教育王國
標題: 校車事件睇真D!! [打印本頁]
作者: 哪爸媽 時間: 12-6-26 13:10 標題: 校車事件睇真D!!
本帖最後由 哪爸媽 於 12-6-29 20:40 編輯
校長閣下上任快一年,响6月18日晚，薛校長就校車服務及樂器班家長晚會中,就依然不接受家長舉手提問,是否我們不配與你對話呢?家長衹能將問題寫在紙上提交,結果問非所答,當家長係白痴。
我們已向公司註冊處及在網上搵晒D電話,逐一打去問, 各位同病相憐的家長亦可自行求證,我冇講大話,歡迎挑戰!趁D細路就放假,我會繼續搵料貼市跟進!
參考資料來源:- 首次標書內容及學校網上提供的6月18日晚會的PDF檔作參考:-
1. 薛鳳鳴校長說:投標書指出的苛刻條文是為學生, 閣下轉移視線只說其他的條文,為什麼閣下不註明全文共9頁,在第6頁投標附表中,第3、11點及頁底投標者簽署線上的數行條文,不厭其煩提醒出標者要賠償;太好笑隙,學校有特權隨時終止合約,供應商仲要賠差價比校方,但問題是家長直接付$比服務供應商使用服務,但賠償就賠比校方,賠差價?賠幾多$,賠幾耐都無列明,如果有得賠,家長又唔知,學校發咗達都冇人知？
招標書係校網主頁~最新消息~過往消息~3/5/2012校巴服務招標
招標書︰
http://www.bstwlmc.edu.hk/upload/files/news/2012_05/LMC019-2011-SCHOOLBUS.pdf
2. 公司註冊處資料顯示，學校新簽約的校巴公司,「互力有限公司」,是在2012年5月31日才成立,3名股東,註冊地址是一間的士的車行:-
陳民強(香港的士聯交所負責人同名,簡稱的士車主) 持股份4999
羅杰章 持股份3000
曾國強 持股份2000
3. 薛鳳鳴校長說: 「互力有限公司」從三間公司組成,裕運….佳豐….萬達…, 當我地打電話去萬達公司查證,原來裕運即是萬達公司,糸同一間公司,找他們的行政總裁,他們說沒有此職位人士,公司只有老板或員工,冇行政總裁職位,我再說找網上列出的聯絡人曾先生,該位小姐說他已在本年約5月離職,至於佳豐所謂服務學校,有的學校原來已經是停辦了的,尚存的均回應,唔識佳豐運輸,學校現時是用褓姆車接載學生,褓姆車的聯絡電話就有,但佢哋公司名就唔清楚,只知他們的車是一架車接幾間學校學生的細車.唔怪得可以做咁多學校啦; 薛校長請問妳知唔知?又有冇查過;
4. 打電話去運輸署2804 2573查詢,課後興趣班收費詳情,運輸署職員回覆,除常規每月定額車費外,學生服務是不可在登車地點或車輛上再收取任何額外每程計算的車費,因為用校車接載學生的額另外收$服務,是屬於非法接載,如行車時發生意外,保險公司有權拒絶受理.校長到時妳賠定互力賠?
5. 薛鳳鳴校長說6月10日星期日和 「互力有限公司」簽約,請問妳有查證「互力有限公司」文件嗎？閣下有為我們的子女乘坐校巴的安全想一下嗎?校長有包庇「互力有限公司」嗎?妳有關注家長的經濟能力嗎？「互力有限公司」派給我們的通告聯絡電話是26476242,這個號碼是浸信會沙田圍呂明才小學校務處電話?聯絡人王若香女士是校務處書記?校長你是否和家長開玩笑？連學校電話及人力資源都貼埋比人哋做生意?聯絡資料都出唔起,咁叫做生意?
6. R準時到站接送學生 (未做就吹,D到站時間!路政署日日封路比佢行!當我哋傻?)
R安全駕駛，安心保障，經驗司機，細心褓姆 (車又唔夠?聯絡人同電話都要黐學校就已經有問題?經驗司機,細心褓姆,你哋而家响邊!尋人呀!)
R價錢優惠，服務優質 (一車兩線,補課車每位收$15,果然優惠優質)
吹牛吹得太大隙,服務承諾!所有嘢都糸搵$大計,水洗都唔清!沙呂小的家長唔傻既,難為d打手仲埋沒良知話一個電話就引發出陰謀論?你話唔糸陰謀就唔糸,凡事睇証據!我沒資格投訴,是求真!
作者: ibryant 時間: 12-6-26 13:30
看了後，事態發展太令人感到害怕，是否可以去信到教育暑和校監，要他們作出調查？
作者: miutang 時間: 12-6-26 15:07 標題: 回覆：哪爸媽 的帖子
Why u said u cannot complain?
I don't why the school will select a company which is registered in late May only?! It means they hv no experience before?
作者: Flower 時間: 12-6-26 16:55 標題: 回覆：miutang 的帖子
校長話喎，果間公司話全新的乾乾浄凈，係生意手法。
新公司咪check唔到之前的債務或任何事。校長當我地一般師奶
作者: Flower 時間: 12-6-26 17:08 標題: 引用：校長閣下上任快一年,响6月18日晚，薛校長就
原帖由 哪爸媽 於 12-06-26 發表
校長閣下上任快一年,响6月18日晚，薛校長就校車服務及樂器班家長晚會中,就依然不接受家長舉手提問,是否我們 ...
作者: ibryant 時間: 12-6-26 18:13
Flower 發表於 12-6-26 17:08 
嘩，你唔講真唔知真相，那我們應該怎樣做好呢？
自組校車，理論上係可行，但實際上，就係同學校抗行，會唔會點人頭揪後算帳，誰知道？但受害的又係小朋友，真係好煩呀！慘過做人阿四！橫諗掂諗都好麻煩 
作者: ElizaChicken 時間: 12-6-26 19:24
是否可以向浸信會聯會或校董會反映, 現今家長及學生面對的困難同問題。
作者: bbbb_8832 時間: 12-6-26 19:28
逆來順受?為他人之恥而眾受罪?
ibryant 說得對自組校車揪後算帳.
聽聞新城得罪武則天而得此下場,連累一眾小孩.
可以點做?看來要上生果日報了!
作者: KKB009 時間: 12-6-26 20:06
好詳細同有條理的分析，真係成件事都好多疑點，攞去生果日報一定受理。
作者: mamamia1972 時間: 12-6-26 20:26
回復 ElizaChicken 的帖子
我都贊成, 就如家長會當晚, 有一位溫文的男家長, 問為何第一次招標後, 校長不嘗試藉浸聯會和校巴公司反映?
