嫁啦,竟然坐地起價

佢pm我的電話係6730xxxx,我之後見到衣個號碼都唔聽電話.但有一日佢打比我係用6747xxxx,我問佢邊個先係真,佢叫我以後打6747xxxx衣個號碼比佢.

佢有時晚上11點幾打電話來

網名係luckyxxxxx,姓LxU

因為我寫明找作文老師,所以佢無pm我話可以教其他.佢pm你地話可以教中,英,普通話,英詩,補習,phonic等等係真的話,咁佢米係萬能？應該攞去解剖研究研究

[ 本帖最後由 do-re-me 於 11-5-5 02:45 編輯 ]

作者: Wlove 時間: 11-5-5 09:26

提示: 作者被禁止或刪除內容自動屏蔽

作者: miffy 時間: 11-5-5 10:06

提示: 作者被禁止或刪除內容自動屏蔽

作者: PansyMummy 時間: 11-5-5 13:16

Hi all,

I rec'd a message last year :

在職英文、普通話教師(普教中/Oral/ Poem/Phonics/全科均可)_135 1hr /

***在職英文、普通話教師(普教中/Oral/ Poem/Phonics/全科均可)***

你好！
本人畢業於香港大學，現在任職英文學校，任教英文、普通話，
協助學生理解文章內容文法，提升組織表達的能力，
加強說話和寫作的技巧,會教Phonics/ Poem。

獲取殊榮：
獲教育局嘉許，取得英文、普通話教師優秀獎
北京國家語言委員會普通話水平測試一級甲等證書（在北京考核）

上門教授市區新界均可提供教材全科均可
[email protected]

作者: PansyMummy 時間: 11-5-5 13:20

This message rec'd last month :

在職英文、普通話教師(普教中/ Phonics/ Poem/閱讀/寫作/會話/自組均可)_135 1 h

在職英文、普通話教師(普教中/ Phonics/ Poem/閱讀/寫作/會話/自組均可)_135 1 hr /
你好！
本人畢業於香港大學，現在任職英文學校，任教英文、普通話，
協助學生理解文章內容文法，提升組織表達的能力，
加強說話和寫作的技巧，教 Poem。

獲取殊榮：
獲教育局嘉許，取得英文、普通話教師優秀獎
北京國家語言委員會普通話水平測試一級甲等證書（在北京考核）

可上門教授提供教材幼童均可
Miss Lxxky ( 6730 xxxx)
[email protected]

作者: do-re-me 時間: 11-5-5 17:27 標題: 回覆 1# PansyMummy 的文章

我check番pm,原來佢2月11日又send pm比我,睇來佢太多客戶,唔記得已經教過我

不過今次仲平,$100/hr

好抵呀！hehe

作者: do-re-me 時間: 11-5-5 17:31

原帖由 miffy 於 11-5-5 10:06 發表
我唔會在bk搵老師, 大把人呃錢, 之前我朋友試過, 在bk搵老師, 在唔同topic介紹centre/老師地方留言, 收埋收埋d pm, 係同一間/同一個人, 自己分身開幾個topic, 講有好野介紹比人, 其實係同一個人。

我去tutoxxxngdom ...

但係收fax都未必可靠,好容易塗改,總之大家要小心d

作者: overview 時間: 11-5-5 17:36

係出面搵工, 如果用假證書或虛假學歷係犯法架, 咁佢如果又車自己係CU or HKU, 係唔係都係犯法呢?

原帖由 do-re-me 於 11-5-5 17:27 發表
我check番pm,原來佢2月11日又send pm比我,睇來佢太多客戶,唔記得已經教過我

不過今次仲平,$100/hr

好抵呀！hehe

作者: Johorma 時間: 11-5-5 20:41

check 過 madam 朋友，佢係犯緊法，因爲佢僞造假證件。

原帖由 overview 於 11-5-5 17:36 發表
係出面搵工, 如果用假證書或虛假學歷係犯法架, 咁佢如果又車自己係CU or HKU, 係唔係都係犯法呢?

