教育王國
標題: 讀下午班時間無咁好用,小朋友無時間學嘢? 有無家長俾到意. [打印本頁]
作者: sp1230 時間: 12-6-28 16:14 標題: 讀下午班時間無咁好用,小朋友無時間學嘢? 有無家長俾到意.
Thanks to give me some advice!
作者: gisoleung 時間: 12-6-28 16:30 標題: 引用：Thanks+to+give+me+some+advice!
原帖由 sp1230 於 12-06-28 發表
Thanks to give me some advice!
作者: gwlam 時間: 12-6-28 17:35
市面好多補習舍嘅堂早上9點就有得上，可以早上學野下午返學。
作者: marcuscyrus 時間: 12-6-28 18:12
我仔早上學野，仲好wor，有d班少人d，比班際價錢隨時有個別服務
作者: 陳皮爸媽 時間: 12-6-28 18:17 標題: 回覆：讀下午班時間無咁好用,小朋友無時間學嘢? 有無家長俾到意.
我鍾意返下午喎、有多D時間，早上佢可以訓到830然後叫佢自己去刷牙洗臉飲奶，如果返朝早，好難叫佢自己做。肯定咩都是大人幫佢做。不過真是好少興趣班開好早！
作者: chelsea_jbb 時間: 12-6-28 19:06
其實就算返上午, 下午都要sleep, 都係冇時間去學野.
作者: flopsybunnies 時間: 12-6-28 23:37
回復 陳皮爸媽 的帖子
請問你的小朋友晚上幾點睡？ 放學後吃晚飯前會否小睡一回？
作者: cathybebe 時間: 12-6-28 23:44 標題: 回覆：讀下午班時間無咁好用,小朋友無時間學嘢? 有無家長俾到意.
My son sleeps at 9pm and wakes up at 9am. No need to take nap after school. He sometimes has class in the morning or after school.
作者: Cindyjasper 時間: 12-6-29 00:14 標題: 引用：Thanks+to+give+me+some+advice!
原帖由 sp1230 於 12-06-28 發表
Thanks to give me some advice!
人一生入面真係無乜幾可可以瞓到自然醒，小學開始就要早起，到出黎做野又係。
可能大家會話小學都要返早，我又唔驚到時佢起唔到身，小朋友適應力好強架。
作者: Cindyjasper 時間: 12-6-29 00:15 標題: 引用：Thanks+to+give+me+some+advice!
原帖由 sp1230 於 12-06-28 發表
Thanks to give me some advice!
人一生入面真係無乜幾可可以瞓到自然醒，小學開始就要早起，到出黎做野又係。
可能大家會話小學都要返早，我又唔驚到時佢起唔到身，小朋友適應力好強架。
作者: luilui007 時間: 12-6-29 00:47
曾經我都想幫女女轉上午，但發現下午其實不錯! 睌上太約九時半上床，明天早上九點到起身，自己梳洗後約九點半食早餐，食完約十點! 之後，有時會畫下畫，計下數，間中鄰居過來玩，練琴，逢星期二及四有私人上門教授普通話及鋼琴，有時到樓下公園玩一陣，十一點許食少少午飯，十二點許上校車，她不習慣午睡，即使星期六同曰，我覺得她精神不錯
作者: Gabumama 時間: 12-6-29 01:54 標題: 回覆：sp1230 的帖子
其實你想比佢學乜嘢？我個囡返下晝，我真係覺得唔錯，唔駛一朝早迫佢起身，又趕時間出門口，我有個朋友個仔朝早8點起身，8點半校車就到，連早餐都食唔切，所以佢比支奶佢個仔飲當早餐，咁就返學㗎啦！有啲地區校車7點15分已經到，咁你諗吓個小朋友要幾點起身？我唔明點解咁多家長都話要讀上晝。有啲家長為咗下晝班嘅問題，寧願放棄心儀學校，有啲家長直情覺得入到下晝班等如間學校唔收佢咁，真係唔明。其實真係想比佢學嘢，星期六日都有得學。其實都好睇你想佢邊方面強啲。我就想我個囡英文強啲，所以我就搵間英文強嘅學校，咁我課外活動就唔駛額外再報英文嚟讀，星期六就淨係上學術以外嘅興趣班。星期日family day。
作者: ong84 時間: 12-6-29 02:27
我都係鐘意下午班，多D晚上親子時間，小朋友早上好晏起身，所以放左學先去學嘢。大概5：30﹣6：30
作者: himuimui 時間: 12-6-29 12:37
提示: 作者被禁止或刪除 內容自動屏蔽
作者: flopsybunnies 時間: 12-6-29 13:19
"有啲家長直情覺得入到下晝班等如間學校唔收佢咁"
作者: neko1234 時間: 12-6-29 13:28
我都上左一年下午班PN..都安排到一星期二日上午學野喎...
