教育王國

標題: 亞仔抱怨: 人地屋企及人地父母都好過你. 你會點? [打印本頁]

作者: Ahling2004 時間: 12-6-26 09:41 標題: 亞仔抱怨: 人地屋企及人地父母都好過你. 你會點?

每當我聽到以上的說話, 我個心都隱隱作痛及無奈.

尋晚個仔(其實內心已積左係度)又抱怨我地 (會時不時係度抱怨及有意無意同我地講): 邊個邊個同學的父母好好架? 佢地屋企又好, 有咩比咩, 父母語氣好似朋友咁, 令人好舒服及開心;  唔似你地咁嚴語氣, 又唔似你地限制上綱時間, 又唔似你地. 我會好快搬出去住, 以後都無咩時間陪你地啦....... 講到好似一點家庭溫暖都無, 快快同我地脫離關係咁.

自問我地屋企比上不足, 比下有餘, 亞仔需要咩,通常都會有(當然唔係即要即比那種).  衣食住行, 零用錢, 樣樣都無令個仔擔優過. 有錯就要教導, 態度,語氣差就要糾正. 點可以任的你想點就點呢. 難道呢些都有錯???

請問我應該用咩反應比個仔知: 我們聽在耳內係好傷心的一件事. 如果換左你們聽到這番出自自已仔的說話, 你地會點?

作者: kilykilyk 時間: 12-6-26 10:45

本帖最後由 kilykilyk 於 12-6-26 10:50 編輯

Ahling2004 發表於 12-6-26 09:41
每當我聽到以上的說話, 我個心都隱隱作痛及無奈.

尋晚個仔(其實內心已積左係度)又抱怨我地 (會時不時係 ...

我覺得現況搞好同小朋友關係最重要,關係不好,你說什麼也沒用,

有錯糾正他是正確,但不能太死板,那除了佢有錯你糾佢外,你有無讚過佢??上次讚他又是何時??

身邊有無小朋友信得過人??找他/她們幫忙同小朋友傾傾吧!

作者: 新年12 時間: 12-6-26 10:47

請問樓住個仔幾歲, 讀幾年班, 如果我個仔甘樣同我講, 我會好冷靜甘望住佢, 跟住答佢 "我會好好檢討下我地既相處態度" 睇下佢有咩反應

作者: Yanamami 時間: 12-6-26 11:05

本帖最後由 Yanamami 於 12-6-26 11:05 編輯

我會話: 我諗大概你極之厭惡我羅你同其他品學兼优既同學比較. 請公平d. 我都唔喜歡你羅我同其他父母比. 每個家庭背景不同, 點比? 只能盡力做到最好吧. 大家三口六面寫低有乜覺得不滿對方既野, 你改時我又改囉. 但合理少少好唔好? 慈母多敗兒, 識唔識解? 唔係你想要風得風, 要雨得雨就好架. 無限上網時間對佢有乜好處? 請到出. 恐怕你同學遲d反而會「怨」父母唔管佢.

作者: peaceandlove 時間: 12-6-26 11:42

本帖最後由 peaceandlove 於 12-6-26 11:45 編輯

如果我囝囝說出以上的話....
我首先會對他願意道出心裡話表示欣賞.....
然後感謝他告訴我他的想法及感受.....

作者: JustAParent 時間: 12-6-26 12:55 標題: 回覆：亞仔抱怨: 人地屋企及人地父母都好過你. 你會點?

愛的相反不是恨，關心的相反亦不是抱怨，愛與關心的相反其實是漠不關心。孩子肯抱怨父母，至少表示他仍在乎你，是求救和期待改變的訊號。父母聽到這種說話，不用急去為自己的付出辯護，看看有什麼實際行動可以令彼此關係變暖。也用不著把自己家庭和人家比較，人家在你面前表現的和實際可能是二樣，關上窗門，人家父母可能比你更厲害。

作者: 142526 時間: 12-6-26 13:56

回復 JustAParent 的帖子

我個仔以前都有講這類說話 , 開頭聽了我有同佢講下,分析下, 現在他沒有再這樣講了 ,其實佢只是說侮氣話,不用太認真.

作者: Ahling2004 時間: 12-6-27 09:22

謝謝各位.

問題係我已前前後後都解釋比佢知好多次, 佢都係時不時會咁 (個仔15歲).