作者: HORSEHEADS 時間: 11-5-6 08:42 標題: Beware of this Miss Lau

Dear All Mom

I had the same expereience like YY3 & do-re-me with this Chinese Tutor so called " Miss Lau" for my daughter back in March. I found her quite "strange", so I decided not to continue any lesson after the first trial. She kept asking me why and said she have prepared some papers for my daughter, but I just told her that I have already found a suitable candidate, then hung up.

I found her strange because she has no skill of teaching my daughter in Chinese writing, keep looking around my house and at the end she asked me for more money for transportation which I rejected her because I already gave her HKD150 per hour which it is a standard price.

So I would like to remind all parents who are looking for Chinese teacher, be careful about this lady. I believe she is no longer a teacher with some kind of mental problem.

Take care

原帖由 PansyMummy 於 11-5-5 13:20 發表
This message rec'd last month :

在職英文、普通話教師(普教中/ Phonics/ Poem/閱讀/寫作/會話/自組均可)_135 1 h

在職英文、普通話教師(普教中/ Phonics/ Poem/閱讀/寫作/會話/自組均可)_135 1 hr /
你好！
本 ...

作者: overview 時間: 11-5-6 10:51

佢唔只教中文, 英文, 普通話都唔放過 !

睇黎呢位姐姐係bk都搵食成年, 好多媽咪都中左招, 真係想打電話警告佢呢d行為會坐監, 唔係點識死

原帖由 HORSEHEADS 於 11-5-6 08:42 發表
Dear All Mom

I had the same expereience like YY3 & do-re-me with this Chinese Tutor so called " Miss Lau" for my daughter back in March. I found her quite "strange", so I decided not to continue ...

[ 本帖最後由 overview 於 11-5-6 10:59 編輯 ]

作者: hw1115 時間: 11-5-6 12:38

原帖由 overview 於 11-5-6 10:51 發表
佢唔只教中文, 英文, 普通話都唔放過 !

睇黎呢位姐姐係bk都搵食成年, 好多媽咪都中左招, 真係想打電話警告佢呢d行為會坐監, 唔係點識死

...

我都收到她的pm, 她不是現職教師嗎?

作者: yy13 時間: 11-5-6 13:12

我已經改左標題
希望多D 家長睇到
唔好再中佢招

多謝你overview
真係唔該你喺誠徵老師嗰邊再出post

原帖由 overview 於 11-5-6 10:51 發表
佢唔只教中文, 英文, 普通話都唔放過 !

睇黎呢位姐姐係bk都搵食成年, 好多媽咪都中左招, 真係想打電話警告佢呢d行為會坐監, 唔係點識死

...

作者: yy13 時間: 11-5-6 13:43

無人知佢係唔係現職老師
我只知佢係一個講大話 + 操手非常有問題嘅所謂老師

原帖由 hw1115 於 11-5-6 12:38 發表

我都收到她的pm, 她不是現職教師嗎?

作者: Johorma 時間: 11-5-6 14:34

此通告可能講緊這位“老師”

http://forum.edu-kingdom.com/viewthread.php?tid=2290317&extra=page%3D1

作者: JoJo 時間: 11-5-6 14:38

各位,

在此亦麻煩各位如收到不名來歷的PM, 請轉發給版主/超版/我也可以.

如已被行騙, 真的建議你們報警!

作者: wkymama 時間: 11-5-6 16:03 標題: 回覆 16# do-re-me 的文章

我都遇過佢在上年的事,但竟然前兩天call我話平啲比我,我晒走佢

話說上年在bk找補英和普導師,佢pm我話$125/hr(之前話左地區比佢知),唸住ok咪call佢,點知又話遠加車費,我已不like,都算,咪叫佢上門試一堂,真係有點神化,勁超時,勁cool..我第二日send msn話試堂後吾適合吾補,但佢勁call我,我個幾日都吾聴佢電話,好似追數甘,幾驚(那日試堂有比錢佢）

作者: Lilo 時間: 11-5-6 18:36

多謝咁多位提醒，不過好奇想問下，而家d學校唔係專科專教咩? 個位奇人如果真係現職學校教師，點可能又教中文，又教英文，又教普通話，十成十吹牛！

歡迎光臨教育王國 (/)