教育王國
標題: 好想了解多d宣小的學習壓力 [打印本頁]
作者: puibpuib 時間: 12-6-27 00:55 標題: 好想了解多d宣小的學習壓力
聽聞小一至小三仲係honeymoon,但小四開始就谷d.是否如是？
可以講下功課量，有幾多測驗考試默書？
作者: puibpuib 時間: 12-6-27 01:02 標題: 回覆：好想了解多d宣小的學習壓力
問多樣，返左宣小後小朋友仲有無空閒時間玩，平時仲會有時間一家人玩嗎?
作者: Cyrusmum 時間: 12-6-27 02:03
本帖最後由 Cyrusmum 於 12-6-27 02:05 編輯
我諗真係幾睇個人, 我仔做嘢比較求其, 所以四年班都可以好快完成功課. 加上自修堂都會做咗部份, 每日多數只有3-4樣! 你可以入去啲四年級既討諭區睇吓, 我哋好多都會有post功課出嚟. 宣小同其他學校比, 其實真係幾少功課, 有啲要花較多時間既練習, 老師亦會比成個星期佢哋慢慢做.
宣小一個學年有三個學段, 每個學段只得各4-5次既中英默書, 其中仲包括埋小測(當一次默書分計), 至於小測既範圍好多時唔會係考試再出現.
至於測驗, 中英文只得以上所講既小測, 無其他測驗, 只得考試. 數學就每個學段都有2-3個測驗. 測驗既分數同考試既比例差唔多, 所以唔駛一次定輸贏!
玩樂方面, 我就覺得我仔都算多玩樂時間, 星期六日我哋好少會留係屋企温書, 多數都係family time!
作者: marcuscyrus 時間: 12-6-27 09:52
我認識一位已升中的宣小小朋友說多年來多數功課堂都做了大部份甚至做哂功課，沒補習，因是球類校隊，所以要留校練習，印象中好似說最多也是練到4點多，回家完成埋剩下的功課就沒有太大工作量，他母親說他成績中等，所以之前聽人家說宣小好辛苦，我看他又好像不是，可能想要爭前列位置才會好辛苦掛?
作者: sara711 時間: 12-6-27 10:49
十個有九個朋友都同我講，聽聞宣道有好多功課做，我第一時就說，小一成年最多一次都係五樣 (試過1-2次)，而呢所謂五樣可能有兩樣是改正 (最多一分鐘做完)。我都不知他們從那兒聽聞？如果是問身為宣小的家長應該不會說宣小多功課，高班的情況就不知，但起碼見小女的幼稚園同學在其他名津校每天有成平均7-8樣功課，我慶幸當天揀了宣小，因為以working mother來說，我怕自己沒有這麼多的時間跟她的功課。
作者: MacMa 時間: 12-6-27 11:07
我的小朋友去年在宣小畢業，我都覺得功課唔算多，佢小五、小六仲打埋排球加辯論隊，都可在個多小時內完成功課。小三升上小四對我小朋友來說是一個難關，但因應個別小朋友而不同。我覺得壓力可能在於每次默書、quiz、小測同數測都要全力以赴，因為計平時分但佔的%不多(數測除外)，所以都是家長心理關口影响，覺得一分都不能失。我小朋友除了在小四一年外，其餘在宣小的時間 (特別在小五、小六)，都是開心愉快！
作者: kennyklt 時間: 12-6-27 11:09 標題: 回覆：好想了解多d宣小的學習壓力
其實宣小低年級係比較輕鬆，我個小朋友喺自修堂已經完成七成功課，每一次在家做功課唔需要多過一小時。測驗默書你預每個星期都有，不過範圍唔多，啲project俾成個月你做，論抄寫，佢幼稚園仲多
比起我其他朋友讀緊嘅津小輕鬆得多。高班一定辛苦好多，但有邊間傳統小學唔係？
作者: joannespapa 時間: 12-6-27 11:23
功課量真係唔多，但係感覺P4開始測驗考試明顯深咗，需要平日放學校溫習一下上堂教過嘅嘢，咁考試前就唔使咁辛苦。
作者: rainbowcov 時間: 12-6-28 12:48
我很想知點解唔多功課, 都可以有好成績的?
作者: marcuscyrus 時間: 12-6-28 12:51
rainbowcov 發表於 12-6-28 12:48 
我很想知點解唔多功課, 都可以有好成績的?
有些學校則採用強制手段，即功課多，測驗多，默書多來令學生水準提高
作者: cccccl 時間: 12-6-28 13:33
rainbowcov 發表於 12-6-28 12:48
我很想知點解唔多功課, 都可以有好成績的?