我諗我都要回學校重新再讀過書.

作者: 142526 時間: 12-6-27 14:06

回復 Ahling2004 的帖子

如果係我,我會一笑置之.有時我都會話人地個仔點好,點乖.佢都會回答:係呀 , 甘又點?哈哈!大家彼此彼此.

Ahing 2004不要給你個仔玩到呀.!~!

作者: Ahling2004 時間: 12-6-27 14:44

回復 142526 的帖子

142526 謝謝你的勸告.

我都希望個仔係玩下我或激下我. 如果唔係, 我真係唔識點同佢再解釋了.

作者: maymail 時間: 12-6-28 10:22

唉，其實我的情況同你差唔多！昨晚我被佢激死！下午四點放學返到屋企，即時打機直至我們回家都沒停！吃完晚飯繼續！至九點才開始話要寫作業（因約定每晚九點跳繩減肥），我即時話，點解現在才寫作業啊？可能語氣系重著，但系佢的反應總激動過我！即時將門“澎”的一聲關著！這種情況下你地會點做？

作者: kilykilyk 時間: 12-6-28 10:30

maymail 發表於 12-6-28 10:22
唉，其實我的情況同你差唔多！昨晚我被佢激死！下午四點放學返到屋企，即時打機直至我們回家都沒停！吃完晚 ...

由細至大佢都係咁??定係大個咗先係咁??

作者: maymail 時間: 12-6-28 17:03

大著先係咁！但系又無可能唔被電腦玩玩架，屋企唔得分分鐘出去網吧。

作者: cherrylemon 時間: 12-6-28 20:29 標題: 回覆：亞仔抱怨: 人地屋企及人地父母都好過你. 你會點?

十幾歲是反叛期，要就下佢地，關係變好變壞，可能這是關鍵時刻呢！

作者: Ahling2004 時間: 12-6-29 09:16

係呀, 就係怕佢出去綱吧玩. 就係怕呢個反判期唔管住佢就好易行差踏錯. 但當你緊張時, 佢就更加反.

前日, 我地又為左佢全日上電腦打機的時展開左一場溫和的辦論賽. 亞仔竟然講講下就話知道自已係一個無耐性的人, 如果時時聽到你們係度哦佢, 佢會好易忟憎, 跟住發脾氣,關門. 總要教我應係咩時間出聲, 等佢可以聽入耳及不易發脾氣. 唉, 唔通真係我地呢代唔識同佢溝通? 不如講咩都由你去決定總好啦.

作者: k_0530_a 時間: 12-6-29 11:12 標題: 回覆：Ahling2004 的帖子

阿女初中時都有講過同學自由，同學零用錢多，同學乜，同學麥！
我就回麼，在家用𥚃，按照比例計算，用在她身上已佔最大%.要她明白自己家裡環境，
她已很幸福，比上不足，比下有餘。要學識知足。
我也想用名牌，我也想住豪宅。但能力做吾到，就要量力而為。不能強求。
想要就將來靠自己爭取及擁有。
我還講笑繄話：到我們老了！如果將來我地向你不停要求物質上的供應或無理要求，你會有什麼感覺？

她聽后都吾識答！

我覺得現在中學是相等一個小社會，有部份較有錢家庭，在供應仔女物質是很充裕的，這個現象是避不了的，所以我只能向自己仔女灌輸正面價值觀。

作者: anna59 時間: 12-7-1 17:39

回復 k_0530_a 的帖子

岩,依家個社會出現好多中產家庭,其實佢地都系好努力好辛苦去搵錢,除左為自己,仲有為養父母,養仔女,佢地表面好似好風光,但一家唔知一家事,中產系冇罪假,要教識佢地點去睇人地,比上不足,比下有餘,知足常樂
咁我地依班父母級人仕有好多人都羨慕果d父母唔使靠人比家用自己有錢使唔使問仔女羅錢既家庭羅,有女都會叫佢搵個家庭環境好d既人做男友做老公啦,唉,HK地好現實假

作者: yovin 時間: 12-7-2 01:39

你的兒子是否獨生仔呢?
以前我得一粒仔時 , 一有問題就不斷檢討自己錯在哪裏? 要如何對策和教導? 經常睇書、靜靜四圍問人去吸收經驗ｏ
直至細仔出世 , 我才知一切整定。緣份嘅嘢 , 好 '玄'的ｏ
後教當然有影響 , 但不一定全是父母的錯!
會否你兒的天性就是愛抱怨呢? 從抱怨入手吧！或許嘗試投其所好 .......加油。