時間選擇係少d..但未至於差到無時間學野...事在人為姐..加油啦..
作者: iris5a 時間: 12-6-29 16:25
我覺得讀下午班對小朋友同埋家長的心理質素都會好D, 一生人要早起的時間流流長, 俾多3年瞓晏D
作者: CTCW 時間: 12-6-29 17:10
睇完呢到o的 post , 我先覺囡囡入下午都係好事 , 多謝各位媽媽提點
作者: hidy88 時間: 12-6-29 18:27 標題: CTCW 的帖子
我都好有同感
作者: 陳皮爸媽 時間: 12-6-29 18:34 標題: 引用：回復+陳皮爸媽+的帖子
請問你的小朋友晚上
原帖由 flopsybunnies 於 12-06-28 發表
回復 陳皮爸媽 的帖子
請問你的小朋友晚上幾點睡？ 放學後吃晚飯前會否小睡一回？ ...
個仔以前返N班朝早、放學成日發脾氣扭瞓、仲激c
作者: 陳皮爸媽 時間: 12-6-29 18:39 標題: 引用：我覺得讀下午班對小朋友同埋家長的心理質素
原帖由 iris5a 於 12-06-29 發表
我覺得讀下午班對小朋友同埋家長的心理質素都會好D, 一生人要早起的時間流流長, 俾多3年瞓晏D ...
作者: winnietingting 時間: 12-6-29 18:49 標題: 回覆：讀下午班時間無咁好用,小朋友無時間學嘢? 有無家長俾到意.
我囡囡嚟緊都返下午班(pn 2歲班），我很擔心她早上起床後（如讓佢自然醍，大約9時起身），在學校會很倦，挨唔到放學（大約4時15分）。想問大家的小朋友咁叻，早上起身後真可挨到放學後才睡覺？
作者: Cindyjasper 時間: 12-6-29 20:38
winnietingting 發表於 12-6-29 18:49 
我囡囡嚟緊都返下午班(pn 2歲班），我很擔心她早上起床後（如讓佢自然醍，大約9時起身），在學校會很倦，挨 ...
唔洗驚, 頭果一兩日一定會唔慣, 當佢哋適應咗返學,到時就會習慣,
唔好睇少小朋友呀, 佢哋好叻架
不過最初幾日返學做家長就要忍心D, 佢哋多數會喊, 見到佢喊唔好再理佢, 即走.
可能你走咗之後喊一陣小朋友就好快無事, 反而不斷望佢好似依依不捨對大家都唔好
佢可能仲喊得耐, 呢個係經驗之談
作者: joycelnl 時間: 12-6-29 21:25 標題: 回覆：陳皮爸媽 的帖子
啲媽媽咁有見地，我都比我個仔繼續讀下晝班😄
作者: chowhui97 時間: 12-6-29 23:55 標題: 回覆：讀下午班時間無咁好用,小朋友無時間學嘢? 有無家長俾到意.