一呂沒有苛刻條件而順利過渡簽約, 我們沙呂開學就駡校巴姨姨, 校長仲話要好好教育她們?????
究境我們的校長是否真的屬浸聯會呢? 都沒有為我們的孩子著想???
作者: 哪爸媽 時間: 12-6-26 20:56
我們不是沒有嚐試投訴,而糸投訴無門,有人會幫我哋咩?果班糸賊!又見招拆招,連眼淚都標埋,仲話自己無奈接受新公司,大話連篇.
教育局!法團校董會!嘥氣啦!!佢哋有感同身受過咩!佢需要搭校車咩!黑箱作業,打電話問校車,學校就先問你攞資料.
而家佢哋都監視緊我哋既言論,大家要保護自己,小心秋後算賬.
9月開學糸點?冇人知!我是有想過自組校車;但就嚟又放暑假,所以我想問有冇人肯聯絡d新城褓姆會唔會肯幫手同我哋粗略記吓d想搭校車的同學,我哋口頭用自己既式方式報名,唔好寫任何紙留証據,萬一有變數,作為第二手準備都得掛,佢哋糸比人趕走既,同學校關糸一定唔方好,冇証冇據响手,應該信得過,萬一互力...!舉手之勞,希望佢哋肯幫吓手,唔知得唔得呢?佢哋有學生資料,用口頭打個招呼之嘛,好過遇到打手!!,(記得問褓姆攞定聯絡電話,叫佢哋有消息通知)
作者: 哪爸媽 時間: 12-6-26 21:15
校長是從將軍澳宣基來的,應該就是屬宣道會;據我所知,冇聽過佢响浸信會的敍會亮相!
作者: ElizaChicken 時間: 12-6-26 21:21
是否可向新城方面取資料,在那種情形下可再接沙呂學生,而那些條款是否學生及家長可接受,取資料後方同校董及浸聯會聯絡,而在各方對比下,那間校巴公司對學生最有得着最安全
作者: ElizaChicken 時間: 12-6-26 21:28
現皆段就算自組車隊,你們還是會擔心孩子在校內給針對,因不坐校巴亦會看似同學校抗衡
作者: 哪爸媽 時間: 12-6-26 21:50
總之件事要有轉機,就要換過第二個有浸聯會屬會背景的校長先有運行!其實我响好早之前都有打去新城問過,想租車由馬鞍山返沙呂,但糸佢哋回覆我話,不是不想做,佢哋話D司機褓姆都話會好掛住D沙呂小同學,但佢哋唔可以咁做,佢哋有足夠既車,不過好為難,大家都會好尷尬,可能也是不想與學校對抗,唉!!鬼叫依家改朝換代咩!
作者: Flower 時間: 12-6-26 23:15
其實他們有沒有利益利衝突? 為什麼一間新公司肯花咁多錢冒險買旅遊車又買牌照, 據知一個牌要好多錢, 而他們沒有經驗, 知道一定可以穩賺嗎? 要在沙呂賺幾多年才夠回本? 死啦, 仲有排捱, 校長口口聲聲為學生好, 佢應想盡辦法舒緩我們的苦腦, 而不是增加學生及家長的麻煩
依家好煩腦, 究竟我應點做好, 我一定會擺搭新校巴, 另一方面要教孩子搭巴士放學, 又怕打風落雨, 好矛盾
作者: 哪爸媽 時間: 12-6-26 23:57
佢哋本來計劃搶劫D供應商,但竟然冇人中計(包括做開果間),點知失策,跟住唯有轉勢,搵D來歷不明既公司,頂住門面,等待神跡出現,聯絡人都由學校出,人都冇,仲有點解6月18的晚會,佢唔乘勢擺幾架車响學校門口及帶個新校車公司負責人嚟幫手解話,所以間公司話有車,我暫時都唔信!!連犯法接載服務法例[都唔知,仲話有經驗,計劃每位每程收$15.-,每車夠數30人才開車,至少收到$450.-才開車,學校個PDF檔裏面仲提及,叫我哋要尊重商業決定,接受現實,假像會形成混亂,開學時有可能車輛不足喎! 
作者: mamamia1972 時間: 12-6-27 09:53
好得人驚, 唔怪得除了樂團之外, 有很多興趣班都已頭換面喇!!
小朋友無端端話很多小學都冇校巴搭喇, 好像講95%以上??洗腦??
真倒霉, 我問的媬姆車, 雙倍都唔做, 因為沙呂自己有校巴, 而且時間剛係接送幼稚園學生!
作者: KKB009 時間: 12-6-27 10:10
本帖最後由 KKB009 於 12-6-27 12:10 編輯
已交錢自租校車, 聽講話學校收到媬姆車名單後, 會配合安排小朋友上媬姆車, 應不會秋後算帳吧.
樂團都一樣轉了, 唔再係大都會負責.
作者: learnmore 時間: 12-6-27 11:26
提示: 作者被禁止或刪除 內容自動屏蔽
作者: 理旺陽 時間: 12-6-27 12:54
本帖最後由 理旺陽 於 12-6-27 12:54 編輯
回復 哪爸媽 的帖子
我個女好彩畢業啦,過去1年佢返學好吾開心,今朝同班的士炒家K下計收下風,原來互力有限公名下真係一架校巴都未有,校長話10/6/2012與營辦商簽約,營辦商出示正式文件，包括雙方買賣車輛文件,校長被騙定知情？家長應否報警？
作者: ibryant 時間: 12-6-27 14:06
理旺陽 發表於 12-6-27 12:54
回復 哪爸媽 的帖子
我個女好彩畢業啦,過去1年佢返學好吾開心,今朝同班的士炒家K下計收下風,原來互力有限 ...
作者: 哪爸媽 時間: 12-6-27 14:48
本帖最後由 哪爸媽 於 12-6-27 14:50 編輯
互力有冇車我就未揸倒，因為車是資產類，3個股東，而冢講緊唔咪千幾蚊，糸最少千幾萬，既然互力是新公司，又有後台照，互力你要同校長撐到底，不過，咁。就當有啦！因為佢到時可以話互力仲有第四，第五間公司持有好多架車，昨日我個細路又比佢洗腦，校長活有十三架車，叫媽咪放心報名！為人師表，繼續大話連篇，執迷不悔，時間會審判佢！
作者: ibryant 時間: 12-6-27 15:02
哪爸媽 發表於 12-6-27 14:48
互力有冇車我就未揸倒，因為車是資產類，3個股東，而冢講緊唔咪千幾蚊，糸最少千幾萬，既然互力是新公司， ...