宣小功課真的不多也不是太深，但畢業生出來的成績很好！
我認為宣小拔尖補底做得好，小五小六所學的很充實，很貼近中學課程要求，中文有額外的文集，英文學足六年Phonics，數學有英數、奧數等都是原因。另外，由小三、四開始訓練學生寫筆記，找學習重點，提升學習技巧也很有用。還有，中途跟不上的、怕辛苦的都已離校，成功小六畢業的學生都是優異生了！
作者: Cyrusmum 時間: 12-6-28 20:35
回復 rainbowcov 的帖子
我覺得收生時, 學校基本上已收窄咗學生水準差異問題. 咁樣老師教起嚟, 進度會好啲快啲!
加上個人認為多功課唔代表水準高, 尤其是一啲反覆抄寫功課, 只會減低學習興趣!
作者: HY412 時間: 12-6-28 22:04
本帖最後由 HY412 於 12-6-28 22:05 編輯
印象中 P.1~P.5 假期及暑期都沒有功課做, 除了P.3暑假有2本英文撩草練習, 有少少 Project 要做 ... 有好多家庭樂, P.6 因為呈分, 就真係好忙. 而家係咪都無假期功課??
作者: 金毛B媽 時間: 12-6-29 00:20
我們沒有假期功課呀
作者: Cyrusmum 時間: 12-6-29 00:25
我們四年級都沒有暑期功課!
作者: marrowcream 時間: 12-7-12 17:30
回復 kennyklt 的帖子
想請問APS 常識科係咪用英文教(包括睇同寫), 因我見P.1 常識書有中文的又有英文的. 另外, 中文是全國語教嗎 ? 如是, 小朋友會唔會唔識廣東話識字呢?
作者: kennyklt 時間: 12-7-13 07:17 標題: 回覆：marrowcream 的帖子
常識用中文書和廣東話教，Science用全英文教。中文科好似到學期尾還未能普通話教。
作者: silverbell 時間: 12-7-17 09:36
我相信男孩的智力和學習能力發展較同齢的女孩慢。想請教APS的家長，你們的兒子在學校的成績和表現，會否給女孩子比下去?
作者: ps-mon 時間: 12-7-17 22:48
小兒就讀小一，今年考頭三名的都是男孩，所以我個人覺得肯付上努力才是關鍵。
作者: estherkoo888 時間: 12-8-15 16:24
雖然宣小唔算多功課, 但每日都最小有五樣. 仲有projects 同 一些補充練習, 雖然唔係即日交, 也雖要抽時間做D.
仲要温習, 差不多每星期都最小有一科測驗或默書, 可能我呀Ｂ蠢, 佢需要多Ｄ間温習, 所以每晚都要温書. 否則如果成績唔好, 會比老師責怪佢冇好好温習或嚇佢要留咗架!
所以我覺得都好辛苦.
作者: 大貓媽媽 時間: 12-8-15 18:02
論功課件數，宣小不算多；但不少補充是一個星期才交的，如中文、數學補充，這些就耗時不少。但話說回頭，一間學校的程度和學生出來的成績高低，可不是由功課件數多少去決定的。抄寫的功課就是費時但不艱深的，小朋友手指不發達，抄寫一定慢，花時間一定多，那可不能代表這份功課設計得有水準。
我覺得，宣小的同學有一定水平，頗大程度是因為家長的期望和合作。大家的小朋友入讀了宣小，大概也了解學校的要求，自然會回家配合的。眾所週知，宣小是一所對成績有要求的學校吧。
作者: cccccl 時間: 12-8-18 11:22
我看学習壓力來自兩方面。
孩子的能力及自我要求：功課做得快手、錯漏少；温習時思考靈敏、易入腦。孩子可輕鬆面對學習，沒太大壓力。但如果孩子對自己有高要求(通常都是那些全級頭幾名的孩子)，就會覺得有壓力。
父母期望：孩子成績中規中矩就收貨，還是要求孩子功課、Project、默書、測驗、考試一分不能少？如此壓力就很大，不論你的孩子在哪一所小學讀書。
我的孩子在APS讀書幾年，親戚朋友問他讀書辛苦嗎？他都說不辛苦，讀得很開心。我卻感到壓力，因他不是對自己學習很有要求的孩子而我是一位緊張的媽媽
作者: 大貓媽媽 時間: 12-8-19 23:29
回復 cccccl 的帖子
十分認用你的看法﹗
假如孩子要求不高，媽媽卻有要求的話，
吃苦的一定是媽媽啊﹗
有時我想，不如我去考試或上學吧﹗
至少我不用擔心究竟孩子曉得多少而無止境地替他溫習吧﹗
作者: cccccl 時間: 12-8-20 22:16
回復 大貓媽媽 的帖子
陪他温習都不知何時應放手，上中一嗎？他會自律認真有要求地温習嗎？如果他不行或未達我要求水平，又繼續陪他温習？想起都覺得很驚，何時跟他來個了斷？
有冇過來人可分享？
作者: kinkin010327 時間: 12-8-20 23:07
提示: 作者被禁止或刪除 內容自動屏蔽
作者: 大貓媽媽 時間: 12-8-20 23:11
回復 cccccl 的帖子
哈哈，我的孩子才升小三呢。
我囡囡算是對自己有點要求，
她可以自己先預備，
然後我下班才跟她複習。
我希望暫時都維持這種模式，
慢慢再放手多一些吧...