其實都要睇下學校近唔近同小朋友的習慣。以前PN我女返樓下上午班，無事都自己六七點起身，八點半落樓，大把時間！
依家K1, 為了入英普班要返下午，原來都ok! 佢依家大咗會訓到七點幾八點幾，晚上九點左右開始準備訓，下午四點幾返屋企會訓一個鐘。最開心係朝早唔駛叫佢起身，晚上又唔需要特別趕佢早啲訓，working parents 來講都唔錯架！！
作者: JC_mami 時間: 12-6-29 23:58
下午四點午睡，肯晚上九時上床睡嗎？
作者: Gabumama 時間: 12-7-2 02:05 標題: 回覆：Gabumama 的帖子
唔記得話比大家知，有間名校幼稚園校長講過，「其實比小朋友讀下晝班係好過讀上晝班㗎，因為小朋友讀下晝嘅精神狀態都係好啲，唔明點解啲家長要谷晒啲小朋友讀上晝。」諗真啲又覺得都啱，就算係大人，一早起身返工，一開工都未必立即入到最佳狀態啦！更何況小朋友？
作者: flopsybunnies 時間: 12-7-2 15:11
回復 Gabumama 的帖子
可能怕吃完午飯會飯氣攻心吧？午餐係咪唔好食太飽會好D？？
作者: Gabumama 時間: 12-7-3 01:51 標題: 回覆：flopsybunnies 的帖子
校長話讀下晝班好啲，可能因為可以比個小朋友瞓到自然醒，然後慢慢食嘢，warm up，跟住先至返學就係學嘢嘅最佳吸收嘅時間卦！？上晝班嘅話，就算個小朋友係瞓到自然醒，但係你又要趕住同佢刷牙洗面，食嘢換衫，佢都未warm up好就已經上緊堂咯，可能去到返學嘅中段先入到最佳狀態。
作者: ppsfung 時間: 12-7-3 15:28
視乎學校是否近屋企, 如果只是幾分鐘路程, 返上午和下午都OK.
但如果要搭校車, 讀下午班會好D. 由其是冬天, 早上很冷, 又很遲才天光, 咁細個小朋友要天未光起床, 係樓下食西北風等校車都幾辛苦.
仲有如果父母要工作到較夜才回家, 小朋友太早睡便沒交流時間.
作者: chubbychu 時間: 12-7-3 16:51
有好多幼稚園K2都要求學生返下午班, 所以早一年俾佢習慣都無問題.
同埋, 我見好多小朋友都上午返興趣班, 再午飯返下午班.
作者: chapter 時間: 12-7-4 10:49
好LIKE呢個thread...!!! 
之前小朋友返下午班總覺得呢到唔好嗰到唔好. 而家先諗到仲有十萬個好!
睇嚟有機會繼續讀下午英普都唔錯呢~!
作者: VIVIANWEN 時間: 12-7-4 14:37
我本来都有些介意，将来个仔返下午班，现在睇到大家的意见，好像没有那么排斥了。多谢大家的分享。
作者: somafa 時間: 12-7-4 15:10
真係好， 見到呢個post, 我個囡9月會返K1下午班， 我呢期就係好煩， 因為佢PN 係讀上午班， 慣左放學食完lunch, 會午睡到3點， 我就係度煩， 9月返下午班點算，無得瞓。
如果， 好似你地咁講， 都有好多好處。 但係仲一樣野諗唔通， 如果朝早9：30先起身食早餐， 咁當1：00要上校車， 12：00咪要食飯， 邊處食得落呀？ 請有經驗既媽咪𧶽教。
作者: fasic88 時間: 12-7-4 15:16
thanks all for sharing. 小女下个月就返下午PN班，我都很努力写信给学校，希望能够转上午班。
小女依家通常9pm-7am睡觉，日头nap就1pm-3pm，正是返学时间，请教应该如何安排nap 呢？早上nap看来都很难，放学后nap又怕晚上唔肯训。
作者: HappyForeverMa 時間: 12-7-4 16:46
呀, 原來係咁架, 我仲以為下午班唔好添, 但小女本身有瞓晏覺習慣, 所以先諗住上午班適合D, 加上D人話上午係吸收知識既好時候嘛
作者: Cindyjasper 時間: 12-7-5 13:21
chubbychu 發表於 12-7-3 16:51
有好多幼稚園K2都要求學生返下午班, 所以早一年俾佢習慣都無問題.
同埋, 我見好多小朋友都上午返興趣班, ...
我個仔N班開始已經係返下晝, 依家讀K1, 佢通常瞓到十點幾, 十一點都有架, 跟住要食支奶,
大概十二點就要食飯, 佢仲可以食晒一碗飯 加一隻蛋, 食完咪返囉.....我諗佢習慣咗lu, 同埋我好少俾其雜食佢食,
所以佢知道唔食飯就會無野食.