作者: kilykilyk 時間: 12-7-3 11:24

本帖最後由 kilykilyk 於 12-7-3 11:26 編輯

小朋友各有性格,有啲就好乖,有啲特難教,但我相信幾難教都好,
只要耐性地用心教他/她們,佢哋一定會有明白的一天,只係日子長短問題,
做人父母就係要無私咁付出比子女,不要計較自己付出幾多心力,
養育子女本來就是艱辛而漫長..找出適當方法溝通方為上策

作者: Amumi 時間: 12-7-3 15:07

本帖最後由 Amumi 於 12-7-4 14:09 編輯

做父母聽到如此, 必定傷心及無奈. 如果係我:
1) 講番自己嘅感受比佢聽.
2) 死頂, 話比佢聽, 佢宜家呢個年紀(青春期/反叛期), 咁唸係好正常, 亞爸,亞媽係唔好架啦!
3) 講比佢聽做父母嘅壓力, 我都想好多好多野, 亞公亞爺唔係大戶人家, 但教得我都唔差. 宜家可以比心機做好D, 盡力而為...愛錫...照顧..., 希望亞仔亞女比daddy,mammy做得更好, 生活再好D.
4) 問佢daddy,mammy重有甚麼問題, daddy,mammy第一次做人daddy,mammy要學, 好似佢做人仔女, 可以一路做一路學.
5) 心裡有D驚, 覺得佢D價值觀有問題, 要耐心教, 慢慢調. 要佢明白幸福唔係必然, 有付出才會真正開心, 等等.
6) 平時, 有機會問下佢有沒有人(daddy,mammy)關心佢? 佢自己幸唔幸福?
加油, 加無限忍耐, 孩子會慢慢的成長.

作者: alice44 時間: 12-7-4 11:14

有次同阿仔傾開計, 阿仔話乜乜同學有幾多幾多零用錢
我: 你唔夠用嗎?
阿仔:唔係.
我 : 個個家庭我收入支出唔同, 可能人地大把錢, 但我在你身上用的錢都唔少, 叫佢自己諗下一個月要用多少車費飯錢補習費佢自己想玩的活動費用轉季又要買衫褲.
阿仔 : 咁又係.
我 : 你想買咩有幾可唔買, 除非勁貴. 遊戲機智能電話你唔出聲我都換比你, 呢D都係錢嚟格!
阿仔:我明晒.

有時真係要同仔女解釋清楚自己點解要咁做, 等佢了解清楚D, 大家誤會就會少D.

作者: aa219104 時間: 12-7-5 18:42

我都試過類似經歷，當時係阿仔(10歲左右)佢話個同學父母
比佢地上網時間多好多，點解我咁少(發緊皮氣咁講)
我跟住同佢講：如果你要同別人父母比較無問題，
但請將大部份野加起來一齊比較(例如零用$，去邊旅行等等)
唔好淨係搵你比別人差果D就比較，比別人好就唔提！
重有就係，你用自已父母同別人比較，咁應該我都可以用別人
仔女同你比較，都係用大陪份野一齊比較，咁比較係公平點，
但別人可能是考第1名，咁你呢？..........
當時佢無再講落去，跟住我再慢慢同佢講道理，
每個家庭環境都唔一樣，唔可以咁比較囉！

作者: CATHERINEAUNTIE 時間: 12-7-8 17:49

提示: 作者被禁止或刪除內容自動屏蔽

作者: alice44 時間: 12-7-9 09:02

CATHERINEAUNTIE 發表於 12-7-8 17:49
回復 alice44 的帖子

青少年反叛期係好煩, 個個都係同我講忍吓佢,但係個仔都唔知佢自己有問題.

你同個仔講 "現在你反叛期我忍你, 但到我更年期, 你要忍下我".

作者: CATHERINEAUNTIE 時間: 12-7-10 23:03

提示: 作者被禁止或刪除內容自動屏蔽

作者: phyvid 時間: 12-7-18 11:32

現今社會, 每個小童都唔多會有深交的朋友, 作為父母, 最好能夠同佢成為朋友, 在旁誘導佢, 成效才會最高!

歡迎光臨教育王國 (/)