其實邊間都無咩所謂，只係時間同埋興趣班的問題令到大家都好頭痕，希望回頭是岸啦
作者: 理旺陽 時間: 12-6-27 23:41
回復 哪爸媽 的帖子
家長有無覺得今年家教會個吳師奶好不民主,都係上一屆個主席陳生有文化,會幫家長講下野,去年家教會旅行陳主席好有風度,點解今屆又唔出選？
作者: 哪爸媽 時間: 12-6-28 00:04
本帖最後由 哪爸媽 於 12-6-28 00:17 編輯
大家有冇發覺,好奇怪!我搬咗 d 証據出嚟後,d打手唔陏我喎!!冇人駁斥我,好唔慣!
糸咪拮中要害呀!痛唔痛呢?左右護法仲唔護駕,
我今日又打咗去果間唯一回覆唔投標既供應商奔騰旅運有限公司,原來佢哋比九巴收購咗幾年!!仲已經唔接校巴服務,多謝晒喎!!原來糸合埋眼就一相情願比標書人哋,真糸浪費標書嘞;
跟住我試吓聯絡互力個大估東陳民強!!本來會打算問吓佢,三個裏面你最大,最有資格講嘢!你哋9月份準備咗幾多架車同沙呂小玩呀,而家d車泊响邊?不過我打去果間車行,佢哋話唔方便比佢既聯絡電話我,所以就唯有止步.
有個稅局 friend 話比我知,叫我咪玩的士車主,佢哋怕比人知佢哋既財源,要生活低調,稅局會留意呢班人,分分鐘玩大咗,會追查佢 d $ 响邊度嚟,就要同佢秤身家,因為的士買賣差價上落/車租收入,賺既 $ 唔咪我哋睇得咁簡單!要開 file 做嘢!你想人哋死呀!
作者: 哪爸媽 時間: 12-6-28 22:41
本帖最後由 哪爸媽 於 12-6-28 22:43 編輯
有個沉重既消息,我哋既互力校車已經四週圍響警號搵救兵.
互力糸冇財力又冇實力,校長你唔好又話你唔知!我收倒消息,有一名自稱投得沙呂小校車的人,
這幾天搵緊幫手,連黃色果 d 坐十幾個人既褓母車都唔放過?
搵車兼搵褓母,點知慘食檸檬,各位已交支票留位既家長,快 d 留意吓張支票過咗數味,希望可以賠雙訂啦!!
大家又估吓 6月30日星期六(可能打風),校車報名處邊位坐陣?校車大計又會唔會胎死腹中?
校長你準備好藉口未,理由要充足,唔好自打嘴巴,你有排頭痕,
比料我既人仲話,新城响呢行糸人都識既!點解你哋校長會迫走人,
仲想有以前返學放學既大場面,此情不再隙,買板唔知訂呀!
迫走人,仲邊有人敢埋嚟沙呂小呢個道理都唔識, d 做車既人最憎 d 自以為是既人,
你一路都搵唔倒車,都糸你自作孽,抵你比人教訓!!接連仲要巧遇老千,你有問題咩校長,反省吓啦!
沙呂因為你比人笑緊亞呀!重要死頂,回頭是岸呀!!
請校長你快 d 自費去訂做定十幾架大型吹氣校巴,夠鐘就叫 d 校工拖出馬路邊 bump 賬佢,
頂得一陣得一陣,唔好訂錯吹氣神九,費事人哋誤以為沙呂小 d 學生放學坐火箭升空,
你仲要搵舊年家教會陳主席幫手,搵 d 汽車行業強人重新設計獨家沙呂小車身花紋,
要死頂就快 d 行動隙,因為做嘢要時間!又或者投降!!我再搵唔倒料就當放過你,不過你咁強,你實有計,
我哋好聲好氣同你講!你耍我哋,仲帶我哋遊花園,反口覆舌,本來件事雞毛蒜皮!
但你處理得太弱,嚟到今日既局面,拖跨晒兼冇灣轉!!! 9月份開學,學校門庭冷落,家長奔波,都糸拜你功德無量所賜!!
作者: minico 時間: 12-6-29 13:00
我問過我細妹老公，佢老公哥哥以前係做校巴同旅遊巴的，我都想叫佢幫幫手，睇下搵唔搵到校車俾我地，但係佢話佢阿哥近年都執左接小學0個d車了（cut左幾十架），因為無肉食，計唔掂條數。佢話而家我地想搵小學校車真係難過登天。
作者: 哪爸媽 時間: 12-6-30 14:16
本帖最後由 哪爸媽 於 12-6-30 14:37 編輯
有個沉重既消息,我哋既互力校巴已經四週圍響警號搵救兵, 互力真糸冇財力又冇實力,首領你唔好又話你唔知!
我收到料,有一名自稱投得沙呂小校車的人,這幾天搵緊幫手,連黃色果 d 坐十幾個人既褓母車都唔放過?搵車兼搵褓母,點知慘食檸檬.
各位已交支票留位既家長,快 d 留意吓張支票過咗數味,今天30/6(星期六)校車報名處,原來都糸校學代辦?校車大計夠竟會點收場呢?
首領你準備好藉口未,記住理由要充足,唔好自打嘴巴,你仲有排頭痕亞.
比料我既人仲話,新城响呢行糸人都識既!點解你哋迫走人?
仲想有以前返學放學既大場面,此情不再隙,買板唔知訂咩!迫走人!仲邊有人敢埋嚟呢個道理都唔識,自以為是既你,一路都搵唔倒車,都糸自作孽,抵你比人教訓!!接連仲要巧遇校車老千黨,你有問題咩領導,反省吓啦!
我哋因為你比人笑緊呀!重要死頂,唔該你快 d 自費去訂做定十零架大型吹氣校巴,夠鐘放學就叫 d 校工拖出馬路邊 bump 脹佢,頂得一日得一日,唔好睇漏眼訂錯吹氣神九,費事人哋誤以為沙呂小升呢!學生放學糸坐火箭返屋企.
你仲要搵前家教會主席幫手,搵 d 車壇巨星重新設計獨家沙呂小車身花紋,要死頂就快 d 行動隙,因為做嘢要時間!又或者投降!!我搵唔倒料爆,就當放過你,不過你咁強,你實有計既!
我哋好聲好氣同你講!你耍我哋,仲帶我哋遊花園,反口覆舌,本來件事雞毛蒜皮!但你處理得太弱雞,嚟到今日既局面,拖跨晒兼冇灣轉!!!
9月份開學,學校門庭冷落,家長奔波,都糸拜你功德無量所賜!!
(我之前po上嚟既原文,比人delete咗,今天重見天日!多謝支持喎!)