作者: dcdc25 時間: 12-7-5 14:32
提示: 作者被禁止或刪除 內容自動屏蔽
作者: 開心小花 時間: 12-7-5 17:40
小朋友會慢慢適應的. 我隻衰豬上午PN又返過, 下午PN又返過. 一開始係返上午PN的, 日日最遲7:40AM一定要叫醒佢, 佢又起唔到身. 只係起身, 都可以同我糾纏20分鐘, 日日喊住起身同佢著校服, 又扭一大輪. 最後只可以飲枝奶, 8:20am就要趕住車佢返學. 試過幾次仲要半路嘔埋枝奶出來.
後來轉返下午PN, 每日瞓到8點幾先起身. 跟住玩下, 12:00pm食Lunch. 12:30pm之後慢慢出門口都得. 因為, 唔怕會塞車. 下午放學返來就4:30pm瞓到6:30pm. 我放工返去仲可以同佢玩到10:30pm先瞓. 有時, 佢同我玩得開心, 搞到成11點先肯瞓. 不過, 第2日唔駛咁早起身, 我又唔駛好似以前咁9:30pm就要趕佢上床. 
不過, 唔知係唔係夜瞓, 我隻衰豬越來越遲起身.
作者: irene_the_pooh 時間: 12-7-5 23:16
阿囝8月都返下晝PN，我初頭又係超級擔心，因為佢既習慣係1:00 - 3:00訓晏覺！
大約一個月前我同阿囝傾閒計時，我同佢講遲D就冇得訓晏覺，因為要返學！
我大約講左3、4次，佢唔知點解咁巧合，自己介左1:00-3:00唔肯訓覺！
所以大家都可以試下brief定個小朋友先！
作者: irene_the_pooh 時間: 12-7-5 23:19
somafa 發表於 12-7-4 15:10
真係好， 見到呢個post, 我個囡9月會返K1下午班， 我呢期就係好煩， 因為佢PN 係讀上午班， 慣左放學食完lu ...
我個囝ok呀！
佢平時8:00am食一支奶，然後9:30am左右我會比少少野佢食 (例如生果 + 乳酪 / 麥皮之類)，然後11:30am就食午飯，佢都會食得晒！
如果你怕你個女食唔落，你初頭可以試下比少d先，佢唔夠自然會問你再攞啦！
作者: chrisncy 時間: 12-7-5 23:32
我都係返下晝，感覺良好，又可以遲d訓，又唔會塞車，冬天冇噤凍，老師又warm up 完，少d 機會遲到，等，好處多過壞處
作者: MamaRabbit 時間: 12-7-6 00:03
chowhui97 發表於 12-6-29 23:55
其實都要睇下學校近唔近同小朋友的習慣。以前PN我女返樓下上午班，無事都自己六七點起身，八點半落樓，大把 ...
請問你是working mum嗎? 你囡囡放學瞓到５點幾６點，然後要食晚飯沖涼，９時開始就準備瞓咁快手既？
我有個疑問，想請問囡囡做功課時間如何安排？仲有親子閱讀呢？黎緊我囡囡9月都要返pm k1,我還是很擔心時間唔夠用同囡囡唔夠休息！
作者: chowhui97 時間: 12-7-6 10:31
本帖最後由 chowhui97 於 12-7-6 10:33 編輯
回復 MamaRabbit 的帖子
我係WORKING MUM....
我個女個SCHEDULE:
4:00PM 放學
4:30PM 左右開始訓, 通常佢要訓WITHIN 5MIN會訓著
5:55PM 工人叫佢起身, 休息一陣
6:30PM 食晚飯
7:00PM 我地返屋企
約8:00PM OR 8:00PM我地食完飯, 就同佢玩一陣, 睇書, 對/做功課等
9:00PM 左右開始沖涼, 飲奶, 講故事
10:00PM 訓覺
作者: chubbychu 時間: 12-7-7 01:12
Cindyjasper 發表於 12-7-5 13:21
我個仔N班開始已經係返下晝, 依家讀K1, 佢通常瞓到十點幾, 十一點都有架, 跟住要食支奶,
大概十二點就要 ...