作者: cccccl 時間: 12-8-21 22:13
回復 大貓媽媽 的帖子
孩子初小時我放手更多(跟你差不多，放工回家後才跟進他的學習)，反而他每升級我就箍得他更緊。可能學的東西多了深了，又越來越接近呈分試，我也變得緊張起來，很難放手才有感而發。
希望你們的情況跟我們不一樣，good luck!
作者: flowervilla 時間: 12-8-22 17:21
今年小一考全級頭三名的是兩女一男..
Most parents include us find the kids have plenty of free time during exams.. more than normal school days..
作者: flowervilla 時間: 12-8-22 17:21
I referred to P1 last year... not sure about other grades..
作者: MacMa 時間: 12-8-23 13:27
本帖最後由 MacMa 於 12-8-24 11:37 編輯
回復 cccccl 的帖子
我的囝囝已經畢業，新學年升中二。在宣小的日子，我的情況跟你的差不多: 小一至小三輕鬆學習，放工後才替他睇功課(我從來唔會對答案，留待老師批閱，若有錯誤，改正後應加深印象)和温測驗、默書。小四開始，課程加深，為了預備小五的分科分班，我哋的節奏變得緊湊，加上囝囝處於反叛期，做功課拖住做到九點、十點，加上要催促練習樂器，磨擦便產生。到了小五，我有少少氣餒，覺得放咁多心機陪佢讀書，成績仍是每況愈下。但可能無咁大壓力，同找到奮鬥目標，他的成績有很大的改善和驚喜！之後，在小六上學期已獲直資取錄，我哋的心態已不同，只要盡力便可，學期尾的考試亦為小學生涯劃上完美句號。
一直都有陪囝囝溫習，但到了升中一後，我便完全放手，由他自己去摸索讀書的技巧和方向。但我覺得幾時放手要因人而異。
作者: cccccl 時間: 12-8-23 18:37
回復 MacMa 的帖子
謝謝你的分享，大概在小六第二、三學段嘗試放手，在中一全面放手，希望計劃成功！
你囝囝升上直資中學自己温習，成績(全級名次)是否跟在APS差不多？所以你可放心繼續全面放手？
作者: MacMa 時間: 12-8-24 10:07
我相信很難用小學的成績和中學比較，一山還有一山高！我在他升讀中一時，已經完全放手，我的要求是保持在精英班，成績有進步便可。
作者: shirleyysy 時間: 12-8-24 11:28 標題: 回覆：好想了解多d宣小的學習壓力
請問宣小有沒有分精英班的？
作者: MacMa 時間: 12-8-24 11:42
回復 shirleyysy 的帖子
據我所知是無精英班，但在小五及小六時，中、英、數會用「拔尖補底」的概念去分班上課。
作者: Queenielam88 時間: 12-8-24 12:25
係呀校長在小一迎新日時講學校係冇精英班架,因為揀得入黎讀全部都係精英喎!我都希望承佢貴言喇~~~~
作者: cccccl 時間: 12-8-24 22:44
回復 MacMa 的帖子
如果能保持在精英班，可以安心放手了。
作者: kongkong7794 時間: 12-8-25 10:05
提示: 作者被禁止或刪除 內容自動屏蔽
作者: IKE4U 時間: 12-8-25 11:47
請問你的有關中學派位資料來源是那裡可看？謝謝！
作者: 大貓媽媽 時間: 12-8-26 09:16
回復 cccccl 的帖子
謝謝你的分享﹗
理想與現實大多會有落差，
我只是希望我的落差不會有天離地那麼遠吧~~~
得你的提醒，
我明白要調節一下自己的期望了~~
| 歡迎光臨 教育王國 (/) |
Powered by Discuz! X1.5 |