作者: ElizaChicken 時間: 12-6-30 14:23
D人以為可以欺瞞他人,不容納他人發表意見,卻容許自己放屁。
作者: 哪爸媽 時間: 12-7-1 10:57
本帖最後由 哪爸媽 於 12-7-2 21:42 編輯
嘩!點解咁奇既!之前果個發表，叻到響6月3O日唔見咗,要我頁嘢失踪1日(咁耐)．
咁唔文明架，糸邊個做既！
好彩有 friend 話比我聽咋，我即時補飛！
你驚校車收生數字唔理想呀！
鬼鼠到Lea埋響間房到收就以為我唔知！我响死之前都會無處不在既!
記住!唔洗仇！你有你做，我D咁既衰人，對你D禮義廉影響唔大。
反正你新收既小一家長仲未開始研究你既人格同醜聞，白紙嚟架咋，放鬆D，慢慢訓練同洗腦，你糸得既！
作者: Flower 時間: 12-7-1 13:02 標題: 引用：+本帖最後由+哪爸媽+於+12-7-1+11:01+編輯+
原帖由 哪爸媽 於 12-07-01 發表
本帖最後由 哪爸媽 於 12-7-1 11:01 編輯
嘩!點解咁奇既!之前果個發表，叻到響6月3O日唔見咗．咁唔文明 ...
作者: ElizaChicken 時間: 12-7-2 20:45
回復 哪爸媽 的帖子
留意一下,洗腦果D不紙2個,還有其他人,小朋友如不應同,就視為異類,又或是給孤立。
作者: 理旺陽 時間: 12-7-4 12:02
回復 ElizaChicken 的帖子
記者招待會,記者可舉手發問,可企起身發問,但由薛校長領導下的沙呂小家長會,家長祇准將問題寫在白紙上交出來比佢,佢手法不民主,霸權主義,薛校長之前任教的將軍澳宣基小學職員說：e家勁開心,校園解禁喎！！！
作者: ElizaChicken 時間: 12-7-4 14:09
回復 理旺陽 的帖子
真犀利！連宣基D人都識！勁！
作者: FiFi618 時間: 12-7-8 14:02 標題: 回覆：校車事件睇真D!!
轉載其他學校的帖子 ：
下年你有校車坐 , 都已經偷笑了 , 我哋學校第一次向13間校巴公司招標 , 無一間入標 , 第二次向18間公司招標 , 只得1間入標 , ( 我哋學校成千幾人架 ) 仲要加價30%及無第二輪校車提供 , 好在小兒自己坐地鐵返學 , 現在好多校巴公司走晒去接遊客呀 ! 好揾好多架 !
真係要用咁多心思，計謀，以身犯儉去搶原來的校巴生意嗎？
明白大家的不滿！知道大家面對的麻煩！希望可早日和平解決問題，小朋友愉快上學！
現今家長要教育好子女已不容易，祝福大家！
作者: 多啦A夢 時間: 12-7-9 17:53 標題: 引用：轉載其他學校的帖子+：
下年你有校車坐+,+
原帖由 FiFi618 於 12-07-08 發表
轉載其他學校的帖子 ：
下年你有校車坐 , 都已經偷笑了 , 我哋學校第一次向13間校巴公司招標 , 無一間入標 ...
作者: jolan 時間: 12-7-9 21:10
多啦A夢 發表於 12-7-9 17:53
請問係邊間學校的帖？香港好多遊客？咁旺？
http://orientaldaily.on.cc/cnt/news/20120709/00176_024.html
作者: mr1963 時間: 12-7-9 22:47 標題: 引用：Quote:原帖由+FiFi618+於+12-07-08+發表轉
原帖由 多啦A夢 於 12-07-09 發表
請問係邊間學校的帖？香港好多遊客？咁旺？
作者: 多啦A夢 時間: 12-7-9 23:15 標題: 引用：Quote:原帖由+多啦A夢+於+12-07-09+發表請
原帖由 mr1963 於 12-07-09 發表
係真ar. 名校到而家都未有校巴
作者: FiFi618 時間: 12-7-9 23:54
我係小學雜談~小學校巴收費 見到的
http://www.edu-kingdom.com/forum ... &extra=page%3D1
其實見到部份家長好唔開心,只係想緩和下氣氛咋.
大家都有小朋友嘅,暑假學o野,運動,去圖書館...帶o黎帶去
重要家中又有大小事務...已經夠忙.
為呢件校車事件花咁多時間唔開心,好唔底啫!
學校, 香港都需要多些正能量!
就好似見到個立法會,有時都會好心痛.
作者: mamamia1972 時間: 12-7-10 14:04
對啊!無論花了多少時間, 她都看不到自己的問題所在，還認為自己是為了學校，為了家長和學生做了持平公正和偉大的決策, 看到沙呂小就如立法會一樣, 都會好心痛!
作者: cklee50 時間: 12-7-11 23:18
路過的校車煩惱者~見新聞都講沙田呂明才小學校車加成40%
有冇人可以比個校車價目參考下~加左幾多錢?
作者: chrislee24 時間: 12-7-12 00:01 標題: 回覆：校車事件睇真D!!
住帝堡城都算近 撘互力要7：30上車 7：45返到學校 8：30上堂 不如學校改返8：00啦 早返早放學 反正 放學仲慘 分兩轉上車 送完第一轉再接第二轉。最早返學既同學就最遲放學 反而 最遲返學（第二轉車）放學就最早 （第一轉車) 即係6：00起身 返到屋企17：00 真係長征
作者: chrislee24 時間: 12-7-12 00:10 標題: 回覆：校車事件睇真D!!
其實用邊間都好 都要設合孩子真正需要 將心比己囉 
作者: KKB009 時間: 12-7-12 09:19
chrislee24 發表於 12-7-12 00:01
住帝堡城都算近 撘互力要7：30上車 7：45返到學校 8：30上堂 不如學校改返8：00啦 早返早放學 反正 放學仲 ...
作者: ibryant 時間: 12-7-12 12:26
KKB009 發表於 12-7-12 09:19
上星期突然收到互力公司新通告, 帝堡城校巴更改為7:50上車, 4:00放學落車, 變回遲返早放, 與舊校巴時間一 ...
作者: 哪爸媽 時間: 12-7-13 00:20
本帖最後由 哪爸媽 於 12-7-13 00:33 編輯
哈!哈!我已有新料!不過我要睇定d先爆得!!
但簡單 d 可以爆少少!!
互力簡直就好惦啦!!就用 5 架車跑盡全沙田既,
但...好明顯收生情況並非理想數字,計落條數唔醒晨!!到時中伏,著草都唔惦!!
總設計師眼見人數不足就馬上攪攪新意思!!
就叫學校班王若香(統稱書記們)話比班仲未報名搭校車既人知,
時間同舊屎一樣不變,睇吓會唔會成為淡市奇葩,救救互力校車,
互力我好驚你哋比人嚇走呀!!你唔好唔理我哋呀!!互力校車我會比心機揍大你架 
!!
