教育王國

標題: 學校行精英班制 [打印本頁]

作者: littlemrs 時間: 12-6-27 09:32 標題: 學校行精英班制

學校行精英班制, 其實理解的. 入唔到精英班的, 作為家長當然叫小朋友不要氣餒. 但小朋友所想的, 未必一樣, 佢好似被人label左. 下個月派成績表就知派乜班, 行精英班制, 搞到我都有壓力.
唉, 有無家長有此感受? 入来分享下...

作者: qkhui 時間: 12-6-27 10:23

回復 littlemrs 的帖子

你小朋友幾多年級 ?

我仔仔學校都係行精英班, 由小三開始, 小三/小四是按全級名次分, 全級1-60名就分散分入A 和 B 班, 61-120 就是分散入C 和 D 班. 小五就會A 班(1-30), B 班 (31-60) C 和 D 班跟以往樣係61-120 分散入.

今年仔仔升小五, 在我自己來觀察, 仔仔不是太理會入咩班, 大部份同學亦是, 所以其實家長不用太擔心小朋友會自己LABEL 佐自己. 反而係家長自己心裡有比較. 我在小三時其實都亦會介意亞仔入咩班, 但當一路大, 其實真係不是太大問題.. 加油 !

所以問題是出在家長身上, 要自己不要看我太重. 不一定讀精英班就一定是永遠成績好. 好像今年仔仔學校, 小五全班第一名的, 不是& B 班, 而是C班的.

作者: lojo11 時間: 12-6-27 10:43

我仔學校都係行精英制, 小一唔分班, 小二最小一成績分兩成兩組, 每組兩班... 小三, 頭三十為一班, 如此類推... 每年小朋友都有機會升去好個班..

我個人接受到... 老師可以用唔同方法教能力唔同的小朋友... 可以彈性d....

至於有無壓力... 緊係有啦... 我都想個仔入好個班... 下星期知入邊班, 但心裡有數

作者: littlemrs 時間: 12-6-27 11:20

回復 qkhui 的帖子

我女今年升5年班. 佢告訴我, 佢同學讀A班的(4年班已分班), 教書教快D的.
明白讀AB班比普通班分別未必好大, 平均分可能只差幾分. 但我女會覺得AB班叻d, 佢會覺得好難追, 因AB班教多d.

我要同佢做心理輔導, 形成我也有壓力.

作者: kaman488 時間: 12-6-27 12:03

回復 littlemrs 的帖子

我覺得行精英制係對學生同老師都係雙處贏局面 , 不過我囝囝間小學來年唔再分精英制,
行緊精英班既高年級仍會繼續 , 因為佢地仲係大班教學 , 無論點樣變我都係好相信學校既教學大方向

作者: qkhui 時間: 12-6-27 14:50

回復 littlemrs 的帖子

其實有時都唔知應該係點, 好似有O的小朋友, 可以入到精英班, 但在班中考最尾, 但佢O既分數巳可以在隔離班考第一, 感覺上會好好多. 有時O的小朋友就係因為噉而發憤, 但有時又會岩岩相反, 考第尾的可能會變佐無心機. 因覺得點都係考最後..

作者: JE0608 時間: 12-6-27 16:19

最唔LIKE有精英班既小學, 甘快LABEL晒D小朋友, 入到/入唔到精英班都壓力甚大.

作者: ANChan59 時間: 12-6-27 16:45

回復 kaman488 的帖子

同意，最重要是有"精英班"的上落車機制。

作者: 長生不老 時間: 12-6-27 22:32

提示: 作者被禁止或刪除內容自動屏蔽

作者: angelmumy 時間: 12-6-27 23:54

我有深刻體會, 大囡小學時不是精英班, 當時我好唔like 學校點解要咁早 label 左學生, 我囡成日都係呢句: 梗係, 我又不是精英班的. 時常作為借口, 成績唔好, 也是理所當然. 得著: 開心, 平淡, 沒有壓力, 也沒有上進心, 得失好平常, 或許跟小朋友的性格有關.

到左細囡, 情況完全相反, 好彩有精英班, 而且仲要差不多係五選一果隻. 亞細好有斗心,唔肯輸 . 如果唔設精英班, 同學之間沒有競爭, 她會隨波逐流, 人地玩佢亦玩. 所以以前勁憎"精英班", 果時真係想喊, 我亞囡有咩差過人? 只是成績一般而已. 而家慶幸有"精英班", 唔知將來回頭看看, 又會點 ?

作者: lojo11 時間: 12-6-28 10:09

所有制度都有好有唔好... 所以揀學校比小朋友時,家長要充分理解...

作者: jeffsir 時間: 12-6-28 13:07

本帖最後由 jeffsir 於 12-6-28 13:07 編輯

兩睇,有d學生有鬥心就不想落後人,就會一起進步,有d學生就可能以此作藉口,覺得被忽視,要看小孩心態及家長應作出適當的分析解釋給小孩聽.

