教育王國

標題: 集郵興趣 [打印本頁]

作者: Smiile 時間: 12-6-25 10:15 標題: 集郵興趣

呀女最近好中意集郵，之前都有儲郵票習慣，但最近對郵票的國藉、發原地、故事...好有興趣還用本簿做紀錄，有沒有媽咪可以分享下有沒有家中小朋友都鍾意集郵 ?

我姑奶話佢好無聊...但我又唔覺

作者: phi76ers 時間: 12-6-26 16:28

嘩..已經好耐冇聽過集郵啦!!

支持支持！！！！

作者: Smiile 時間: 12-6-26 17:25

回復 phi76ers 的帖子

thank you thank you

作者: cpcog 時間: 12-6-26 21:54

I love collecting stamps from the letters from my penpals too! :) However, my daughter doesn't have big interests in that.

作者: Smiile 時間: 12-6-26 23:34

My girl is crazy on the stamp, she loves to observe the pictures, words such as anniversary stamp, search the year, country and related story of a stamp, I do think it is quite good.

作者: do-re-me 時間: 12-6-27 06:55 標題: 引用：呀女最近好中意集郵，之前都有儲郵票習慣，

原帖由 Smiile 於 12-06-25 發表
呀女最近好中意集郵，之前都有儲郵票習慣，但最近對郵票的國藉、發原地、故事...好有興趣還用本簿做紀錄， ...

原來你女的新興趣係集郵,我女都鍾意架,不過而家得到郵票的來源好少,大部分都係c6買香港果d比佢.最近屋企附近有間文具店執笠,佢用自己錢買左好多外國郵票.我唔知d郵票係真定假的,d郵票已經用過,文具店從信封剪低,賣2蚊一個,佢日日都要我帶佢去果度尋寶.然後返屋企浸,好期待佢快d乾.諗起我細過都係咁,成日好心急睇下nut未.我爺爺以前係行船的,佢留左好多郵票比我,可能我眼中的好多只係蚊比同牛比,但我好珍惜,衣樣係我至今收到的第一份遺產.遺產衣兩個字真係唔知點形容.我只係比我女睇,唔敢比佢keep,怕佢整唔見爺爺留比我唯一的遺產

作者: Smiile 時間: 12-6-27 15:12

回復 do-re-me 的帖子

do-re-me :

其實我個女之前都有 "草"開d特別郵票，我們很多日本寄來的郵票，佢每次都剪低。早兩個星期，佢見到教佢書法個姨姨share本郵票簿比佢睇。果晚佢問我郵票簿是否很難買到 ? 佢唔知好多年前d小朋友係 "興"集郵，以為一定上左年紀先有郵票簿 (古董)

咁我們就第二天和她一起去大眾書局買左本比佢，開心死佢。

我教佢 "浸"d郵票，再用風筒吹乾用厚書壓直。之後佢自己研究怎樣分類分國家，我又搵到好多首日封比佢，佢daddy同事又比左d佢，咁佢好有心機睇，又看國家、city、圖畫、年份及紀念等等...暫時未過3分鐘熱度。

希望會保持下去

btw，今天我同我女講你女都中意集郵，佢好開心，即刻搵左好多spare左ge郵票，佢話要送比佢，我地好多好多日本郵票及首日封，看看幾時得閒，一齊去溜冰順便比佢丫 !

作者: Kanax 時間: 12-6-29 00:47

而家好少聽小朋友集郵，但呢樣真係好好嘅興趣！

作者: edgarho 時間: 12-6-29 12:13

very gd very gd! 你要好好培養你小朋友繼續集郵, 不要放棄!　是對小朋友學習堅持的好開始！

歡迎光臨教育王國 (/)