嚟緊我會號召 d 家長比飽飯你食!!嚟得我主場跟我搵食,食到你
都得亞!!
如果遲 d 乘車人數你仲唔滿意,我就會推出乘車優惠套餐,
同埋每月搭校車人人記優點計劃,
準時交車費再比張 ice-cream party 飛過你吔雪糕!!
學期尾仲會邀請鄧微先上互力校車比個獎你,(因為我唔會批準姓鄧既入沙呂門口)所以要叫佢响學校以外做,你哋攞個獎返課室威比 d 冇搭校車班友仔睇;
如果你夠膽跟我既提意做,就真糸要寫個服字比你! 
p.s. 上次我串你親愛既互力支票仲未過數,你就即時行動過比我睇,你真糸乖架嘞!!車都未攪就做比我睇 
!
作者: cklee50 時間: 12-7-14 21:12
回復 哪爸媽 的帖子
有校車價目時間可以提供參考嗎?
作者: Flower 時間: 12-7-15 13:09 標題: 引用：+本帖最後由+哪爸媽+於+12-7-13+00:33+編輯
原帖由 哪爸媽 於 12-07-13 發表
本帖最後由 哪爸媽 於 12-7-13 00:33 編輯
哈!哈!我已有新料!不過我要睇定d先爆得!!
作者: Flower 時間: 12-7-16 12:42
昨天睇到校長的家書十二, 內容話:
"該校家長因車費增幅太大而乘搭校車人數驟減，校車公司基於營運成本困難為由，至七月初方臨時決定不續約，學校頓時彷徨無助。感謝天父，沙呂不單最終覓得代辦校車的運輸公司，而且同樣面對乘搭人數驟減的情況下，本校的校巴公司願意調撥他區的校巴(細車) ，盡量幫忙協調，共渡時艱。"
係咪即係又轉左新校巴公司??七月初不續約是不是指互力??
作者: 哪爸媽 時間: 12-7-18 10:22
封家書不知所謂,好既唔講吓,衰既就攞出嚟講,屬會學校比我哋慘,
又唔見你比較吓一城呂明才!石門王錦輝!癈話!
我知到所謂的培道小學(私校),是要交學費的,
學生一定唔集中,學生及班數比我哋少,
而且不嬲都糸用褓姆車為主,攞嚟同我哋比,咪又糸耍我哋,
好明顯互力就糸冇實力,唔通想縮沙??佢依家就講定d離題嘢去分散家長既注意力,
仲叫我哋要珍惜福份同感恩,不過未講都我哋有排折墮之嘛!我哋之有今日都好感恩佢囉!!仲死頂!!唔認衰!!
不過大家有冇覺得封家書d形容詞好豐富,寫得出既都用盡,誓要感動人心,
擺明就當你糸低 B 既!!
埋尾仲加多句願意與你一同感恩的薜校長.....睇完之後,尿震都打埋!!
佢太古惑隙.....,所以我要睇定d先,我遲吓仲有料Po上嚟比大家睇!!
作者: funfun184 時間: 12-7-18 11:02
點解樣樣野都要放上網度批評呢？什麼叫不知所謂呢？你又知吾知新城點解會同一城呂明才續約呢？成日都話睇定D點解要睇定D？我覺得你過份偏激左D喎。
作者: peaceofworld 時間: 12-7-18 11:35
提示: 作者被禁止或刪除 內容自動屏蔽
作者: karen2138 時間: 12-7-18 12:36
回復 哪爸媽 的帖子
你呢個所謂沙呂小ge家長, 你如此ge討厭呢間學校，你不如早D走啦!! 日日得閒無野做就上黎搞事!! 明眼人一睇就知你不懷好意啦!! 如果你真係沙呂ge家長，有乜可能會處處都咁針對住新校長架？人地一封家書又要換黎你呢D咁黑心ge批評，唔知以為新校長同你有十怒九仇呀！你個真正身份真係好有可疑！我話你知，已經好多人知到晒你D衰野ga la!! 呢度唔係你一個人架！等如學校都唔係得你一個！你樣樣都不滿係你一個人ge事！為何一個普通ge小學家長會對校長學校抱咁大怒氣？你一定唔係我地學校ge家長！請你唔好再搞事！不過就算你搞，我地班真正家長一定唔會比你得程！真正沙呂小ge家長係好團結架！你唔好再係度害我地！
請各位或其他未曾在此留言的家長，小心去睇清楚這裡的post!! 請小心某幾個acc的人不懷好意！人地9月的小一新家長在討論開學事而，都會無端端有人會鬧人，又或者乘機挑出一D與人地話題無關的事來起爭議！請大家團結，唔好比人有機可乘！無論是新家長定係舊家長，只要是想子女好的，都會想學校好，都會願意支持學校啦！況且我覺得學校唔會係一個校長可以隻手遮天架！唔好人講就去信，用時間、用你們精明ge眼睛去睇清楚真相！
我一直都係果句，每間學校、校長、老師、每一個人都會有犯錯的時候，都會有不足，都不一定是完美的！因為我地唔係神！大家坐埋同一條船，點會想條船沉？所以有D一心想整沉條船ge人，你們一定要小心！
作者: shatin_yau 時間: 12-7-18 13:41
出黎二口六面講清楚啦......好煩呀
作者: ElizaChicken 時間: 12-7-18 14:36
你是否清楚全部校巴行車線,你是否明白現在校巴給家長帶嚟嘅困擾。你所說只是部份家長,而我所知道的短線早返遲放嘅安排,不需15分鐘車程,卻要7:30上車,放學要4:35才可上車回家。受影響最少的當然是最多學生上車嘅車站。
作者: 哪爸媽 時間: 12-7-18 22:29
哈..!你哋終於出手嗱!你主人尋晚去咗澳洲,冇時間照顧 d畜牲!!(噢!!要講澳大利亞至啱;) 做咩唔見你去送機既peaceofworld??個仔又唔join 團, i pad 班又唔參加!!你唔認同主人台戲呀?
我咩背景?總之我資料齊全,你糸邊個我就估倒啦!!你好驚牙!婚紗事件糸你既代表作, 我肯定冇你咁清楚嘞,比返條拎你
http://the-sun.on.cc/cnt/news/20110612/00407_030.html ,
就交比你攪大佢啦!!反正件事都至今都冇突破!
我而家個標題糸『校車事件睇真D』呀!!
你哋冇料就唔好入嚟玩啦!想大我呀!!講人面,肯定你唔夠我強呀!!
你呢 d 二打六行埋一邊啦!!