作者: Whitepine 時間: 12-6-28 13:54

我仔學校就無精英班，我覺得好。學校會將全級最叻學生分開唔同班，所以大家同學都開心D。

作者: tws2010 時間: 12-6-28 21:04

回復 jeffsir 的帖子

I don't support the idea of elite classes...孔子說有教無類...如果小朋友考得好, 我会同佢降溫, 唔想佢太得戚, 同学仔的友誼都好緊要

作者: jeffsir 時間: 12-6-28 21:58

本帖最後由 jeffsir 於 12-6-28 21:59 編輯

tws2010 發表於 12-6-28 21:04
回復 jeffsir 的帖子

I don't support the idea of elite classes...孔子說有教無類...如果小朋友考得好, ...

我相信老師係公平的一群,是有教無類,不會偏私任何一方,會取得平衡點.
,non-elite classes,不代表老師唔教,或教少D,只是教番同齡級別應有的作業範圍,而elite classes只是把適齡兒童應學的範圍推高層次,甘樣是雙贏,elite classes學到更多,而non-elite classes也沒有損失,因他們都係學緊佢級別的範圍!!而唔卑佢有驕傲之心,或看低別人的心,是應該父母作出配合去引導.

作者: ANChan59 時間: 12-6-29 13:12

tws2010 發表於 12-6-28 21:04
回復 jeffsir 的帖子

I don't support the idea of elite classes...孔子說有教無類...如果小朋友考得好, ...

你若果以教師或學校立場出發，班內學習差異太大是直接影響教育質量。上面家長的分析較接近事實，老師不會跟學生有仇，刻意整蠱。

作者: ANNAFRIEND 時間: 12-6-29 13:24

Whitepine 發表於 12-6-28 13:54
我仔學校就無精英班，我覺得好。學校會將全級最叻學生分開唔同班，所以大家同學都開心D。 ...

我地學校都係, 沒設精英班. 我都覺得對小朋友影響小一點. 如果小朋友只屬中上在精英班中不能突出, 那可能對小朋友的自信心有所損害. 我有朋友的囝囝就是如此.

作者: JustAParent 時間: 12-6-29 13:53 標題: 回覆：學校行精英班制

無疑精英班制確能教出一些叻學生，但我們是否看清楚所付出的代價？年前看過一本講芬蘭教育的書「沒有資優班」，學生不多補習、不分精英班、少爭名校煩惱，而把世界頂尖的學子教出來。看後，我第一個感覺是，香港甚至其他行精英制的亞洲國家如日本，根本不可能辦到，因為，我們根本不相信本身的教育制度。

作者: qute_chan 時間: 12-6-30 17:01

其實係家長label自已小朋友, 多過小朋友怕被人label.

作者: wister 時間: 12-6-30 19:06

我讀中學時間學校都有分精英班，競爭都好激烈，當年每逢學期尾都好驚，怕入唔到精英班會好無面。。。T_T

作者: anixon 時間: 12-6-30 22:56

其實點解要分精英班？用意係咩呢？

作者: 瑩瑩老豆 時間: 12-7-1 17:25

本帖最後由瑩瑩老豆於 12-7-1 17:27 編輯

按成績分班較易因材施教, 試想將全級前幾名的同全級最后幾名放在同一班, 教太慢太淺, 叻既會覺得悶, 教得太快太深, 差既又跟唔到. 老師也很難平衡學生進度.

作者: 瑩瑩老豆 時間: 12-7-1 17:30

angelmumy 發表於 12-6-27 23:54
我有深刻體會, 大囡小學時不是精英班, 當時我好唔like 學校點解要咁早 label 左學生, 我囡成日都係呢句: 梗 ...

我覺得即是沒有精英班, 你大囡也會另找其他藉口比自己成績唔好.

作者: tws2010 時間: 12-7-1 21:59

回復 jeffsir 的帖子

唔好意思呀, 我唔係話老師唔公平, 唔多唔少, 小朋友倉label自已 (他們已有思想), 大人更加會, 我只希望小朋友開開心心,
加小小良咗性競爭, there was no elite class in my old days at all, but on one hand, we studied hard to get good result, on the other hand, we have developed good friendship with classmates.

作者: k_lego 時間: 12-7-1 22:04

我覺得中學可以行精英班,
自己中學果時, 明明下一年入到精英班的, 但係就係果一年CANCEL左

但小學, 我都唔讚成精英制,
我為女兒選了沒有精英班的小學,
阿女既幼稚園唔係吹谷果d, 冇dict等等
所以唔知佢能力去到邊
如果佢唔係叻, 當然唔希望佢俾精英制打沉
如果佢係叻既, 我又覺得冇精英制可以令佢學識謙卑
自己細個o係區內名校大, 去到補習社係睇唔起其他學校既學生..
所以唔希望小朋友咁細個就lable曬

作者: gwan 時間: 12-7-2 09:26

所以要教小朋友，盡了力就可以了。到佢地大個咗做嘢，都要面對老闆升人地職但唔升佢時點面對啦。

我都同意係家長介意入唔入到精英班多過小朋友，起碼在小學階段係！

作者: lojo11 時間: 12-7-2 10:56 標題: 回覆：學校行精英班制

我覺得入左精英班小朋友唔應該有優越感，同樣，非精英班亦唔代表小朋友唔乖或差，好睇父母、老師點演繹比小朋友知！所有事／制度都有好有壞，在乎我地著重邊方面睇！

作者: Kit238 時間: 12-7-2 14:24

提示: 作者被禁止或刪除內容自動屏蔽

作者: mietwins 時間: 12-7-4 00:50 標題: 回覆：學校行精英班制

現實就係現實!入得精英班，能力一定有番咁上下!普通班嘅學生亦有佢地進步空間!其實將晤同級數學生放埋一班，對學生而言絕對不是一件好事，因學生理解程度有別，真係好大影響的!