食咁多, 好乖仔呀!
作者: MamaRabbit 時間: 12-7-7 01:49
本帖最後由 MamaRabbit 於 12-7-7 01:50 編輯
chowhui97 發表於 12-7-6 10:31
回復 MamaRabbit 的帖子
我係WORKING MUM....
你就好,PM可以放4點,我個女果間放4:30,校車下車時間係5:30,坐成粒鐘,救命!
我希望亞女可以係校車眠一眠吧~
至於亞女實際既生活時間都表仲未PLAN好
作者: yantabo 時間: 12-7-7 02:23 標題: 引用：回復+Gabumama+的帖子
可能怕吃完午飯會飯
原帖由 flopsybunnies 於 12-07-02 發表
回復 Gabumama 的帖子
可能怕吃完午飯會飯氣攻心吧？午餐係咪唔好食太飽會好D？？ ...
作者: 麥兜MaMa 時間: 12-7-8 01:54
以前都會覺得am好d, 下午時間好用d. 不過自從呢道有個post講pm既好處之後, 我地發現pm合我地需要多d. 因為我們都是晚回家, 阿仔am+搭校車早會無咩親子時間.
作者: 麥兜MaMa 時間: 12-7-8 01:57
而阿仔有番早上(10am) & 下午 (4pm) 既pg, 不同日期, 但已經早上既成日唔想起床, 攪到遲到....呢樣野, 媽咪細個都試過, 因為成日搭唔到校車, 改左自己行番學...
作者: c-wong 時間: 12-7-8 11:34
My kid studied in am and pm before. Am is better but pm also ok. My girl is flexible in her sleeping schedule. If she attends am class she wld take nap after she finishes lunch at around 1.30pm. If she attends pm class she will sleep again at 10.30am-12pm, so after she comes home at 5 pm she doesn't need to sleep again, arranged her eca like ballet class near home at 6 pm.
作者: yushbaby123 時間: 12-7-13 21:46
回復 MamaRabbit 的帖子
my daughter will attend K1 PM class on coming Sep., and her class will finish up at 4:30 pm and will be home at around 5:30.
So, i wonder how to adjust her schedule?
作者: bibi0608 時間: 12-7-14 02:25
我個女日日都係瞓到十一點幾十二點先自然醒， 下午４點瞓午覺， ６點起身玩同學野，晚上食完飯同爸爸玩到十一點幾十二點先瞓。 本來我都打算調整佢作息時間明年９月返上午校， 依家見到大家既意見原來下午校都不是想像中甘差！！ 我係咪應該幫個女報讀下午校好Ｄ？ 會唔會第時返小學仲辛苦？請問依家Ｄ小學係咪全都係全日制啦？？
作者: happycandy 時間: 12-7-15 23:00
未返學時，朝八晚十，一至四瞓晏覺，very good.
返pn〈pm〉，朝十晚十二，六至八瞓晏覺，還可以！
返K1&K2〈am〉，朝八晚十，唔肯瞓晏覺，朝早唔願起，六點開始發脾氣⋯唉！
如果爸爸遲收工，反而八點半瞓，跟著第二朝一叫就醒⋯
下學期返K3𡿨pm〉，期待中！
作者: dreamshan 時間: 12-7-15 23:35 標題: 回覆：讀下午班時間無咁好用,小朋友無時間學嘢? 有無家長俾到意.
想問各位意見，我個仔其實習慣了6點幾就起床，但將會讀pm , 如要調節時間，應預早幾耐？還是到時自己可以調節到？
作者: MamaRabbit 時間: 12-7-16 01:09
dreamshan 發表於 12-7-15 23:35
想問各位意見，我個仔其實習慣了6點幾就起床，但將會讀pm , 如要調節時間，應預早幾耐？還是到時自己可以調 ...
你囝囝真係好早起喎,係咪好早就瞓? 其實早睡早起係健康既,佢平時有冇午睡?但是返pm又冇得睡午覺,唯有嘗試早上叫佢眠一眠(都唔易), or晚上遲一點瞓?