喂!!近排咁得閒既,成日四圍行, d 大公司又請你食豉椒炒魷牙?厭唔厭架,唔滯既咩? 淨糸識離題,冇理據的攻擊,同埋响外圍帶人遊花園,嘢又做唔倒!!你讀書讀到幾年班呀?你睇翻我d料,條條都堅架!!請指出邊件糸假既!!
我基唔基督徒關你鬼事咩!!我玩得起冇品,你得唔得丫!!
你哋叫人唔好信我?你都傻既!!人哋有用腦既去思考架,信不信由你!我從來一次都冇叫過人信喎!!冇惱!!
仲戇居到問我糸何方神聖?你拜開神既時候,就占卜吓,睇吓我糸邊個囉.
你記得咪冒基督之名幫我摳魔呀!!肯定唔靈 kan!!
想知我糸邊個?我糸你契哥+契姐呀!!契…!你仲想知 d “mud”,
睇吓我幫唔幫倒你!!轉校車公司糸人都知糸事實架隙,都唔糸咩新聞,你唔駛重覆講比我知喎!你哋想知一城呂明才同新城點解冇事,你咪打去搵佢哋校長,然後直接質問佢糸咪黑箱作業!我代答唔全神呀!!死蠢!!
我爆倒料做倒嘢就叫黑心,我爆唔倒料,成件事有冇人知亞!!如果一早爆晒,咪唔好玩囉!!
比 d 咁優質既嘢比學生,就不如叫善心!!
你又講吓我邊單唔糸真既!!講丫!!講唔講得出??例如呢??
隻手遮天,講大話就要感恩!!皆因校車事件太多破綻,故事鋪排又弱雞。
你驗證吓我 d 料有冇錯!!冇錯你就收聲!!或者爆d堅既嚟睇吓!!
你唔駛忌住我!!你哋吹我唔脹既!!
我做沙呂家長時你都唔知响邊啦!!唔駛你信!!齊心 d 隙?我冇埋你哋堆架!!放心齊心!!
作者: karen2138 時間: 12-7-19 00:04
回復 哪爸媽 的帖子
收聲啦！巔夠未呀！就等你一個喺度巔飽佢！
作者: funfun184 時間: 12-7-19 00:05
畜牲係吾識用手既，係吾底得有人影響學校既！
概然你咁鍾意講咪陪下你囉，我都知我面就吾夠你囉。
不過你講到自己咁冇品就真係好似之前個校長，佢又係叫人吾鍾意就咪讀架。
講開婚紗單野就真係勁樣衰，我個女話勁白痴；大熱天時跳形體舞跳幾次為左人影張婚紗相。
重有而家沙呂小不知幾好呀，起碼吾會有D九吾搭八扮老師既家長，尤其係個個亞叔；日日坐響醫療室。
作者: ElizaChicken 時間: 12-7-19 00:58
我又忍唔住要發表下意見,
第一、我唔知以前個校長會唔會叫人"吾鍾意就咪讀",但就知道d打手會。
第二、點解你覺得家長義工係九吾搭八扮老師?人地唔收錢幫學校做野。冇錯係有d九吾搭八既人,但係時期又好似同之前個校長任期又有d出入...
anyway,我唔鍾意對人,鍾意對事。衣個帖標題係"校車事件睇真D!!",請你睇清楚先好係度嗌。
作者: 理旺陽 時間: 12-7-19 12:03
本帖最後由 理旺陽 於 12-7-19 12:22 編輯
回復 哪爸媽 的帖子
哪爸媽 我都想知你點解有咁多料?真利害.....
作者: 理旺陽 時間: 12-7-19 12:09
回復 ElizaChicken 的帖子
我打份工養5口,下年校巴加價對我百上加斤...一個字(慘)
作者: Flower 時間: 12-7-19 15:21
又唔使咁勞氣，家和萬事興~~~~
應知網絡世界是真是假自己咁大個人自己去衡量，相信的咪繼續追落去，唔相信，咪唔好入黎呢個topic，咁唔使咁唔開心，是真是假，用時間等下咪可以知道真相.law。
BK呢個平台比我地分享開心唔開心的事、感受，希望大家互相尊重，不要再互相指罵，雖然唔係指責我，但我睇到都唔會開心。
以下是我個人意見，不代表所有家長，唔like勿睇勿插~~~
對於哪爸媽的說話，我有些都會有點相信，因為佢未出呢個post時我都聽過一些關於呢件事的消息，所以我都會有時入來八掛下。我想他有付出努力去尋找真相，可能說話有點兒激動 (可能佢第一手唔知真相一路好嬲一路打字，希望佢EQ會進步)
作者: Flower 時間: 12-7-19 15:27 標題: 引用：又唔使咁勞氣，家和萬事興~~~~應知網絡世界
原帖由 Flower 於 12-07-19 發表
又唔使咁勞氣，家和萬事興~~~~
應知網絡世界是真是假自己咁大個人自己去衡量，相信的咪繼續追落去，唔相信 ...
[attach]1738[/attach]
作者: 哪爸媽 時間: 12-7-19 22:51
本帖最後由 哪爸媽 於 12-7-19 23:25 編輯
回復 理旺陽 的帖子
其實唔糸我利害,而糸故事起因太多疑點,d 打手手法又唔惦;一對手幾個 account,
為了校車事件在多次同佢交手的經驗中,對她差劣行為留有深刻印象,
這些都在啟發我反抗並轉化為動力,
所以,呢吓令我啲起心肝,搵齊料去爆佢鑊金既!!
其實 d 料要搵都唔糸好難啫!!多謝支持!!
另外,可能我要盡快打字完成任務,避免我既另一半話我破壞人好事,
所以引致大家誤會我很急燥,我每次都是笑著來爆她的料,閱後的不安,謹此致歉!!
只要你哋輕鬆 d 及慢兩三拍去讀,就冇 mud 特別;
sorry!!
作者: karen2138 時間: 12-7-20 01:07
博士即係博士！
作者: justtalk 時間: 12-7-20 01:53
提示: 作者被禁止或刪除 內容自動屏蔽
作者: ElizaChicken 時間: 12-7-20 02:34
回復 justtalk 的帖子
我認同你嘅講法,雖然我小朋友已畢業,但是還有朋友的子女就讀,新校巴安排已為佢帶來不便,還擔心小朋友因新校巴安排(早返遲放)令小朋友疲憊不堪影響成績。我個小朋友也是坐校車,課外活動後也可坐校車回家確是方便。現在新校巴部份路線可照舊時間上落車,但是還未交代課外活動嘅校車安排。
作者: mamamia1972 時間: 12-7-20 10:41
回復 justtalk 的帖子
又真係喎! 大家想想: 每年校巴的問卷和飯盒供應商問卷係同時派發俾所有學生, 但今年就只有飯盒供應商的問卷而沒有校巴, 係味一早就要飛起佢呢?
