教育王國

標題: 好驚個仔升唔到班! [打印本頁]

作者: xp 時間: 12-6-28 23:50 標題: 好驚個仔升唔到班!

今日對卷，佢話數學差10分才合格

作者: Ahling2004 時間: 12-6-29 09:22

我都好驚. 亞仔今日才對卷. 尋晚問佢: 點嗎, 擔唔擔心. 點知反被佢問番轉頭我: 好似你總緊張過我喔, 我好平常心GA.

以前科科都係剛剛合格, 好易唔合格, 都好易升唔到班, 佢好似一點都唔緊張咁, 唉, 點會咁GA. 留一次班就會被老油條啦, 唔在意學業. 有咩好呀. 真係好怕今晚回去收到科科都唔合格的消息. 不過, 都要做好心理準備了.

作者: hw1115 時間: 12-6-29 14:13

您地小朋友 F. ?

作者: Ahling2004 時間: 12-6-29 16:59

我那個F3升F4

作者: xp 時間: 12-6-29 23:24

平時放工回家見到佢就係對住部電腦

作者: jaci 時間: 12-6-30 00:01

中學有唔合格好正常, 有時有D卷唔合格的人多過合格的人, 所以不用太擔心

作者: Teresa 時間: 12-7-3 14:50

我嗰個已經certified, 下年繼續F.1.

初初好嬲架! 我個仔唔係讀唔到, 而係懶, 懶做功課, 懶交功課, 懶理老師追功課, 懶理老師話幾時test/quiz..... 小學時已經係咁, 不過小學老師追得緊, 加上下下同家長報告, 仲可以迫佢做返好.

上到中學, 同佢講左要靠自己, 不過都係放唔到手, 唔係有同學家長通報, 我諗佢咩都唔理. 又唔係日日打機(我屋企冇得打機), 淨係鐘意day dream, 講咩都收唔到.

而家咪同佢"算數"囉! 我預左, 不過我又唔會可憐佢, 佢又話瘀爆, 又話比同學笑, D成績好既同學又唔會show佢.... 不過係佢自己攞黎, 都係要佢自己負責返自己一手做成既野. 只希望佢自己回頭!

仔.... 真係好難教!

作者: alice44 時間: 12-7-4 11:18

如果只係一科唔合格, 應該唔使留班, 仲要計全年分數. 況且尾過你的都仲有, 留得幾多個吖!

作者: kilykilyk 時間: 12-7-4 11:29

xp 發表於 12-6-29 23:24
平時放工回家見到佢就係對住部電腦

我囝升F.2,好多小朋友都有沉咪電腦問題,由小學到現在都限囝玩電腦時間,

好采佢現在興趣係運動、足棋多過電玩..

作者: cy101 時間: 12-7-4 11:45

睇番學校點寫升班要求先, 有D總平均分要逹標, 有D寫明中英數總平均分都要PASS, OR 可能有其他要求tim!!!

作者: Bubu0130 時間: 12-7-11 18:51 標題: 回覆：好驚個仔升唔到班!

我囡都可能要留

，班主任話星期五有最後決定，佢平均分及英文唔合格，又係一日到黑對住電腦，一啲都唔上心，請人補習又請過，補習社又去過，自己幫佢温又温過，真係唔知佢想點

作者: Ahling2004 時間: 12-7-12 09:19

我那個仔平均分都唔合格, 最尾那20多名. 但主科全部都合格, 所有的分數都被幅科拉下. 可能學校比佢試升班. 見到咁的成績真係好唔開心, 心平靜氣同佢傾(完全係無責怪一句), 又突然發哂爛話我地好煩, 跟住怒氣沖沖走人. 真係好激氣, 我地真係唔想再縱佢, 次次比佢發哂脾氣, 之後再聊回佢講野, 佢又當無事發生, 目中無父母存在. 趁暑假, 大家都冷靜下, 今日已進入第2天互不講野. 係佢心目中只有部電腦就OK, 由佢吧.

作者: baby_cat 時間: 12-7-13 13:55

Teresa 發表於 12-7-3 14:50
我嗰個已經certified, 下年繼續F.1.

初初好嬲架! 我個仔唔係讀唔到, 而係懶, 懶做功課, 懶交功課, 懶理老 ...

聽你講, 佢會唔會有病, 即係好難集中精神個種??

作者: weisscarton 時間: 12-7-13 15:27

baby_cat 發表於 12-7-13 13:55
聽你講, 佢會唔會有病, 即係好難集中精神個種??

其實有無想過有病？我朋友的仔都是 Teresa兒子讀同一學校。他成績一路都比較差，屋企其他人都是成績比較優良。所以時常怪他不努力。後來發覺原來頭有腫廇，所以不能長時間集中。之後發覺家中日記，原來一直都有努力，但就是考得唔好。

作者: Hoining 時間: 12-7-13 22:14 標題: 回覆：Teresa 的帖子

提示: 作者被禁止或刪除內容自動屏蔽

歡迎光臨教育王國 (/)