作者: ppsfung 時間: 12-7-4 14:07

littlemrs 發表於 12-6-27 09:32
學校行精英班制, 其實理解的. 入唔到精英班的, 作為家長當然叫小朋友不要氣餒. 但小朋友所想的, 未必一樣 ...

是否有壓力視乎你點睇....
除非成績好叻嗰批, 佢地入精英班實至名歸入到去跟到進度, 唔會有太大壓力.

但係若果只是勉強入到精英班嗰D仲慘過唔入, 因為老師諗住佢係精英會教得快D, 對佢地期望又高D, 成日要擔心包尾, 壓力仲大.

所以最緊要係程度和教學方法合適, 精英班只係得個名, 過多幾年畢咗業, 其他人只會記得你邊間學校畢業, 無人在意你讀精英班定普通班.

作者: kkhon 時間: 12-7-8 03:36

我校4年級開始有3班精英班，好怕入唔倒又怕入倒後全班考最尾。

作者: ANChan59 時間: 12-7-8 07:30 標題: 回覆：kkhon 的帖子

全班包尾，在全級都是中上了。何以介意。

作者: ANChan59 時間: 12-7-8 07:32 標題: 回覆：ppsfung 的帖子

分析合乎現實。

作者: Yanamami 時間: 12-7-8 10:42

上到中學反正都有精英班, 既然遲早有, 早d適應都好.....

作者: qkhui 時間: 12-7-8 15:55

回復 ANChan59 的帖子

事實又真係，在全班考尾幾，全級考中上

作者: mietwins 時間: 12-7-17 14:25 標題: 回覆：學校行精英班制

我個女都試過啦!全班38，佢考包尾，但全級149，佢都係考38喎!我都接受到架!

作者: marcuscyrus 時間: 12-7-17 15:58

littlemrs 發表於 12-6-27 09:32
學校行精英班制, 其實理解的. 入唔到精英班的, 作為家長當然叫小朋友不要氣餒. 但小朋友所想的, 未必一樣 ...

咁睇下行精英班之後係咩策略，如果差d o既班係有更多o既support，我個人係支持，但如果只是將佢地放埋一邊唔理，咁就唔係幾好啦。程度相約的小朋友同一班，其實學習效果應該係會更理想的

作者: lojo11 時間: 12-7-17 15:58

我都係睇全級多過睇全班

作者: Chole 時間: 12-7-17 20:41

亞仔今年考第二，九月去精英班，我預咗佢出年考尾二，但係有d驚佢會自卑。

作者: water2002 時間: 12-7-18 00:47

marcuscyrus 發表於 12-7-17 15:58
咁睇下行精英班之後係咩策略，如果差d o既班係有更多o既support，我個人係支持，但如果只是將佢地放埋一邊 ...

我仔既學校就係咁, 2班精英, 2班普通, 1班加強, 加強班有雙班主任, 中英數都係雙老師教

作者: lojo11 時間: 12-7-18 08:16 標題: 回覆：學校行精英班制

學校用成績分班，主要係照顧小朋友學習差異，都係好對學生好的。

作者: ANChan59 時間: 12-7-18 08:44

water2002 發表於 12-7-18 00:47
我仔既學校就係咁, 2班精英, 2班普通, 1班加強, 加強班有雙班主任, 中英數都係雙老師教
...

有不少學校以加強班形式，幫助孩子們的中英數。

作者: 追到索晒氣 時間: 12-7-30 21:50 標題: 回覆：學校行精英班制

以我仔情況睇，我係極希望學校有精英班，我仔小一升小二，小一呢年班裡有一半學生在學習同理解上不如理想，別說老師不能利用時間進一步帶出更多有關知識，更必須把課程拖慢及用多些時間給同學解釋，但由於我仔很快就能明白理解課程，所以感覺上堂好沒趣。註：我不是炫耀兒子聰明，只係想反映分班係最有效對不同程度學生安排最好的教導方法。

作者: mark2006 時間: 12-7-30 23:23

精英班 does imply teachers can only teach in a class of students with similar capabilities? No offense......

作者: fatkca 時間: 12-7-31 13:01

如果小學一,二年班已經label咗小朋友係唔係入精英班, 我覺得太早。
1. 入唔到精英班的小朋友可能會覺得自己唔叻, 傷自尊心, 可能愈讀愈無心機!
2. 競爭甘激烈, 小朋友學識係同人地成績比較, 唔係自己同自己成績比較~

歡迎光臨教育王國 (/)