作者: 哪爸媽 時間: 12-7-20 11:55
噢！！我邊有博士咁高級亞，要揭真相唔需要糸博士嘅！
只要有小小腦就惦架隙，博唔博士冇咩意思架！
原來你咁憎亞博士嘅咩！糸咪佢知你嘅衰嘢太多呢！
咁牙！佢有冇四圍唱你亞！我知你有癖好，就糸一唔糸就認屎認屁，
再唔糸就響BK開幾個Acc冒其他家長名發言，比人拆穿就龜縮，
你糸邊個唔難估啦！你又咁憎D過去式家長義工，人哋唔講等我講，
仲夠膽死開公數響街買嘢返嚟義賣，全世界都知啦！！
話明糸義工，人哋付出嘅並無利益，受用不受用，見仁見智，
有目共睹，最基本也應該是尊重他／她們，不可置疑，
如果同你一般眼界，日日心口碎大石，然後再話托槮都話得嘅人比！
我唔介意你擦我鞋，頒個爆料博士涵頭比我，響校車事件中睇怕你都是幕後功臣之一囉！
你再惗惗有冇D平日唔多講嘢嘅家長，又知你/同埋你另一半D衰嘢，頒獎禮又冇份去果個咪糸我囉！
作者: karen2138 時間: 12-7-20 12:34
回復 哪爸媽 的帖子
我係karen2138! 我就只得呢一個acc!! 唔該你唔好再係度將我同其他acc拉埋一齊講！只因為有幾個人唔認同你，你就屈人地係同一個人開幾個acc!! 你都得架啦！呢個絕技我諗得你先做到！我唔係精神開裂架！要發表意見洗做咁多野咩？如果我唔係要保護我ge子女！我怕咩開名同你講呀？怕你年紀大呀？我只係一個普通ge small potato家長! 點夠亞博士你咁叻！我係邊個你一定無可能知！因為我就係雲雲長中的其中一個，唔起眼唔埋堆果種呀！就係睇唔過眼D人搞破壞先發言！
你有心要在BK將我地學校唱衰，係你ge目的！其實你而家目的達到啦！BK呢度乜人都睇得，乜人都上得！你不停講要爆料，你咪爆lor!! 你驚乜je? 洗乜週圍試探人地係邊個je?? 呢度咁自由，你咁中意講未自己同自己講飽佢lor!!! 放心喎！實有人跟住黎和應ge!! 聰明果D走晒啦！你放心啦！慢慢爆！
如果校車呢件咁嚴重，你地不如去報警啦！BK幫唔到你架!!
作者: ElizaChicken 時間: 12-7-20 13:41
回復 karen2138 的帖子
第一、你係米得一個acc唔關我事,我地係度討論,一味路認同人屈人嗰個係你。
第二、點解你可以語自己係一個普通家長人地唔得,一定要話人博士?
第三、除左你之外我冇乜見過人係度試探人,同埋講真句,你係邊個關我鬼事,話知你係天王老子,我一樣係代表自己發表意見!!
作者: peaceofworld 時間: 12-7-20 16:03
提示: 作者被禁止或刪除 內容自動屏蔽
作者: 哪爸媽 時間: 12-7-24 00:36
本帖最後由 哪爸媽 於 12-7-24 00:57 編輯
喂!!又夠鐘可以爆D料過你哋知隙!!
資料來源自2012年7月23日星期一的東方日報 F6 版,
啟事欄內的三則離職啟事:-
第一則:- 互力有限公司曾國強於二零一二年七月十八日離職曾君在外一切華洋轇輵與本公司無關。
如有任何商業聯糸請致電92218382或25117663羅杰章先生
第二則:- 友聯投資集團有限公司曾國強於本年七月十八日已離職曾君在外一切華洋轇輵與本公司無關。
任何商業聯糸請致電92218382或25117663羅杰章先生
第三則:- 裕運服務有限公司與萬達公司營業部經理曾國強於二零一二年五月十日已離職曾君在外一切華洋轇輵與本公司無關。
任何商業聯糸請致電24031111顏小姐.
(配對翻校方提供既資料又話糸行政總裁,而家澄清咗糸營業部經理,講大話!)
睇完之後又有冇人話(懷疑)呢段嘢糸我作出嚟既呢?
唔知學校知未呢?總之有 mud 依陏會唔會告到佢甩褲呢?賠死佢哋都好喎!!
今次既玄機,互力洗幾舊水登報紙公開所謂既要員離職,
擺明就糸要同佢劃清界線,避免為此人惹麻煩,同埋要封殺有關人士在行內後路及避免有人四圍招搖撞騙,定或糸...想推翻一 D 嘢呢…!!
此君離職,對我校 9 月份校車營運有冇影響亞?
哈!!哈!!唔知互力既出現會唔會糸海市蜃樓?...短引…短引,定糸想著草呀!!
8月囉喎,仲玩百變,定糸想背叛全心扶植你既主人呀!!(真丟架)
好似家書所言,這是多麼美的一幅圖畫,令人動容!
今云我哋做家長既會唔會大開眼界,過一個不一樣的暑假呢??
如果互力唔撈,咁就要搵另一間加價 80~100%果間校車公司囉!!勁!! 
互力你想走佬,定唔撈!!仲駛唔駛籌備…!點解要夾啱主持出埠,先公佈 D 咁既嘢…,
哼!仲有 D 嘢未交待清楚喎...!!...等亞主持人返嚟先收拾你班死嘢!!想作反丫嗱!! 
作者: Flower 時間: 12-7-24 18:28 標題: 引用：+本帖最後由+哪爸媽+於+12-7-24+00:57+編輯
原帖由 哪爸媽 於 12-07-24 發表
本帖最後由 哪爸媽 於 12-7-24 00:57 編輯
喂!!又夠鐘可以爆D料過你哋知隙!!
作者: 哪爸媽 時間: 12-9-2 18:10
本帖最後由 哪爸媽 於 12-9-2 18:17 編輯
開學嘞!!終於可以話比你哋知…有校車，聽聞系同冠忠巴士集團(港交所上市編號:- 306)買咗幾架大食又等劏既舊巴士，據集團年報話佢哋久唔久都要將D有折舊(內傷)既巴士推出巿場，等有需要既人士吸納，因為棄之可惜既舊車踢出門口，攞翻舊$做營運，再買新車都有化算，總好過咩住個藥煲兼仲駄衰間上市公司個陣勢。
不過，冠忠巴士只賣舊車，唔賣司機制服，如果到時互力D司機肯整套老翻冠忠制服嚟裝假狗開車就Perfect嘞!!到時又可作大9級，四圍同人講我哋搵咗間上巿公司嚟幫手做校車呀!!你睇冠忠架車嚟緊隙，幾架勢!!