其實只要一遲睡,佢自然就遲一點才起身,我一放假d小朋友一夜d瞓,很快第朝就睡晏左至起身!
作者: MamaRabbit 時間: 12-7-16 01:12
yushbaby123 發表於 12-7-13 21:46
回復 MamaRabbit 的帖子
my daughter will attend K1 PM class on coming Sep., and her class will finis ...
我都是類似case,實際情況唯有到時才知道,但見各位家長所講,小孩都是很易適應的,或許到時會發覺pm的好處未定!
我有點擔心,佢放學在校車上睡著了,到我接佢下車要抱佢行呢>.<
作者: twllc 時間: 12-7-16 09:06
我孖仔都係6點多起身，本來稔住返pm可以令佢地瞓晏d，點知唔得... 返左pn pm班半年，變左下面schedule
6:30am 起床
10:30am 瞓晏覺
12:00 noon 起床
8:30 pm 瞓覺
我大仔仲好少少，晏覺可以瞓得著；但細仔成日瞓唔到，返學冇精神，放學返黎多數瞓唔到(因為大仔落公園玩，佢又想去)。試過拖到10pm先俾佢地瞓，結果都係6點起身，好難攪。
黎緊k1返新學校，又係pm，希望可以轉到am啦。
作者: aaronmok 時間: 12-7-16 10:54 標題: 回覆：Cindyjasper 的帖子
作者: amywong9 時間: 12-7-17 14:58
我仔都係下晏班 (k1), 我中意下晏, 我2公婆要返工, 放工食完飯都8點幾, 如果返上晏, 要好早趕佢瞓, 會無哂親子時間, 而家阿仔通常10:xx 幾至11:xx 瞓, 日日由佢自然醒 (通常9:xx, 佢瞓到10:xx 己經好叻...) 佢無瞓晏覺, 不過佢放學都係要坐成粒鐘中, 我知佢會瞓左. 返到屋企唔會比佢再瞓, (本身我仔都唔係好瞓得果d)
返下晏, 咪上午去興趣班, 都好多, 仲好似樓止講, 成日有私人教授, 好抵的. 阿仔學phonics, 個班原本是6人, 而家佢一人獨上, 都不知幾好. 仲有, 星期六日有時帶佢去街, 佢又唔會一早好眼瞓, 可以現多一陣, 我見過有d小朋友慣左9:00小朋友要瞓, 去街只可去到7:30 就要返屋企, 好似好無隱咁........
作者: cc.leung 時間: 12-7-19 11:45
我女本身K1 都係上午班. 黎緊K2 轉左校要返下午班. , 佢今個星期開始放暑假, 日日都成10點半先訓. 第日8點-8點半先起身. 因我們平時收工返到屋企開飯都7點半. 食到8點幾. 玩一陣睇陣電視傾一陣計. 就要上床訓.
不過我個人都想我小朋友9點半上床. 但有時真係好難. 屋企家人未訓. 個小朋友都好難肯上床. 但我們個個上哂床. 佢就好快訓了.
作者: 迷你大人 時間: 12-8-17 14:44
早D上床，朝早自然識起身，問題系大人早吾早到睡覺？想個小朋友睡到自然醒？是大人想睡到自然醒吧？
作者: 迷你大人 時間: 12-8-17 14:49
點解一定系上晝或下晝？全日班就沒有問題，仲規律D
作者: avacsy 時間: 12-8-18 14:20
我有個朋友個仔等校車時個天仲未光，佢問媽咪，我係咪返夜學呀?!
作者: yukai 時間: 12-8-19 01:30 標題: 引用：我有個朋友個仔等校車時個天仲未光，佢問媽
原帖由 avacsy 於 12-08-18 發表
我有個朋友個仔等校車時個天仲未光，佢問媽咪，我係咪返夜學呀?!
作者: Oscar66 時間: 12-8-20 10:14
avacsy 發表於 12-8-18 14:20
我有個朋友個仔等校車時個天仲未光，佢問媽咪，我係咪返夜學呀?!
K1 返夜學
| 歡迎光臨 教育王國 (/) |
Powered by Discuz! X1.5 |