前幾日，有個自稱糸以前校車公司既褓母打比家長通知返學時間，當家長聽倒個上車時間就扯火，仲鬧鬼個奶媽:-「咁早!!而家趕住去倒夜香牙!!」嚇到佢未聽晒就cut線。依家連跟車奶媽都齊章，原來搵咗舊屎校車既舊褓姆，點解以前可收現金，而家唔收得呢!!一律支票...，因為好似話幾年有人收完現金車費後穿咗櫃桶底，比佢老細發現咗仲炒埋，自此消失，時至今日有人但求有奶食，所以唔顧得咁多嘞，最多唔比佢掂倒 $，所以件嘢今日可以借屍還魂，咪重見天日囉!!極品!!
仲有，上星期日(8月26日)有個活動，目的地系馬灣挪亞方舟，個活動系教會發板攪既，有教友話，有人見倒學校門口泊咗D新城巴士响度，面都燶埋，仲黑過佢件衫，冇晒心機，個衰樣都幾攪笑，而亞Run超就EQ高嘞，扮傻仔，擔天望地，隨後就焗住上車向馬灣出發…。
唉!!已經四圍見人都唱臭間死嘢點虾我架啦，仲比佢害得好慘添，隻手遮天…藉口用盡，講到口都臭埋兼衰到出面，D人盲定聾架，地球冇晒車咩!!如果比著我哋，兩脅插刀谷行佢，以後打破腳冇車都唔會搵呢間死嘢啦!!有活動就分班攪，減少用車數量，搵互力校車咪夠數囉，或者以後唔外出活動，慳力又慳 $，活咩動，全部早、午及晚留校閱讀，學校裝晒 CCTV，咪話管理不善!!知到邊個再同D魔鬼來往就格殺勿論；
你以為Send個短訊比家長，3:40全部學生離校就得牙!!咪即系游校車河囉，以為冇問題，簡直就系悔辱人類既智慧，你淨系識招呼D有錢人。
哈..哈，真要整番句:「大炮鳴，你正在怎樣去愛??」
作者: learnmore 時間: 12-9-3 09:12
提示: 作者被禁止或刪除 內容自動屏蔽
作者: Flower 時間: 12-9-4 09:55 標題: 引用：唉，我小朋友坐的校車今天遲到了20分鐘，之
原帖由 learnmore 於 12-09-03 發表
唉，我小朋友坐的校車今天遲到了20分鐘，之後還有幾個站，回到校一定遲大到，希望不要當作學生遲到。連家長 ...
作者: JoJo 時間: 12-9-4 21:51
版主按 : 請各位能理性討論, 請勿用挑釁言詞辱罵學校/校長/家長等. 如仍有會員漠視版主勸告, 違規會員會被禁言以作冷靜, 敬請注意!
有關校車問題, 請直接向學校反映, 同時亦提醒各會員文責自負. 謝謝!
作者: 哪爸媽 時間: 12-9-6 22:00
本帖最後由 哪爸媽 於 12-9-6 22:23 編輯
今日9月6日(星期四)，放學時帶住個細路去咗搭的士.
正巧尾隨一架互力校巴 LA 3752(冠忠綠色波浪花紋)，正直駛至麗豪酒店向右轉的燈口位時停低等轉交通燈，佢架車突然溜後(成尺)，當時嚇死我，亞的士司機即時爆粗大鬧前面架車，鬧完一輪之後，佢仲叫我細心睇吓佢條尾泵把，個衰樣身經百戰都似，條泵把有重新噴油既痕跡仲有少少凹凸暗紋，跟著佢尾，淨糸聽倒佢副機件把聲好响，你哋真系好自為知，仲有亞，記得叫你哋學校既學生返放學小心D，行遠D...有著數，响平路有少少暗斜都溜後既車，好明顯就糸主機件冇力啦!仲有亞，呢 D七勞八傷既車，個Break都唔方好架，趁佢個樣仲睇得吓，冠忠梗糸要賣鬼咗佢益吓D街方啦!!
司機跟住仲話約响1973年，有架大嶼山巴士在羗山道墮崖， 凌空飛墮跌落300呎的山坡，釀成17死23傷既新聞，成為當時香港最多人死亡既車禍，呢D就糸成日上落高山既後遺症。(按:- 網上新聞資料顯示正確日期為1973年7月22日)，同埋睇吓佢個牌糸LA字頭，凡冠忠有LA字頭既車都糸响大嶼山(LANTAU)爬山架，吾怪得知啦!!佢哋D大車(4部車都糸LA字頭車牌)而家多數只行平路居多，另外聽聞住响大圍某山上的家長話，佢哋條線糸架細車，唔糸大車，可能佢哋自己知自己事。
網上搵吓 LA 3752 車牌有冇特別新聞，點知响一段 youtube 片內標題是搖擺旅遊巴的片中睇倒 LA 3752 的車輛，行車時車身搖搖擺擺(有D牙煙)；另外2008年1月16日有一部冠忠 LA字頭既車被扣查，因為架車輾斃一名女文員，都唔知糸咪個Break…?睇完都自覺好明智，冇幫襯人哋搭校車，搵完你笨，仲要擔心個細路安全，好驚亞!!
作者: k808964 時間: 12-9-7 00:18
回復 哪爸媽 的帖子
哈呢位家長真係得閒同無聊，本來己經靜咗又無風起浪唉！！！
不如直接啲你想薛校長死定沙呂小死好過啦！
作者: miutang 時間: 12-9-7 11:42 標題: 回覆：校車事件睇真D!!
做人要有口德，造福後代，祝你出入平安。
作者: ting916 時間: 12-9-7 14:04
唔該唔搭校車的家長,不要再挖什麼什麽新聞.大消息.因並不要每個小孩也能被父母天天親自帶上學.你說的一些事,正要天天搭校車的家長們看了會好受嗎?不要再在乘互力校車的孩子們身上洒鹽吧!同一天空下,做父母的都是愛護孩子的.這個版面,真是負面新聞多.那怕日後沙呂小或想了解沙呂小家長要回正版溝通.註.我不要保皇黨
作者: 國務專員 時間: 12-9-7 15:01
管理員不能證明會員敘述的事情之真偽，請有關會員自行向校方反映意見；此外，作為香港市民，如發現有任何交通違例事項，應致電或親身到警署報案室投訴。
現將本主題關閉。
| 歡迎光臨 教育王國 (/) |
Powered by Discuz! X1.5 |